آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[أحلى عروس 2012]

الموضوع حلو

 

[soft.eye]

اب اب

 

[S.O.S]

انا بجر وكنت حددددي متحمسه :ggdw::ggdw:
بس الاسبوع اللي طاف حسيت بعوارات قووووية وأنا توني بالسابع ورحت المستشفى وإلا الصدمة ،،،،







قال لي طلق قوي و يالله ولادة مبكرة:eh_s(11):

ودخلوني الولادة

وقعدت ابجي خفففففففت مع أني كنت متحمسة قبل بس لما صارت الصجية لااااااااا ماااااابي
مااااا أبي اولد
ويبون يشوفون جم سانتي مفتوحة مارضيت وابجييييييييي:eh_s(16):


لعوزتهم ،،،، قمت اجذب أقولهما خلاص راح العوار بطلع ،،، يقولون شلون بالجهاز مبين الطلق قوي؟؟ :eh_s(1):


وخلووني من الساعه 2 الفجر الين 10 الصبح ثاني يوم وأنا صاااااكه رجولي ما أخلي احد يقرب .. والله كان فلم رعب واكتشفت أني جبانه:eh_s(16):


وآخر شئ عقب البجي والصيحه وأقول أبي اطلع ما أبي أولد الحين البيبي صغيييييير


عطوني ابرتين للرئة
و عطوني تحاميل توقف الطلق مع درب وخلووني يومين وعقب
وخلووني أوقع أني اطلع على مسؤوليتي



وطلعت الحين من المستشفى صارلي يومين

والله يستر




الحين الشجاعه راحت و طلعت خرطي وأنا خايفة من الولادة ،، يمممممه لما الوحدة تدش غرفة الولادة والله رعب ،،،:bbbiu:

 

[ككوته]

انا قلت لكم اني يوم السبت دخولي وهذي قصتي
اليوم السبت تاريخ ١٢/١/٢٠١٣*
الدكتوره ليلى اشكناني كتبتلي على الدخول باخر مراجعه اي اهي كانت يوم الخميس*
طبعا فحصتني والرحم مومبطل كلش والبيبي راسه تحت بس مونازل بالحوض وانا مافيني ولاربع عوار اللهم الثقل مشيت وشربت دارسين وهم ماكو فايده ولاني سكر حدي اسبوعين من التاسع فكتبتلي على طلق صناعي ودخول المستشفى انا من البدايه حابه دار الشفا وفعلا رحت يوم السبت الصبح عشان اسوي اوراق دخولي دخلوني على الدكتوره مالت الفحص وفحصتني وهم الرحم مو مفتوح ولا ربع سانتي المهم سوينا اوراق دخولي وخذيت غرفه مني رويال بالبدايه وان شاءالله من اولد اخذ الملكي ....عالساعه ١ الظهر يت دكتوره المستشفى وحطتلي تحميله الطلق الصناعي او تحميله ماحسيت بشي وكانو حاطين جهاز التخطيط حق دقات قلب البيبي وانا قاعده اسولف مع زوجي مره وحده ما اسمع دقات قلبه وانادي السستر ويت وقلت لها ليش ماكو دقات قلبه قالت عادي وطولت على صوت والحمدالله سمعت دقات قلبه مره ثانيه اشوي ولا اتيني السستر وتقولي الدكتوره تفضل ان ننزلج غرفه الولاده ونخليج مناك ليما تولدين احسن واتصلت على دكتورتي وقالت لي اي احسن انا قلت لهم عشان تكون معاج سستر على طول ونزلت غرفه الولاده وسولي فحص السكر والضغط ولمن يو بيحطون جهاز النبض ماكو صوت انا هني مت من الخوف وتروح يمين ويسار جان تقول حق السستر الثانيه يبي جهاز ثاني ويابت جهاز ثاني والحمدالله سمعت دقات القلب بعد فتره يتني دكتوره مصريه وقالت لي تدرين ليش احنا نزلناج تحت قلت ليش قالت لان نبض البيبي صار فيه هبوط بس الحمدالله هالشي صار مره وحده واللحين بفحصج وبحطلج التحميله الثانيه وفحصتني وحطت التحميله الثانيه وقالت لي الحوض صغير انا مني بجيت قلت لها يعني ماراح اولد طبيعي جان تقولي انشاءالله انتي ولدج صغير تكحينه يطلع لاتحاتين وراحت ومن حطت التحميله الثانيه بلش معاي طلق خفييف مثل عوار الدوره بعد ساعه تقريبا يت دكتورتي وفحصتني جان تقولي الرحم مومبطل والبيبي ليلحينه فوق قلت لها انزين مافي امل ان ينفتح انا قاعده احس بطلق قالت لي انتي مثل بنتي وحرام اتعبج انتي عندج خيارين اقدر اعطيج التحميله الثالثه واخليج تطلقين بس البيبي ماراح ينزل لان لو بينزل جان نزل من بدايه التاسع قلت لها بس راسه تحت قالي اي بس يمكن موقاعد يحشر نفسه بالحوض والطلق ماراح يسوي شي والخيار الثاني القيصريه انا قمت ابجي قلت لها مابي قيصريه جان تقولي انا الني شفتج تبين طبيعي قلت اخاول معاج يمكن ينزل بس واضح ان مافي استجابه ورحمج مومبطل ولا حتى ربع سانتي وراح تتاذين على الفاضي ريلي سالها انتي برايج شنو الافضل قالت انا لو شايفه ان في امل جان نطرت بس حالتج مايفعها غير قيصريه واناقاعده ابجي وريلي يحاول يقنعني واختي تقولي احسن لج ورضيتودخل علي ابوي شفته دمعت عيني ودخلت امي جان ابط الي فيني وامي مره عوده انا اخر العنقود وعليه اهي تهديني وتصبرني وانا ابجي واقولها انتي جذي يبتيني وابجي لما هديت ويو السسترات وزهبو الغرفه وحلقو بطني وودوني وريلي يسك ايدي ولاتخافين ومن هالحجي طبعا خذيت ابره ظهر لان الدكتوره تقول ابيج اول وحده تشوفينه وخذيت ابره الظهر وحوني وطلعو ولدي حبيبي ..طبعا ماقدرت اخذ الملكي لان ميزانيتنا ماتسمح وضليت بالمني رويال ...تقييمي للمستشفى ممتاز بس لمن اطلب الياهل بعد مده اييبونه اما باجي الشغلات كلها اوكي والحمدالله رب العالمين قدر الله وماشاءفعل صج ليلحيني ابجي لمن اتذكر اني قيصريه لان كان بخاطري حييل طبيعي بس الحمدالله على كل حال

 

[soft.eye]

يتربون بعزكم ان شاء الله والفال لنا وان شاء الله ولادتي طبيعيه مو قيصريه

 

[معلمة شيسمونه]

انا ما راح اكتب قصتي

لان انتي كاتبه نرفع معنويات

وانا راح اهدم معنويات كل اللي بالمنتدى .... قصة مؤلمة .. والحمدالله على كل حال

 

[نرجس 2]

انا ما راح اكتب قصتي

لان انتي كاتبه نرفع معنويات

وانا راح اهدم معنويات كل اللي بالمنتدى .... قصة مؤلمة .. والحمدالله على كل حال

يا عمري وانا مثلك قصت ولادتي مو بس مؤلمه مخيفه لدرجة انه الدكتور نفسه كان خايف عليه
يا رب يا حبيبي تسهل اموري وتثبت حملي وتسهل ميلادي
يا رب يا حبيبي اقوم سالمه
ادعولي بنات :eh_s(17):

 

[سعوديه تذبح]

رفع

 

[روحي محمد]

ادعولي الله يقومني بالسﻻمة بسرعه لاني زهقت
عشان اقولكم قصه وﻻدتي

 

[ملاك ملاكي]

رفع

 

[أأأميرة الورد]

اللي ماولدوا الله يهون عليكم وتولدون بالسلامه

واللي والدوا الحمدالله على سلاااامتكم

 

[ملاك ملاكي]

اتحفونا بالقصص عشان نستفيد

 

[Canon~]

بكتب لكم قصتي

انا كنت اخر سنه جامعه وكنت باختبارات الفاينل


واجي اسلم على صديقاتي قالوا شفيه وجهك متغير قلت لا عادي


وانا كنت من 3 ايام احس بالالام مثل الدوره بس خفيفه


طلعت من الاختبار وقعدت امشي مع صديقاتي مشيت كثير


رجعت لبيت اهلي وريحت شوي الى الساعه 2 ونص وكنت بذاكر لا خوي رياضيات


شوي احس جاني الم قوي وكل شوي اروح للحمام


واجي اقول لاختي قالت شكلك بتولدين <ماعندي خبره اول مره


عاد امي كانت طالعه وتدق اختي قالت شيوي لها اتوقع بخرتني


المهم رحنا للمستشفى قالوا مفتوح 3سانتي روحي للبيت واذا زاد ارجعي


قلت لا ماقدر احس الالم قوي قالت خلاص وودوني غرفة الولاده ومارضوا لاختي تقعد دخلتني وقامت تصيح وانا اقول لا تخوفيني بدال ماتشجعيني تصيحيني وقعدت ساعه توصي النيرس علي


الساعه 10 بالليل انفتح 7سانتي بس نبض البيبي قل والدكتوراه تجمعوا ويتكلمون وانا مدري شالسالفه واقولهم شفيكم


يمه شعور يخوف تحسبن يتكلمون عنك وواضح خايفين ومتوترين وانتي ماتدرين شالسالفه




قالوا لا عادي بس نبض اليبي قل شوي


زاد الالم وحطوا علي كمام وكل ماشفط احس مافي نفس واقطه اقول مابيه واهم غصب يعطوني ايااه




وركبوا علي اشياء كثيره وعطوني ابره تريح وتخدر اتوقع وجات الساعه 11 وهم زهقوني قلت روحوا بنام شوي ماكنت بوعي احس <فاضيه بتنام الاخت


الساعه 12 ونص قالوا نص ساعه اذا ماولدتي بتولدك قيصري لانه خطر عاليبي نبضه يقل انا من الخوووف قعدت اصارخ صراخ لا شعوري واسمه الدكتوره تقول ايه اييه بيطلع لا ادفعي واحاااول وشوي وطلع


رررررررررررااااحه


وغسلوه وعطوني اياه يقولون رضعيه وهي تخيطني والخياط يعوووور<مع ان الكل يقول مايعور


بس يمكن ماخدرت المنطقه عدل وانا اقول بعدين ارصغه لان كان الخياااط عواار


وخلصوا خيااااط وارتحتتتتت


ابي ادق علي اهلي وزوجي اعلمهم <طبعا زوجي مايدري اني اتولد لان بايام الاختبارات انام عند اهلي ولما حسبت اني رح اولد قلت لاحد يقوله لاتخلونه يحااااتي


وطفى جوالي بالموت جابت النيرس شاحن دقيت على امي وهي بشرت زوجي<طبعا مارضوا لاحد بجلس عندي وانا اولد وانا كنا مابي بعد يخافون كل ساعه يدقون عالمستشفى يطمنون


قلت قصة حياتي مو ولادتي خخخخخ

 

[الخيال الذهبي]

أب أب

 

[ملاك ملاكي]

بكتب لكم قصتي

انا كنت اخر سنه جامعه وكنت باختبارات الفاينل


واجي اسلم على صديقاتي قالوا شفيه وجهك متغير قلت لا عادي


وانا كنت من 3 ايام احس بالالام مثل الدوره بس خفيفه


طلعت من الاختبار وقعدت امشي مع صديقاتي مشيت كثير


رجعت لبيت اهلي وريحت شوي الى الساعه 2 ونص وكنت بذاكر لا خوي رياضيات


شوي احس جاني الم قوي وكل شوي اروح للحمام


واجي اقول لاختي قالت شكلك بتولدين <ماعندي خبره اول مره


عاد امي كانت طالعه وتدق اختي قالت شيوي لها اتوقع بخرتني


المهم رحنا للمستشفى قالوا مفتوح 3سانتي روحي للبيت واذا زاد ارجعي


قلت لا ماقدر احس الالم قوي قالت خلاص وودوني غرفة الولاده ومارضوا لاختي تقعد دخلتني وقامت تصيح وانا اقول لا تخوفيني بدال ماتشجعيني تصيحيني وقعدت ساعه توصي النيرس علي


الساعه 10 بالليل انفتح 7سانتي بس نبض البيبي قل والدكتوراه تجمعوا ويتكلمون وانا مدري شالسالفه واقولهم شفيكم


يمه شعور يخوف تحسبن يتكلمون عنك وواضح خايفين ومتوترين وانتي ماتدرين شالسالفه

اهم شي حبيبتي قمتي والبيبي بالسلامة وشكلة هذيلا مستشفي حكومي الله يعينا عالولادة بس


قالوا لا عادي بس نبض اليبي قل شوي


زاد الالم وحطوا علي كمام وكل ماشفط احس مافي نفس واقطه اقول مابيه واهم غصب يعطوني ايااه




وركبوا علي اشياء كثيره وعطوني ابره تريح وتخدر اتوقع وجات الساعه 11 وهم زهقوني قلت روحوا بنام شوي ماكنت بوعي احس <فاضيه بتنام الاخت


الساعه 12 ونص قالوا نص ساعه اذا ماولدتي بتولدك قيصري لانه خطر عاليبي نبضه يقل انا من الخوووف قعدت اصارخ صراخ لا شعوري واسمه الدكتوره تقول ايه اييه بيطلع لا ادفعي واحاااول وشوي وطلع


رررررررررررااااحه


وغسلوه وعطوني اياه يقولون رضعيه وهي تخيطني والخياط يعوووور<مع ان الكل يقول مايعور


بس يمكن ماخدرت المنطقه عدل وانا اقول بعدين ارصغه لان كان الخياااط عواار


وخلصوا خيااااط وارتحتتتتت


ابي ادق علي اهلي وزوجي اعلمهم <طبعا زوجي مايدري اني اتولد لان بايام الاختبارات انام عند اهلي ولما حسبت اني رح اولد قلت لاحد يقوله لاتخلونه يحااااتي


وطفى جوالي بالموت جابت النيرس شاحن دقيت على امي وهي بشرت زوجي<طبعا مارضوا لاحد بجلس عندي وانا اولد وانا كنا مابي بعد يخافون كل ساعه يدقون عالمستشفى يطمنون


قلت قصة حياتي مو ولادتي خخخخخ

حبيبتي اهم شي قمتي بالسلامة انتي والبيبي وهذا اكيد مستشفي حكومي الله يعينا عالولادة

 

[كتكوته الحبوبه]

اب اب بنات سمعونا قصصكم

 

[~Rou7~]

الله يقومكم بالسلامه الي ناطرين الولادع

 

[عروسه حلوه]

ابببب

 

[حـوراء]

الله يحفظ لكم عيالكم يا رب ويهون ويسهل على كل حامل

أنا ولدت بتاريخ 20/12/2010
قصة ولادتي المشجعة ما شاء الله ، طبعا أول ولادة

# أكشنات البيت
كانت الساعة 3 الفير وأنا أكلم زوجي على أيام المسنجر رحمة الله عليه ، اهوا بديرة وأنا بديرة كان اليوم مسافر للضرورة
حسيت بعوار قي بطني ، رحت التواليت اعزكم الله ولا أشوف فيني إمساك شدييييد ومو من عادتي يصير معاي إمساك ، المهم طلعت ولا أظل اسولف مع ريلي لي 4 الفير وعقبها صليت ورحت نمت
على ساعة 6 ونص الصبح يتني أختي آخر العنقود تقعدني تقول لي حوراء سوي شعري بروح المدرسة ، وأنا أقول لها لحظة شوي أو روحي حق ماما تسويه انا نعسانة ( وأنا بيني وبين نفسي قاعدة افرك من العوار ، عوار بنهاية ظهري وبطني وفخوذي وقاعدة أقول أكيد يتني الدورة ناسية أني حامل ) المهم أختي قعدت قعدة النفس الطويل إلا انتي تسوين شعري ، امري لله وقمت ، من قمت ولا أتذكر أقول يمكن هذا عوار الولادة ، بس وقفت ولا أحس شي نزل مني ولا بيية أمي للغرفة ، وأنا مصدومة ما أتكلم بس أئشر لها على بطني وعاد أهيا فهمت السالفة ، دخلتني الحمام وإلا تظل معاي ، قلت لها روحي يماااااا استحي وآخر شي رضخت جان تقول لي بس لا تقفلين الباب ، دشيت ولا أشوف مادة مخاطية كثيفة قلت أكيد هذي سدادة عنق الرحم من الإمساك نزلت ، عاد انا كلش مو مجهزة عمري للولادة لأني بجر وباقي على موعدي الأول 15 يوم يعني أسبوعين وايد تساهلت قلت في وكت ، المهم قعدت انا أجهز اغراضي وأختي تساعدني وأقول لها ييبي هذا اللبس ومسكينة اتييبه بعدين أقول لها شفيج مو هذا أبي الثاني واعصب عليها ، كسرت خاطري وعليا بس اهيا ساكتة ، من كثر ما انا مدودهة مادري شسوي ..
المهم أبوي راح ودا أختي المدرسة وأنا جهزت جنطتي اهم شي واتصلت على ريلي وكلمته وتعاطف وتأثر وايد معنا بس قلت له انا على وشك ولادة وقعد يقول سامحيني حلليني يمكن في يوم ضايقتج .. حسيت أني بمووووت ..
وبدا العوار يزيد بس اقدر اتحمله مثل عوار الدورة بالضبط ، قعدت امشي بالبيت ، ولا ادخل التجمع قلت لهم آخر الأخبار ، وأمي تعطيني حليب وكرواسان وأنا أقول لها لا مابي عشان لا يعطوني الحقنة المدمرة بالمستشفى أبي بطني فاضي وبعد إصرار رضيت بالحليب بس و وصل وابوي ورحنا دار الشفا ..

أكشنات المستشفى ..
دخلت المستشفى كانت ساعة 9 ونص على ويلجير ودخلوني طوارئ جان تقول دكتورة الطوارئ بعد ما فحصتني لأول مرة دخول مفتوحة 3 سانتي ونص وكانت إيدها خفيييييييفة وما عورتني وايد وبدا ماي خفيف ينزل ، ودشيت وحطولي طلق صناعي طبعا دكتورتي دكتورة معصومة اللي بدار الشفا أهيا اللي حطتها لي ، مرتين حطولي ولازم أنام ساعتين على ظهري ما اتحرك ( تكسررررت) وبدا العوار يزيد فجأة وبعدين يروح ، لمن صار العوار متواصل وأنا طبعي لمن أتألم بس أمسك بأي شي بقوة واعصر نفسي بس ما أصرخ..
طرشت مسجات للمقربين ( ادعوووولي انا داشة الولادة )
صارت 5 العصر قالوا الحين لازم ننزلج غرفة الولادة وسلمت على أهلي وأمي حبيبتي حضنتني حيييييل بس ماسكة دمعتها وابوي بعد عمري نفس الشي باسني ودخلت ، ما كنت أبي أحد معاي ، بالصدفة كان قسم الولادة هذا فاااااضي مافي احد يولد غيري وكل النيرسات معاي ويساعدوني ، من دخلت ولا تعطيني النيرس كمام ، شميت شوي وحسيت بثقل بلساني وأحس الدنيا مقلوبة ولوع جبدي ، جان اقطه ، ولا تقول النيرس اخذيه أحسن عشان ما تحسين بالعوار ، قلت لها لا أنا متحملة العوار أخاف لمن أبي أولد أكون دايخة بعدين ما اقدر أسوي بوش ، ولا تقول لا عادي وخذيته وصج أحس تخدرت عدل ، أحس بالعوار بس اقدر اتحمله ، ومافي نيرس ما قلت لها ( انتي قود نيرس خخخخ ) بس ما خربطت وايد
ويات الدكتورة المناوبة فحصتني ولا تقول لي 8 سانتي بس عورتنيييي ، يات مرة ثانية ولا أشوفها تقلبني على جنب وأنا دايخة ما اقدر أقول لها ليش ، بس أهيا قالت لي بروحها ان البيبي صار عنده نقص أوكسجين خفيف لانج نايمة على ظهرج من الصبح وطبعا بطت جيس الماي من قبل ، ولا أنادي النيرس وأنا دايخة أقول لها بروح الحمام ، جان تقول لا لا هذا عشان بيبي بنزل ، أقول لها لاااااا حسرانة بروح حمام ، ما صدقتني ولا شوي وحطت لي بربيش لان كنت حسرانة من صج بس بطني فاضي
المهم وما أشوف إلا شايلين الكمام وحاطين الستاند مال الريول للولادة ولا أستانس ان خلااااص بولد بشوف ولدي ، عاد أهني اييت دكتورة معصومة وأنا مستحية أحاول اصكر ريولي وشوي بغطي روحي ، شفت السالفة أكبر من جذيييييي اييت الطلقة القوية ولا أقول لها دكتوووورة أحس بضغط قوي تحت جان تقول ايي سوي بوش واسوي ، جان يختفي الضغط ولا تقول خلاص وقفي جان اضحك على روحي ، جان اتيي الطلقة الثانية وأنا أركز على تنفسي عشان لا يضعفني العوار وأنا أقول لها دكتورة أسوي بوش ؟ جان تقول ايي يالله وسويت بكل جهد، ولا أوقف قلت لها خلاص راحت الطلقة جان تضحك ، بس المرة الثالثة يتني قويييييية ولا أقول لها دكتورة يالله ؟ جان تقول ايي يالله كاهو الراس وأنا ادفع بكل قوتييييييييييي والنيرسات يشجعوني وطلعت مني هالمرة صرخة لا إرادية وفجأة .............. شفت ولدي على صدري فديته كان أزرررررق حبيبي جان ابوسه وأقول له حبيب ماما اللهم صل على محمد وآل محمد ، ولا ادوخ واناااااام ، بس اذكر النيرس صحصحتني عشان ادفع عشان تطلع المشيمة لا اقول للدكتورة ابي خياط تجميلي ورجعت نمت وما حسيت واهيا تخيط ، وما قعدت إلا لمن كانوا يبون يطلعوني .. الحمد لله كانت ولادة متيسرة ما شاء الله تبارك الرحمن ببركة القرآن والدعاء الحمد لله

ما سويت أي عملية انتحارية سوا أني كنت ألعب مع أختي ونطيت نط خفيف وعقبها بثلاث أيام على طول ولدت

وكان فيني كحة قوية وهذا اللي ساعد وساهم ان يسرع ولادتي

والإمساك اللي كان فيني طلع هذا ضغط البيبي يعني بوادر ولادة وما كنت دارية بعمري

طريقة التنفس ، تتنفسين من الخشم وتزفرين من الحلج ببطئ وااااايد ريحني ورخى عضلاتي ، طبعا تدربت عليه قبل الولادة

خلال ساعتين طلعت من غرفة الولادة يعني تقريبا 7 ونص ورحت غرفتي ، بس وأنا بغرفة الولادة حسيت أني ظليت واااايد

مسكتني سخونة لمدة ثلاث أيام من بعد الولادة ، و ولدي فديته طهروه ثاني يوم ولادة وطبعا زوجي إيا ثاني يوم ..

قبل ولادتي بيوم مشيت وهذي اول مرة امشي فيها ، وبنفس اليوم بالليل خلص التمر بالبيت من كثر ما كنت آكله ( وهذا ساعد في تسهيل الولادة ) ونفس اليوم وصلت الخدامة ،، يعني الولادة مضبطة موضوعها كانت

أمي وأبوي وخالاتي جهزوا لي التوزيعات وإلى آخره ومر الوضع على خير وسلام

اللي تعبني شوي اهو الخياط كان يعورني وايد والكحة زاااادت العوار ،، تخيلو خياط وكحة ( وضع مؤسف )

ولدي ألحين عمره سنتين ونص ، والثاني قادم بالطريق والله يسهل علي وعلى الجميع يا رب

نصيحة لوجه الله لا تخافون ولا تخوفون روحكم .. سوو اللي تقدرون عليه ورب العالمين يهونها

وبطتنا بطت بطن بطتكم

 

[دلــــع الكويت]

بسم الله الرحمن الرحيم
انا والده 3 مرات*
اول ولاده كانت صعبه
لان وزن البيبي كبير 4 كيلوا وكل الدكاتره تقول لازم قيصري ودخلت وكان طلقي حامي ماارتحت من الظهر الساعه 11 لين ولدت طبيعي ولله الحمد الساعه 12 ونص بالليل وكان مستشفى حكومي*
الجزء الثاني ***
ولادتي الثانيه
بتاريخ 7 /11 / 2011
كنت امشي من الشهر الثامن لين بخلص التاسع وانا بس ماشيه وكل الي معاي ولدوا وتعبت نفسيتي رحت لمستشفى الامومه عند الدكتوره عبير وفحصتني قالت تبين تولدين قلت اي والله تعبت وقعدت توسع فيني وانا مو عارفه شنو تسوي قالت اذا نزل عليج دم تعالي قلت اوكي رحت البيت قعدت 3 ايام وبعدها نزل دم وماي بكثره لدرجة مااقدر امشي ورحت قالوا ولاده مفتوح 4 سانتي ودشيت غرفة الولاده واخذ كمام واحس دخت بس حاسه بعوار ومن اتحرك كانت تصيح علي تقول شوي*
ومن انفتح 10 سانتي شالوا الكمام قالوا ضغطي واضغط وتعبت والحمدلله طلع البيبي وكان وزنه هم كبير 3.800*
الجزء الثالث*****
ولادتي كانت بتاريخ 5 / 11 / 2012
كانت عندي عزومه لرفيجاتي وكنت توني داشه شهري لي يوم او يومين*
المهم جاني عوار خفيف الساعه 9 وقالن رفيجاتي اكيد انج شلتي الطاوله*
وبعدها جلسنا سولفنا ونضحك لين جت الساعه 1 بالليل كلهم راحوا واتصلت علي وحده منهن قالت شخبارج مع العوار قلت يجي ويروح خفيف قالت جهزتي حق البيبي قلت باجر لان زوجي عنده اوف*
وطبعا امي وخواتي مو عندي بالسعوديه*
المهم قالت لي رفيجتي مايصير يمكن ولاده قلت مااتوقع لان انا بعيالي ينزل معاي دم او ماي قبل الولاده قالت مو شرط *طبعا هي ساكنه بجنب شقتي جتني وجهزت لي الجنطه وانا اضحك قالت علشان لو يكون ولاده الجنطه جاهزه قلت اوكي وراحت نامت والساعه * دقيت على زوجي قلت تعال تعبانه قال اوكي وجا قلت بروح اتطمن على البيبي لاني شلت طاوله ثقيله وبعدها ياني عوار بس خفيف قال اوكي ورحنا للمستشفى الحكومي وفحصتني الدكتوره قالت مفتوح * سانتي والطلق خفيف تبين ادشين ولاده قلت لا وطلعت ع الساعه 3 ورحت نومت عيالي وسويت لي دارسين وشربته ورحت تنظفت وتسبحت واستشورت شعري ولبست الا شد علي العوار الساعه 4 ونص*
وصرت اتمشى بالبيت لين اذن الفجر صليت وقعدت زوجي قلت يلا بروح اولد وهو يضحك يقول الي بتولد جذي شكلها مترتبه وقعدت اضحك قلت بسرعه مابي اولد بالبيت وقام توضا وصلى وطلعنا من البيت الساعه 5 ونص الفجر*
وانا حيل اشتد الطلق معاي ومن تجيني طلقه اصد وجهي واسكت وبعدها اسولف لين وصلت مستشفى العرف وماقدرت انزل قلت لزوجي جيب لي الكرسي وجلست عليه وبعدين خذوني للدكتور المناوب قلت دكتور انا معاي طلق حامي قال اوكي اول نفحصج وفحصني قال 6 سانتي على طول غرفة ولاده وقالوا منو تبين يولدج قلت مدحت وطبعا اهو مو دكتوري بس من كثر مااسمع البنات يمدحونه وعلى طول حطوني على السرير الساعه 6 الا ربع
وعطوني كمام كان عالم ثاني عجيب نمت وماادري عن شي فتحت عيوني الا الساعه جدامي اطالعها 6 وربع قلت اف تو الناس صارلي نص ساعه نايمه الا السستر اتقول خلاص ماما انتي في ولاده قلت لها حلفي مو مصدقه الا امسك بطني استانست قلت منو ولدني قالت الدكتور مدحت قلت شنو جبت بنت ولا ولد قالت ولد وانا ماني مصدقه من الفرحه قلت اللهم لك الحمد على هذه النعم*
وطبعا بولاداتي مااعلم احد الا انا وزوجي ومن اولد زوجي يخبر امي وامه والاهل وبس*
سلامتكم