ابي مساعدتكم... انا اتعس امراه بالعالم...

[شندوخه]

لاحول ولاقوه الا بالله انتوا كله تتهاوشون وتتناجرون
صج القصه تحر وما انكر اول ماقريت السالفه احتريت وانتفخ قولوني وريال بمواصفات زوجج ماينوجد الحين لاكن قدر الله وماشاء فعل واهم شي انج نادمه وتايبه
والله انا مصدقه ويعلم الله لاتذكرتك ووانا ادعي دعيتلج معاي

 

[إنسانه وأكثر]

الله يعينج ويسخره لج

ويهديج وتصدقي وحاولي قد ماتقدرين تقومين الليل وتتقربين لله حتى لو حجيتي لاتكون اخر الطاعات كملي وابدي من الحين جابلي ربج نهار وليل اخذي اجازه من دوامج واختلي مع نفسج وعييدي حساباتج اذا الله كاتب انه ريلج يكون لج راح يرجعلج بس راح تاخذين وقت وايد على ماترد الثقه لانه 6 سنين من الخيانه والاهانه يبيلها الدبل يمكن عشان يردلج مثل اول او اقل بعد

مادري شقولج بس هذا اللي اقدر اقوله حاليا لانه جد مصدومه من طريقتج ومعاملتج الوحده تبي الريل اللي يستر عليها ومايخليها تحتاج حق احد غيره وهذا اللي كان ريلج مسويه معاج بس للأسف النعمه ورفستيها الله يهديكم لبعض ويهون مصيبتج ويقبل توبتج

تحياتي

 

[شهد سبرنغ]

السوء في نفسج والنفس اماره بالسوء وعليج بجهاد النفس بالتقوى والتقرب الى الله ---مافيه انسان مايخطي وكل وحده مننا لابد مرت بتجربه قاسيه في حياتها والشاطر يتعظ -- انتي يااختي غلطتي غلطه فادحه واخطيتي بحق نفسج وعيالج وزوجج والواضح من كلامج انج تبتي وان شاء الله الله يثبتج ويهديج وبدعيلج وماراح انساج لاني ادري اللي بموقفج اشكثر يحس بالضياع والوحده -- زوجج ذهبه انتي للاسف ماحسيتي بقيمته اللا متاخر وخذتج الثقه بطيبته انه ماراح يشك فيج ومانتبهتي لنقطه مهمه وهي انج اخطيتي اول الزواج وحلفتي جذب والرجال اذا شك اولقى دليل ماينسى ويظل وراج العمر كله يحاول يلقى شى ياكد شكه ------بالبدايه سامحج او خلنقول طوف لج بس الحين تعتقدين يسامح ؟؟ انتي تجاوبين - اذا ممكن انا مع راي البنات اللي قالوا تروحين له بس تحملي مايجيج واعتبري نفسج بمعركه لازم تفوزين فيها مهما صار لانه الحين مافي كرامه فيه اكون اولااكون--- اما اذا تعتقدين تخلينه احسن لما يهدا كيفج رجلج وانتي ابخص----وفيه رياجيل يسامحون بس يبيلهم وقت ومعامله خاصه ---وفيه رياجيل لا مع الوقت يزيد كرهه لج اكثر واكثر --- اقري سورة ياسين باليوم سبع مرات لانه لها فضل بتحقيق المراد--وهذا جزات الحلف بالقران جذب لانه لها عقوبه

 

[كتوه مو شريرة ^^]

دموع انا اتمنى شي واااااااااااااحد بسسسسسسسسسسسسس (((ان فعلا تكون توبتج نصوحه و خالصة لوجه الله تعالى وبسسسسسس))) وتكون نابعه منج كانسانه مسلمة نادمة على الذنب اللي سوته بحق ربها و دينها اولا و بحق نفسها و ريلها و عيالها ثانيا هذا اهممممممممم شي ...

و بقولج اللي اتوقعها راح يصير عقب ما قلتيلي ان تحليلي لشخصياتكم كان 100% صح فراح اقولج شتسوين :-

جابلي ربج و سيادتج و قرآنج ادعي ربج ان يغفرلج معصيتج و يقبل توبتج و يهديج و يبعدج عن عيال و بنات الحرام صلي قيام الليل الله سبحانة يكون اقرب لعباده في هالفترة ابجي ندم و تضرع لله لا تطلبين رجوع زوجج لا لا لا طلبي المغفره و الرحمه انتي اللي تبينه رضى ربج مو رضى زوجج عليج الله سبحانه يحس بعبده اذا كانت توبته نصوحه لوجة او كانت خوف و لجوء بعد مصيبه او مشكله في فرق فخلي في بالج انج متجهه لربج بغرض اتوبه و طلب المغفره اقري القرآن حاولي تختمينه كثر ما تقدرين هذي اللي اوصيج عليه مني لين يرد ريلج بالسلامة انشالله ....

و صدقيني ترى ريلج على الشخصية اللي حللتها بردلج و يبيج و ماراح يتخلى عنج بالمختصر المفيد ومن جذي قتلج ان اهم شي تسوينه تجابلين ربج تطلبين المغفرة و تعلنين التوبه النصوحه وبس ...

شوفي دموع عزيزتي محد راح ينفعج لمن تخسرين نفسج واول شي لازم تسوينه انج تنهين علاقتج بالصحبة الفاسده وانا اقصد صديقاتج اللي غارتهم الدنيا و شهوات الحياة ولتمنى من كل قلبي انج اذا ريلج رد بالسلامة و ضفج انتي و عيالج حوله انج ما تردين حق الذنوب و المعاصي و تحلفين على هالشي حق الله سبحانة ...

ربي يهديج و يغفرلج و ينور بصيرتج ويبعد عنج بنات الحرام اذا فعلا كنتي تايبه توبة نصوحه خالصة لوجه الله تعالى ...​

عين العقل, انتي ومضيعه ربي يجازيكم الف خير

 

[عنزية والهيبه وايليه]

حبيبتي انا غلطتي غلطه كبيرررره بس مافي مشكله بدون حل

حبيبتي انا بقوولج الي ببالي الحين بس الافكار بتكون مو مرتبه لأني صراحه منصدمه منج ... بس انتي الحين عرفتي انج غلطانه وهذا شي زين


حبيبتي انا اقوول احجزيلج تذكره وروحي لزووجج

وصااااريحيه بكل شي

وقوليله انا غلطت بحقق

وقوليله اذا طلقتني والله راح اسوي بعمري شي

حاولي انج تكسرين خاطره عشان يقدر يتقبلج من جديد ويسامحج

انا الحين فبااالي فـــلم .... ودي اقولجياه بس اخاف ماتعجبج الفكره والاااقي هجووم من البناات

انتي اا شابكه الحين ردي علي

 

[عنزية والهيبه وايليه]

اعووووووووووووووووذ بالله


والله اني كنت دااريه انكم بتشنووون هجووم على البنت

استغفرالله بس

اللي عاجبها الموضوع وعندها حل ترد والللي مو عااجبه تقضب الباب

 

[شهد سبرنغ]

عنزيه كل ورايه كيفهم -- والبنت غلطتها كبيره اجرمت بحق زوجها ونفسها وعيالها -- خل تسمع الزين والشين وتحكم رايها

 

[عهووود]

الله يعينج اختي

وماينلام ريلج باللي يسويه فيج وفيه الخير يبي يستر عليج ومايفضحج عند اهلج

انا بنت اصغر منج عمري 19 بس وربي ماااتجرئ اسووي اللي سويتيه فما بالج بوحده متزوجه وريلها ملاك بين ايدينها

ماتشوفينها قووويه ان وحده متزوجه وتقابل من وراى ريلها

اسمحيلي اذ ضاايقتج بكلامي بس اللي سويتيه ماايقهر يذبح والله يصبر ريلج ويكون بعونه

 

[زري منثور]

تبين الجد

انتي كان عندك قطعة ذهب بالبيت ومو عارفه قيمتها عدل

اللي فهمته انا مسافر وانتي تكلمينه تلفون

مواضيع مثل كذا يبيلها مواجهه وجها" لوجه تلفون ماينفع

الله يعينك بصراحه الموقف صعب

بس بعد حاولي لاتستسلمين يمكن يتغير ويرد لك

بس تبغين الجد وماتزعلين

انتي ماتستاهلينه هو تصلح له قطعه ذهب مثله

 

[عاشقه الاسمرانى27]

السلام عليكم
اول شي الله يعينج اختي ع مابتلاج هذا حب الله لج لانه ابتلاج في شي حتى تثبتين ايمانج بالله قوي ولاضعيف

وصدقيني اختي

وانتي لا اول وحده تخون زوجها ولا اخر وحده وياما حريم يخونون ازواجهم ولاحد يدري عنهم وانتي اعترفتي باللي سووتيه والله يغفر لج ع الغلط اللي ارتكبتيه في وقت فراغ الله اعلم فيه وشيطان شاطر دوم يخلي الواحد يفكر في اشياء مايعرف شووو بيكون اخرتها عليه

المهم اختي انتي قلتي انج مقصره في حق زوجج وايد الحين خلج من اللي فات وفتحي صفحه يديده اولا مع ربج وثانيا مع ابو عيالج

اذاا تقدرين واكيد بتقدرين حاولي انج تروحين له وتتسامحين منه وصدقيني اللي قلبه مثل قلب زوجج اكيد مابيخليج وهذاا من كلامج لو انه مثل باقي الرياييل والله يااختي موب يشوفج تخونينه ويسكت لو تتكلمين عن واحد غيره جدامه تشوفين الشرار يطلع من عينه وبيذبحج بس ريلج ونعم فيه ونعم الريال وهذاا المفروض تحطينه في عينج وتغمضين عليه والله لايفرق بينكم
المهم ابغيج تفتحين صفحه يديده بعد ماتعتذرين له وان الله راد ورجعتي له غيري مجرى حياتج حاولي بقدر استطاعتج تتقربين من اهله لانه حبج له يخليج تحبين اهله وصدقيني لو تشوفين انا كيف اسوي بأهل ريلي من اخوانه وحريم اخوانه ماتصدقين كل يومين عندنا عزايم وجلسات لين نص الليل وهذا والله العظيم لو موب غلاته وقدره عندي مارحبت بأهله بس احتراني لهله ولعيالي اخلي اهله اغلا من اهلي اهلي مايزوروني غير بسنه مره ولا مايزوروني بالمره المهم خلج تتغيرين عن اول وصيري مره نعم القول والفعل خلج انتي اللي تسوين له كل شي موب الخدامه يعني تسوين له اكله ولبسه ولاتخلين عليه قاصر وخليه يادهينه لاتنكتين دلعيه بقدر ماتقدرين خلي التغيير في كل شي في حياتج وخليه مايندم انه سامحج ورجع لج ولعيالج

وان شااء الله بدعاء وصبر الله بيرده لج ولعيالج

واتمنى الله يوفقج في حجتج وتحملي يالغاليه ع نفسج وعيالج

وعفكره بعد ماتردين من الحج ديري بالج تراه الشيطان شاطر بيصير يوسوس لج اكثر من اول حتى تروح حجتج ويخترب كل شي وياما ناس حجت وبعد كم سنه كأنهم ماساروا الحج لانه ايمانهم كان ضعيف الله يقوي ايمانج وصبرج

والله يرد لج ابو عيالج سالم غانم وان شااء الله تردون لبعض واحسن من اول وتفتحون صفحه بيضى مافيهم لوم ولاعتاب

واتمنى من الاخوات اللي يقرون قصة اختنا مايطنزون عليها تراه الايام دواره واللي صار فيها ممكن يصير فيكم

الشماته موب زينه يا اخواتي ونحن اخوات في منتدى واحد لو هي ماحبتنا جان ماكتبت مشكلتها تبغي العون ونصيحه منا

الله يهديكم ويصلح بالكم يااارب ..

والله يجمع شملج يا اختي دموع انتي وزوجج والله لايفرقكم ويبعد العين والحسد عنكم ..

صح لسانج حبيبتى:tek:

حرام عليكم ادعوله الله يوفقه ويردلها زوجها نفس الاول ........واللى خياله واسع ومو قادره تستوعب قصته تدعليها وخلاص مو لازم التجريح

الله ائبى اعرف اهى الوحيده بالدنيا اللى صار وياها جذى وايد صار وياهم جذى ويمكن يكونوا بينا فى المنتدى بعد

ارحموا من فى الارض يرحمكم من فى السماء

يارب حنن قلب زوجها عليه ويردله نفس الاول واحسن:tek:​

 

[روح الدنيا]

اختي طمنينا عليج شصااار معاج ....

الصـــــــــــدقه تراها تنفعج ...

الله يكتب لكم اللي فيه الخير ...

 

[FOZQ8]

بعض الردود
مسكينه اللي تستشيركم
يابنات ياقوارير وين رقتح ورحمة قلوبكم !!
اقل شي ادعولها بالهدايه

 

[دنيا رديه]

قلعتج بهالحاااااااال واردى انشالله

عسى الله يرزقه بوحده تعتبر من حووور الجنه .

صج ماتستحيين يعني اللي يشوفج يقول ابد ماسوت شي في غلط ترا الانسان يغلط واللي يقول ماغلط جذااب
ودعااج يرد علييج انشالله يارب

 

[طوق البنفسج]

الموضوع اخذ حقه بالنقاش ..