~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[GAP^^الكبيرة]

سمسووومه.. اهلا وسهلا نورت الديوانيه

ليتل دوك... بالعافيه حبيبتي



يومياتي

طبعا يومياتي يوميات تفشل طول هاليومين مبطله حلجي نفس الصوره

قبل يومين كنت المفروض اروح ماكي وسينما.. الوجهه تغيرت الى ابلبيز وبما اني احب ستيكهم طلبت مسكيت ستيك مع مشروم وبطاط وبصل والذي منه وطلبت سيزر سلاد سايد دش
طبعا اكلت اكل مو طبيعي ... وعلي بالعافيه بس بدعت
واحنا طالعين ولا نمر النسائم نكمل باجي خرابيط ما عندنا منها للشعر ورفيجتي تبي جهاز بخار الموهيم واحنا هناك ولا نشوف واحد يبيع ديفيات كوبي
شرينا منا جم فيلم وقررنا السهره تكون عندها بالبيت نشوف الافلام

طبعا لانا نقلنا السينما عندهم البيت فلازم البوب كورن ينتقل لي مطبخهم... اكلنا اللي في زبده لان ما عندهم غيره بس ما كثرت يمكن خمطتين بس... وامها بعد جبدي سوت لي كيكه التمر مع التوفي (( لاني مع التمر قصه عشق متجدده دوما وما ارفض اي شي يحتوي عليه او على دبسه ))وكانت يم يم بطريقه تخلي اللسان سبيييش لس... اكلت قطعه وحده بس >> برافو علي ههههه
وانا راده البيت كلمت ابوي وخواني يبون عشان من حبيب الشعب (( ماكدونالدز )) طبعا لازم اطلب لي وجبه... سويت روحي ذربه وطلبت كيدز ميل .. بس لاني كنت مكثره بالاكل ما اكلتها

امس ...
ريوقي كان شابوره الرجيم اللي حطيت لكم صورتها..
غداي كان عرايس وبعدين اهل مرت اخوي مسوين مجبوس لحم و دياي ومطرشين لنا نقصه ... فسويت غدا بارت تو واكلت معاهم مع سلطه و جم حبه بطاط مقلي
العشا هم عرايس
نص اليل كنت ميته يوع فقطيتلي بطاطا بالميكروف وهرستها مع جبن تشيدر و زبده لوفات (( شريتها جذي )) و بروكلي وزيتون اسود شرايح وملح وفلفل اسود وتونه>>> ادري عفيسه بس طلعت لذيذه
اخوي شافني فطلب مني اسويله وحده ثانيه وانا بالمطبخ جان تيين مرت اخوي تبي معكرونه باللحم المفروم.. المهم تعيشت للمره الثالثه معكرونه
ليش اسوي بعمري جذي
مادري
للاسف مادري
بس صج كارهه هالوضع
ويبيلي اتعدل عدل
عشان جذي اجلت موعدي مع التغذيه

اليوم
ريوقي
توست وجبن محشي لبنه وطماط .. وقهوه >> ماحبها الصبح بس شربتها عشان تسد نفسي

وقبل شوي قرصني اليوع فاكلت لي شابوره الرجيم >> المفروض ما تكون بنظامي بس مادري شفيني
المشكله ان اليوم غدانا انا واختي بمطعم عبدالوهاب >> بنجربه
وباجر طلعه صديقاتي بماكي وانا لازم اروح من زمان مو شايفتهم.. وادري اني بخربط
زفوني

 

[زيـنـه]

خلص وقت ال 3 ان 1 .

غاب .. انا ودي اتعلم سامري عند بريزه .. و مو مشكله على شهر 3 ان شاء الله .

 

[زيـنـه]

بعد عمري سوري ما أبي أضيق خلقج بس حبيت أشجعج تلتزمين

وبالعافية عليج اللي كليتيه ميخالف لا تحرمين نفسج

بس انا قصدي حرام ورانا عطلة واحتمال كبير نخربط

عشان جذي لازم نمسك عمرنا هالاسبوع

صح ولا لااااااااااااااااااااااااا ؟

من من .. ادري و الله تشجعيني .. بس انا جدامي حافز اقوى ان قوزو يسوي تخفيف او ريجيم .. و وزنه ما شاء الله نزل
يعني لازم احترم نفسي و اصك فاهي و اتحرك شوي .

 

[زيـنـه]

غاب .. توني اقرى ردج اللي متروس خربطه
ليش هالبربسه .. الحين انتي المثال الاعلى للاتزام و الصور المشجعه .. تبينا نقتدي فيج الحين ؟؟
لالالالالالا .. ديري بالج حبوبه .. كسري ال 80 .. و دشي عالم السبعينات لو 79.9

و اترك المايك حق من من ---> تخصصها زف و توبيخ من الصبح

 

[GAP^^الكبيرة]

زينه .. والله استاهل الصراحه لاني افشل
وعفيه لا تقتدون فيني لا اضيعكم... صايره افشل انسانه ممكن احد يقتدي فيها

ان شاء الله بلتزم .. بحاول اليوم اطلب شي مشوي وماني ماكله مقبلات
واحتمال ارد موعدي عشان احصل لي زفه اتسنع منها

عاد تدرين هال 80 مسبب لي عقده نفسيه... من انزل عنه لازم اصعد واسير عليه ...

المشكله ان اغلب اذا مو كل معارفي اضعف مني بوايد... وما قدر الزمهم على اماكن معينه عشاني
يعني مثلا رفيجاتي من الجامعه صارلي يمكن 6 شهور مو شايفتهم
اختي حصل لها فرصه ان ريلها بتغدا عند اهله ومن زمان مو طالعه معاي
فهالفرص مابي اضيعها >> قلت قصه حياتي

 

[mn.mn]

زيون ........ انتي نفس حالتي أنا ماقررت أسوي رجيم عدددددددل إلا لما جوزي ضعف وصرت يمه إكس

قاب ......... يبيلج تقرص بس يلا ان شاء الله الفرج قريب وطلعنا مواليد نفس السنة بس انتي أكبر مني بشهر ويومين

أنا الحين بروح آخذ ولدي من الروضة عندي الحصة السادسة ولازم آخذه الحين اخاف أتأخر عليه

سي يووو ولما ارد باكل سناكي جيس سبال صغير

 

[GAP^^الكبيرة]

وناسه

معدل اعمارنا كلنا متقاربه

بحفظ الله ان شاء الله

 

[GAP^^الكبيرة]

هذا انجازي امس على الاوربتراك ههه
وان شاء الله اليوم احاول امشي او اسوي اي شي عشان اعوض البلع المتواصل



بقرا الحين الرود السابقه لان وايد سوالف طايفتني

 

[زيـنـه]

غاب
روحي العزايم و عليج بالعافيه..بس خففي .. يعني غدا لا تتعشين .. او اذا عشا لا تتغدين .
حاولي تاكلين المشوي او اللحوم و السلطات .. خففي خبز ومعكرونيه وعيش و حلويات .
هذه الوصفه السحريه للعزايم بالمطاعم .

من من .. يعني الحاله وحده .. من قوزو .. عسى الله يتمم علينا و نوصل اللي نبيه بالصحه و العافيه .

 

[just-me]

أنا رديت .... نورت الليت <<< مو المفروض البيت ؟؟؟

القصة الأولى :​

[/url][/IMG]

الجرسون اللي في Trader Vics كانت مشكلته مشكلة ... نكلمه و نسأله عن الأكل وهو لاف رقبته الصوب الثاني و عيونه بقمة راسه ... واذا عدنا عليه السؤال مره ثانية ( بالعماله عشان ينتبه ) .. يرد يلتفت علينا و يرمقنا بنظرة خطافية .. وهكذا دواليك <<< حلوة منج يا أبلة العربي ..بط جبدي <<< أتكلم عن نفسي ما ادري عن صديقتي الصدوق ... أقوله شنو نوع الشاي الأخضر اللي تستخدمونه ؟؟ يقول مش عارف اجيبوه و شوفيه يمكن عندنا ليبتون ومش متأكد اذا كان فيه تويننج :eh_s(14): و عينه ذاك الصوب .. اهني تنرفزت جان أقوله .. لو سمحت لمن نكلمك و نسألك عطنا اهتمام و طالعنا شوي .. قال لا موأخذه انا ببص على الباب عشان اذا كان فيه زباين ...!!! قلت المطعم فاضي و في ستين جرسون غيرك ؟؟ قال ما أنا أصلي ببص لمن انتو تكونوا مشغولين بتقروا المنيو <<<عذر أقبح من ذنب ... المهم طلبنا و شوي شوي بدى ينترس المطعم واحلوت القعدة .. عسى ما ناديناه طلبنا ليمونة والا فلفل الا حذفها وراح ... شوي جان أقول .. يا انا يا اهوه :eh_s(14):...لوسمحت تقدر تنزل main course ألحين ....قال اه اوكي اصل انتو طلبتوا 2كورس و الاول طلع مادري شنو والثاني مادري شخربط المهم ...خلصنا!!! قال معلش نادوني لما تعوزا الطبق الرئيسي .. قلت له انا قاعدة اقول لك من الصبح جيبه !! قال وهو متدوده ( اصل انا مشغول ):rgewrg: ماع الويه .. واي هذا اللي بزنطه .. المهم ... شم شم شم ياربي اشم ريحة شي خنين جنه ريحة باربكيو .. والا الطاولة اللي ورانا طالبين شي بماعون طالع منه لهب و محطوط عليه سيخ قاعدين يقلبونه ...!! شكله يشوق و ريحته عليهم بالعافية تفر الراس <<< لا بالله غصوا باللقمة ... انكسرت رقبتي وانا اطل بشوف ( حشى مو شفاحة ولا بلاغة شف <<< عيل شنو يسمونها بالله ) المهم قلت لا دفعنا الحساب بسأل المدوده .. و أخيرا ...جان يقول الطبق ده اسمو Beef ChoCho لحمة شقف .. نص مستوية و الزبون يشويها زي ما يحب ...صل انتو شكلكوا عرفين انتو عاوزين ايه ...فما حبيتش اقترحوه عليكو:eh_s(14):


الخالة و الجنة ... يتبع <<<<< طايحة له تشويق

 

[زيـنـه]

جست مي .. سويتي لنا جوووو
بصراحه يا شين الجرسون المصري .. و لو انا منج ما صبرت عليه .. انادي مديرووو يكلموووو .

يلا .. الحزايه الثانيه الخاله و الجنه

 

[GAP^^الكبيرة]

لووووووووووووووووووووووووووووووول

يا كره الجرسونات اللي جذي.. بس حلو اخذتو عنه فكره عشان المره اليايه تطلبونه.. وصج يمكن ناطر زبون او احد معين بس الله يهداه لو منتبه عليكم احسن

يالله كملي ناطره بارت تو

 

[GAP^^الكبيرة]

غاب
روحي العزايم و عليج بالعافيه..بس خففي .. يعني غدا لا تتعشين .. او اذا عشا لا تتغدين .
حاولي تاكلين المشوي او اللحوم و السلطات .. خففي خبز ومعكرونيه وعيش و حلويات .
هذه الوصفه السحريه للعزايم بالمطاعم .

من من .. يعني الحاله وحده .. من قوزو .. عسى الله يتمم علينا و نوصل اللي نبيه بالصحه و العافيه .

ميغسي على النصيحه ... بحاول اطبق ان شاء الله

 

[just-me]

[/url][/IMG]

الخالة و الجنة ​

أعتذر مقدما عن القصة لأن مالها علاقة بالديوانية و الريجيم ...بس الصراحة ودي أحطها للمتزوجات وللي عسى الله يوفقها بالزوج الصالح جريب ...للاستفادة و الاستمتاع بالدنيا ...

احنا الحريم دايما نصف مع الجنه .... ودايما نعذرها بس لأن احنا جناين وندافع عن روحنا وما نرضى بالمقولة الشهيرة (( بطن جنه )).. .. الا هالمرة الصراحة انا صفيت ويه الخالة .... شوفوا ليش ..... دشت المطعم مرة كبيرة كاشخة بذاك التايير ( مو عبا ة ) شكلها سننننعة و ملفع ذرب و نظارة قاعة بطل يا عوينتي و معاها ذاك الوليد الزعنو ان كثرعمره يالله 20 عليه جماغ و قفل وكاشخ فقير.. .. قعدوا بطاولة جريبه علينا وعقب 10 دقايق.... اللي فهمته من اللي شفته.... ان يه و لدها الثاني مع مرته ( الجنه ) طبعا شكلهم معاريس الولد سبور واخر انشكاح و البنت تبرق من فوق لي تحت ترهش كاشخة على الاخر (هذا المفروض سواء عروس أو عتيجه )... المهم... سلمت قعدت... ما شفتها حبت راس الخاله ( شدعوه ..حسبة أمج ) و تالي اقعدت ويا قعده كوني قعده بوز ...متفوخه جنها طاقة 15 ابره بوتكس بخدها و غازتها 17 نحله بحلجها .. والخالة ياقلبي تطل بويها و تسولف ( بتحرك الجو) و تجدم لها الأكل !!! و الريل يقوم ويقعد و هذي مبوزه

[/url][/IMG]

عيل اشحقه يايه ؟؟؟ واي بطت جبدي ... حمدي ربج عازمينج و عازينج و مستانسين عليج ...ما فجت بوزها الا حق البلعة .. شوي والا دفعوا الحساب و توهم بيقومون جان تستهل الاخت و تبطل الكشرة

الرسالة اللي بوصلها ... حتى لو شي مكدرج .. شذنبهم اللي حوالينج .. استمتعي بكل لحظة و تالي بوزي بروحج بالدار بفراشج .. لازم تبوزين عشان يحسون انج زعلانه .. خلاص حسوا شبيسوون لج .. انا لو من الخالة من البداية دام شفت جنتي ضاربة بوز اقول يالله مشينا .. نجي مرة ثانية الظاهر اليوم مو مناسب للطلعة ... وبس !! أكمل والا مليتو من هذرتي ؟؟؟ باقي راعي الجيتار :dddds:

 

[زيـنـه]

جست مي .. قصتج فيها نوع من العبره بس خل نراجعها شوي
يمكن الجنه يايتها العاده و تعبانه و طالعه غصب .. ما تقدر تكون اوكي .
يمكن الخاله قشره و مو مبين عليها الشي جدام الناس .
يمكن الجنه متهاوشه مع جوزو بالسياره على سبب سخيف و طقت البوز تبي تحسسه بس للاسف حسست اللي معاه بطناقيرها .
يمكن الجنه مو عاجبها المطعم و نقنقت شوي و تالي لما طلعوا استانست .
و اخيرا .. يمكن الجنه بعااااريه شوي و مو متقبله اهل ريلها و اهم ما فيهم شي و اهني تطلع اهي العووووبه !

يلا نقرى قصة راعي القيثاااره

 

[GAP^^الكبيرة]

لا كملي حبيبتي

وبالنسبه حق موضوعج ما تدرين شنو اللي بينهم.. يمكن بينها وبين الخاله شي.. انا معاج ان الوحده بغض النظر متزوجه ولا غير متزوجه مو حلو تقعد وتمد البوز .. واللي تحسين فيه او مشاكلج الخاصه عزيلها عن الناس اللي مالهم شغل

بس تتوقعين لو الخاله قالت خل نمشي الجنه بتطوف السالفه؟؟؟... اذا على عشا ومحد يمها ولاويه بوزها ..

المشكله يا عزيزتي... ان مو كل الخالات يعاملون جناينهم نفس بناتهم ولا كل البنات يعاملون خالاتهم مثل امهاتهم

 

[just-me]

[/url][/IMG]

Guitar Man​

وايد احب الفرق بالمطاعم وبالذات الأوتيلات .. بس غالبا بالسفر يكون الجو أحلى ولويه ..الا صاحبنا امس خنت حيلي .. من شافنا .. جنه سيلاني شايف صاحبه يوم الأحد الساعة 4 العصر .. أول ما شاف ناس بيقعدون ( المطعم كان فاضي أول ما دخلناه ) جان يبطل الكشرة

ياحليله شفي هذا ... سوينا روحنا ما نشوفه .. مافشل عمره و جندس براسه ... الظاهر حس على عمره .. الحبيب كان مصدق عمره >>>حسباله الديرة سمردحة ... عر براسه ذاك الصوب ورد يدندن بالجيتار ( بدون أغاني ) و كل ما خلص اغنية طل علينا وابتسم شفيك يما اسم الله عليك انت وين قاعد ؟؟ المهم ما عجبه عدم التفاعل .. لا احنا اللي بنصفق له ولا احنا اللي بنرقص معاه و لا عزمناه على عصير ( شكو) !!:dddds: بس فقير تفشل جان يقوم ويطلع و يرد معاه وحده صخله تعاونه ( أتوقع ) .. شوي جان تمشي عنه و تعطيه طاف :0bee2e8d89: فقير ما سوت عليه الفشيله ..عاد قبل لا ينشغل الجرسون المدوده .. وقف يم راعي الجيتار ( يكون سميع )

[/url][/IMG]

و قبل لا تخلص الأغنية:ggdw::ggdw::ggdw: قام يصفق له جنه خبل :dddds: الصراحة كان المفروض احد ينبهه .. اقعد بكرسيك واقضب جيتارك وغن وتخيل انك بديرتك .. حط عينك بنوتك الله يعافيك

 

[بطة رشيقة]

انا دااااااشه ... وابى ازف حبيبت البى قاااابووووووبه .... شويه وعقب بقرى قصه جسوووووووت ,,,,, قاااااابووو يا ماما يا اختى يا الغاليه يا حبيبتى ... انتى اللى قاعده تسوينه خبيصه ..
( عداااااااااااااااااااااااااااااااااااااال طالع من يتحجى ) !!!

بس بقولج استاااانسى ... بهاليومين ..... ( ترى ساعات يعنى الواحد يحووووشه احباااااط وايام متلاحقه من الهيااته والطلعات وتشوفين اشياااء تشوق وما تقدرين تقاومينها وما تحلى الا باليمعه .... ) عشان جذى لج منى هاليومين اوووف .. سوى اللى بخاطرج .. بس لا توقفين المشى .. وانشالله ابدى بدايه طيبه يوم اليمعه ..... وربى يسهل عليج ... خل اقرى قصه جسووووت وارد عليكم ..

شرايج بزفتى ؟؟؟

تعالوا صج كلكم طلعتواا اكبر منى ... مشكوره خالتى قاب وخالتى جست مى وخالتى منمن هاهاهاهاهاهاهاهاهاهى لالا اتشغمر وياااااكم .. :dddds:

 

[GAP^^الكبيرة]

رشووووووووووق بنت اختي هههههه... .مشكوره حبيبتي على الزفه ههههههه>>> ادب واخلاق
لء جد جد مشكوووره
ومشكوره على النصيحه
مثل ما قلتي مرح اوقف الرياضه عشان اخفف من مستوى هالتخبيص... ثانكس والله :****

تصدقين انا هالحاله تييني قبل موعد الدوره مادري ليش.. جسمي يدور كربوهيدرات بطريقه مينونه

 

[GAP^^الكبيرة]

جسوت
امبييييه.. نو تعليق حده.. الحين اثبتي ان الجرسون دايخ على عمره

عاد انا كنت من مشجعي عازفي الجيتار في الوطن العربي واكتشفت اكثر ناس عندهم هالموهبه البحرينين
انا احب ستايل جبسي كينغ ومن طقته >>> من طلب رايج ههههه