ابي مساعدتكم... انا اتعس امراه بالعالم...

[ريري1]

والله ياأختي هدمتي بيتك بيدك
أنسى الموضوع لايمكن راح يتسى خيانتك لأ فوق هذا أهو يكلمك بدالهم
ويعني أهو يشوف ويقرى كلامك للشباب وهذي قويه حيل يعني مو أحد قايله.
كرامه الرجااال فوق كل شي.
وأسمحي أقوللك
أنتي شناقصك تخونين زوجك.
والله المفروض تحطين زوجك فوق راسك.
كسر خاطري زوجك
عن جد حرام عليك

 

[دموع الخطيئه]

والله اعتذر لكل من قرا قصتي وضايقته
واشكر كل من واساني وصبرني ونصحني
كلكم على راسي
نصايحكم راح اعمل فيها
الله يحفظكم من كل شر

 

[أسيـل الجـــرح]

مشكوره على صراحتج والي قلتيه بحق زوجج احيانا الزوجه تدور اي غلط على زوجها علشان تطلع اهيا الصح عند الناس وبأخير يتعاطفون معاها .. المهم انتي كان عندج نعمه تحسديين عليها نفس ما قلتي وخلينا صريحين ويين راح تلقين زوج نفس مواصفات زوجج حتى من كلامج ما عليه اي غلط ما شاء الله بقولج شغله لا تزعلين في حريم يحبون الريال الي يخون والي يطقها والي يعذبها اما الي يصونها ويعزها ويرزها ما تحبه مع الاسف لانه طيب ونصيحتي ترا الريال حتى لو بيخليج على ذمته ماراح يحبج لان اكتشف كل شي وخصوصا الخيانه تدرين لو واحد غيره جان افضحج واضربج وطلقج على طول بدون تفاهم ترا صعبه ان المره تخون الريال ويسكت انتي يعني الي سواه ريلي عين الصح حاولي تذكرين الله وايد وتوبين وهذا الي تكلمينه ترا ما راح ينفعج لو فيه خير جان خذاج من الاول واسفه اذا شوي شديت وياج اعتبريني اختج والله يعينكم

 

[دلعووووه]

هلا حبيبتي
وربي كاسره خاطري
حاسه بمعاناتج بس اللي سويتيه شي صعب لأن ريلج نادر وجوده بين الرياييل
وربي صج انا مطلقه وزوجي مو كفو اني ارجع له بس شسوي عشان بنتي وبعدين القعده في بيت الأهل صعبه حيل حيل
لأني متعذبه من اهلي ومشاكلهم خصوصا هاليومين وربي
ماعليج الا انج تصلين وتدعين ربج بكل صلواتج وبقيام الليل وادعي كل جمعه بعد صلاة العصر يعني 4ونص او 5
الدعاء مستجاب وان شاء الله ربي يردج حق ريلج
اذا ربي مقدرلج وكاتبلج انج ترجعين حق زوجج راح ترجعين بإذن الله
وعليج بالاستغفاااااااار وروحي الحج يمكن ان شاء الله بعد ماترجعين تسمعين خبر ان ريلج راح يردج
لاتستغربين كل شي على ربج جايز
وماعليج الا الصبر نفسي :denya:

 

[قمة بس دقمة]

الله يستر عليج ويصبرج ويثبتج .........واعجبتني صراحتج واعترافج بالغلط ومثل ماقالوا البنات عليج بالدعاء والصلاه

 

[عاشقة الرشاقة]

بصراحة انا مصدومة..............عليج بقيام الليل والدعاااااااء وأكثري من الإستغفار والصدقات وعسى الله يفرج لج ويجعل لج من كل ضيق فرج...

 

[دموع الخطيئه]

مشكورين الله يحفظكم
نصايحكم تاج على راسي

 

[أم حيدر]

لاحول ولا قوة الا بالله العلي العظيم الله يكتبلج ويكتبله اللي فيه الخير

انا غلقت وانربط لساني

آسفه

 

[nwayeer]

عليج بسورة البقرة كل يوم ختميها وطلبي من الله يسخره لج وتوبي لربج توبه نصوحه وحاولي لا رجع بسلامه تواجهينه وتكلمينة بروحكم قبل الطلاق

 

[ektifeet]

اللوم الحين ماينفع وماكو اكثر من نفسج لايمتج

بس انتى محظوووظه حتى وانتى خسرااانه

شلووون؟

مجرد الستر نعمه والله نعمه كافى انه ستر عليج عند اهلج والا كان خسرتى اهلج بعد وتبروا منج

لكن هذا اللى صار لج متوقع من اى انسان فى حالت زوجج بس هو سوا شى عظيم كان حليم وحكيم

الله يستر عليه ويجزاه كل خير وين نلقا ريال بهالمواصفات لاالاه الا الله

توبي واستغفرى لذنبج وماتدرين لو بعد سنيييين يكتب لج الله تردين له ومع الدعاااء الخالص والنيه الحسنه الله ابصر واعلم فيج

اما الحين مالج امل يردج جرحه خضر للحين واللى سويتيه خيانه

والله يستر على ولايانا ولايبلانا ويقبل منج رب العالمين

 

[بطوطه خانم]

ليش

ليش


حرام عليج


والله انقهرت عليج وعليه

الشيطان شاطر وقص عليج

بس ريلج ذهبه

الوحده فينا تبي الكلمه الطيبه من ريلها والله قاعدين نسوي المستحيل عشان نرضيهم وانتي كل اللي سواه مو بعينج
شنو استفدتي الحين

مالج الا القرأن واذا رجع تبوسين راسه وتقولين له يسامحج واذا اصر على الطلاق فهذا من حقه اسفه ادري جرحتج بس والله حقه

عسى الله يصلح الحال صج صج صج عورتي قلبي ​

 

[بنت الاحلام]

والله مدري شقول لج طامتج عضمه حيل
بس رجالج ذهبه حرام الي سويته فيه بس هذا احنا يا الحريم
الزين معانا نخونه
والي يزفنا نمشي سيده

 

[منورة الكويتية]

استغفرالله ياربي
بصراحة انتي وصلتي اللمت
الصبر له حدوود وريلج صبر وايد والله يعوضه ويعوضج خير
هذا الي اقدر اقوله

 

[flowers_q8]

حبيبتي استغفري وتوبي الى الله توبه نصوحه وادعي ربج يفرج همج زوجج مجروح ماينلام ربي يعوضه خير
اهم شي التوبه النصوحه توبي الى الله قبل فوات الاوان اكثري من الاستغفار عشان ربي يرحمج برحمته الواسعه
ترى انتي ضيعتي جوهره من ايدج مالج غير الدعاء والتوبه يمكن الايام تداوي الجروح واذا ريلج شافج مع الايام انج صادقه في توبتج وانج تغيرتي يمكن تعود المياه لمجاريها
صراحه عورتي قلبي واللي يشفع لج انج حاسه بالندم
بس موكفايه لازم تثبتين فعلا انج تغيرتي ووكلي امرج لله من كان مع الله كان الله معه

 

[alsooor]

انا اسفه على هالكلمة بس انتي مو كفو و انانية
و ما تستاهلينه والله يوفقه ويستر عليه مثل ما يبي يستر عليج

 

[اكسبلانكا]

لاحول ولا قوه الا بالله العلي العظيم
والله مادري شقولج بس اللي سويتيه مو شويه وحرام انتي جذي ظلمتي نفسج وظلمتي زوجج وظلمتي عيالج بعد لانج راح تفرقينهم عن ابوهم بعد الطلاق الله لايقول اختي انا ماراح ازيد عن كلام خواتي طبقي اللي قالولج حاولي تتقربين حق ربج واذا رجع ريلج تقربي منه بالفعل مو بس بالكلام والوعوود واذا ماكو فايده قوليله حتى لو يطلقج يكون الطلاق بينج وبينه ويخليج ساكنه معاه بنفس البيت بس بغرفه ثانيه عشان عيالج ويمكن الله يهديه لما يشوفج مجابله البيت والعيال وتخففين الطلعات يردج بعدين وحطي الله بين عينج وانشالله بندعيلج ان الله يحنن قلبه عليج وعلى عياله ويشيل فكره الطلاق من راسه

ربي انك تسهل عليها مصيبتها ربي واغفر لها ذنبها واهديها لسراطك المستقيم ربي ثبت لها زوجها واجمع بينهم بالمعروف ولا تشتت ابناءها واجمعهم واياها على الخير ولما ترضاه اللهم امين

 

[Pink Doughnut]

ماراح ألومج ولا أعاتبج اعتقد كافي اللي انتي فيه بس بقول لج جم خطوه اذا انتي صج تحبينه وشاريته لازم تبينين له هالشي وتسوين المستحيل عشان ترجعينه لج ,, المفروض هالشي يطلع منج بس بعطيج جم شي ممكن يساعدج
1. الدعااااااااااااااااء
2. اذا اهوا مع ابوه براا تروحييين له وبأقرب طيارة ولا تقولين عيالي ما عيالي , خليهم عند اي احد وروحي ان شاالله تبجين عند ريله المهم تردين له كرامته اللي حاولتي تنزلينها الارض
3. تظلين عند بابه لين يدخلج داخل
4. باختصار مثل ماذليتي الريال تنذلين انتي عشانه ,, كل دمعه بعينج تنزل وكل كلمة تطيب الخاطر تقولينها , مااتوقع بيرجع نفس قبل بس اسم انج حاولتي

الله يعينج

 

[غربــــة اِحساس]

لساني انربط من قصتج لانها عوار قلب


الله يصلح احوالكم

 

[تغيرت]

سالفتج ماراحت من بالي طول اليوم افكر فيها،،،
حبيبتي اول شي لازم تتبوبين توبه صااادقه لربج مو بس عشان يرجع لج زوجج
وتدعين ربج ليل نهار
واذا لا سمح الله طلقج لا تضايقين
أكيد رب العالمين بيعوضج بالأحسن والخيرة فيما اختاره الله

 

[مشمش أحمر]

حبيت ارجع مره ثانيه وادعيلج يارب انه يفرج كربتج وهمج ونسمع عنج اخبار طيبه