آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[انامل ناعمه]

الله يسهل علينا يارب أنا بدخل الشهر السادس بعد اسبوع وثانى حمل بس افكر بالولاده.

 

[رووو الروح وووح]

السلام عليكم
انا ولدت يوم الاحد بالليل عالساعه 11 طبعا انا قبلها
يوم الاربعاء شربت كاسين دارسين ولا سوالي شي
وشربت مره ثانيه يوم السبت وصار جماع السبت بالليل وبعد
الجماع شربت خروع وكل هذا علشان ابي اولد وطبعا بعد ماشربت
الخروع بنص ساعه بلش الطلق عالساعه 4 الفجر كانت وعالساعه 6 الصبح
خلاص مااقدر اتحمل قعدت بعلي العزيز ورحت للعدان اشيك طلع تقريبا 3 سانتي
وسويت تخطيط مابين الطلق الا اخر التخطيط رديت البيت وريحت ورحت للندن
الساعه12 الظهر علشان ابيه يفتح وايد الرحم رحت فحصتني دكتورتي قالت
4 سانتي سوي دخول بس ماراح اوديج الولاده الا العصر قلت دام السالفه جذي
بروح البيت وارد العصر قالت كيفج بس اذا زاد العوار تعالي قالت لان انتي والده
مره قصيريه ومره طبيعي فماابي نستعجل عليج ابيج تولدين ان شاءالله طبيعي
رديت البيت تغديت مع ان مالي نفس للعلم الصبح الطللق حااار ومن 8 خف الطلق صار عادي
وبعدين نمت شوي لاني مانمت بالليل وقبل انام شربت دارسين قلت عالاقل يحمي الطلق ويفتح
الرحم اكثر عالساعه 4 العصر صليت العصر وبلشت امشي بغرفتي واقرا سوره مريم والزلزله وشربت
شوي خروع علشان ينظف بطني لاني ماابي حقنه شرجيه وبعدها صليت المغرب وطلعت من البيت
رحت للمستشفى دشيت عالدكتوره فحصتني قالت 5 سانتي الحين سوي دخول وبنبط الماي اذا ماحما
الطلق وتبطل الرحم بعطيج شوي طلق صناعي قلت ماابي طلق صناعي ولاتحميله توسعه قالت التوسعه
انا سويت لج بس بايدي وقت الفحص بس ماحسيت فيها كان الم بسيط قلت خلاص يسهل الله دشيت
غرفه الولاده الساعه7 بالليل جاتني دكتوره ثانيه فحصتني وبطت الماي قلت كم قالت نفسه 5 سانتي
شوي الا بلشت الطلوق صح قلت يالله فال زين دكتورتي جاتتني عالساعه 8 وربع بعد ماخلصت من العياده
قالت زين طلوقج زينه انا بروح وبردلج جاتني بعدها عالساعه 9 الدكتوره اللي بطت الماي لقته للحين 5 سانتي
وعالساعه 9 ونص فحصتني السستر قالت للحين 5 راح احط لج طلق صناعي لان الدكتوره قالت لهم طبعا
طول الوقت يقولون اخذي كمام اقولهم لا ماابيه بس قالت بحط لج طلق صناعي قلت دامج بتحطينه عطيني الكمام
شوي الا بلشت الطلوق تصير قويه وطبعا الكمام خلاني نفس المدمنين ماادري عن شي بس بوقت الطلق احس بالطلق
يعني بس ضيع عقلي والعوار احس فيه لانهم مومعلين عليه حاطينه بس 5 درجات وصرت اهلوس لما يجيني الطلق احذفه لان مامنه فايده واقعد اصارخ وانا من النوع اللي مايصارخ الا حزه طلعت الراس يعني اخر دقيقتين بس من الكمام
هالمره قمت اصارخ كل ماجاني الطلق وبعدها كنت احس بزوجي لما دش ويكلمني وانا ماارد عليه سمعني اصارخ تخرع
وانا احذف الكمام وهو يقولي حطيه علشان يخف الالم طبعا حسباله هذا اكسجين مايدري انه كمام ولما صارخت مره ثاني دشت السستر قالها وين الدكتوره قالت راح تجي بعد شوي قال خليها تجي حرام ماما واجد يعور حسباله انه اذا جات الدكتوره راح يروح العوار وبعدها صرت اصارخ اكثر يقعد يمسح على شعري قال شنو يعورج ويالله رديت عليه قلت الطلق
قال يسهل عليج ربي بعدها جات الدكتوره اللي بطت الماي فحصت قالت كويس لانها مصريه
قلت كم قالت قريب من 7 سانتي تمنيت اموت ولا اسمعها لان توقعت اني وصلت لل9 سانتي المهم انا احط الكمام اواسي
نفسي فيه بس اذا جا الطلق اصارخ باعلى صوتي عالساعه 11 جاتني دكتورتي الهنديه سوفيت فحصتني قالت 8 سانتي ويرفعون رجولي واحذف الكمام علشان ابي احس بالدكتوره لان لو بتقولي شدي وانا عالكمام ماراح اقدر
لانه خدرني من تحت فشوي الا اصارخ من الطلق قالت لاتصارخين اخذي نفس قوي ولما تحسين بعوار شدي
طبعا صراخ بصراخ وهي تهاوشني لاتصارخين ماراح يفيدج الصراخ بشي اخذي نفس احسن لج
وصرت مرات اصارخ ومره تخذ نفس السستر اللي على راسي فلبينيه بس خوش وحده لما كنت اشد
كانت ترفع راسي صدري شوي علشان اضغط عالبيبي من فوق وينزل وطلع البيبي الساعه 11 وربع بالليل
قالت ماراح اخيطج الحين راح انطر دكتور التخدير لان يعطون ابره منومه طبعا انا طالبه خياط تجميلي
بالورقه اللي وقعت عليها مكتوب خياط تحميلي وتضييق ولما جاتني دكتورتي وانا بالولاده
قلت ابي بس تجميلي ماابي تضييق شوي الا دش الدكتور كان هندي قال مبروك وانا كلش مومعاه
طقني الابره بالوريد قبل لايجي قلت للدكتوره خلاص شيلي الدرب لان فيه الطلق الصناعي قالت
لا مايصير خليه يخلص علشان الرحم اي ونسيت اقول لما كانت تبي الراس يوصل لاني كنت اشد
وللحين الراس ماوصل حده كانت تخلي السستر تعلي عالدرب مال الطلق الصناعي يعني مثل اللي
تزيد الجرعه وخلاص لما وصل الراس علت عليه حيل علشان حتى لو ماساعدتها الطلق يطلعه
المهم عاد نمت بعد الابره ولاوعيت الا عالسستر تبي تخليني اروح على سرير ثاني علشان يودوني
غرفتي طبعا عندنا مانسوي استقبال ولاده فاخترت الغرفه العاديه وودوني غرفتي كانت الساعه 1 وشي
دقيت على زوجي علشان ابي شنطتي مالت المستشفى عند اهلي حاطتها وعالساعه 2 هو عندي دش يبتسم
وهو وجهه صاير اسود من الخرعه اول مره يسمع صراخي بالولاده عالساعه 5 الفجر صرت احس بالم الخياط
الساعه 7 ونص قلت للسستر ابي مسكن قالت اوكي جات الدكتوره المصريه شافتني وراحت شوي الا السستر
داشه علي وعطتني وصفه الدوا من مضاد لي مسكن لي غسول لي كريم يعني كل ادويتي بس بعلي العزيز
ماجاني الا عالساعه 11 الظهر هو وعيالي بس دش قلت لاتقعد روح جيب الدوا ابي مسكن ذبحني العوار
راح واكلت كل الادويه ولاخف الالم اضحك على عيالي يقولون اول مادشوا ماما وين اخوج قلت مو اخوي
اخوكم كلمت الدكتوره عالساعه2 الظهر لان مافادني المسكن والمضاد قالت عادي لازم تحسين بألم لان
انتي مسويه تجميلي لو خياط عادي ماراح تحسين بألم نفسه قالت بس حطي ادويتج واستخدمي
الغسول الطبي ومع الايام بيخف الالم حاليا الساعه 5 المغرب مااحس بالالم الحمدلله وبطلع الحين علشان
ابي اطهر الولد عندالدكتور كاظم معرفي لانه مطهرعيالي الاثنين وطهارته حلوه
طبعا انا الغلط اللي سويته اني حبيت اني اولد وشربت دارسين وخروع
وكانت غلطه كبيره لان الرحم وقف عال5 سانتي موراضي يفتح زياده وحطولي طلق صناعي
يعني لو اني قاعده ليما تجيني الولده بوقتها كان احسن وكان مااخذت الطلق الصناعي
بس انا خبله والحين توبه اسوي شي مره ثانيه بخليهاعلى ربي متى ماراد ان الولد يطلع
بيطلع فنصيحتي لحد يسوي نفسي ويشرب على كيفه خلوها ومتى ما الله راد راح تجي الولاده
الدكتوره سوفيت حبوبه وتهدي الواحد صج اني اذيتها بصراخي بس عادي عندها اتذكر اقولها
وانا اصارخ دكتوره ساعديني قالت انا كاني اساعدج انتي اللي ساعديني المستشفى نظيف وهادي
مافي ازعاج وبس اطقين الجرس السستر على راسج مايخلونج دقيقه والحمدلله على كل حال
بس ابي اسال اللي جربت الخياط التجميلي كم يوم ويخف الالم ولاعاد تحس فيه ؟
لان اول ولد كان عمليه والثاني طبيعي بالعدان وخياط عادي كان وهذا لله الحمد الثالث وطلبت
تجميلي طبعا كنت ابي بنت وميته عالبنات بس الحمدلله دام الطفل صاحي وبعافيته هذا كل اللي ابيه
بنت او ولد نعمه من ربي،،،،،،
وهذي قصتي بالتفصيل ....
وعسا ربي يهون على كل وحده ويرزق اللي ماحملوا بالذريه الصالحه
طبعا الولاده ب 185 والجراحه التجميليه ب 105 وعاد باقي الفحوصات وهالسوالف
بس اتاكد كم السعر الاجمالي راح احطه
اي استفسار انا موجوده
طبعا من الزهق قلت اكتب لكم قصه ولادتي خخخخخخخ
*

 

[رووو الروح وووح]

طبعا سويت كوبي لموضوعي ونزلته
فما قدرت اعدله خخخخخ
الولاده كلفت علي ٣٠٠ لي بروحي
وللبيبي ٧٠ او ٧٥
يعني اجمالي ٣٧٠ تقريبا
وقعدت بس يوم واحد

 

[ᵀᴴᴱƘsҺɑ]

Up
Up
Up
Up
Up
Up

 

[RO0O7Y KUWAITYA]

اب



اب


اب

 

[fofo-]

روح الروح حمدلله على سلامتج :eh_s(9):


انا حاليا باسبوع ال 40 خلصت التاسع وطفت موعد ولادتي وليلحين ما ولدت .. ادعولي بالسلامة والولادة الطبيعية ولي ولدت انشاءالله اكتب قصتي :ggdw:

 

[ريناد الكويت]

انا توني والده بمستشفى الراشد عند الدكتوره ايڤا حلوه عنايتهم حزة الولاده والدكتوره كانت طالعه واتصلو عليها وبسرعه الا هي جايه قالو بيعطوني ابرة مخدر وكمام ورفضت ابرة المخدر وقلت بس ابي كمام اذا احتجته استعمله بس هاه الكمام السستر متمسكه فيه الا مانزله عني ليما خلصت حتى من الخياط السسترات والدكتوره رووعه وولادتهم رخيصه بس 400 دينار بس عيبهم غرفهم مو شي انا ماخذه غرفه خصوصي تفشل وبعدين يحسبون عليك يومين أقامه بالمستشفى سواء قعدتي والا طلعتي ماخذين حسابهم انا الحمدلله طبيعي طلعت ثاني يوم ..........
والله يهون على كل حامل ويسهل ولادتها ياربي ?

 

[ام غدور]

UP

Up


Up

 

[~Rou7~]

الحمدلله ع سلامتكم

انا ولدت بنت وتوفت الحمدلله ع كل حال
اليوم لي شهرين بالضبط والده

 

[~Rou7~]

الحمدلله ع سلامتكم

انا ولدت بنت وتوفت الحمدلله ع كل حال
اليوم لي شهرين بالضبط والده

 

[ام غدور]

الله يعوضج انشالله وكل شي خيره

 

[the note book]

رووح الحمدلله على كل حال
الله يعوض عليج ان شاءالله باقرب وقت حبيبتي !

 

[ببي جونسون]

اب اب

 

[om rakan 2012]

الموضع حلوو مفيد

الله يسهل على الجميع يارب

انا ولادتي انشالله اذا الله اراد و تمت على خير بتكون 2013/08/20 ان شاء الله

 

[om rakan 2012]

الحمدلله ع سلامتكم

انا ولدت بنت وتوفت الحمدلله ع كل حال
اليوم لي شهرين بالضبط والده

:eh_s(2):
لا حول و لا قوة الا بالله , قدر الله و ماشاء فعل
الله يعوضك خير يارب

 

[ليالي العاشقينه]

الحمدلله ع سلامتكم

انا ولدت بنت وتوفت الحمدلله ع كل حال
اليوم لي شهرين بالضبط والده

حياتي قدر الله وما شاء فعل ..
الحمدلله على كل حال ..
انشالله ربي يعوضج بالضنا ويترس حضنج فيه
مو مكتوبه لج البنت انشالله شفيعه لج يوم القيامه يارب ..

والعمر جدامج وتعيشين وتيبين
ولله انا بنت عمي جذي والحين عندها 3
وبنت خالتي جذي وعندها بنتين


الحمدلله الله عوضهم خير ويعوضج ربي
انشالله ياااااااااااااااارب يجبر بخاطرج
ويزرقج بالذريه الصالحه .. :eh_s(7):

 

[barosha]

انا بكتب لكم قصه ولادتي الثانيه
كانت 21/7/2012
المهم هذي ولادتي الثانيه
بس هالمره بولادتي هذي ماكو شي ما خذيته وما ولدت لي درجه قمت اركض ركض
كف مريم دارسين باليوم الواحد مطارتين ثلاث وقمت اخلط دارسين مع زعتر اتسبح احط ماي دافي على
ظهري وبطني كالشي سويت هلكت هلكت وله ولدت معني من الثامن مفتوحه سانتي ونص كنت
المهم ذاك اليوم باجر كان ارمضان عاد اهل ريلي رايحين سحور مطعم لي الساعه 1 ونص بليل
المهم ريلي كان دوامه صبح ورد 7 بليل رد بدل ورحنا المطعم تعشينا وجذي كان عنده شغل بالديوان مالهم
طلع من المطعم وعساس ارد مع عمي وخالتي وحمواتي المهم ردينه الساعه 1 ونص قتلهم قطوني بيت اختي
يم بيت رلي بينهم بيتين عشان خدامتي كانت اهناك وانطر ريلي نوديها بيت اهلي لانها تنام فبيت اهلي
ووانا فبيت اختي قلت حق اختي بسوي جريمه شربت خروع اساعه 3 ارفيجاتي قالولي اقل شي يبين تاثيره عقب
5 او 6 ساعات شربته 3 وشي بالضبط الفير قبل الامساك يه ريلي رحنا قطينه خدامتي بيت اهلي وردينا البيت واحنا بسياره
حسيت بنغزه تحت الي صرخت وريلي نقز مره ثانيه نفس الشي وله يصرخ علي يقولي لا تخرعيني مو وقتج تولدين اليوم حدي
تعبان المهم اول ما وصلنا عند بيتهم نزلت من السياره قالي مسكي بنتج شوي كانت نايمه شلتها وانا بشارع وله ينبط الماي
وانا واقفه قمت اصرخ الماي الماي مال الياهل يقولي لا تستعبطين وقتله الماي يقولي ترى مالي خلقج وانا انبط الماي وعلى حوارنه دقيقتين بلش العوار
وقمت ابجي صدقني وقالي ركبي السياره قتله ما اقدر كلي ماي رح انيسها قالي عيل امشي فوق قتله لا لا رح انيس بيتكم
الزل وجذي قام يصرخ شتنيسين امشي وانا ابجي من العوار وواقوله رح انيس دشيت البيت حط بنته بالفراش يالي يركض
صعدني فوق دشيت الحمام المصيبه انه تكرمون ما عندي كتكس واقعد اقوله ناد اختك يقولي مو وقتج قتله نادها اشتبين فيها قومي
اقوله نادها يعني فشله اقوله ابي كتكس اله برف قتله اشلون اقوم ما عندي كتكس راح وله يروح حق خالتي يستحي يقول حق
اخته وله خالتي تصلي الفير يت تركض تحت اهي وحماواتي 2 مسكينه خالتي الله يطول بعمرها يت تركض لبست وجي
قالتله اركض الطبيب مرتك فيها عوار واركب السياره واهي لحقتنا وبطريج وله مميات بنتي بالجنطه ما نزلوهم طبعا قبل لا
اطلع من البيت رحت بست بنتي وانهرت طول الوقت يعني بس دمعت وماسكه نفسي مو من قوه العوار لا من الخرعه
بس يوم بست بنتي انهرت خفت عليها وقمت ابجي واوصي حماتي الي بتقعد عندها المهم وانا بسياره دقيت على امي واختي
ورحت الطبيب يولي اهناك المهم اول ما وصلنا ريلي يقولي نزلي اقوله لا يقولي ليش اقوله تلفوني ما فيه شحن و حطلي رصيد
سولي الخدمه بسولف وانا بغرفه الولاده قام يزفني انتي بتولدين وله تسولفين بس مشى معاي عشان ما يخرعني ههههههه
المهم خالتي وصلت قبل امي نزلت عاد دخلت الطوارىء اقولولي تبين ول جير مابي ريلي يقولي ركبي اقوله مابي مافيني شي
اقدر امشي بكلشي عناد ههههه المهم خالتي اله تركبين خطر ركبت وودوني الطوارىء دشيت فحصتني وله 5 ونص لي 6 سانتي
انا صراحه انصدمت لانه ما كان عوار يبجي كنت قادره اتحمله المهم ودوني غرفه الولاده اساعه عال5 ونص جذي المهم ما عطوني الابره الشرجيه لاني كنت شاربه خروع المهم والحين اقولكم شنو غلطط الخروع عال6 ونص خلاص وصل العوار اوفر
خذيت الكمام وكان حزتها تغير الشفت ما فحصوني كلش من عقب الطوارء اختي كانت يمي صارت اساعه 8 قمت امسك ايدها واضغطها حيل والوي اختي تقول حق السسترر وين الدكتور تقول تغير شفت الحين ايون اختي قالت عالاقل يفحصونها السستر
قالت حق اختي تبين افحصها قالت اي عادي اول ما رفعت الكفر بتفحص قامت تصرخ وتنادي السسترات وين ركض ودقون تلفوني يمي و السستر الثانين يجهزون لفراش وشغلون الاجهزه واختي تقولهم اشفيكم يقولون ولاده ويت الدكتوره على طول
يت سوي بش بش بش اول مره قتلها ما اقدر تعبت ثاني مره اختي قاتلي كاه راس الياهل اقوى اخر شي سويت الثاثه وطلعت احلى توتا اللولي حبيبتي لوعتنا المهم وعطوني اياها وعقبها طحت
ولدت اساعه 8 ونص
ما طولت كلش كلشي بسرعه بسرعه بس حسيييييييييييييييييت بكلشي بولادتي الاوله طولت بس ما حسيت بشي
الغلط الي سويته الخروع شربته مفعوله يطلع اقل شي عقب 6 ساعات طلع مفعوله اول ما طلعت من الولاده
وانا اسهال وتوني طالعه من غرفه الولاده وما اقدر امشي وتوه لخياط مت مت مت مت مت طحت عليهم 3 مرات واروح حمام
اقعد معاي 3 سسترات وكلساعه ولخياط يذبح توه متخيطه وسهال تكرمون يعني الخروع طلع مفعوله عقب الولاده

اما المستشفى السلام 100% يهبلون
الدكتوره نزهت تيننن باكستانيه
الخياط مالها ماشاءلله صراحه عجيب ايدها خفيفه
والسسترات يهبلوووووووووووووووووووووون 100%
وحمدالله على سلامتي
سامحوني قرقعت وعالبدليات طوفوا

 

[بنك بااستا]

اب اب

 

[ككوته]

انا يوم السبت دخولي انا اللحين بنص شهري ولاني سكر الدكتوره ماراح تنطر علي بس المشكله اني بجر وبتعطيني طلق صناعي والرحم عندي مسسكر والياهل مو نازل بالحوظ موعافه شنو اسوي ان شاء الله بس اولد اكتب لكم اصار معاي بنات عفيه دعواتكم

 

[soft.eye]

وااي قصصكم تخرع وتونس بنفس الوقت انا بجر وبآخر الثالث وحدي متشوقه عشان اكتب قصة ولادتي ♡.♡