ملف أطباق المبتدئات بالطبخ تفضلوا ملف متجدد مقبلات - اطباق رئيسيه - حلويات

[<< أزيان >>]

مشرفة القسم ( جارة القمر )​

السلام عليكم

من كثر مااحبكم ويعلم الله بهالشي عز علي ان في بنات وبالاصح حريم اكبر مني بالعمر وماعمرهم دشو المطبخ خلونا بنات

نساعدهم ونحببهم بالمطبخ والطبخ عشان يفرحون رياييلهم وعيالهم بأكله حلوه من ادينهم واللي على وشك زواج يالله استعدي

من اللحين وتعلمي الطبخ عشان زوجج يفتخر فيج

انزين اشلون انساعدهم ؟؟؟؟؟؟؟؟؟؟؟؟؟؟

انا اقولكم شلون راح يكون هالموضوع متجدد وراح احط في كل طبخاتي السهله اللي كنت اسويها في بداية تعلمي للطبخ

واللي ابيه منكم انكم تشاركوني بالموضوع بطبخاتكم السهله والاهم تكون مضمونه ومجربه وانا راح ابحث بالمنتدى عن

طبخات سهله وكل طبخه راح ننسبها لصاحبتها طبعا

اشرايكم بنات اذا لقيت اقبال عالموضوع وتشجيع صدقوني ماراح افكر اوقف ابدا وراح اعطي كل اللي عندي لأنكم تستاهلون ​

 

[<< أزيان >>]

اول طبخه راح ابتدي فيها طبخه نزلتها امس للعضوه قطاوي وهذا نص الموضوع تفضلوا



هذي الطبخه اهديها للعضوه قطاوي بما انها نزلت موضوع تطلب في طبق ويعتمد على الزهره ( القرنبيط ) وهم يكون سهل

للمبتدئات بالطبخ على طول خطرت ابالي هالطبخه وانا اعتمد بطباخي عالتأليف بس مااكتب شي مومجرب يعني مجربتها

ولذيذه والاهم انها سهله وسريعه يالله بنات تعالوا معاي شوفو الطريقه

نقطع الزهره ونقوم بإضافة اصناف اخرى من الخضار المحبب لدينا مثل شرايح الجزر والكوسا والبزاليا او الفاصوليا

ونضعها في بايركس نقوم بتجهيز الصلصه وهي :

علبة كريمه كي دي دي + مكعبين ماجي وقليل من البهار والفلفل الاسود + وقليل من الماء

نسكب الصلصه على الخضار ويمكن اضافة جبن قلاص مع الصلصه او جبنة موزريلا تدخل الفرن بعد تغطيتها بالقصدير

حتى تستوي وتحمر من الاعلى تقدم ساخه او بارده بكل الحالات لذيذه



وبالعافيه ولاتنسوني بالدعاء

 

[جارة القمر]

ماركيه وكشخيه



الله يعطيج العافييييييييييييييييييية



وأن شاء الله

أنساعدج

 

[<< أزيان >>]

بعد قلبي جارونه

انتي ماتقصرين ومساعداتج واضحه يزاج الله خير يالغاليه

 

[جارة القمر]

الأطباق الرئيسية

سوي هالصينية اللذيذة والسهلة وادعي لي ...الخطوات بالصور ..


مكرونة باللحم المفروم والجبنة سهلة ولذيذة بالصور


طريقة عمل المعدس من دموع الكويت خاصة مع البرد بالخطوات المصورة


أسهل أكله بالعالم...



الطلياني الطريقة والمقادير عشان عيونكم الحلوة رووووووووووعة موطبييييييييييييعي


بطاط بالكريمة والذرة مو طبيعي _والصورة أكبر برهان



بالصور اسبجاتي بالكريمه الحامضه والجبنه لاتطوفكم




هالموضوع في وايد شغلات سهلة


صور أكلات من تطبيقي متجدد


|--*¨®¨*--|دليل قسم الأطباق الرئيسية / متجدد|--*¨®¨*--|



غدا العشر دقااايق بالصووور روووووووووووعه ما يتطوف .. والاهم انه لشخصين


السلطات والمقبلات
سلطات منوعه من دفتري الخاص / مجربه



.•:*¨`*:•. موسوعة السلطات من جارة القمر .•:*`¨*:•.:


دليل قسم المقبلات





حلو

قرص عقيلي (كيكة روبن هود الخلطة الذهبيه)

 

[<< أزيان >>]

واااااااااااااااو جارونه يعطيج العافيه حبيبتي مواضيعج فعلا حلوه انا شايفتهم

بس ممكن روابط الاكلات السهله نبي هالموضوع يكون مرجع لهم بدال مايدورون بالقسم وياخذ وقت

يسلمووووووووو جارونه عالتفاعل

 

[<< أزيان >>]

يالله بنات نبي تفاعلكم جارونه ماقصرت يالله الدور على منو ياترى ؟؟؟؟؟؟؟؟؟؟؟؟

 

[سلوى محمد]

تسلم الايادى حبيبتى

 

[A7la-SmiLe]

ماركيه وكشخيه
جاروونه
ماقصرتوا .. ونبي بعد​

​

 

[sweet barbi]

حبيبتى يعطيج العافبه انا صراحه ما أتجرأ وادش هل قسم لأنه يظيق خلقى مااااااااااااااااااااااا عرف اطبببببببببخ افشل يعنى

ودى و احب بس مادرى هل اهو عيز هل اهو خوف بس شفت موضوعج تشجعت

 

[ضحكة الدنيا]

الموضوع حلو ومميز يعطيج العافيه
ماركيه وكشخيه
ولى رجعه للموضوع

 

[جارة القمر]

ماركية


أنا دورت الشغلات السهلة

 

[ثقتي بالله كبيره]

مشكوره حبيبتي ماركية

آنا من جماعة المبتدئات ,, وقاعده أستفيد من المنتدى خصوصا موضوع حبيبتي نونو

وأتمنى انه أستفيد أكثر من هالملف

بس حبيت أتكلم بالنيابة عن كل المبتدئات <<< ما أدري منو رشحها

تره احنا نفهم أكثر لما الطبخة تكون فيها صور ,, مو بس كلام

وغير جذي في تفاصيل وايد تهمنا خصوصا الوقت والكمية بالضبط لأنه بروحنا ما نعرف نقدر

وِشكرا لج ولجارة القمر ,, ومن اليوم بتابعكم

 

[قطوه ورديه]

يعطيكم العافيه بنات
بصراحه اتشجعون الواحد
يدش المطبخ غصب طيب :dddds:
انشالله باجر بجرب وادش_03BA:

 

[لولي**]

حلوه
الفكره

يعطيج العافيه

 

[<< أزيان >>]

ماركيه وكشخيه
جاروونه
ماقصرتوا .. ونبي بعد​

​

بعد قلبي انتي ان شاء الله راح احط طبخات كل فتره بس اهم شي تشجيعكم

حبيبتى يعطيج العافبه انا صراحه ما أتجرأ وادش هل قسم لأنه يظيق خلقى مااااااااااااااااااااااا عرف اطبببببببببخ افشل يعنى

ودى و احب بس مادرى هل اهو عيز هل اهو خوف بس شفت موضوعج تشجعت

الله يعافيج ياعمري ولالالالالالالالا مانبي كسل ان شاء الله بنحببج بالمطبخ وتصيرين احلى طباخه

بس خليج متابعه الموضوع وان شاء الله تستفيدين

الموضوع حلو ومميز يعطيج العافيه
ماركيه وكشخيه
ولى رجعه للموضوع

ياحياتي يامشرفات مائدتي والله انتو المميزين ودايم دعمكم واضح لنا الله يعافيج حبيبتي

ماركية


أنا دورت الشغلات السهلة

ياعمري ماقصرتي اصلا طبخاتج اتينن مشكوره وايد وناطرين يديدج

مشكوره حبيبتي ماركية

آنا من جماعة المبتدئات ,, وقاعده أستفيد من المنتدى خصوصا موضوع حبيبتي نونو

وأتمنى انه أستفيد أكثر من هالملف

بس حبيت أتكلم بالنيابة عن كل المبتدئات <<< ما أدري منو رشحها

تره احنا نفهم أكثر لما الطبخة تكون فيها صور ,, مو بس كلام

وغير جذي في تفاصيل وايد تهمنا خصوصا الوقت والكمية بالضبط لأنه بروحنا ما نعرف نقدر

وِشكرا لج ولجارة القمر ,, ومن اليوم بتابعكم

العفو حبيبتي وفعلا الصور ضروريه بس اليوم نزلت الموضوع عالسريع كان عيد ميلاد بنوتي ومافضيت من عيوني كثر مااقدر بنزل صور وادقق بالوقت والمقادير تدللي يالغاليه

يعطيكم العافيه بنات
بصراحه اتشجعون الواحد
يدش المطبخ غصب طيب :dddds:
انشالله باجر بجرب وادش_03ba:

الله يعافيج ياقلبي وهذا المطلوب

حلوه
الفكره

يعطيج العافيه

الله يعافيج نورتيني بمرورج

 

[<< أزيان >>]

يالله بنات بحط لكم طبخه لذيذه وسهله والاهم انها بالصور

وعاد نبي تشجيع بنات مانبي الموضوع يوقف


(( مقلوبة الخضار ))

​

اعذروني بنات الصور قديمه مشاركه فيها بشنو كليتي اليوم عشان شذي مومرتبه

المقادير

خضار وهو بيديان + بطاط + بصل +جزر + عيش ( رز ) + زيت وماي +مكعبين ماجي

الطريقه

ننقع العيش بعد غسله نص ساعه او ساعه على حسب العيش اذا عيش التمويل يكفي تنقعينه نص او ربع ساعه اما اذا نوع

ثاني نص ساعه او ساعه عادي مايضر

نقطع البطاط والبيديان والجزر حلقات والبصل جوانح ونقلي كل نوع بروح بالدور بزيت ونخليه على جنب

نغلي ماي للعيش ونحط فيه مكعبين ماجي واذا احتاج ملح نزيده كمية الماي مومحدده عادي يكون وايد وبعد مايغلي نصفي

العيش من الماي مال الي فيه ونسكبه داخل الماي المغلي ونخليه يغلي ونراقبه لاتروحين بعيد خليج يمه بعد خمس دقايق اخذي

بالملعقه وشوفي حبة العيش او تقدرين اتذوقينها اذا حسيتي انها نص استوى يعني مومستويه حيل ولا يابسه نص ونص

شخلي العيش ونظفي الجدر من العيش المتبقي ورديه عالنار وحطي تقريبا استكانة زيت لما يسخن اسكبيه عالعيش واهو

بالمشخال وقلبيه عدل

اللحين دور الخضار هاتي خضارج حطي بقاع الجدر البصل المحمر وبعده البطاط والجزر والبيديان بالترتيب وتقدرين تاخذين

شوي من العيش وتخلطين معاه زعفران هالشي اختياري تحطينه فوق الخضار وبعدين تسكبين باجي العيش خطيه الجدر

وحطي تحت الجدر الحديده الخاصه بالمطبخ وخليه على نار هاديه تقريبا ربع ساعه وفتحي الغطا لما تشوفين بخار طالع من

العيش معناته مبروك عيشج استوى واكلي وتلذذي بالعافيه الاكله وايد ناطعه ​

شرحي وايد طويل عشان المبتدآت سوري بنات

 

[ღلولي الحسآويهღ]

يعطيج العآفيه ماركيه

بروح اسوي شاي واقرأ موضوعج خخخخ

صج اشتهيت اتعللم الطباخ _03BA:​

 

[<< أزيان >>]

الله يعافيج يالحسويه شربي شاي وعدلي المزاج وتعالي تعلمي الطبخ حياج ياعمري

 

[Snow angel]

ماشاء الله تبارك الرحمن موضوعك يجنن ياماركية

ويستاهلون خواتي المبتدئات



كــــــــــــــرات البطاط

هذي اكلتي نزلتها من قبل في المنتدى لكن بأختصر لكم الطريق واقتبسها هينا

مكونات الكرات:
5حبات بطاط متوسطة الحجم ومسلوقه
رشة ملح
قليل من جبنة الموزاريلا المبشورة

بعد سلق البطاطا يرش عليها الملح وجبنة الموزاريلا وستذوب من حرارة البطاط وتهرس ثم تكور كما في الصورة


تحميل صور


تحميل صور





تحميل صور

مكونات الخلطة:
1فيلية دجاج مقطع مكعبات صغيره
1علبة صغيرة مشروم مقطع شرائح
1فلفل بارد مقطع شرائح
1جزره صغيره مقطعه شرائح
1كأس من القرنبيط أو الزهرة مقطعه زهرات صغيرة
نصف كأس من الذرة المجمدة
رشة ثوم بودر
4ملاعق كبيرة من الزيت
1علبة كريمة الخفق
رشة فلفل أسود ورشة ملح
رشة ريحان مجفف


تحميل صور

يوضع الزيت ثم الدجاج ورشة الثوم البودر ويحمس جيدا وبعد ان يستوي الدجاج نصف استواء تضاف جميع الخضروات ويقلب ثم يرش بالملح والفلفل الأسود والريحان المجفف ويغطى حتى تنضج الخضروات من البخار لمدة تقريبا ربع ساعة ويحرك بين فترة وأخرى ثم نضع علبة الكريمة على الخضار وتحرك بين فترة وأخرى حتى تتماسك الكريمة قليلا ونتأكد من طعم الملح بعد وضع الكريمة


تحميل صور


تحميل صور


تحميل صور



تصب الخلطة في بايركس ويصف عليها كرات البطاطا



تحميل صور

الخلطة النهائية بالخلاط نضع:
1علبة زبادي أو الروب
2ملعقة جبنة كاسات
رشة ملح

وتصب على الكرات ثم يرش جبنة الموزاريلا عليها وتدخل الفرن وبالهناء والعافية


تحميل صور


إن شاء الله تعجبكم الأكله ترى وربي أول مرة انزل طبخه بحياتي من شغل يدي وبصراحة من كثر ما احب هالأكله نزلتها لإنها من جد الكل ينجن عليها ويحبها وبالذات الأطفال صحيح دسمه شوي لكن مفيدة مره



وبعد ما خلصت من الفرن


تحميل صور

وأمانه أبغى رايكم بصراحه لكن بعد ما تجربونها​