مرحبا حبوبه ، انا قريت المشكله وقريت كل الردود ،،، وكان من البعض ردود قاسية وكان بعضها فيها حلول
اولا حلفج الي كان غلط ، معناته انج تهتمين له وخوفج من خسرانه خلاج تحلفين بالجذب مع علمج عن عاقبة الحلف الكذب على القرآن ،،، ثاني شي اندفاعج لغيره يمكن شي يكمن بشخصيتج او ممكن يكون حب استطلاع شلون صارت حياته لما تزوج وحده ثانية مقارنة بحياتج الحلوة الكامله وبنفس الوقت ممكن يكون انتقام منه لكنه يه وايد متأخر
عموما انا ممكن اقترح عليج مثل ما قالت ديري انج تسافرين له على طول مهما كانت ظروفج وتتنازلين عن شوي من كرامتج وتحاولين تقنعينه بالعيش معاه لمجرد عدم تشرد اليهال واذا كان حاب ياخذ غيرج مو انتي الي تسمحين له لا تذكرين كلمة واذا تبي تتزوج غيري انا ما عندي مشكله ،،، هالشي لا تذكرينه ابدا فقط ذكري انج ممكن تسوين اي شي يبيه فيج انتي وانه الوحيد الي متحكم بعلاقتج فيه ،،، ولكن بقائج علشان اليهال بس على ذمته حتى لو ما يصير بينكم علاقه زوجية بالمره
والحل الثاني انج تقبلين الطلاق بكل معروفه وبدون ما تتشرطين او تطلبين منه شي وانج توظفين الحين حياتج لعيالج ولتربيتهم فقط ،،،،، واذكرج الي صار صار واحنا بشر غير معصومين عن الغلط وباب التوبه مفتوح ،،،، ومثل ما قالولج بنات المنتدى لجئي لرب العالمين الرحمن الرحيم واتمنى كل امورج تنحل
ولا تضغطين عليه انه يسامحج حطي روحج بوقفه ،،، واحنا ما لنا الا ندعي لج انه يحنن قلبه عليج ويجعل الله سبحانه بينكم المودة والرحمة
