ابي مساعدتكم... انا اتعس امراه بالعالم...

[deeery]

دمـــــوع الخطيــئة .. في حركة ممكن ترجعه لج .. بس انتي وشطارتج !!!!​

 

[Q8ia_100%]

deeery
شنو الحركه كلنا ودنا انعرفها مو بس راعية المشكله الصراحه مشكلتها عويصه
ربج يسامح ان شاء الله بس ريلها شينسيه غير فقدان ذاكره تام؟

 

[دموع الخطيئه]

شنو الحركه شنو قولي

deeeery

 

[منانا]

دموع الخطييئة اظن نكج حطييتيه علشان تفضفضين بالي بقلبج وتأكدي ان الله معاج ورب العالمين رحمان رحين وراح يغفرلج انشالله وكفارة اليمين صيام 3 ايام
انا بانصحج جني انصح نفسي شوفي حبيبتي حق رب العالمين اول شي حطيتي ببالج التوبة والصيام وانا انصحج بهالشي وانصح نفسي قبلج
ثاني شي لا تفقدين الامل وما في مشكلة مالها حل انا ضد البنات الي يقولون مشكلتج مالها حل خلي املج بالله كبير ورب العالمين راح يفرجها
انتي لازم قبل كل شي تعرفين شنو مشكلتج انا اعرف بنات نفسج وانا وحده منهم الادمان على اشياء مثل هذه مرض انتي مريضه وغيرج وااايد بنااات ولازم تتخلصين من هالشي وحاولي توصلين حق زوجج الله يرده اقتناعج بانج مريضه وراح تتعالجين ترا وااايد رياييل يغفرون اشياء اكبر من جذي بس انتو ما تدرون البيوت اسرار واذا اهو يبي يطلق جان طلقج بسرعه حتى لو شفوي بالتلفون
كلميه بالعقل قوليله بأي طريقة مسجات ايميلات تلفون اي شي وصليله ان انا كنت مدمنه على هالشي وكنت غافله ومو حاسه ان هالطريج راح يوصلني للي صار قوليله الانسان ما يحس بقيمة الشي الا لما يفقده وانا ما كنت عارفة قدرك حسسيه انج تحبينه وانج تعرفين قيمته انتي يمكن ما جربتي وما تعرفين شلون تحبينه وشلون تبينيله حبج ترا الحب علااااااج لوااايد جروح واهو يحبج وراح يغفرلج اذا كانت ردتج صادقة وحبج ومشاااعرج صادقة فهميه ان انا مابي اردلك علشان خايفه من الطلاق لان الطلاق شي اقدر اتعايش معاه بس الي ما اقدر اعيش معاه خسارتي لك
اسفه اذا طولت عليج وااااايد حجي ودي اقوله بعد بس اخاف ما تقرينه

 

[sarina]

اللة يعينج هذا ألي يقولج . لان واللة واحد مثل زوجج الكل يتمناة بس للأسف خسرتية بشي كبير. أقولج شي تدرين أن واللة أنا زوجي يقولي أن بس أشك فيج مجرد شك أوديج بداهية وأهو واثق فيني ثقة عميا وزوجج المسكين يدري وساكت هذا دليل ان يبيج وشاريج وقال لا يمكن تتعدل بس للأسف طلع العكس .. ألحين لا تلومينة أذا قال ماأبيج لأنة مجروح منج بس أنشاللة مع الأيام اللة راح يحنن قلبة وراح يوله علي عيالة . وكثري من الدعاء والأستغفار ....

 

[lolipops]

ودي استوعب شنو كان يدور في بالج وانتي تسوين كل هذا كله مخج كان وين
لو مقصر معاج جان قلنا يمكن ولو ان مالج عذر حتى لو مقصر معاج لكن ريلج هذي مواصفاته وهذي افعالج سبحانك يارب
سبحانك يارب

الله يهديج يارب ويقبل توبتج ان شاءالله ويستر علينا وعليج

مادري شقولج ريلج حسافه فيج وانانيه منج كل الانانيه انج تطلبين منه مايطلقج لكن اليهال شنو ذنبهم

الله يكتب لج الي فيه الخير لج ولريلج ويصلج امورج يارب

رفعتي ضغطي الصراحه

 

[سيدة الكويت]

صراحه كسرتى كرامته وما قدرتى نعمته وما احترمتى عيالج لو انا مكانه صراحه اطلقج سامحينى بس الى سويتيه اكبر غلط رفستى كل الخير تحت ريلج صج ريلج ملاك وشهم ونادر الصراحه لو غيره جان كفخج وشهر فيج على العموم روحى الحج واستغفرى وادعى ان الله يسهل امورج روحى دروس دينيه لبسى عبايه خل يعرف ريلج انج صج تغيرت شيلى الاب توب غيرى رقمج
ابدى حياة يديده كلها تقرب الى الله

 

[الغاليه نونو]

وجنت علي نفسها براغش ...

الحين كل اللي اقدر اقوله لج طبخن طبختيه يالرفله ابروحج اكليه
ياناكرة الجميل والله ودي ازنطج بس حسافه ماطولج ماكو كلمه بقاموس العرب والعيم توفيج حقج من الزف طبعا بس ماقول الا ريلج بصراحه يستاهل وسام الرجل المثالي بزمن فيه الرياييل قله

الحين ذنوبج اللي سويتيها اسألي الله سبحانه انه يغفرلج ويتوب عليج ويتقبل منج دعائج
وريلج ماينلام يوم فكر يطلقج بس اظن لو بيطلقج جان طلق وخلص من زمان يمكن بيعطيج فرصه عقب ماترجعين من الحج بيشوفج صرتي خوش آدميه وتبتي توبه نصوح ويشوف فيج المره اللي اهو يتمناها وينصلح الحال بينكم
ون طلقج لاندم بينفعج ولا شكاوي ماغير لجوئج لله سبحانه انه يهون عليج مصيبتج ويخلف عليج ابرك منها

تحلفين عالقرآن جذب يالظالمه وتبين الله يوفقج؟؟؟


مادري شقووووووووول لج لاعت جبدي من سالفتج بصراحه شي يصك الراس

 

[ضي]

شي غريب جنه فلم انا مو مستوعبة

 

[ريحانة_14]

زوجج شخصيته شمالي

وصاحب هالشخصية يغفر كل شي إلا الخيانه ..

خططي بحياتج لي بعد الطلاق .. وماتدرين .. ممكن تصير معجزة ويغفرلج غدرج له

 

[الاسطورة]

وجنت علي نفسها براغش ...

الحين كل اللي اقدر اقوله لج طبخن طبختيه يالرفله ابروحج اكليه
ياناكرة الجميل والله ودي ازنطج بس حسافه ماطولج ماكو كلمه بقاموس العرب والعيم توفيج حقج من الزف طبعا بس ماقول الا ريلج بصراحه يستاهل وسام الرجل المثالي بزمن فيه الرياييل قله

الحين ذنوبج اللي سويتيها اسألي الله سبحانه انه يغفرلج ويتوب عليج ويتقبل منج دعائج
وريلج ماينلام يوم فكر يطلقج بس اظن لو بيطلقج جان طلق وخلص من زمان يمكن بيعطيج فرصه عقب ماترجعين من الحج بيشوفج صرتي خوش آدميه وتبتي توبه نصوح ويشوف فيج المره اللي اهو يتمناها وينصلح الحال بينكم
ون طلقج لاندم بينفعج ولا شكاوي ماغير لجوئج لله سبحانه انه يهون عليج مصيبتج ويخلف عليج ابرك منها

تحلفين عالقرآن جذب يالظالمه وتبين الله يوفقج؟؟؟


مادري شقووووووووول لج لاعت جبدي من سالفتج بصراحه شي يصك الراس

اخييييييييييييييييييييييييييييييييييييي
والله بردتي قلبي اشوي
ولا ودي اطب فيها بس ماسكه عمري
اخاف يوقفون عضويتي

 

[شيل ياقلبي وخل]

الله يهديج ويصلح امورج يارب
والله ما ادري من وين ابدي وايد حجي عندي بس الحين ماكو فايده من العتب واللوم
اهو بالنسبه له ابتلاء ونتي بالنسبه لجذنب كبير واثم
ان شاء الله اذا فعلا انتي تبتي توبه نصوحه لله غافر الزلات والذوب ان شاء الله بغفرلج وعليج بسورة البقره لانها شي عظيم بتفريج الهموم والاستغفااااااااااااااااااااااااااااااااااااااار والله يصلح الاامور كلها

 

[سبكهاوا]

شقوووولج والله

تخيلييي واحد اهو بفسه يقص ايده وعقبها يتحسف ويتوووب ويقوووول ياليت اقدر ارد ايدي المقصوصه

الندم الحين مايفيد عقب الي صار
ولا يرد القضاء الا الدعاء
((آمن يجيب المضطر اذا دعاه ويكشف السوء)) قوليه على طول
والله يهدينا ويهديج يارب
وانشالله يرد من السفر راضي عنج

 

[Hello_kitty]

والله حبيبتي اذا تحبينه صج وتبين تكفرين عن ذنبج صج

خليه يشوف حياته مثل ما ضحى بأشياء وايد عشانج تطلقي منه وضحي عشانه

خليه ينسى ولو ان اللي سويتيه ما ينسي!! خليه يشوف حياته بعيد عنج مع زوجه حنونه شريفه مخلصه

تعرف قدره وتحط بعيونها تعوضه عن اللي شافه معاج كافي ست سنين من عمره ضيعها وياج

ارجووووك ابتعدي عنه لأن بيكون انسان تعيس وفاقد رجولته اذا استمر معاج وبتصير حياته معاج عذاب

انتي ارتكبتي جريمه بحقه لا تغتفر..اذا تحبينه صج خليه هذا اللي اقدر اقوله

بسألج سؤال؟؟حتى لو ماكان عندج اي وازع ديني بالذمه وانتي تخونينه ضميرج ما كان يعورج ؟؟

اشلووون هان عليج وقتها تسوين هالسوالف لا والطامه الكبرى مع شباب مو واحد بعد بدون ما تفكرين بريلج بحيه بحنانه

بشهامته ما قلتي بداخلج ولو مره عيب..حرام اللي قاعد اسويه؟؟؟

وبعدين اهو مو قالج خل نتطلق بهدوء بدون ما نقول حق احد السبب عشان ما يهين نفسه اكثر؟؟

ليش ذاكره قصتج بالمنتدى وبتفاصيل دقيقه مو يمكن اي احد من اهلكم اللي راحوا معاكم فيلجا وشافوا الهديه

يعرفون انتي منو؟؟؟

تكفين فكري فيه ولو مره كافــــــــــــــي انانيه !!!!!!!

 

[Rosedale]

سامحيني واعتبريني مثل اختج

ليش سويتي جذي

ليش بعض الحريم مايستاهلون الله يعطيهم ذهبه بس يدوسون عليها

حرام اللي سويتيه فيه

عيل لو تحصلين مثل بعض الرياييل اللي يقومج بطقه ويقعدج بطقه جان شسويتي قولي انتي جان شسويتي أتوقع تروحين تسوين غلط أكبر من هذا صح؟؟؟؟؟؟؟؟

روحي الحج ومو بس تقولين بتغير لااااااااااا غيري من داخلج علشان الله يغفرلج وادعي من رب العالمين الله يرده لج مثل أول
مع ان أشك يرد مثل أول
الله يسامحج على اللي سويتيه يعني عن جد لو عند وحده غيرج جان قامت وقعدت تبوس راسه وريله
لان ناااااااااااااااااادر تحصلين واحد مثله

 

[حـــــلا]

الله يهديكم
استغفر الله العظيم الوحدة تقعد تدعي ربها ليل نهار يرزقها بشوية من اللي عندج وانتي .....
اسمحيلي انتي ما تستاهلين ريال مثل هذا
مع ان الحريم اللي من نوعيتج دايما يطيحون عل احسن الرياييل
اذا طلقج طرشيه بيتنا هههههههههههههههههههه

 

[مطـــيــريهـ فـــوشيـــآ]

وااااااااااااااااااااااي
ممكن تعطيني رقم زوووجج!! والله لووو عندي نص الصفات الي فيه !!!
انتي مااعندج اي عذر..
والله زووجج جنه بس انتي الي ضيعتيه بيدج
وزوجج ذهب بس انتي ماااحسيتي فيه ...
لاتفكرين يردج لانه هالشي مستحيل يصيير انتي الحين اذكري ربج ...
لانه هالشي اهم من كل شي بالدنياا..
ورضا ربج لانه الي صاارلج تنبيه من ربج
والله يهديج ان شاءالله ...

 

[*سكون*]

لا حول ولا قوة إلا بالله .. الله يستر عليج ويغفر لج

انا أفكر بريلج يكفيه ألم الغربه ومشاعره صوب أبوه وفوق هذا مفجوع بالمصيبة اللي اكتشفها .. عسا الله يخفف عنه ويآجره .. الصراحه مصيبتج كبيره ادعي الله يفرجها عليج

 

[deeery]

شوفي حبيبتي .. انتي الحين خلي الندم والحسره .. ماراح يردولج زوجج لو شنو سويتي .. لازم نفكر بطريقه ايجابيه ..لازم الحين تصيرين قوية وتسمعيني للآخر .. اذا انتي صج شاريته وتحبينه وتبينه .. طقي الحديد وهو حــار .. لا تنطرين تخلينه بروحه ضايع بافكاره وحسرته على كل شي سواه لج .. في نقطة مهمه جدا انتي قلتيها ببداية موضوعج .. انتي قلتي انه زوجج اهو اللي كان يكلمج بالمسنجر بشخصيات مختلفه على انهم شباب .. وكان يجاريج ويناقشج ويسحب منج كلام .. ولفترة شهر ..شهر كامل واهو يمثل عليج الدور ومتحمل وساكت .. وهذي فتره مو هينه بانه يسكت عليج .. هذا معناته انه يبيج .. اي يبيج لا تستغربين .. صدقيني لو واحد ثاني جان من اول ما شم ريحة خيانه ..جان لقيتي نفسج بالشارع ..جان لقيتي سيرتج على كل لسان .. بس زوجج في مرونه .. يعني في مجال انه ياخذ ويعطي .. وموضوع مثل موضوعكم المفروض انه ماينتهي بهالطريقه ..ماينتهي بطريقة الايميلات والمسجات ..

الحـــــــــــــــــــــل الوحيـــــــــــــــــــــــــد

بنظري انج تطقين تذكرتج وتطيرين له بالديره اللي اهو فيها .. وتدخلين عليه فجأة ...وتبوسين ايدينه انه يرجعلج ..وتترجينه انه يعطيج فرصه اخيره .. ادري بتقولين راح يرفضني وماراح يسمعني ..وراح تشوفين منه صد قوي ..ورد فعل يضيق الخلق .. بس لاتستسلمين ابدا ..اعتبريها حرب ولازم تربيحينها .. هذي فرصتج الاخيره .. بانج ترجعينه .. صدقيني حركه مثل هذي راح تحسسه بانه شي مهم عندج وانج فعلا قد كلامج اللي قلتيه بانج راح تتغيرين للاحسن ..لاتنطرين لين يرجع الكويت وتحلين المشكلة .. آنا لو مكانج ! والله والله والله .. ما اخليه بروحه الحين ..في حالة ضياع وحسرة .. انتي اذا اعتبرتيها اكبر مشكله بالعالم .. فانتي ماراح ترجعينه ولا راح تحلين المشكلة .. هذا ما يلغي انج خاينه وناكره للجميل .. لكن احنا مو احسن من رب العالمين اللي يسامحنا على كل اخطائنا اذا تبنا توبه نصوحه .. صدقيني اي رجل بالعالم تقدرين تملكينه بالكلام الحلو ..بس الشي يبي وقت .. واللي في مثل حالتج يبيلها وقت اطول عشان ترجع الثقة .. والثقة بينكم راح ترجع بس تبي وقت طووووويل وتبي منج تضحيات اكثر وتبي تجابلينه وتدلعينه وتخدمينه وترضين اهله وتصيرين واصله فيهم .. لازم تخلينه يشوف التغيير فيج بالافعال مو بس بالكلام .. حتى لو شفتي منه معامله قاسيه ودونيه .. يمكن مايرجع بالضبط مثل ما كان .. بس في النهايه راح تملكينه ..

الصراحه بخاطري اساعدج .. واتمنى اكون قويت من عزيمتج .. والاعتذار على الخطا وكثرة الاسف شي حلو .. ​

 

[إكليل الحب]

بسم الله الرحمن الرحيم


يا بنات مهما كانت خطئية الأخت لا تقسون عليها بهل الطريقة ولا تتشمتون واطبون ترى الله يبليكم وعيب هالشي خلي شوي مستواكم احسن

اهي تبي الحل ماتبي العتاب والشماته وغيره .


اختي الكريمه مهما كانت غلطتج كبيره ومهما كان العمله اللي عملتيها فالله موجود الله يسامح اكبر الذنوب والخطايا صدقيني لو دعيتي بقلب

صافي و بثقة كبيره بأن الله يساعدج راح يساعدج .

الحل جدا جدا بسيط وسهل :

شوفي الريال اذا زعل وقالج بطلقج وانتي كل يوم ادقين واطرشيله ايميلات علشان لا يطلقج اهني ماراح يقبل هالشي لو شنو كان

اول شي تسوينه :

لازم تتوقعين ان الطلاق ممكن حدوثه بنسبة 90% لكن 10 % حطي كل حيلج واملج فيها .

اول شي الحين بس تقرين كلامي اذا كنتي منزمان مو مكلمته او مطرشتله مسج بس طرشيله الله كبيرهويسامح وانت قلبك كبير اتمنى انك

تسامحني وانا مقتنعه بكل اللي راح تسويه وعلى راحتك وانا موجوده انتظرك يا تاج راسي .


بعدها تركيه كلش لا ادقين ولا اطرشين ايميلات ريلج محتاج ان تبتعدين عنه فتره طويييييييييييييييييييييييييييييييله تفهمين شنو طويله .

اذا كان بالكويت طرشيله ورده مع عيالج كتبي فيها اعتذار خن نقول بالاسبوع مره سوي امور تحنن قلبه عليج .

الايميل قطعيه مره وحده لا ادشين المسنجر علشان لا يشك فيج

التوبه شي جميل .

توقعي منه القساوه والعتاب لان هالشي طبيعي

اقري كتاب الرجل من المريخ والنساء من الزهره .


روحي استشارات نفسيه تفيدج حق الزواج وهالامور


فلا تهدمين حياتج او تفكرين بالانتحار خلاص اذا ريلج هدج قولي خيره فيما اختاره الله

لان اذا تبتي وماكررتي العمله الله بعوضج وبساعدج صدقيني


وقلوبنا معاج وايدينا بالدعاء ماراح تنساج


الله يوفقج .