~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[زيـنـه]

جست مي .. جان شجعتووووه واعليه كسر خاطري

بطه .. انا اسمي مو موياهم .. عيل انا مو خالتج .. انا اختج العوده .. هههههههه

 

[GAP^^الكبيرة]

قاعه اقرا كتاب وصايا الرشاقه>>> ياكثر ما اقرا بهالكتب
في نصايح باخر الكتاب
لحظه اسوي عليها سكان وانزلها لكم

 

[just-me]

gap^^الكبيرة رد: ~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

وبالنسبه حق موضوعج ما تدرين شنو اللي بينهم.. يمكن بينها وبين الخاله شي.. انا معاج ان الوحده بغض النظر متزوجه ولا غير متزوجه مو حلو تقعد وتمد البوز .. واللي تحسين فيه او مشاكلج الخاصه عزيلها عن الناس اللي مالهم شغل

أأيدج بهالنقطه مليون بالآميه .. اذا الوحده ( جنه أو صديقه أو اخت )مالها خلق تعتذر من البداية أفضل حرام هالمخاسيير والطلعة والوقت
بس تتوقعين لو الخاله قالت خل نمشي الجنه بتطوف السالفه؟؟؟... اذا على عشا ومحد يمها ولاويه بوزها ..

أتوقع بتحس على عمرها و تستغرب ليش هونوا عن العشا؟؟
المشكله يا عزيزتي... ان مو كل الخالات يعاملون جناينهم نفس بناتهم ولا كل البنات يعاملون خالاتهم مثل امهاتهم
اليوم
صدقيني مهما كان .. الخاله بالاول و التالي ( أم )ترضاها حق امها ؟؟و حتى الريل اللي تهون عليه أمه تهون عليه زوجته ..ّّ ميخالف تستحمل لو افترضنا ان الخالة قشرة كلها جم سنة و بتصير اهيه خالة
12:24:53 pm
زيـنـه رد: ~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

--------------------------------------------------------------------------
يمكن الجنه يايتها العاده و تعبانه و طالعه غصب .. ما تقدر تكون اوكي .
نفس تعليقي حق Gap تعتذر من البداية

يمكن الجنه متهاوشه مع جوزو بالسياره على سبب سخيف و طقت البوز تبي تحسسه بس للاسف حسست اللي معاه بطناقيرها

اهني اساس الغلط ..هذي أمه.. شكو اهيه متزوجته والا متزوجه امه .. متهاوشه معاه والا مع امه أدري صعبة بس تستحمل الريال بالحلوة ابيه و بالشينه ويع عليه؟

يمكن الجنه مو عاجبها المطعم و نقنقت شوي و تالي لما طلعوا استانست dبرأيي ان أي جنه تعزمها خالتها تحمد ربها ( مو ميته على المطاعم الحمدلله الكل عينه متروسة بس التقدير اللي من خالتي أهم ) اكو خالات ما يسألون عن الجنه ولا يدرون جانها مريضة بتموت

أمبي.... أنا اسفه والله مو قصدي أحش بالمره .. يشهد الله علي اني حبيت أنصح وضربت هالقصة مثال لاأكثر ولا أقل لأنها كانت بقلبي و حبيت نتناقش عن هالمشكلة عند بعض البنات الله يهديهم... و بالنهاية الموضوع وجهات نظر لحد يزعل مني .. :hjy5jewf:

 

[بطة رشيقة]

عدت والعودووو احمدوووو .... يعنى الحين انا بعلق على قصصج جسوووت ... القرسوون جان صكيتوووه راااشدى وصحيتووه !!!! بس صج صج خصوصا اذا كانوااا من اخوانا المص,,,ر,,,,,ي,,,,,ن شوى لج عليهم بالاستهبال ... بس ما عليه طوفيله ... وبو الجيتار ضحكت عليه .... شيطلع هذا من تبع المطعم والا داش يدندن ويطلع ؟؟؟؟ بس ما اقوله الا الله يخلف عليك ... احنا بديرتنا بالمطاعم كل واحد عينه بصحنه ماعنده وقت يشجع ....

نيى الحين .. حق الجنه والخاله .... ( قلبهاا متروووسه ) بس صج صج احنا صج ما ندرى شنو بينهم ... بس اول شى .. مدام الخاله .. ما قصرت ويمعت عيالها ومرت ولدها اليديده فل نفرض ( حلوه فلنفرض هذى ) او حتى لو كانت عتيجه .. بحط ذاتها حلووووه فى غيرها مو حصل ربع عزيمه !!!!! المهم ... يعنى الام شنو تبى من وراى هالعزيمه تبى تفرح بعيالها وبولدها اللى توه متزوج وتبيهم يتعرفون على بعض وفرحانه فيهم .. مو اكثر ... فانتى يالجنه ام نفس خاااايسه ليش ليش تبوزييييييييين !!!!1 والله ترى الوحده كلش شكلها مو حلو وهالنووب جدام خالتى وحماى وجدام الناس بالمطعم ....؟؟ مو حلو اذا زعلانه من الجوزوووو خشى بوزج لى البيت وعلميه شغل الله .. بس عيب المره مقدرتج ما تقدرينها .. ( ودكم هذى تكون موجوده معانا بالمنتدى وتقرى اللى قاعد نكتبه عنها ههههه ) واقول حق الخاله اذا كانت خوش خاله وجنتها عويه ... الله يكون بعونج يا خالتى الغاليه ام تااايوووز ونظاره قاعه بطل وربى يعوضج بولديج الثانى بوقفل اللى عمره 20 ..... ومالت على جنتج البومه .. بس شتسوين عشان سعاده ودلج اللى خذاها وانتى مو راضيه ههههههه شفينى شفينى ستوون بطوووه وين دشيت مع العايله ؟؟؟ المهم هذا رااايى الشخصى وانا مو شرط اكون مع الجنه اكو خالات ذهب وجنااااين نحااس مصدى واكو العكس ....

( عاشواااااااااااااااااا بنات الدوانيه المتفاعلات )

وشكرا ..


اخلى المجال حق خالاتى واخواتى الكبار

احبكم كلكم ..

:klhfl:​

 

[mn.mn]

أمبيه طافتني سواااااالف ما يمديني أقرا الحين بطلع

قاب نسيت أقولج عيد ميلادج نفس عيد ميلاد بنتي

والاوربتراك مخليته حق نهاية الاسبوع لان اسرع من المشي 10 دقايق وخلاص

أمس واللي قبله مشيت واليوم إن شاء الله أقدر ولدي عليه باجر إملاء بدرسه وبليل على جهاز المشي سيده

 

[GAP^^الكبيرة]

جسووته... حبيبتي ما نزعلووش نحن نسولفووووش

 

[GAP^^الكبيرة]

رشوق بنت اختي ... ههههه اشوفج وايد استرسلتي شكل الموضوع وايد عجبج هههههه

منمن... بالتوفيق ان شاء الله.. وتنصحيني اشتري جهاز مشي؟

 

[GAP^^الكبيرة]

تفضلن خواتي

 

[just-me]

ياربي عساني أشوفكم عرايس عسل مو لحم .. ويرزقكم خالات سنعات و حليوات وحبيبات مثلكم و اللي متزوجه عسى الله يهدي خالتها و يطخخها عن ريلها و يحنن قلبها عليها قبل ولدها ... قولوا أمين <<< الظاهر الأخت تعاني

كلكم على راسي و استانست ان هذرتي ما كانت صداع و مالها سالفة <<<< أشوه كنت متوقعة تدرون شنو؟؟

(( شعندج اختي صج ما تنعطين ويه قلنا رشاقة مو فلسفة ))

الله يعلم اشكثر استانست على تفاعلكن كلكن :dddds:

بعد أي حزايه تبون أحازيكم ...؟؟؟ شكو ؟؟؟؟بس قلبتي راسنا :tomato2:

 

[GAP^^الكبيرة]

حازينا حازينا >> رافعه الرايه ومستانسه هههه

 

[just-me]

:

حازينا حازينا >> رافعه الرايه ومستانسه هههه

Gap باقي لج ساعة على دوامج و باقي لي ساعتين شودج أحازيج:dddds: تدللي

 

[just-me]

تبين أقولج قصة لها علاقة بالجملة اللي بكتابج لا تجعل من نفسك سلة قمامة؟؟


ماتبين ...؟؟؟....خلاص نو بروبريم

 

[GAP^^الكبيرة]

لء اكيد قولي
انتي تدرين شكثر استمتع بسوالفج

 

[بطة رشيقة]

يا حبااابه حازينا ...


وعلى موضوع الخالات اى والله يارب انك تهديهم كلهم ...

 

[بطة رشيقة]

انا باقيلى تقريبا نص ساعه واطلع اوووووف مليت !!! ...

كتابج يونس يبيله على فراغه اقراااه ..

 

[GAP^^الكبيرة]

تصدقين عاد .. هذي لها تاثير كبير من الموروث الثقافي اللي تربينا عليه..
* حرام تنقط النعمه
* لا تقومين قبل لا تخلصين الصحن
* انا طابخه حق منو؟

انا كنت قاريه هالمعلومه من قبل.. وتكررت بكذا كتاب

بس لا شعوريا اطبقها...

 

[GAP^^الكبيرة]

رشوق... شكثر اقرا كتب و احوس بالنت ادش مواقع اقرا .. بس التطبيق الله بالخير
وما بقى شي على نهايه دوامكم

انتو نفسنا 2 ونص؟

 

[just-me]

الحزاية ​

ذكرتني الجملة اللي في كتابج ..بقصة كانت أختي العوده ( الله يرحمها ) قاصتها لي ... كنا نمشي مع بعض بالممشى وكنت توني والدة ...و في بداية مشوار البحث عن الرشاقة ( ليمن ألحين مادليته ) و طبعا الجسم حدث و لا حرج ....ما يتطالع .. العجل بناحية والكنب بناحية ...:dddds:

المهم كانت تسولف علي عن قصة اهيه قاريتها عن وحده محبوبة عند كل جيرانها و أصدقاءها و زملاءها بالعمل .. دمها خفيف .. صاحبة مواضيع متجدده .. بس فيها خصلة صغيرة ....تموت على الأكل ( كلش مو مثلي ) و تحس ان متعة الحياة الأكل ....وان المناسبات ما تكتمل الا بالاكل .. طبعا طريق الأكل بيودي وين ياحلوين ؟؟؟ بعد ما يحتاج أقول كلنا اهل خبرة :dddds: الحبيبة كل ما لها وتاخذ بالعرض و الناس تاخذ بالكش .. ليمن ذاك اليوم اللي تفاجأت بورقة على باب ثلاجتها من زوجها كاتب لها بما معناه .... انا لقيت اللي تقط الأكل بالزبالة فماحبيت أعيش مع وحدة معتبرة بطنها سلة زبالة تحط الأكل فيها!!! الوحده هذي مثقفة ....مو مثلج ما عندها موضوع الا دخلت فيه الأكل و سوالفها ما تخلى من الضحك و السخافة و المواضيع التافهة ( حسرتي عسى مو قصدهم انا حطوها بالقصة ) ... من يومها ... صديقتنا ولعت :eh_s(14): وشبت ما طفت الا لمن صكت حلجها ...وقطت كل الأكل اللي في بيتها بالزبالة وبدلته بأكل صحي .. واشتركت بنوادي و دشت دورات عشان تثقف نفسها و حضرت ندوات يمكن تعوض العيوب اللي لقاها زوجها فيها ...و ما ارتاحتالا ليمن وصلت و بعد جهد جهيد الى صورة المرأة اللي زوجها تركها عشانها ..

و تمر السنين وفي يوم من الأيام ترجع صاحبتنا البيت ...وفجأة والا زوجها موجود ؟؟ شيايبك طيح الله حظك ( هذي من عندي :dddds: ) قال : ... انا غلطت غلطة كبيرة لمن تركتج ..انا اكتشفت ان كل الحريم سيم سيم ..انا استعجلت لمن عشت مع انسانة غيرج صح اهيه مثقفة و رشيقة .. بس مع السنين راحت رشاقتها ..و تمت الثقافة اللي ذبحتني فيها .. بروحها كبت وتتفسلف :eh_s(6): ..
جان ترد عليه صاحبتنا .. توك تدري ان الحريم كلهم نفس الشي .. عناد عليك انا ما أبيك .. و عاشت سعيدة برشاقتها و دمها الخفيف وأظنتي الريل انتحر ما ادري استخف ....:dddds:

خلصت وملصت ويت الديايه وعنفصت...

العبرة من الموضوع ان مهما صار لازم ننتبه على عمرنا حق نفسنا موعشان غيرنا .. عشان صحتنا .. مو عشان نعجب الناس .. عشان جذي .. لا تصير ابطوننا سلة الزبالة و انتو بكرامة

ها بنات .. اتمنى ان القصة عجبتكم ؟؟​

يالله غاب هده ​

:dddds:

 

[GAP^^الكبيرة]

ودي اعلق.. بقلبي قرقه

ان شاء الله باجر عشان اخذ راحتي

يالله بنات سي يو بروح عبدالوهاب ... وبعطيكم التقرير باجر اذا الله احيانا

 

[هــنــــــد]

يؤ يؤ يؤ
رااااااااحت جــــابو :eh_s(11): اهئ اهئ اهئ
يالله ما عليه نشووفج بكره باذن الله



بنــــــات
:68_asmilies-com:
هندووووو ردت من السفـــر.. ولهت علييييكووووم

:eh_s(22)::eh_s(22)::eh_s(22):
​