~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[زيـنـه]

صباح الخير

بداية اسبوع جديد .. و ان شاء الله بداية يديده ما فيها خربطه .

للاسف .. من عقب اليوم الاوف .. خذيت 3 ايام اوف .. يعني المجموع 4 ايام .. اخرها امس !!

ان شاء الله الله يهديني و ابدى اليوم من جد و جديد .

 

[just-me]

يومياتي بالويك أند ... الخميس طبعا انا كنت قايلة لكم بروح العرس و الحمدلله رحت بس على كثر ما استانست ... تحسفت!!!

تحسفت على عمري و اللي قاعدة أسويه بروحي ... خل أقص لكم القصة من البداية ... رحت الصالون و سويت تسريحة عجيبة فرق بالنص ( هندية ) و عجفة جانبية الصراحة وايد عجبني لوكي... رديت البيت طبعا انا قايلة لكم اني ما زهبت بدلة فطرى على بالي ان العام كنت نفس هالسنة دبة ( مو شي يديد ) كنت شارية بدلة مخمل سودا ... كانت شوية ضيقة فوسعتها ..اليوم لمن قايستها والا السحاب ما يتسكر:eh_s(16): وااااي وكرشي ناط جني بالسادس ....أمبي الساعة 7 وأمي بتمرني الساعة8:30 أي سوق أي بطيخ شسوي .. واااااي ... قمت أفصخ وألبس بالخلاقين اللي عندي ... اللي ما يدخل بالمرة واللي شكلي فيها جنها مالت أختي الصغيرة ...ضيم ضيم ...وااااي... شغبر شهبب .. ليمن طحتلي على تنورة ماكسي سودا كريب بشيفون بقيبير أشوه بالكورسيه انصك السحاب ( تخيلوا ) المهم و لبست عليها قميص مال بدلة ثانية صدفة نقس النقشه و تور بقيبر المهم الترقع مشى حاله مع الميك اب و التراجي الكبار مشى الحال ... رحنا العرس امي استانست على شكلي ( الحمدلله خفت تتطنز على العجفة .. ماتدري بالضيم اللي عانيته ) المهم رقصت واستانست دشت العروس معاها اختها ....طبعا عالعادة صار شكلي أمبي منو هذي ..؟؟ هذي هذيج ؟؟؟ وين الشحم وين اللحم صج صج Before & after ماشاء الله عليها و عليها بالعافية ...توني بالعة ريجي مع الصدمة بقلاص العصير جان توصلني رسايل من أختي الحنونه اللي سبق وقلت لكم ما تحضر عروس و الا كاتبة لي ... """دريتي فلانة سوت عملية شالت كرشتها و علانة سوت عملية و شالت بطنها و مؤخرتها .. ومادري مني سوت عملية مادري شنو " ......الخ اف ..... انغثيت .....و الحمدلله يمكن هالشي عطاني حافز اني ما أهجم على بوفيه العرس ..... المهم ثاني يوم الجمعة ما تريقت و لا تعشيت و غداي كان ماعون صغير مكبوس دجاج (غرامي و عشقي ) على المغرب تونه حاطين الكيكة والقهوة ...شوي جان توصلني رسالة من أختي الثانية اللي كانت بامريكا ورجعت الخميس (كانت بالصالون تسوي غسيل وتشحيم ) انها ألحين بالصالون شافت رفيجتي اللي انا مو شايفتها من سنة و ان اختي ماعرفتها لأنها مسوية و مسوية ومسوية فاهيه عرفتها بنفسها تخيلوا ماشاء الله تبارك الرحمن .... اف شنو هذا
على ماصار بالليل الا نزل علي بجي .:eh_s(16):.. ليش جذي؟؟؟ ليش انا اخر انسانة تفكر بعمرها ..ليش و ليش و احاسب روحي بروحي <<<< محمد المسباح ...
و اتخذت قرار ان من باجر ( السبت ) خلاص NO Cab و NO بلعة و NO غش و تخربط بالريجيم ...
وأمس كان فعلا أول يوم ريجيم و الصراحة اللي فات كنت أقص على نقسي باللي كنت أسويه و معتبرته ريجيم ..بس خلاص نفسيتي تعبت ولازم أصحى من نومة الغافلين اللي انا فيها ...الله كريم
خل نقلب الموضوع على فرفشة .. اللي عجبني بالعرس ان محد يعرفني واللي يعرفوني كانوا شايفيني بمراحل الانفجار اللي انا فيها يعني بفترة لمن اكون متينة بس والله والله عمري ما وصلت هالوزن الا يمكن و انا حامل .... و كان في منهم شايفني وانا حامل فضاعت الصقلة فمحد سمعني الاسطوانة المعهودة ...(( وي غميضة عليج وين ذاك الجسم وين الريجيم))

 

[GAP^^الكبيرة]

منمن
تسلمين حبيبتي .. ويوم دراسي موفق ان شاء الله...
عليج بالعافيه الاوربتراك وناسه صرنا 2 الحين عشان نشجع بعض
وامس كنت صج مشغوله ما رديت البيت الا 11 يمكن طبخت غدانا وعلى طول شاور الكسلانين ( 5 دقايق هههه) ونمت

رشوق
اسم الله عليج حبيبتي.. الظاهر معدتج تعودت على نظام معين وانتي كثرتي عليها... وترفاليو من زمان ودي اروح القط سوالف مواعين وخرابيط.. بس محد يشجع في البيت
وعليج بالعافيه الانظمااااااااااااام يا حظنا وبختنا فيييييج :**
ولوووووووووووووووووووووووووووووووووووووووووووووول على سالفه شارخان موتيني من الضحك... عاد هالفيلم يهبل من اشوفه اموت من البجي وخاصه مشهد اللي يشوف امه بالمجمع >>> تحسين فيني فقره امهات هههه
والمطر يهبل.. وامييييين

ليلتيل دوك
حياج الله حبيبتي
نعومه
شدي حيلج واخذ لج رجيم والتزمي فيه وان شاء الله تردين

جسووووت السمبتيك
اهم شي انج استانستي ... وان شاء الله مفكره اطلع مع صديقتو ونروح السيمااااا .. بس للحين ما قررنا بس انا قلت لها اني حاطه ببالي اكل من ماكي... يعني ماكي الاصل والسينما مو اكيد ههههه... ولهت على اصدقاء بطني عيسى ماكي ومساري ماكي واوليفر سلاد ههههه...
الحين برد عليج على المضووع الثاني... اول شي
لاتحبطييييين ... كل من يتغير وانتي بنفسج قلتي انج تغيرتي ( متنتي)..الحين القرار بيدج بس لا يصير كل هالموضع همج مادري منو شد ومادري منو حور معدته لان اذا حطيتي هالموضوع ببالج مرح تشوفين او تسمعين غيره... التزمي صح لانه بكل بساطه اذا ما تغير النظام بشكل صحي كل اللي راح بيرد مره ثانيه
موفقه حبيبتي والله يعلم شكثر ادعيلج

كويتي ستايل
هلا حبيبتي حياج الله
زيييينه

حبيبتي مسكي عمرج.. شكل اوفج من النوع البكتيري اللي يتكاثر لي 4 هههههه.. شدي حيلج والتزمي حسافه
وان شاء الله تفتكين من هالتخربط وتلتزميييين

 

[بطة رشيقة]

جسوووته لالا حبيبتى والله ضيقتى خلقى ليش جذى كردتى خاطرج .. ميخالف حبيبتى اكيد الواحد لازم يتعض ويعتبر من اللى يشووفه اليوم انا ورفيجتى بالدوووام قاعد نسولف عن هاشلغله .. تقول ياربى الاكل حلو والناس اللى يضعفوون او بالاصل ضعااف شلون يقاااموون الاكل عاد قلت لها انتى تحسين بالفرق لما تمتنعين عن الرخبيط والاكل راح تحسين بسعاده كبيره لما تشوفين شى يتغير فيج واشياء كانت مو حلوه وصارت اتينن عشان جذى الاكل ما يهم ولا يهز جدام الانتصارات وجدام التغير الحلووو ... لا تخافبين ابدى من يديد وانشالله ربى بيوفقج ومدامج معانا انشالله بتوصلين ... بس ما قلتى جم وزنج ؟؟ عشان نعرف التقدم .. :O_SHH_:


وهلا وغلا فى قاااااب مشكووره ما قصرتى على السؤال .. انا الحمدلله الحين احسن ومعدتى مسكينه صارت حساااسه .. الحمدلله على كل حال .. وعلى شاااروخ لا تذكرينى فيه كافى كاافى .. بس قلبى يعورنى كل ما اتذكر احتر .. :eh_s(3):

وعلى الكووب اى اى وناسه استااانست انى شريته صرت من بنات الدلوووكه

انتى شخباارج وبشرينا عنج .. وبالعافيه روحت ماكى مقدما ,,, بس الحمدلله انا ما احب اكل منه .... :23_asmilies-com:


شيووخه وينج فاقدتج من زمان ؟؟ :eh_s(22):

 

[GAP^^الكبيرة]

انا الحمدالله بخير
بس خربطت للاسف بالويكند
كل يوم نتريق ونتغدى ونتعشى بمكان
الحين انزل يومياتي
بس حدي متضايقه من نفسي
وان شاء الله اليوم يوم يديد من غير تخبيص

هذا السبري اللي قلت لج اطبخ فيه



وبتتدي من اليوم اخذ


لان الامساك ( عزكم الله ) ينني

 

[GAP^^الكبيرة]

يومياتي... طبعا طول الويكند ما مشيت ولا تحركت حتى تمارين جورج كروز ما اسويها

اول ما قعدت من النوم شربت كوبين ماي وبعدين كوب كمون مع ليمون

ريوقي توست مع مشروم مشوي وجبن سلايز



سناكي



يوم الجمعه ريوقي كان كورن فليكس و فراوله



غداي كان مجبوس سمج وفتوش ومرق سمج والشوربه الحارقه







عشاي كان من برا فطاير

ريوقي يوم السبت من لونوتر وغداي كباب ايراني وعيش شبنت و عشاي من سبارو




بلشت اقرا بهالكتاب وشكله عجييييييييييب وايد يشد.. ووايد في معلومات عن الرجيم
في صوره ان شاء الله اصورها واحطها لكم

 

[just-me]

بطبوطه يالغالية ... انا اللي حارني بالموضوع اني قبل أكثر من 3 سنين سويت ريجيم ووصلت 63 و ألحين أنا 85 ... يعني ليش جذي شنو هالجريمة اللي ارتكبتها بحق نفسي صج بهالفترة حملت وولدت بس حملت وانا متينة وألحين صار لي بالضبط سنتين من ولدت و بعدي كبت ..يعني حسافة على هالتعب ... المشكلة انج عقب ما تضعفين تملين من أكل الريجيم و انا مشكلتي عسى ما اغير من نوعية الأكل أو أكل الأكل الطبيعي بكميات صغيرة الا انفجعت .. انا أدري ان حتى هالمرة اذا الله كتب لي وضعفت على صحة وعافية يارب (جميعا) اني برجع انفجع لأني أحب الأكل و أحس ان اهوه متعة الحياة ...بس لا وقفت جدام المنظرة والا رحت السوق والا انعزمت نفس الخميس واللي طاف وغيره من الأيام ...تحوشني كأبة اذا ما تلبست و استانست بشبابي بالضعف عيل شكو فايدة لاكبرت شنو أبي من الضعف أبي أستانس بعمري وألبس <<<<< بس هم أبي أكل (((ماكو فاية :23_asmilies-com))

Gap بعد عمري أنا اتخذت قرار و ان شاء الله بتم عليه .. ماراح أروح استقبالات و لا عروس ولا عزايم الا لمن أوصل للوزن اللي أبيه .. وانا أمس كان انجاز بالنسبة لي اني قعدت ساعتين بالسينما و حلجي فاضي و أصابيعي مشربكة فبعضها ...
I CAN DO IT & I WILL DO IT بأذن الله .. واذا ما حافظت على كلامي ماراح تشوفوني بقسم السمنة والنحافة و أطيح من عين نفسي قبل لا أطيح من عينكم ....

أنا اليوم الصبح ورا الصلاة طامرت وناقزت جني هبله بس من داخل فرحانة باللس قاعدة أسويه لأني بالدوام أقعد على الكرسي 8 ساعات فأوتيي بالمصري فرشت من القعدة وأمس واليوم شربت أكثر من 6 قلاسات ماي باليوم الواحد أنا ما أبي أبتدي باندفاع عشان ما أخق بسرعة فماراح أمشي بالممشى الا بعد اسبوع أمس ريوقي كان قهوة و كيويه وحده و 3 تمرات الغدا كان سمكة فيليه مشوية بالفرن مع شوربة ماشروم و سلطو والمغرب حليب خالي الدسم مع 3 تمرات والعشاء سلطة يونانية مال أمريكانا ... شرايكم بالنسبة لأول يوم ؟؟؟

 

[mn.mn]

انا كم باك

قاب ....... الله يعافيج وأنا ناوية هالاسبوع بس 10 دقايق على الاوربتراك

وروحي تروفاليو ترى حده يونس وتلقطين منه شغلات

جست مي ....... يلا شدي حيلج دام انج حسيتي بالاسى والتزمي عدل والله بتحسين بالوناسة

بنات الله يستر وما يصكوني اللي وياي ذيج العين كل من يسألني شمسويه ضعفانة

 

[just-me]

شكلي ضيقت خلقي بقصة حياتي ...عموما​

سويت شي حلو و ياريت تجربون ... بالنسبة للي مراجعين بدر الانصاري (الموسوي) يعرفون طريقته انه يطلب منج تشترين السانتي متر مال الخياط و تقايسين كرشتج صوب السر وتسجلين قياساتج اسبوعيا .. طبعا انا كل شهرين أسوي جرد بالبيت ( أحسن من الجمعيات ) فضاع القديم و رحت شريت لي واحد يديد المهم علقت رزنامة بالطوفة اللي اخيخ أصلا مالت المكتب اللي تصير كل شهر بصفحة عرفتوها ...؟؟؟ المهم لزقت شهر فبراير و كتبت بيوم أمس السبت Happy Valantine لالا لا والله حشى الله لا يقوله هالخرافات ... سجلت قياس كرشتي و وزني و جم قلاص ماي شربت و قبل لا انام كتبت OK يعني اليوم الأول عدى بسلام ...شرايكم؟؟؟؟

[/url][/IMG]

 

[GAP^^الكبيرة]

جست.. عفيه عليج.. واايد ونستيني واحنا هني كلنا بنشجعج .. وصدقيني دامج وصلتي ال60 مره بتوصلين لها مره ثانيه... بس حطي هدف زمني تمشين عليه عشان يكون الدافع اقوى

منمن... تصدقين انتي احسن مني انا ماقدر اكثر من 6 دقايق.. وان شاء الله اروح تروفاليو على يوم

 

[GAP^^الكبيرة]

شكلي ضيقت خلقي بقصة حياتي ...عموما​

سويت شي حلو و ياريت تجربون ... بالنسبة للي مراجعين بدر الانصاري (الموسوي) يعرفون طريقته انه يطلب منج تشترين السانتي متر مال الخياط و تقايسين كرشتج صوب السر وتسجلين قياساتج اسبوعيا .. طبعا انا كل شهرين أسوي جرد بالبيت ( أحسن من الجمعيات ) فضاع القديم و رحت شريت لي واحد يديد المهم علقت رزنامة بالطوفة اللي اخيخ أصلا مالت المكتب اللي تصير كل شهر بصفحة عرفتوها ...؟؟؟ المهم لزقت شهر فبراير و كتبت بيوم أمس السبت happy valantine لالا لا والله حشى الله لا يقوله هالخرافات ... سجلت قياس كرشتي و وزني و جم قلاص ماي شربت و قبل لا انام كتبت ok يعني اليوم الأول عدى بسلام ...شرايكم؟؟؟؟

[/url][/img]

جسووت خووش فكره وانا اسويها... ترفع الاحباط لما الميزان يكون ثابت والقياسات مختلفه... وترا هاليوميات مهمه عشان تعرفين وين كنتي ما شيه غلط

 

[زيـنـه]

جست مي .. يحليلج .. سالفتج مو غريبه ..جدا جدا .. اصلا الحين الموديل عصااااله !!
تروحين العرس المتان بنعدون على اصابع الايد الوحده .
و يا اختج كل الناس تتغير و اتعرف حق روحها .

يالله .. ايدي بايدج و نتغير ان شاء الله .

غاب .. نسيت عداد الخطوات .. عاد قايله بالبسه اليوم من عقب شهور من الحقران و الجفا و الصد !!

بطه .. ما تشوفين شر على اللي صار لج بالويك اند

من من .. تستاهلين كاس الالتزام الشرفي .. لاننا كلنا مخبصين بالويك اند

عن نفسي ماني وازنه الحين .. من خربطة الويك اند .. ان شاء الله اوزن عقب اسبوع
و ناويه على المشي اذا ان شاء الله الجو حليو

 

[mn.mn]

قاب ....... انا على ما خلصت ال10 دقايق حسيت نفسي قاعدة أدخن !!!!!!!!

حشا موتر مو آدمية

زينة ........ ترى للأمانة أنا أمس مخبصة بالغدا كنت رايحة الافنيوز ووأجرمت بحق الرجيم

 

[just-me]

وبتتدي من اليوم اخذ


لان الامساك ( عزكم الله ) ينني

Gap ياحلوة شنو هذا و شلون طريقته و من وين <<<<تحسين وحده تعاني مثلج من الامساك .. انا الله يسلمج عندي طقوس قبل لا انام و اول ما اقعد من النوم .. بالليل قبل لا أنام أكل قفشة نورماكول ...

[/url][/IMG]

الصيدلي و الدكتور الكل يقول انه اعشاب ونه يصلح حتى للحوامل .. و الصبح على الريج ماي دافي اقرب للحار بروحه او مع ليمونه و تالي عصير كيوي و اناناس و ساعات قراصيا...ممممممممم أموت عليها

[/url][/IMG]

سكتي معاتاة اسم الله عليكم طبعا انا خلصت من سالفة المسهلات والرويالات وكل شي و الحين ماشية مع نورماكولي حبيبي بس مايضرش نجرب منتج هذا وشهو؟؟

 

[GAP^^الكبيرة]

جسوت هذا الله يسلمج الياف تلقينه صوب العسل...
اهي بالاساس حق القولون.. بس انا استخدمها كمسهل و وايد ماشي معاي

اسمها العلمي الاسبغول او القطونا

رويال كنت وايد اشربه بس خفت منه
ايزي لاكس والمسهل بو علبه بيضه هم استخدمتهم بما فيه الكفايه
هذا ما منه ضرر وتقدرين تقطعينه عادي باي وقت

وعجبني هذا نورماكول... اذا خلصت مؤنتي من هالعشبه بحول عليه ونشوف

 

[mn.mn]

مساااااااااااااء الخير

ودي امشي بعد ما ينامون الياهال ادعولي الله يسهل الامور

عشاي اليوم روب وخيار و 2 برتقال

 

[بطة رشيقة]

قووووه بنات انا باك ....... رحت اليوم تغديت عند امى لان ابونا عنده دوام وتونى راده من ساعتين تقريبا الغدا كان 4 قفاش عيش مشخووول مع مرق لحم نتفه لحمه ونتفه بطاطه ونص كوب لبن قليل الدسم .... وكليت حلاووه فرى شوقر وبعد شوى باخذ سناكى الثانى لانى الاول خذته بالدوام وكان قهوه تروبيكال سلم واليوم ما ترقت ..... مشيت نص ساعه ..... والحبن رديت البيت لبقت شوى الدار وحست مع ولدى غسلته ولبسته والحين نزل عند يدته .... وانا قلت خل اشوووف اختيااتى الحلوين .... وبحاول العب اثقال شوى ....



جسووووووته حبيبتى لا تتحبطين وانشالله يارب بتتتغيرين انا تخيلى ما قدرت انى اسوى على عمرى كنترول الا تونى يعنى صار عمر ولدى سنتين ونص وانا كنت اخفق ... "( حلووووه اخفق هذى ) بالرجيم بس انشالله طوول ما انتى مصره بتوصليييييين واهم شى الاراده العاليه والنفساااااااااويه الحلوه انا صج انى مليت ولاعت جبدى من اكل الرجيم بس يالله ميخالف عشان خاطر هالكرشه وهالاوتى بالمصرى وهالفخووووووذ وهالزوااايد نتحمل .......


قاااب حبيبتى الكتااب شكله يشوووق بشتريه صج صج صج محتاجه شى يشجعنى .....


منمن ... اسم الله عليج واعوذ بالله من عيوون البنات الله يحفظج ارقى نفسج ترى صج الناس ما تعطى خير .....


بنااات صورت لكم الدلوووكى ... المق .... بس ما ادرى شفيه الكبيوتر مو راضى يقبل الوصله عصبت عليه اوووف



بس انشالله باجر انزله من الدواااام ....​

 

[mn.mn]

هلا والله بطوووووووو شخبارج ؟

أنا الحمد الله مشيت على الجهاز والحين بشرب أعشاب

يلا تصبحون على خير ونشوفكم باجر

 

[just-me]

صباح الخير ​

[/url][/IMG]

 

[mn.mn]

صباااااااااح النور

جست مي بعد عمري جنج حاسة توني قاعدة افكر أشرب نسكافيه