ابي مساعدتكم... انا اتعس امراه بالعالم...

[sHa6o0ra]

اذا انتي صج معزمه تبينه وشاريته استغفري كل يوم كثر ماتقدرين الف مره الفين عشر الاف ,,

والشي الثاني تصدقي كثر ماتقدرين الصدقه تدفع البلاء

والدعاء يرد القدر ادعي بالثلث الاخير من الليل ,, قوي علاقتج مع ربج شنو بتنتحرين يعني حليتي الموضوع ؟؟ احد يتوب ويتنحر ؟؟

تمي ترجي ريلج ليل نهار انه يسامحج حاولي تسافرينله بينيله بكل الي تقدرين عليه انج بتموتين اذا هدج وان الشيطان قص عليج خلي كل شي وقدمي استقالتج وروحي قعدي عنده لاتخلينه ولايوم راح يلين باذن الله ولاتنسين الدعاء والاستغفار لاتستهينين بالدعاء ترى الله استجاب حق ابليس ليش مايستجيبلج انتي

الله يهديج ان شاء الله ويسخرلج ريلج ويوفق بينكم

 

[منوووووله]

@@

لاحول ولا قوة الا بالله !

شهردوود !! انا مو صاحبة الموضوع ضاق خلقي عيل اهيا اشلون !

شنو قلعتها وشنو ريلها خبل !! حراام والله حراام خافوو ربكم بالبنت الله سبحانه يغفر احنا مانغفر !! الله يهديكم بس اشوي اشوي على البنت !

 

[وردة-الكويت]

اعترفت لمن حسبت ان المره بتعلم ريلها يعني لو ساكته المره ومو مهددتها جان ماعترفت

اسوره اهي قالت خن اسبقها على الاقل اطلع شوي بزينه جدام ريلي؟؟؟؟؟؟ظظظ






المهم العربانه من وين

 

[وردة-الكويت]

المهم القصه هم حلوه انقلوها حق قسم القصص وروايات

هناك مكانه افضل






المهم العربانه من وين

 

[وردة-الكويت]

اسووره اتي قلتي خياليه عن قصتي رديت عليج بعد شقولج اكثر من شذي

 

[اسوووره]

اسووره اتي قلتي خياليه عن قصتي رديت عليج بعد شقولج اكثر من شذي

اقري ردي عدل عزيزتي و راح تعرفين شنو قلت عن قصتج

عزيزتي حسني الظن ترى بني ادم باي لحظه اتييله المنيه و تنقبض روحه و اهو ماخذ ذنب غيره فيندم حين لا ينفع الندم ...

اللهم حسن الخاتمة يارب العالمين ...

 

[esTanosh]

والله حساافه وااحد مثل رييلج ياخذج انتي
ياما نااس مساكيين مسوين رياييلهم يادهيينه لاتنكتيين واهو ولا ع البال
وين تلاقيين وااحد مثل رييلج بهالزمن الاغبر؟؟
حتى يوم شاف رسالتج طول بااله عليج واستنجد بربه رااح يصلي وبعديين تفاهم معاج لو غييره جاان مطلقج من زماان
وكافي يوم ابوه مريض واهو يعابل فييه بنفس الوقت يفكر فييج انتي وبس ويبييج دوم يمه
ياحراااااااااام والله صج مو مستوعبه كلامج انتي انساانه بلا انسانيه اسمحيلي بقول الي بقلبي كلهه وماراح يهمني ردج لو شنو مارديتي علي
شووفي رييلج يووم ساافر يفكر فيج وانتي رحتي حق طريج الخطأ مواعد وكلام فااضي شخليتي حق البنات عيل؟
مشالله وتقولين ريلي جميل فعلا هذا ملاك سبحان الله كامل والكاامل الله والله يحفظه حق اهله وانشالله يزااه للينه يااارب فعلا انا احترم ريلج انساان راااااااقي وعقله كبير وفااهم

مانصحج انج ترديين حق ريلج لانج للاسف ماتستاهليينه خلي رييلج يبني حيااته مع بنت ثانيه تقدره اكثر منج
ياليت تروحيين الحج وتوبيين وترديين تربيين عيالج وبـــــــــــــس خليهم يطلعون مثل ابوهم مو مثلج لانهم لو طلعو مثلج فانتي فعلا ماعرفتي تربين

 

[مطيرية قمر]

مادري شقول لج
جرح كرامة الرجل صعب يندمل
واحذر الحليم اذا غضب
.
.
.
توبي لربج واطلبي عفوه
أما زوجج انسيه
لأن حتى لو عاش معاج ماراح يكون
الأولي

 

[دنيا جديده]

استغفرالله لا تحلفين جذب انتي حلفتي على المصحف وانتي جذابه



بعدبن تعالي شنو ماركه عربانه ولدج

؟؟؟؟؟؟؟:gathering:

عمري بحياااتي ماشفت انسانه بدون احساس مثلج استغفرالله

 

[دنيا جديده]

المهم القصه هم حلوه انقلوها حق قسم القصص وروايات

هناك مكانه افضل






المهم العربانه من وين

سبحان الله لهدرجه واثقه انه مايصيرلج مثل ماصارلهاا؟؟ ترى عيب عليج هلاسلوب سوى السالفه صج او جذب ماله داعي التجريح تبين تقولين كلمه حلووه ولا سكتي. لو انتي كاتبه مشكله ترضين انه وحده تقولج هالكلام << هههه قصتج خرطي او فلم نقليها احسن لقسم الروايه؟؟ ترضين؟ مااقول الا صج الدنيا مافيها خير

 

[sHa6o0ra]

بنات الي مومصدقين القصه شنو فيها مايتصدق ؟؟ انه ريال زين ولا انها خانته ؟؟ كل شي عادي بالقصه ياما رياييل زينين خانوهم حريمهم
وبعدين اهيا ما زنت عشان ينحرها وشتبونه يسوي واهو بديره واهي بديره ؟؟

ياما سمعنا عن رياييل خانوهم حريمهم وعاشوا مشوا حياتهم عشان عيالهم ولا بس الريال الي لي خان مرته تقولولها صبري والمره تقولولها تطلقي ماتستاهلينه؟

المره تابت وخلصنا والتائب من الذنب كمن لاذنب له


++++++++++++


اختي صاحبة الموضوع انا ماتوقع انه بيطلقج ولا جان طلقج بوقتها واهو منفعل يمكن اهو يبي يحطج على اعصابج عشان يشوف تبتي صج
ولا لا ,, بينيله كثر ماتقدرين اسفج وبينيله انج تبتي وخليه يحس انج تغيرتي وصرتي وحده ثانيه ويمكن هالفتره الي اهو فيها بره علاج رحمه من الله عشان يمديج تعالجين الموضوع قبل لايرد الكويت ومثل ماقتلج الاستغفار باب حق كل هم والله غفور رحيم

عسى الله يرده لج رد جميل ويرفق بينكم

 

[وردة-الكويت]

اسمله علي اخووووووووووون

 

[دنيا جديده]

اسوووره بصراحه يعجبني كلامج ماشاءلله عليج احس عقلج رزيين ربي بعطيج على قد نيتج :sfg:

 

[رنووبه]

والله الطلاق شويه بحقها
تراهي مو صاحيه اكيد فيها بلا
لاحول ولاقوة الابالله
اصلا انا اشك ان القصه من اساسها تأليف بتأليف
مومعقوله رجل بهالصفات يسكت على وحده مثلها

 

[دموع الخطيئه]

اسوووره
sHa6o0ra
منوووووله
esTanosh
مطيرية قمر
دنيا جديده
وغيركم وايد

اشكركم والله قاعده ادعيلكم
والله وقفتكم هذي تسوى الدنيا
واقولكم
الحمد لله على نعمة التوبه



واللي انتقدوني صنفين

الاول: انتقدنتي نقد هادف وما ضيعت وقتها بالكتابه والا وقت العضوات
وبالنقد تبي تبينلي حجم الغلط اللي سويته
وبنهاية النقد نصيحه غاليه علي... ودعوه صادقه اتمنى انها تتحقق بامر رب العالمين
هالصنف اشكره من قلبي وادعيله احبكم وايد
والله يجعله في ميزان حسناتكم


والصنف الثاني: انتقدتني لمجرد الانتقاد والاستشفاء
وكان هدفها الاول والاخير انها تبين شكثر اهيه سطحيه
وشلون تقدر تهيني وتتشمت فيني
وما حصلت لا انا ولا اي عضوه ولا حتى اهيه اي فايده
غير الذنوب اللي اكسبتها بشماتتها فيني
وحق هالصنف اقول
الحمد لله على نعمة الحمد

اللهم اني قد ظلمت نفسي فاغفر لي فانه لا يغفر الذنوب الا انت

انا اكتفيت بالردود اللي والله اثلجت صدري
واتمنى كل من يقرا قصتي يدعيلي
بالمغفره
والتوبه النصوحه
والهدايه
وبالنسبه لزوجي انا اترك رجوعه لي لرب الارباب

واسفه خواتي عالاطاله
احبكم
مع السلامه

 

[هدوء]

الله غفور رحيم .. يقبل التوبة الصادقه اختي

والحمدلله انج عرفتي غلطتج وتبتي .. وان شالله رب العالمين يغفر لج

وان شالله يرجع لج زوجج

 

[عيـuaeـون]

السلام عليكم
اول شي الله يعينج اختي ع مابتلاج هذا حب الله لج لانه ابتلاج في شي حتى تثبتين ايمانج بالله قوي ولاضعيف

وصدقيني اختي

وانتي لا اول وحده تخون زوجها ولا اخر وحده وياما حريم يخونون ازواجهم ولاحد يدري عنهم وانتي اعترفتي باللي سووتيه والله يغفر لج ع الغلط اللي ارتكبتيه في وقت فراغ الله اعلم فيه وشيطان شاطر دوم يخلي الواحد يفكر في اشياء مايعرف شووو بيكون اخرتها عليه

المهم اختي انتي قلتي انج مقصره في حق زوجج وايد الحين خلج من اللي فات وفتحي صفحه يديده اولا مع ربج وثانيا مع ابو عيالج

اذاا تقدرين واكيد بتقدرين حاولي انج تروحين له وتتسامحين منه وصدقيني اللي قلبه مثل قلب زوجج اكيد مابيخليج وهذاا من كلامج لو انه مثل باقي الرياييل والله يااختي موب يشوفج تخونينه ويسكت لو تتكلمين عن واحد غيره جدامه تشوفين الشرار يطلع من عينه وبيذبحج بس ريلج ونعم فيه ونعم الريال وهذاا المفروض تحطينه في عينج وتغمضين عليه والله لايفرق بينكم
المهم ابغيج تفتحين صفحه يديده بعد ماتعتذرين له وان الله راد ورجعتي له غيري مجرى حياتج حاولي بقدر استطاعتج تتقربين من اهله لانه حبج له يخليج تحبين اهله وصدقيني لو تشوفين انا كيف اسوي بأهل ريلي من اخوانه وحريم اخوانه ماتصدقين كل يومين عندنا عزايم وجلسات لين نص الليل وهذا والله العظيم لو موب غلاته وقدره عندي مارحبت بأهله بس احتراني لهله ولعيالي اخلي اهله اغلا من اهلي اهلي مايزوروني غير بسنه مره ولا مايزوروني بالمره المهم خلج تتغيرين عن اول وصيري مره نعم القول والفعل خلج انتي اللي تسوين له كل شي موب الخدامه يعني تسوين له اكله ولبسه ولاتخلين عليه قاصر وخليه يادهينه لاتنكتين دلعيه بقدر ماتقدرين خلي التغيير في كل شي في حياتج وخليه مايندم انه سامحج ورجع لج ولعيالج

وان شااء الله بدعاء وصبر الله بيرده لج ولعيالج

واتمنى الله يوفقج في حجتج وتحملي يالغاليه ع نفسج وعيالج

وعفكره بعد ماتردين من الحج ديري بالج تراه الشيطان شاطر بيصير يوسوس لج اكثر من اول حتى تروح حجتج ويخترب كل شي وياما ناس حجت وبعد كم سنه كأنهم ماساروا الحج لانه ايمانهم كان ضعيف الله يقوي ايمانج وصبرج

والله يرد لج ابو عيالج سالم غانم وان شااء الله تردون لبعض واحسن من اول وتفتحون صفحه بيضى مافيهم لوم ولاعتاب

واتمنى من الاخوات اللي يقرون قصة اختنا مايطنزون عليها تراه الايام دواره واللي صار فيها ممكن يصير فيكم

الشماته موب زينه يا اخواتي ونحن اخوات في منتدى واحد لو هي ماحبتنا جان ماكتبت مشكلتها تبغي العون ونصيحه منا

الله يهديكم ويصلح بالكم يااارب ..

والله يجمع شملج يا اختي دموع انتي وزوجج والله لايفرقكم ويبعد العين والحسد عنكم ..

 

[هدوء]

لا حول ولا قوة الا بالله

ليش هالردود اللي تجرح .. البنت غلطت واعترفت بغلطها وندمت وتابت لربها ..

ما في اي انسان معصوم من الخطأ .. كلنا معرضين نطيح بالخطأ سواء صغير كان او كبير ..

لكن العبرة في اللي يندم ويتوب ويستغفر ربه ..

والمفروض ندعي لها الله يفرج همها مو نتشمت فيها ..

الله يفرج همج اختي ويثبتج على التوبة الصادقة وان شااء لما تروحين الحج ادعي من الرحمن ومثل ما قلت لج الله غفور رحيم بعباده

واللي الله كاتبه راح يصير

 

[دموع الخطيئه]

والله اختي عيون uae
انا قلت بطلع بس والله ردودكم الطيبه
ولما اشوف شكثر انتي قعدتي تتعبين عشان تكتبين هالرد
الطيب الله يجعله في ميزان اعمالج

اشكرج وانشالله راح اعمل بنصيحتج
الله يحفظج

 

[رقي]

القصه مبين انها حقيقه
من احساسها بالكتابه
وانا اقرا ماحسيت بشي يدل علي انها تلفيق
واللي موعاجبتها لاتقراها
ماله داعي رد جارح
البنت اللي فيها مكفيها
ادعو لها بالتوبه الصدوق
وانه الله يعوضها