~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[زيـنـه]

صباح الخير يا رشيقات المستقبل

شلونكم ؟

انا امس الحمدلله يومي تمام ..

غداي كان صدر دياي مشوي و شوربة خضار .. و جم حبة تمر .

تالي مشيت قبل المغرب ساعه الا عشر ---> صج الممشى يشوق و احسن من جهاز المشي .

و عشاي كان خضار سوتيه .. و تالي اناناس و كيوي على عدالهم يعني مو عصير .

احس اني التزمت شوي .. بس هم للحين ما راح اوزن الا الاسبوع الياي ... ابي تاثير اللخبطه اللي صارت يخف .

انتوا شخباركم ؟

 

[بطة رشيقة]

[صباح الخير

شلونكم بنات

عشاكم بخير

انا امس تعشيت توست وجبن وحبه طماط عنونه ...

بس اليوم احي انى مو اوكى مزاجى ونفسيتى تعبانه شوى .. :0bee2e8d89:

الله كريم انشالله ...

بس الحين ما ترؤقت بس قاعده اشرب ماى ....

وهذى عضويتى حق القائمه الدلوووكيه تفضلووووا

 

[mn.mn]

أنا توني مخلصة الحصة وشكلي بسويلي كوب بابونج

زينة شوقتيني عالممشى والله يا حلاته بس المشكلة يكسرون خاطري الياهال

قلبي ما يطاوعني أهدهم واروح والله ماكو وقت عشان جذي مالي غير الجهاز

 

[زيـنـه]

بطه رشيقه .. هونيها و تهون .. لا تتضايقين

كلكم ربع ديلوكا .. و انا للحين ما شفتووووش !

 

[زيـنـه]

من من .. الممشى امس زوين ..و الجو حلو .. و شوفة الناس تمشي .. تشجعج تمشين معاهم .. انا كل ما مريت بالسياره و شفتهم دوم اقول الله يهنيكم .. صج صج اتمنى اداوم على المشي بالممشى

بعدين الجهاز كثرته تعور الركب .

 

[just-me]

أمس كان اليوم الثاني بالنسبة لي بالريجيم ...

و لله الحمد كملته بدون غش و مقصة على النفس و حجج واهية <<<<شعنده عرج الثقافة ناط من الصبح؟؟؟

مشيت على التريدمل ثلث ساعة وانا اردد الحديث الشريف ""قليل دائم خير من كثير منقطع "" و طامرت و ناقزت و سويت تمارين ضغط
معدة 10 مرات مصاريني تقطعت و اليوم فخوذي الكشنات شابين علي من العوار.. بس ميخالف في سبيل الرشاقة كل شي يهون

[/url][/IMG]
نفس الشي ما تريقت بس كيويه و قهاوي و كان غداي نفسه سموجتي الباصجه <<<< ألحين سيدة الذوق تنط يعني شنو باصجة:dddds:

و عشاي المقرر اليومي سلطة يونانية من امريكان انتاج الكويت <<< لغز هذا والا شنو ..؟؟

باختصار رديت حق مرحلة الحصان <<<<اللي متابعتني بتعرف عن شنو أتكلم :dddds:

[/url][/IMG]

أول مرة من أشهر و أدهر أنام يوعانة ...أول مرة من عهد ليس بقريب بطني يغروج من اليوع مو من غازات البلعة و الكولا

ودي أغمض عيني و أفتح عيني ألقى بلعة السنين راحت بشهور على صحة وعافية لنا كلنا يارب

على فكرة أحد شاف مقابلة حنان كمال و قيس الشطي أمس بالليل في تو الليل <<<<قصيدة ؟؟

[/url][/IMG]


ماشاء الله عليها صج عجبتني بمحافضتها على رشاقتها أصلا ضعفت أكثر من أول ما تزوجت و مهتمه بعمرها وايد ماشاء الله من جسم الى
شعر الى بشرة صج شكلها غازة ابر حق خدودها عقب ما ساحوا من الريجيم .. بس عفية عليها تحسون انها وصلت للي تبيه بتعب و مجهود
و يوع ...الله يهنيها والفال لنا

[/url][/IMG]

 

[زيـنـه]

جست مي .. كيب اون ذا قود وورك ---> تحجي بالاوكيه !!

المهم .. زين ما سويتي التزامج .. جم طولج ووزنج ؟

و على حنان كمال .. اتينن .. ما جنها مصريه او يمكن كويتيه الحين .. وصج صج صج تغيرت عن اول .. ريجيميا .. انها ضعفانه و جسمها روعه جنها اصغر من عمرها لا اله الا الله .. و تجميليا .. برفعة الخدود وتفخة البرطم .
صج حلو اذا الواحد تغير و صار انسان ثاني ..بس بالجانب الايجابي مو السلبي .

موعد قهوتي 3 في 1

اليوم وين العضو الخامس بالقروب .. غاااااااب ؟

 

[just-me]

يه يه يه شهالزين بطبوطه .. بالعافية الMug ومبروك العضوية

ليش نفسيتج تعورج بسم الله عليج الرحمن الرحيم ... والله ماكو شي بهالدنيا يسوى قطي كل شي ورا ظهرج و عيشي كل لحظة و استمتعي بقيمتها .. اليوم اللي يمر ما يرد ولا الساعة و لا اللحظة ..الحياة حلوة تهني واستمتعي فيها ...

MnMn بعد قلبي الله - الله يأجرج على دوامج .. بس الحلو انج تقدرين تشكبين أشوه الله يتمي عليج ويسخر لج ناظرتج


زيونه شلونج شخبارج ... والله انا لو منج أطب بالممشى بهدومي ان بغى البجاما بس ما الومج الممشى يمي و لا أطبه... الشكوى لله

 

[زيـنـه]

جست مي .. حتى احنا الممشى يمنا !
و نفس الشي ما اطبه .. بس اشوف الناس

عاد امس قلت اقصر الشر و امشي شوي احرك هالوزن شوي .. و ان شاء الله يتحرك:yaaaaaarb:

 

[mn.mn]

جست مي ............ اشوة الجهاز اللي عندي بالغرفة فيه نت

زين طلع شي زين من هالوزارة

وأفا عليج لو ما في جان يبت الايقو واللاب توب

 

[زيـنـه]

من من .. مافي شي يمنع انج تشبكين .. انتي مدرسة ماده اساسيه و الا مو اساسيه ؟

 

[just-me]

Gap
Gap
Gap
يعني قاعده أناديها :dddds:

بالنسبة لحنان انا معاج 100% ماشاء الله عليها ....الله رزقها و عطاها نعمة و عرفت تصونها .. ماشاء الله ترا الوضع اللي اهيه فيه ما وصلت له بالساهل .. الا باليوع و الريجيم والرياضة والشعر تسنع و اتوقع غززت أبر عفية عليها وياليت انا اصير مثلها

زيون ودي أمشي والله بس التبدل و الطلعة من البيت مادري ليش ثقيلة حق الممشى و الله لو الطلعة حق مطعم والا بلعة تلاقيني أبدل بالسيارة <<<<<تخيلي

MnMn أشوه يامعوده .. والا شيعدي يومكم بالدوام أشوه ان عندكم انترنت على الأقل تصدين عن الهذره مع الأبلات و الغاريه والسوالف اللي ما تودي ولا تييب <<<< لاعاد موت على سوالفي (( لا والله على الأقل نشجع بعض بالريجيم ))

 

[زيـنـه]

جست مي ... تعوذي من ابليس و قصري شره و لبسي و طلعي .. امس اشوف الناس .. اقول انا احاتي شلبس اثاري الناس اي شي تلبسه .. صج صج .. استغربت لبس بعض الناس .
فلا تحاتين .. تضيعين بالصقله .

 

[just-me]

زيون الشكلة ماعندي و قت <<<< بدت الأعذار ...انا أرجع البيت عقب الدوام الساعة 4 يمكن كتبت لج هالشي قبل هالمرة .. وعلى ما اتغدى الا صارت 5 و هاتك يا أشغال قال جمعية قال مكتبة قال عشا قال استقبال قال سوق قال مكتب خدم <<<< مداومة عند الرميح هاليومين .والله ودي بس المشكلة ممشانا بالليل ما أحبه أحسه يوحش و هوا صج فيه ناس بس انا ما اتحمس امشي بالليل و هم بعد بطاريتي تخنس ..((بس فكينا من أعذارج فهمنا عيازه ومالج خلق )).... بشوف لي طريقة او وقت ..جربت عقب الدوام على طول الصراحة أدوخ و أتعب سمته وحدة من المكتب الى الممشى صج دوامي مجابلة الكمبيوتر 8 ساعات بس ولو ما اقدر سيدا امشي على الاقل اشوف حاجات البيت تالي اتبصر حق المشي

يالله شجعيني وأشجعج​

Gap محد على قولت اخوانا البحرينيين (ياحلوهم) حتى تريكها طافي ..ما كو طريقة أحد يوصل لها أو يعرف أخبارها ؟؟

 

[زيـنـه]

جست مي حالج من حالي

انا دوامي لي 3:30
و اوصل البيت ارع الا 10 .. اصلي و اتغدى .. و امس طلعت 4 و نص ---> كنسلت نومة عقب الغدا .
ووفت معاي .. تهقين ما تقدرين هالوقت ؟

 

[just-me]

زيون ما فهمت أي وقت ؟؟؟ انا اساسا ما أنام الظهر ساعات انسدح على القفنة ريلاكس و اذا كنت مو نايمة وحدي بموت من التعب أنام لي ساعة بس عرفي ان ذاك اليوم فيني شي :dddds: مادري انتي شرايج؟؟لاتنسين اللواهيب على الأبواب و النهار كل ما له و يطول شكلي بخمد روحي غصب لو حتى ريلاكس بلا هيلة الظهاري ..شرايج ؟؟
بس الدقه اذا صار عندي استقبال والا عزيمة عشا لاوم ارجع البيت اتسبح واروح اصالون يادوبك على ما اتمكيج وابدل الا طار النهار...؟؟؟ شرايج

 

[زيـنـه]

جست مي
اذا عندج موجب .. اوكي تسنعي و لا تمشين .
بس لان النهار قاعد يطول .. و الوقت الحين الجو حلو .. لو تطلعين على 4 و نص و الا 5 و تمشين لو نص ساعه فيها بركه .

حتى بالليل شكثر الناس .. على ال 7 او 8 .. و الليتات مبطلينهم ..يعني احس امان .. مع اني ما احب مشي الليل .

انا حاولت اقنعج .. و انتي براحتج

 

[just-me]

حبيبتي ...شورج و هداية الله .. ما تدرين يمكن اليوم أغير رأيي .. نشوف شنو اللي الله كاته مع ان عندي درس ديني بقرطبة على الساعة 7 أول مرة بروح له .. ان شاء الله خير...

 

[زيـنـه]

ان شاء الله تقدرين .. و على كلامج قليل دائم خير من كثيرمنقطع

 

[زيـنـه]

وينكم ؟