ابي مساعدتكم... انا اتعس امراه بالعالم...

[رهوف]

بنات خفوا شوي اهي قالت غلطانه ( ومن كان منكم بلا خطيئة فليقذفها بالحجارة )

انا اقولج الله يصلح ما بينكم

ثاني شي من تصرفه مبين يبي يعطيج درس ما تنسينه ولا لو يبي يطلقج ما ينطر بالتلفون بيقولها

توبي لربج بالاول توبة نصوحة >>> خير الخطائين التوابين

دزي له ايميل قولي اللي بقلبج واهم نقطه تركزين عليها انج تعترفين بغلطتج وانج ظلمتي نفسج وظلمتيه وراضيه بحكمه وكافي ان ستر عليج ويكفيج فخر انه ابو عيالج

الله يسخركم لبعض ودايما ادعي اللهم اكفني بحلالك عن حرامك

 

[jeeta ..]

بصراحه البنات كلهم كفوا ووفوا ...!!!

قصتج صج كانت صدمه قووويه نصيحه لج لاتفكرين تكلمينه ولا تتواصلين معاه ابد ابتعدي عنه فتره وتفرغي حق ربج وداعئج وتوبتج انا لومنج بصراحه استحي اطل بويه ريلي او اكلمه عقب اللي صار ..!!

خلج بعيده عنه فتره طويله وحاولي تغيرين من نفسج كثر ماتقدرين خلي كل وقتج قرآن ودعاء وصلاة وعيالج وبس يمكن آنا اقول يمكن ومومقتنعه باليمكن ان برجعلج وحتى لو رجعلج مايرد زوجج الاولي أكيد ..

الله يعيينج ويهديييج يااارب ..

 

[@@ Strawberry @@]

مسلسل مصري باااااااااااااااااااااااااااااااااااااااايخ
روحي منتدى ثاني قصي عليهم بهالروااااااااااااااااااااااااااااااااايه شبح ويه

نفس رد اختي جنى الهيلا
ماشاء الله صاحبة الموضوع عندها خيااااااااال واسع تصلح تصير مؤلفة او كاتبه فلام والا اقول لاو الله ماتصلح لان القصه بايخه وتلوع الجبد:rgewrg::rgewrg: وفيها استخفااااااااف بعقول الناس وبنات المنتدى ما ينقص عليهم بهالروايه واي قطيعه :23_asmilies-com:

 

[بشوشه]

من الصدمه قاعده ابجي على حال هالريال الادمي المحترم و الله لو ريلي ما يردني الا المقبرة مو بيت ابوي حرام عليج شنو تبين منا شوفي مكان ثاني انتي شنو ما عندج احساس الوحده ما تبي غير ريال يضفها و انتي تسوين كل هذا انا ما اعلم بالنيات بس اللنوعيه اللي مثلج حتى لو سامحج بتعتبرينه عبيط و بتردين تزلين على كيفج كافي سامحج مرة حرام عليج ريلج واحد من بين رياييل الكويت ما منه ثاني قسما بالله انا اقعد مع بنات الدنيا و الدين كل وحده تشتكي من بلاوي ريلها و صابرين و حافضين نفسهم من المنكر و انتي جذي تسوين تكفين سكري الموضوع هذا مو للمتزوجات المتزوجه تجابل زوجها و بس مو كل من هب و دب
هذا اي حل اللي تبينه انتي خرابة بيوت و الله خرب بيتج انتي
حسبي الله و نعم الوكيل

 

[al3ethri]

وانا مع كلام اختي ملامح قمر الحين العتب طاف وقته والشي صار وانتهى
عليج بالصلاة بالثلث الاخير والدعاء وكثفي هالشي لين وقت الحج
وان شاء الله تكون توبه نصوحه ويرجعلج زوجج وتكونون اسره سعيده بحول الله
وكل طراق بتعلوم لازم تسوينله يادهينه لاتنكتين والله المستعان

 

[بنات حواء2]

اولن انتي ام ترضين عيالج يكبرون و يعرفون تاريخ امهم شنو انتي ما حافظتي على بيتج و لا على ريلج و لا على عيالج و لا على سمعتج
و زين من ريلج و الله عفيه عليه الي سيده بطلقج و الله لو واحد ثاني يفضحج و يعلقج لا انتي مطلقه و لا انتي متزوجه
بصراحه انتي سواد وي

 

[ســــــــــما]

لو انا منج (الله لا يحطني بهالموقف ) جان مالي ويه اترجاه

ولا لي ويه اطل بويها

اخذها من قصيرها واتطلق بهدوووء

بالنسبه لإنج اتوبين فالله غفور رحيم

لكن ريلج بشر عنده كرامه عنده مشاعر واحاسيس حتى لو اعتذرتي شلون لج ويه اجابلينه !!!!



سؤال ..

ليش سويتي جذي ؟؟؟

سؤال ثاني ..

شلون تحلفين على المصحف جذب ؟؟؟
ليش ما قلتي الصج من زمان وفكيتي عمرج ؟؟؟
على الاقل كان ماضي وانتهى وشكل ريلج كان مستعد يسامحج ويفتح معاج صفحه يديده ...

ويوم ان صارحج وانتي حلفتي جذب .. ما انقرصتي ؟؟؟

ليش سويتي جذي ابي افهم ؟؟؟

الشخص الي كنتي تكلمينه قبل الزواج من عقب سنه من علاقتكم عرفتي ان جذاب .. وتزوج .. ومع هذا استمريتي تكلمينه سنتين بالرغم من علمج ان يقص عليج يعني المفروض تكرهينه خلااص .. مو تكلمينه .. لا وهو متزوج بعد .. يعني حتى ما فكرتي بمرته !!!

انا واااااايد مستغربه لان مجرد ما الوحده تعرف ان فلان قاص عليها شي طبيعي تكرهه وتهده بكل سهوله .. وانتي استمريتي تكلمين شخص تدرين ان ما يحبج وفوق هذا متزوج .. !!!

اوكي ..

الله عوضج خير بزوج ذهبه شويا عليه من كلامج عنه وبشهاااااااااااااادتج انتي ...

لييييييييش ؟؟؟ ردييييييييييتي ؟؟؟ تكلميييييييييين الشخص الي مااا يحبج ؟؟؟

شنو المتعه في هالشي ؟؟؟ واضيفين شباب وتكلمينهم ؟؟ شنو انتي مراهقه ادور على حب ؟؟

المراهقه ما نلومه تبي واحد يحبها وتحبه وتعيش معاه قصة حب .. لكن انتي يا الكبيره يالفاهمه .. ياالمتزوجه ..

شنو الدافع ابي افهم ؟؟؟

زوجج يحبج ومسويج يا دهينه لا تنكتين بشهاااااااادتج .. والشخص الي كلمتيه قبل الزواج ماااا يحبج ...

يعني ماكو شي يخليج تسوين جذي ..

وافعالج هذي دليل استهتار بحياتج الزوجيه .. واستهزااااء بزوجج .. واستغفاله .. واستغباءه بعد ..

تبينه ينسى ويسامح ؟؟؟

ليش وين كرامته ؟؟ وين رجولته ؟؟ وين مشاعره وين احساسه ؟؟ تبينه بكل سهوله يقط كل هذا ورا ظهره ويعيش معاج طبيعي وجنه ما صار شي ؟؟؟

اصلا شلون لج ويه اطالعينه لو انا منج بعد ولا اطل بويه واخذ ورقة طلاقي بكل هدوء وانسحب من حياته بكل هدوء احتراما له ...

 

[Miss_Moon]

عقب ما طاح الفاس بالراس ان شاءالله تروحين الحج وتردين وانتي انسانة ثانية .. الله يعينج بصراحة ماودي اقول ليش وليش وليش بس اللي بقولة محد يعرف قيمة الشخص الا اذا فقده

 

[xtina-90]

شوفي هاذي جزاتج من رب العالمين وهاذي نتيجة تغافلج له مل هالست سنين الصراحه انتي تستحقين هالعقاب ولازم اتذوقينه
وانتي ماحسبتي حق عيالج حساب ايام ماكان معيشج ملكه رحتي كلمتي غيره والحين اتقولين عشان عيالي ! وبعدين لو اهو ما مثل انه مرت رفيجج جان ليلحينج على هالخرابيط

انصجج بالتوبه النصووووووح لانه الي مثلج صعب يقدرون النعمه ويتوبون

اصلا لو وحده مكانج جان قالتله انا ماستحقك ولا استاهلك حتى لو تبت طلقني المفروض تحسين بداخلج انه هاذا يبيله وحده احسن منج بوااااايد

بس انشالله الله يغفرلج ذنبج اذا اهو ماغفرلج

ويمكن اذا تبتي جد يردج ماتدرين كل شي جايز بس لاتتاملين وايد

وسوري اذا جرحتج بكلامي

 

[فوفو22]

راعي هالشخصية مارح يطلقج

بس بيعطيج درس للعمر كله

 

[الحــــالمة]

ما ادري شقول السالفة قوية

وتبط الجبد الصراحة

ما اقدر الا ادعيلج بالهداية

والله يغفر لج

الصراحة انتي رفستي النعمة بريولج

ما ادري شنو تفكيرج لما رديت تحاجين شباب

ما دامج متزوجة وريلج قايم فيج

الصراحة لو انا زوجج اطلقج على كثر اللي سويتيه فيه وبأهله

وسالفة الحلف على القرآن يا اختي شسويتي بنفسج

انا لو الياني الموت وقالولي حلفي جذب على القرآن ما احلف

الله يهديج ويسخر لج من يهديك

بس صج اذا

سالفتج صج مو كذب غثيتيني حيل

 

[Miss_Moon]

للحين مو مستوعبه لووول امبيييييييييييييييه في ناس جذي !!!!<<<<<<<<<<<<<<<<<<<<

 

[اسراء205]

اول ماشفت النك نيم كشيت كشه دموع الخطيئه ...يوم قرات عرقت السبب ... اولا طلعي كفارة الحلف وثانياعليك بقراءة سورة البقره واكثري من الاستغفار ... صراحه ماادري شنو اقولج لاني حيل مصدومه وضاق خلقي باليي سويتيه بنفسك ... لاحول ولاقوة الا بالله .

 

[xtina-90]

زوجج شخصيته شمالي

وصاحب هالشخصية يغفر كل شي إلا الخيانه ..

خططي بحياتج لي بعد الطلاق .. وماتدرين .. ممكن تصير معجزة ويغفرلج غدرج له

شنو يعني شخصيته شمالي وايد اسمع هاذا شماليي وجنوبي شنو يعني وضحوو؟؟

 

[The Boutique]

ودي اشلخ ويهج بسجين من كثر ماقهرتيني
بس شقووووووول
يبيله فتره وراح يرد بس انتي تمسكني

 

[ســــــــــما]

يمكن ردي كان قاسي شوي بس ما لقيت غير هالرد

لكن انا ودي انصحج نصيحه

ايمانج بالله سبحانه لاااا يضعف

وخري عن بالج سوالف الانتحار وهالخرابيط وخلي ايمانج بالله سبحانه قوي

اذا خسرتي ريلج ترا ما خسرتي ربج

ما خسرتي الجنه

بعد عندج فرصه كبييييييييييره تكفرين عن سيئاتج

وتعملين حق اخرتج

لا تخلطين بين علاقتج بزوجج وعلاقتج بربج لان هذا ماله علاقه بهذا

الواحد لما يموت يتمنى دقايق يعيشها عشان يستغفر ويسوي اعمال صالحه وانتي تقولين افكر انتحر ؟؟

خلج قويه حبيبتي

 

[OmRashed]

الاستغفار والتوبه النصوحه .. والباجي على رب العالمين

 

[.>حــــــــ(و)ـــراء<.]

واااااااااااااي قلبي يعورني على زوجج

الله يستر عليج

 

[اسراء205]

شنو يعني شخصيته شمالي وايد اسمع هاذا شماليي وجنوبي شنو يعني وضحوو؟؟

ابي اعرف عن الشخصيه الشماليه والجنوبيه ...... وضحولي

 

[sunshine22]

في احد يرفس نعمه مثل هذي وين وحده تلاقيلها واحد يحجزلها شاليهات وبفيلجا بعد ويفاجئها بسياره غاليه ,,,وين؟