~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[just-me]

جست مي .. لاني مو مشاركه معاهم .. فضلت اهذر اهني .. و هالتجمع (الديوانيه) اهي اللي دايمه .

بعد قلبي والله انا كاني وياج .. اذا كنتي طليتي و قريتي بس من بره بره بتلاقين سوالفي زي ما هيه .. خلاص القناعة موجودة و الهدف موجود بس العزيمة والتطبيق <<<<< شرايج فيني ؟؟؟:dddds:

سكتي قمت لمن تكرمين أشرب ماي ... قبل لا اطلع من الحمام بالدوام أطامر و أسوي قرفصاء مادري شسمها .. اقوم واقرفص اقوم و واقرفص :dddds: مشتطه بضعف .. صاير الله يسلمج أحط معاي بالجنطة 6 بطول ابراج و غاصبه نفسي اشربهم اشربهم و دوامي قاعدة 8 ساعات فلازم اتحرك .. ومن له حيله فليحتال بس قولي عسى ما كو كاميرا بالحمام بيقولون شهالخبله:dddds:

أتوقع اني أكبركم بالعمر 36 و انتي جم ؟؟ .... ترا العمر له دور بالتأثير على نزول الوزن و استجابة الجسم للريجيم والرياضة .. مو نفس لمن الواحد يكون بالعشرينات و كذلك الثلاثينات اسها من الاربعينات ...على فكرة أكثر سؤالين ما يحبونهم الحريم اذا كانوا لايف العمر والوزن بس مادام مو لايف ولا نعرف بعض الا اهنيه .. مايقراش حاجة مايضرش ​

:dddds:

 

[سمسميه]

اشلونكم رشيقات شخبار الرجيم معاكم_03BA:

انا من امس بديت تخفيف والله يثبتني يا رب لان وزني صار مو طبيعي:0bee2e8d89:
اشتركت مع دايت كير والله يسهل ان شاءالله
ومع الرياضه الله يعين

بس ادعوا لي:eh_s(1):

 

[زيـنـه]

جست مي .. انا عمري 30
و الاعمار متقاربه .

سمسم .. زين ما تسوين .. ما قلتي وزنج و طولج ؟
على الاقل تشاركين معانا بالدوانيه .. نشد من ازرج .. و تشدين من ازرنا .. بس عسى ما تنقطع اازورنا

 

[سمسميه]

زيون
هههههههههه
انا سمنتي مفرطه حاليا اكتفي بهالجمله:dddds:

ويا رب نثبت عالاراده خصوصا اني مشتهيه كاكاو حاليا:eh_s(1):

 

[just-me]

العمر كله لنا جميعا يارب .. تهني و تدلعي و لحد يقص عليج و لا تقصين على عمرج و يجيج هاجس انج كبيرة بسم الله عليج .. انا ***ماني سابه عمري من صار عمري 30 حاشني اكتأب مع اني كنت عصلة ذيج الساعة و مو متحجبة وشقرا و شكتب ..بس صار فيني وسواس ...أمبي كبرت أمبي عيزت .. الحين انا قاعدة اونس عمري اني مو بالاربعينات باقي لي 4 سنين باستمتع فيهم و اتدلع واتهنى مع اني الحين الحمدلله تحجبت بس متنت و دثرت .. انا اهملت نفسي بنفسي والا كا المحجبات يتلبسون و يناقزون ماشاء الله .. اهوه الهاجس ... لازم نحب عمرنا <<<< اشتغلت الدكتورة النفسية شي يفكم مني عاد الحين:dddds:

 

[زيـنـه]

سمسم .. شدعوه .. كلنا قلنا .. ردي صفحه ورى و شوفي بام عينيكي

 

[زيـنـه]

جست مي .. عاشت دكتورتنا النفسيه .. و صاجه .. حبي نفسج تحبين الحياة ..ان شاء الله ربي يعطينا على قد نيتنا .. حتى انا توني متحجبه و توقهت باللبس !

 

[just-me]

[/url][/IMG]

أشوفكم على خير باجر يارب ...بنفس الحماس و العزيمة والارادة...أمين

TAKE CARE​

 

[mn.mn]

وي الظاهر طافتني سوالف وايد عقب ما طلعت من الدوام

يابعد عمري الله يعطيكم الصحة والعافية ويخفف عنكم ثقل الدوام

بالنسبة للأسئلة اللي طافت عمري 28 وشهرين و16 يوم

وزني يوم السبت اللي طاف 85 و 800 جرام

وهدفي أوصل 70 قبل عطلة الصيف

أنا من الاسبوع الياي ببدي أروح الممشى تقوية ولدي كل أحد وثلاثا وخميس

الساعة السادسة مساء والشاطرة اللي تنقشني

 

[litleDuke]

قوة بناتووووووو اشلونكم شخباركم
انا اليوم بقولكم شنو سويت_03BA:
امس رحت الجمعية و شريت اكل صحي

​

:ggdw:عفية علي شاطرة
المهم و بديت تخفيف من اليوم
و كان ريوقي توسته سمرة و عصير
قربفروت

و الغدا الله اسلمكم
توستة سمرة و جبن سلايت قليل الدسم و حليب قليل الدسم





و العشا ليمة الحين ما تعشيت و شكلي ما راح اتعشى لانه نفشيتييي ( .............):0bee2e8d89:
ما اقول الا الله كريم

و اتمنى ان تقبلوني ضيفة عندكم خفيفة على قلبكم اتمنى

جاو جاو​

 

[mn.mn]

ليتل دك ........... إن شاء نفشيتش تتعدل ويكون الرجيم معاج أوكي

أنا الحمد الله قدرت امشي وبعد شوي بقوم أزهب عشاي 2 بيض مفيوح

 

[just-me]

صبا ح الخير يا حلوات و يا رشيقات ...​

[/url][/IMG]

يومياتي :​

أمس طلعت من الدوام و تغديت سموجتي العصة مع ماشروم سوب و سلطة تالي وأخيرا مشيت بس مو بالممشى :krkrkr: مشيت ليمن الجمعية و شريت روب ( أي شي ) و رديت .. الجو كان حده عجيب و رهيب ... مشيت ساعة الا ربع رايح راد على طريج كلش مو مختصر سويت لي جولة تفقدية مشرفية .. المهم صار الليل و كنا متواعدين انا و صديقتي الصدوق نتعشى بره ...رحنا سلايدر ستيشن والا ما ينبغى ماكو مغز ابرة .. فطلعنا على البحر ...شوي جان يطري على بالي سطرة المطاعم اللي يم الأبراج و روبي تيوزداي ...نزلنا وأخذنا فرة على الثلاث مطاعم ... الله لا يراويكم .. الأول International يجيب الماحي صخه بس احنا و الجرسونات و أصلا ما لهم خلق يطالعونا .. طلعنا .. طلينا على الثاني ايطالي ..والا أزفت بس هالمرة شوية والجرسون يقول تكفون قعدوا ... هم ماكو الا واحد و مرته ... دشينا الثالث اللي اهوه

[/url][/IMG]

وهذا شكله من بره لمن كان ينبني (( الصورة من قوقل أطال الله في عمره ))

[/url][/IMG]


القعدة تشوق .. الديكور يعقد .. و الأحلي ان فيه واحد يعزف جيتار ... واي انا اموت على هالسوالف ... و أثاري أكو منه بالبحرين بريتز كارلتون ...

[/url][/IMG]

المهم أفتتحنا الجلسة بشاي أخضر .. ( ذابحتني الذرابه شسوي ) تالي طلبنا سيزر سالاد و شوربه حدها غريبة فيها البيديان والدجاج والملفوف الأحمر مقطع صغار و طافح <<<< ( ده بيمشي .. الفلفل تدقيه يا سوسو ""المتزوجون "") بس الصراحة ...حدها عجيبة .. و أخيرا ختمناها بهامور فيليه اسمه
Macadamia nut crusted Hammour مع بطاطا و سبانخ حدها خطيرة و لذيييييذة ..أول مرة من سن سنين أقعد بمطعم أكثر من ساعتين وأتلذذ و اتلفت و أسولف .. والا العادة مارثون المطاعم العالمي .. مايمدي طلبت الا حطوا الاكل كله عباس على درباس و وراه الفاتورة اشدعوه ؟؟؟ ... عموما الاكل اجمالا حده خفيف و صحي و لذيذ ..بس صج صج حده لايت ... تجربة ناجحة بكل المقاييس .. و الأطباق كلها أخنا واحد من كل نوع و أكلناها Sharing .. الحساب ( أهم شي ) كان 15 دينار و شوي .. الصراحة حده كان مناسب ...


بنات انا راح أستأذن من الدوام ...أخلص لي كذا مشوار مع أختي ساعتين و راده باذن الله ... نطروني أشرح لكم قصة الجرسون العجيب <<<<<و انتي هذي حالتج مع الجرسونات ..؟؟؟ ... و أقص لكم قصة الجنه مع خالتها و عازف الجيتار ...

نطروني ​

 

[زيـنـه]

صباح الخير
شلونكم اليوم ؟

امس و لله الحمد يومي تمام

غداي كان حمسة فقع .. و همبورجر دياي ..و شوربة مشروم ---> سيم سيم يو جست مي
و غشيت كليت كوستين صغااااار محشيين .

تالي مشيت ساعه الا عشر .

و باللليل عشاي فطيره صغيييييييره ملوت التقديم (بس بجرب لانها شغل بيتنا) و تالي عدد 2 كيوي و للاسف كان حامض شوي حسيت لساني كرهته .. و تالي الليل يعت .. شربت جاي اخضر .

اتهقون تمام ؟

اليوم الله يستر معزومه على عشا بيت و ميانه ..ان شاء الله ما اخربط .. و بحاول ما اتغدى او اتغدى روب .

من من .. ان شاء الله نشوفج .. معناته تمشين عقب المغرب .. انا امشي قبل المغرب .

جست مي .. بانتظار حزاياتج الثلاث

ليتل دك .. حياج الله و ان شاء الله تضعفين على صحه و عافيه

اشرب كموني و اتابعكم

 

[بطة رشيقة]

صباح الخير قبل لا يطير لاطير والطير له ينحااااان وانتوا لكم الخير .... ( هذى مقووووله امى الغاليه الله يحفظها لنا اول واحنا صغاار ) ....

شخباااركم بنات .. شمسوين ... طافتنى صفحات وايد ... ياحلوووكم وياحلووو سوالفكم .... الحمدلله انا سويت مثل ما قلتواااا طوفت شوى وتناسيت شوى وتوكلت على ربى .. وانشالله كل شى بينحل .... الله كريم ...

وبالنسبه حق سؤالكم ... الحلو هذا نقوله بين فتره وفتره عشان نعرف وين وصلنا ....

انا عمرى 24 ... وموظفه .. متزوجه ولدى طفل واحد اله يحفظه ... وزنى 75.8 اخر مره مقايسته ... وطوووووووووووووولى يفشل .. 150 .... وانشالله ناويه اقط بعد 10 كيلووووو اصير جذى زينه ... مو بطه هههه ... وبس شنو المعلوووومات اللى تبون تعرفونها عنى ... ؟
الله كريم ربى يعينا ...

امس الصج الصج مع النفسيه اللى مش ولا بد ... خل اقولكم شسويت ... مشيت نص ساعه ... تغديت زين ... بس تعشيت مو زين ... انا وايد فشلانه من نفسى ... بس احس انى انضغطت الجو مكهرب والرجيم حاكرنى جان يتعشوون جان اتعشى معاهم ... بس جدجد انشالله اليوم يوم يديد وببدى عدل ولى الاسبوع الياى نو تخربط ...


جسووووته ... شلووونج حبيبتى سوالفج حلوه وعليج بالعافيه طلعت البارح وانشالله تكونين استانستى ..... وتعالى صج ممشى مشرف انا احبه وايد وايد وهذا صديقى منذ الطفوله لانى انا بنت يرانكم مو من سكان مشرف من اللى حواليها بس وايد احب المنطقه والممشى بالذااات ...

قااااب ... شلونج حبيبتى .. شفيج صاااخه عسى ما شر ؟؟؟

سمسم ,...... حيااج الله من زمان عنج يالغاليه وانشالله تخفين وتوصلين للى تبين ... بس قولليلنا جم وزنج الحين .... عشان نعرف ... والله يوفقج حبيبتى ...

زينه .... هلا وغلا فيج وربى يعينج على الدوام الطويل انا اطلع من الدوام 2 ونص واحس انى لايعه جبدى !!!!! الله كريم ..


لتل دك .. يا بعد عمرى شفيج وشفيها نفسيتج ؟؟؟ افا عليج بس انتى لا تحاتتين وربى بيفرجها انشالله وعفيه عليج وعلى اغراض الجمعيه اللى شريتيهم .. وبدايه طيبه وانشالله بتوصلين للى تبين ...

منمن .... ابلتنا الحلوه شلونج يعطيج الف عافيه وربى يوفقج شلون الدوامممم ؟؟؟؟ وانشالله ماشيه تمام مع الدااااايت ... يالله شدى حيلج ....

شيوووووووووووووووووخه ... هلا وغلا شلووونج وايد وايد فاقدتج ( بس انا معطتج فجه ادرى انج لاهيه بالكورس الاخير .. وننطرج تخلصين ) بعدين ماكو فكه كل يوم نبى نشوفج ويانا ... شلون الرجييييم ؟؟

خل اروح احوس بجم ملف ولى رجعه انشالله معاكم ... عندى وايد سوالف بقولها لك

وحشتنى سوالفيك .. وحشه شوفتك اكثر كل ليله مع طيفك حبيب الروح انااا اتحسرررررررررررررررر .....

 

[زيـنـه]

بطوطه .. قلنا لج .. هونيها و تهون .
و كبريها تكبر .. صغريها تصغر .
و الله كريم .

 

[mn.mn]

صبااااااااااااح الخير

وأخيرا قعدت شوي من الصبح حوسة مع انه ما عندي حصص بس قاعدة اسوي إصدارات حق العيد الوطني

وعلى السريع تريقت توست وجبن وجاي بحليب

بطوووووووو........ الحمد الله الرجيم اوكي ماسكة عمري ورانا عطلة العيد الوطني والله يستر من الزلازل اللي بتصير بمعدتنا

جست مي ........ بالعافية العشا وأنا بالعيد رحت المطعم الايطالي اللي يم مطعمج تعشيت مع ريلي كان عااااااادي وزوين وما يسوى سعره

زينة ......... ديري بالج لا تخربطين حراااااام جذي ماراح تنزلين حسااااااافة وتذكري وراج دمااااار شاامل بالعطلة

 

[زيـنـه]

من من .. ضميري انبني من كلامج .. مو مخربطه حيل

 

[GAP^^الكبيرة]

صبح صبح
اعتذر عن الخطا الفني المقصود من امانتنا الحبيبه على كمبيوتراتنا بغرض الحمايه والوقايه

شلووونكم وشخباااركم
وحشتوووني كلكم
بس قبل لا انسى

زيونه حبيبتي... كلمت بريزا بالتلفون لانها توها راده من الاجازه وقالت انها بزي لي العيد الوطني .. اذا تبين نسقي معاها وهذا رقم موبايلها>>> احس انها بتكرهني مليون مره اكلمها وللحين ما سجلت بولا دوره عندها ههههه
97911341

وبالنسبه للعمر (( زيييينه اسالتج هالايام محبطه هههه> اتغشمر يالغلا ))... 28 مواليد اخر اكتوبر 1980
عزباء مع مرتبه ام عيال
اطمح لي نهايه السنه اقول هالوووو 60... ان شاء الله يا رب ان شاء الله


شيوووخه.. هلا حبيبتي شلونج وشخبااارج.... بشرينا شلون الميداني وشلون رجيمج.. وانا بخير الحمدالله المفروض موعدي باجر بس اجلته الاسبوع الياي وان شاء الله خير
متى تخلصين الميداني عشان نحتفل فيج؟ ... بس عشان يصير احتفال رشيقات نكنسل البوفيه ونروح يوم رياضي بشامبينز اليديد لوووول


منمن... شلونج حبيبتي وشلون اليوم الدراسي... بشرينا شلون التزتمج مع الاوربتراك .. عاد امس لاول مره كملت 10 دقايق..الحمدالله


رشووووووووووووووووووووق.... وااي حبيبتي انتي :**** هونيها وتهون ويارب يارب تكون اخر اخبار ضيقه الخلق ياااارب

ومبروووووك عضويه الدالوكاز كوبج نفس كوبي بو رقبه ضيجه ههههههه

خل اقرا باجي الردود وارد عليكم ان شاء الله
وعذروني اذا نسيت احد مني ولا مني

 

[بطة رشيقة]

ريوووقى ... جاى بابونج مع حبتين شابوره ونتفه جبنه .. وقاعده اشرب ماااى ..

 

[mn.mn]

من من .. ضميري انبني من كلامج .. مو مخربطه حيل

بعد عمري سوري ما أبي أضيق خلقج بس حبيت أشجعج تلتزمين

وبالعافية عليج اللي كليتيه ميخالف لا تحرمين نفسج

بس انا قصدي حرام ورانا عطلة واحتمال كبير نخربط

عشان جذي لازم نمسك عمرنا هالاسبوع

صح ولا لااااااااااااااااااااااااا ؟