ابي مساعدتكم... انا اتعس امراه بالعالم...

[دموع الخطيئه]

laylaaas
رايج فكرت في وايد
وقلت بقوله جذيه
بس بعدين ترددت
قلت ابي ارده لي بدون لا افتح سيرة الزواج الثاني
ليش افتح باب يديد
بس ادري اني انانيه
شسوي والله اللي يعرفه ما يقدر يخليه
فمابالج انا كنت زوجته
وفرطت فيه للاسف
بس والله احبه

 

[Toffeeya]

الله يهديج خربتي على نفسج و على عيالج .. تدرين ان ريلج مافي منه حراام والله حراام يعني في ناس يتمنون لو يحصلون ريال فيه نص الي بريلج بس انتي رفستي النعمه بريلج !!

يعني ساعات الانسان يسوي اشياء بدون لا يفكر و ساعات يسوي اشياء مايدري ليش سواها بس انتي حالتج غير مالها تفسير صراحه !!

اسفه ماحب اني اجرح بس والله انقهرت !!

الحين لازم اتوبين توبه نصوحه من قلب وتنشغلين بالقران و الدعاء و قيام الليل وانشالله الله يغفرلج
فجي عن زوجج شوي خليه يفكر و يستوعب الي صاير يمكن الله يهديه ويسامحج

والله يعينج

 

[Flower20]

لا حول ولا قوة الا بالله

ادعي ربج وتضرعي بالدعااء واستغفري كل يوم 100 مرة

واقري سورة ياسين مرة باليوم على الاقل بنية انه زوجج يردلج

اهو معاج الحين بالبيت ولا وين؟

 

[برميـت]

بصراحه وبدون زعل هذاا فلم هندي ؟! ماني قادره اصدق واستوعب
واذا كانت هالقصه صحيحه ؟؟

انتي قلتي قصتج وانا ماعرفج انتي طلبتي راينا فوسعي صدرج وتقبلي الكلام اللي بقوله

تستاهلين اكثر من اللي سواه فيج لأن للأسف منتى كفو ! ,, اي مره تخون زوجها حتى لو كان حقير وخاين ومهما كان نوع الخيانه فهي انسانه غير شريفه فما بالج اذا كان الزوج اقرب للملاك مثل زوجج ؟

بس عندي سؤال ؟ زوجج بكل الصفات الروعه اللي فيه شكنتي تدورين بعد باللي عرفتيهم من وراه ؟

زوجج ماخلا عليج ناقص بس النقص فيج انتي للأسف

دايم مانحس بقيمة الشي الا بعد مانفقده .. بس لي فات الفوت ماينفع الصوت
والحين بكلمج بصوب ثاني

انتي يا اختي العزيزه انسانه تحبين هالدنيا حيل ونسيتي انها فانيه ؟ ماتذكرتي ربج يوم حلفتي عالقرآن ؟ ماتذكرتي ربج يوم قطعتي الوصل وحرمتي اهله من جيت بيته وروحتج لهم ؟ ماتذكرتي ربج لما حرمتيه من شوفة عيالها يزيدون ؟ ماتذكرتي ربج يوم خنتي زوجج ؟

انتي حيل انانيه وتحبين نفسج .. نصحيتي لج يا أختي توبي توبه صادقه بالبدايه وتندمي على محبة الخالق اللي نسيتها بعدها تندمي على محبة زوجج .. انتي الحين حسيتي انج تحبينه لأنج حسيتي بكبر المصيبه وحسيتي بالخساره اللي بتخسرينها مع خسارتج لهذا الزوج
زوجج انسان طيب وانتي مافيج طيبه ولا وفاء .. والطيبون للطيبات .. اعتقد ان زوجج انظلم حيييل معاج والحين دوره يعوض على نفسه واحمدي ربج ان الامور وصلت لي اهني

توبي وكثري من الصلاة والاستخاره والدعاء ووكلي ربج الي الله واذا كانت توبتج صادقه ربي راح يعطيج على قد نيتج واذا مارجع شملكم والتم توبي وتوبي وتوبي خسرتي حياتج لا تخسرين اخرتج

وفكرة الانتحار ؟؟ عقب كل هذا ما استفدتي شي؟ الانانيه متملكتج ؟ انتي ام وعندج عيال فكري فيهم والطلاق مو نهاية الدنيا يمكن هذا درس والجاي اعظم

انا اكتب واحس نفسي اكتب كلمات متقاطعه لأني بجد مصدومه ومشمئزه ! بس اتمنى تكون رسالتي وصلت لج والله يسهل امرج وتكون توبتج صادقه

 

[Flower20]

نسيت قول

خل يتزوج عليج بس لا يطلقج

صدقيني العيشة مع ريال مثل هذا يخاف ربه فيج حتى لو كان متزوج احسن من انج تعيشين مطلقة

والله يهون عليكم

 

[sara bent elkuwait]

شايفة القصة هذى بفيلم ابيض واسود بس ناسية اسمة 0والبطل اخر شى يمووووت صح

 

[روح البنفسج]

الصراحة ماني عارفة ارد شي يحروالله ماني عارفه ارد

 

[Miss_Moon]

الله يسخركم لبعض وان شاءالله تتغيرين 180 درجة مدامج انقرصتي الله يفرج همج يارب

 

[أعرف قدر نفسي]

الله يعينك شنو هالابتلاء العظيم

؟؟؟؟

زوجك من داخل انسان زين حاولي تستغلين هالنقطه
يعني قولي انت جربتي ٦ سنوات انا ابي ١ سنه وانج عرفتي خطأك وان الله يسامح فمابالك بالعبد ؟

 

[غزالة كويتية]

ماادري شقولج بس ماني متصورة ان شهر كامل يدري وساكت شي صعب صراحة

ماينفع العتاب الحين وانصحج تنسينه والله يعوضج ويعوضة وخلي اهتمامج برضى رب العالمين وغذا حاسة انج ضعيفة جدام النت والموبايل كنسيلهم من حياتج لحد ماتحسين ان ايمانج صار قوي وتقدريين اتغلبين على الشيطان اعوذ بالله منه وإن شاء الله يسهل لج الحج ويغفر لج ولنا
والحين مالج إلا رب العالمين الي راحمنا برحمتة يعني لو مارب العالمين هادي هالانسان جان سوى فضيحة وشوشرة وخرب عليج باجي حياتج اطلبي رب العالمين وحاولي ترجعين الثقة يوم بعد يوم لنفسج واثبتي لأبو عيالج انج ام كفو يمكن مع مرور السنين مو الايام لاحظي السنين يحس انج صرتي تكانة وانه الي صار نزوة او غلطة عمر والانسان كل مايكبر يفهم الحياة صح اتمنى اكون فدتج ولاتنسين تدعيلي بالحج ان الله يرزقني بتوأم صبيان (عندي4 بنات لله الحمد)وعسى رب العالمين يستر علي وعلى بنياتي وبنات المسلمين ويهدينا ويصلحنا ويبعد عنا الشيطان اعوذ بالله منة .
احرصي على حضور الدروس الدينية هاذي فرصة لاتطوفينها انتي احوج الناس لها

 

[دلوعة زوجي]

الله يغفرلج ويسامحج وانشالله اتكون توبه نصوحه والله يغفرج ويرجعلج زوجج
الانسان مو معصوم عن الخطا بس حرااام ريلج على اللي قلتيه يعتبر احسن رجل بالعالم
واللي عندها ريال جذي المفروض ماتطالع غيره ولا تفكر حتى بماضيهاااا مهما كانت تحب الشخص اللي بالماضي
لان حرام وايد طيب والوحده اذا عندها ريال جذي شنو تبي من الدنيا
وايد ضاق خلقي ..... حبيبتي الله يغفرلج ويسامحج انشالله وادعي بالحج وايد وانشالله الله يسامحج ويرجعلج ياه يارب

 

[JaDeL]

الله يهديج

 

[هنـــد]

واااااااااااي اختي من صجج

ليش فكرتي جذي

هذا اللي اتكلمينه خسيس وكل الشباب اللي يكلمون بنات ماعندهم ذمه ولا ضمير

شلون بعت حياتج وزوجج عشانهم

لا حول الله

الفات مات الحين زوجج جم باقي له ويرد للكويت ؟؟

هالفتره هاذي كله ادعي ربج بقيام الليل كل يوم ابجي من قلبج استغفري كل يوم 1000 مره اذا تقدرين

تصدقي دايما

اختي ماكو شي يرد لج زوجج الا رب العالمين بدعائج وانتي خاشعه راح اتشوفين العجايب

 

[OmDhari]

الله يعينج ويهديج انشالله على هالمواصفات الي قريتها عن زوجج والله اني ما اشوف الرياييل الا شواذي جدامه ومالج الا التوبة الى الله والحلف على القرآن مو لعبة والله تواب غفور

 

[تروبيكانا]

أنا اشوف ريلج انسان ندر الوجود فحمدي ربج انه ما راح يفضحج وبيستر عليج يعني اهو مراعي الله فيج
هالشي يكفيج اذا انتي فعلا تحبينه بس انا اعتقد مثل ما قالوا البنات انتي حابه العيشه والمستوى اللي كنتي فيه مو حابته اهو اللي يحب عمره ما يخوووون وتوبي لربج واستغفريه وزوجج الله يصبره على مابتلاه لان فعلا ابتلاء عظيم
وحتى لو ريلج رضى يخليج عنده باي ويه بتجابلينه اتوقع انفصالج ارحم له ولج
والله يهديج ويرحم حالج لانج ظلمتي نفسج ظلم خيالي

 

[q8_pearls]

مالج الا الاستغفار والدعاء

 

[صابرين29]

القصة كلها خيال يا بنات

 

[اسرار الغلا]

اختي مافي انسان مايغلط

وانتي تبتي والحمدلله

حاولي معاه ولا تياسين
والزمي الاستغفار والدعاء لهم مفعول السحر

والله بيفرجها عليج ان شاءالله

 

[هجير الريح]

والله احس مخى وقف بس مااقول الا عسى ربى يستر عليج ويسامحج ان شاء الله ويقبل توبتج وتنزاح هالغمه

 

[M!SS CHARISMA]

شوفوا بنات اهي وحده من الثنتين :
1- يا هذي الي يسمونها جذبه بيضه يعني نغزه من تحت لي تحت عشان الحريم الي يسونها ينقرصون ويخافون ويتسنعون مع ازواجهم اذا كانو يخبصون شوي (بالعربي مو صجيه لووول) ومنو يجابل النت واهو في هالحاله؟؟؟
2- واذا صجه الله يستر عليج ويسامحج ويكتب لج ربج بلي فيه خير وبسسس