~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[GAP^^الكبيرة]

يومياتي

امس يوم البدايع... طلعت مع رفيجتي ورحنا ماكروني ما عجبني اكلهم زود وغالي.. وبعدين بعد ما اكلت ربع صحني ذكرت ان اليوم الميزان وفوق الخربطه اللي مخربطتها
بس الحمدالله طلعت نازله
طبعا مشيت ب29 دقيقه بس وبطيء بعد لان مالي خلق امشي كنت احاتي شغله ثانيه وكنت بفرغ طاقتي.. حتى التمارين مو عدل ملتزمه فيهم
طبعا كل من بيعزمني الحين تخيلو اخوي بيعزمنا على شوكليت بار اليوم وباجر بطلع مع اختي وصديقتها وعقب باجر بطلع مع صديقتي الصدوقه... بس بحاول اسوي كنترول على عمري
ولازم اسوي حق عمري

اكلي
غداي خثره سمج تقريبا 7-8 قفاش بس مو متروسه

عشاي باستا مع ربيان وسبانخ ومشروم وصنوبر (( اكلت ربع الصحن بس لانه كان وايد دسم)) وشربت عصير ليمون مع التوت.. واكلت حبه رافيولي محشيه مشروم وفوقها صلصه كريمه ومشروم
طبعا ما صورته استحيت
اليوم ريوقي
صمون همبورجر محشي لبنه وزيتون وزعتر من غير زيت


وسويت تمارين جورج كروز
وبحاول امشي عشان اضيع لخبطه امس ولخبطه اللي بتصير اليوم

 

[mn.mn]

صبااااااااااااااااح الخير

شلونكم يا رفيقات الدرب

بطة رشيقة ........ كان الدياي بالزعتر امس لذيذ وسهل ما يبيله شي وصج شوي تغيير

غاب ......... بالعافية روحة القهوة الشعبية حطيتيها براسي والله يبيله بس أخاف أخورها وأخربط

جست مي ............ لا تطوفين روحة الممشى إذا تقدرين أنا بعد من رواد ممشى مشرف

وصج تشوفين هناك أشكال وألوان بس ترى حتى أنا ألبس عباية بس الجوتي ( مكرم السامع ) أسود مو ذهبي

 

[زيـنـه]

غاب الله يعينج على العزايم ..
انا هاليومين هابه اقرمش شوية مكسرات نيه بالدوام .. لوز و يوز .. اتقهون اتمتن ؟؟

 

[mn.mn]

غاب تصدقين صار فترة بروح ماكروني أجربه أشوه قلتي مو ذاك الزود الحمد الله نعمة

والله يعينج على العزايم هذي اللي صج تخرب على الواحد

وبالعافية اذا رحتي جوكليت بار عاد أنا صار لي يومين

مشتهية الفوندو بس ماسكة عمري مأجلته لي عطلة العيد الوطني

 

[mn.mn]

للأسف هذي الحقيقة المرة

:0bee2e8d89::0bee2e8d89::0bee2e8d89::0bee2e8d89:

 

[GAP^^الكبيرة]

زينه... الله يعافيج حبيبتي.. واللوز واايد زين على البشره بس خبري فيه زيت وايد حتى اذا مو محمص .. بس اذا حبيتيه لا تكثرين عن خمطه
لاني ادري ان اللوزه فيها 7 كالوريات وكان خبير التغذيه يقولي اكلي 7 حبات لوز مقشر باليوم
بس الجوز ما عندي خبر عنه

منمن.. بالعافيه حبيبتي.. روحي القهوه الشعبيه اذا الجو حلو واكلي لج جبده و شاي نفسي بس وخري عن الرقاق بالجبن هههه...و بحاول اخفف الغدا او اكل سلطه واخلي عشاي بشوكليت بار نص ساندويشه الجبن مالتهم لان كل شي ثاني اجرام بحق هالكيلو ونص اللي ضعفته هههه
عاد تصدقين من كثر ما كنت اروح له ما قمت استانس على روحته ... عاد لا تحبطين .. انا ماحب هالصوره تسبب لي احباط
انا كله اقول انا متنت بمزاجي ورح اضعف بمزاجي >>> اقص على روحي ههههه

 

[just-me]

:eh_s(17):هلا هلا هلا بجارتي زيون شكلنا ثنتيناتنا نشتغل بشوريكه على قولت البنغاليين

Gap تعودت اشوف مشاركاتج و اغلق اذا دخلت ما شفت اسمج منور
استانسي وطلعي و اكلي عليج بألف عافية العمر واحد والرب واحد واليوم اللي يعدي ما يرجع اذا ما عشناه بوناسة و بطلعة و ضحك و هنا عيل شهالعيشة... الله يخلي لج الوالد و خواتج واخوج يارب و لساير المسلمين ...:friends:

خل أحازيكم حزاية عشاي أمس بالأفي نوس على قولة وحه من الوحايد

أمس يامحفوظين السلامة دقت علي اختي الحنونه:ها جست مي.. شرايج نتواعد بدين اند ديلوكا؟؟ قلت اوكي انا ابيها من الله رحنا انا واهيه و امي و بناتي .ناديت الجرسون وطلبت حق اهلي نفس المقرر المرة اللي طافت سيزر سالاد و جكن تندوري ساندويش و باستا وزيادة عنهم بيتزا حق بنتي العودة ..(( انا كاتبة بحملة لذوذة مرة ان هالمطعم جرسوناته دايخين شاللي خلانه نروح له مرة ثانية ..؟؟ )) الصراحة قعدته حلوة تشرح الصدر و كانوا برنامج Whats on ملوت تلفزيون الوطن موجودين يحليلهم المهم الاكل وصل وجست مي جايدة الدور و تاكل بذرابة و خلصنا العشا و السوالف جان تقول بنتي ...يما وين البيتزا ؟؟ وي !!!!خداي احنا و اهما و انادي الجرسون وين البيتزا ياحظي راح 3 دقايق ورد سوري مادام we are out of cheese نعم ؟؟ تو الناس ناد مديرتك راح رد قال باجتماع المهم شوي جان المحها و اطلع اللي بجبدي عن غلطاتهم ذيج المرة و هالمرة يعني معقولة عقب اكثر من نص ساعة انا أسال وين البيتزا و يقولون ماكو جبن ؟؟ المرة طلعت خوش مره جان تقول This is ridiculous...!!! we selll cheese!! ... i will take care of him عفية عندج اياه جان ترد وتعتذر و تخصم 20% من الفاتورة فعيفة حطوا حيلكم بالجرسونات الفلبينين الأغبياء واي هالفلبن غباء غير طبيعي بس انظف من غيرهم نوعا ما ..

وبس .. خلصت و ملصت ويت اليايه و عنفصت هذي سالفة عشاي أمس النتيجة صرت ذربة و ماكليت وايد:dddds:

 

[زيـنـه]

غاب
مو بشاره .. عيل من باجر ما اكل منه

من من .. شلونج ؟؟ و شلون الدياي بالزعطر ؟؟

 

[just-me]

امبي سوري جني وايد هذرت عليكم و كتبت سوالف مالها داعي بهالقسم عموما اشوه ان في تعديل و مسحت الكلام الزايد ...تحسون ان فيني هذره و ابي مكان اكتب فيه :dddds:

 

[زيـنـه]

جست مي .. تصدقين عاد كنت بقولج اهما يبيعون الجييز !!
لا صج خداي و متدودهين !!

عليكم بالعافيه .. و لي روحه للابنيوس على قولة ولدي بس استبعد طريجه

عموما .. منو من مشرف سيتي بعد ؟؟

 

[GAP^^الكبيرة]

جست مي.. عاد تصدقين امس كنا بالافنيوز وكنا بنرود دين اند ديلوكا جان اتذكرج واقول حاشا ولا كلالالالالالالا جست مي تقول جرسوناتهم نايمه هههههه اثاريج بكبرج هناك.. جان تصادفنا

عليكم بالعافيه ومالت على جرسون بو جيس الدايييخ... عليكم بالعافيه
وسوالفج تهبل وتينن لاتمسحينها كتبي كثر ما تقدرين

وانا بعد واااايد استانس على مشاركاتج واسلوبج المميز ما شاء الله

 

[GAP^^الكبيرة]

جست مي .. تصدقين عاد كنت بقولج اهما يبيعون الجييز !!
لا صج خداي و متدودهين !!

عليكم بالعافيه .. و لي روحه للابنيوس على قولة ولدي بس استبعد طريجه

عموما .. منو من مشرف سيتي بعد ؟؟

اذا تبين اكلي بس لا تكثرين واذا حابه اسالج الاخصائي بموعدي الياي عن الكميه
للاسف انا مو من سكان مشرف سيتي بس عمتي هناك وبيت يدتي ببيان >>> شكوو هههههه
والله يخلي لج وليدج ان شاء الله وتفرحين فيه معرس يا رب

 

[just-me]

هلا Gap لا خلاص انا مسحت الحجي كان هذره مالها داعي ما دري اللي قروها يمكن ما عجبتهم فشله
..Any Way انا امس كنت هنال على ال 8 تقريبا حسافة ماشفتيني و لا شفتج انا الي كنت قاعدة الشقره شوفي صورتي و لابسه تنورة ميني جوب ليمن نص فخذي اهيه تنورة صوف رمادية و كنت لابسة جيجي شانيل اسود بابيض و شعري نفس صورتي ذيل حصان و لابسه فرير صغير اسود منك وبوت شانيل ليمن نص الساق و و <<<<< مسكينة خنت حيلي اتحلم:tomato2:
لا يبا كنت لابسة جينزي حبيبي و جاكيت صيفي امس كان حر و حجابي الماي فير الحبيب حسافة جان زين نعرف بعض انا ساعات اطالع البنات و الحريم واقول بنفسي معقولة هذي معاي بالمنتدى واذا اي ماصورت الصحن (ذكاء) واذا معاي منو اهيه و أسرح تالي اسمي على عقلي و اقول ويه شفيني عسى ماشر:dddds:

 

[GAP^^الكبيرة]

حسافه انا ما قريته .. مو مشكله حبيبتي سوي لببي يريحج
انا هم كنت لابسه جينزي حبيبي وجاكيت صيفي وشيله دبل فيس >>> لايكون انا انتي هههههههههه
تصدقين لما كنت مشتركه بفليكس وايد احس اني اعرف بنات بكويتيات...هههه

وسالفه التصوير لووووووووووووووووووووووووووووووووول مره صارت فيني كنت اصور اكلي من تشيليز والطاوله اللي قبالنا هم تصور واللي يصورون شباب هههههه ... قلت الظاهر هذي ظاهره اجتماعيه منتداويه كل منتدى كويتي لازم يجكجك هههههه

 

[just-me]

حسافه انا ما قريته .. مو مشكله حبيبتي سوي لببي يريحج
انا هم كنت لابسه جينزي حبيبي وجاكيت صيفي وشيله دبل فيس >>> لايكون انا انتي هههههههههه
تصدقين لما كنت مشتركه بفليكس وايد احس اني اعرف بنات بكويتيات...هههه

وسالفه التصوير لووووووووووووووووووووووووووووووووول مره صارت فيني كنت اصور اكلي من تشيليز والطاوله اللي قبالنا هم تصور واللي يصورون شباب هههههه ... قلت الظاهر هذي ظاهره اجتماعيه منتداويه كل منتدى كويتي لازم يجكجك هههههه

Gap عفية طلي على الحملة كتب لج شي
وعجبتني اخاف انا انتي لوووووووووول

 

[just-me]

غاب تصدقين صار فترة بروح ماكروني أجربه أشوه قلتي مو ذاك الزود الحمد الله نعمة
عاد أنا صار لي يومين مشتهية الفوندو بس ماسكة عمري مأجلته لي عطلة العيد الوطني

من من شهوتن فيها العافية ..يبا اكلي اللي بخاطرج ولو ذواقه ..انا شريت صحن الفوندو من A2z و طحناله انا واليهال كل يوم برمضان ليمن طلع من هدب عيونا وقمت اتفنن مارشميللو و فراولة و كيك وموز واناناس والكاكاو كنت أسيح أرو تخيلي واااااااي بروح ادور الماعون و ازهبه حق تاريخ 3/4 عقب ما تخلص حملة لذوذة مالت الريجيــــــــم

 

[mn.mn]

مساااااااء الخير

شلونكم بنات ؟

جست مي ............ مت من الضحك على سالفة دين اند ديلوكا

عاد أنا دشيته واشتهيت اقعد آكل فيه بس كان زحمة وما كنت

بخربط بس شريت منهم بيستو صوص ومعجون الزيتون وطلعت

وصحن الفوندو عندي بس ما احطه الا اذا عندي عزيمة أو يمعة

ولا استغليته بالمدرسة كنت أوديه وابيع على البنات ......إجرااااااااااااااام

لما علقوا علي البنات وكل يوم والتالي أبللااااااااااااااااا متى نافورة الككاو

جاب .......... تنصحيني أشتري الاوربتراك ولا لأ ؟

زينة ..........احنا تبع مشرف بس مو من سكان مشرف !!!!!!!!!!

لغز ها ؟ بطاقاتنا على مشرف على أبو ريلي شغلنا كله

هناك جمعية مستوصف الحديقة الممشى وبعدين نرد بيتنا ننام

 

[just-me]

صباح الخير ​

[/url][/CENTER][/IMG]

أمس غلطت و رحت أنا والبنات و حمودو الفلافل حق ثانوية مارينا مول بنين ... شنو هذا وين احنا فيه ؟؟ بنتي الكبيرة هابه بفرقة

[/url][/IMG]
فالهدف كان فيرجن ... رحنا وشرينا الCD والصراحة تضايقت من أشكال الفرقة الله يرحم على و قتي حدنا فرقة وام Wham قمة الرومانسية و الشكل السنع كح كح كح كح غبار أدري بس على الأقل مو هذول جنهم Trash

[/url][/IMG]
قلنا بالمرة خل نتعشى و نتشمى قبل دوامهم يوم الأحد في طريقي بالصدف قابلت واحد <<<<< فاضية ع الصبح ... المهم شالسالفة شنو هالمصبنة و هالحجاب بوتفخة امس وحدة بغت تهفني براسها مع تفختها و بسم الله علينا وعليكم الورمة اللي بحجابهم كل مالها و تكبر و كل ما كبرت التفخة صغر الويه و ضغفت الفخوذ ... الحمدلله و الشكر انا كله مو بالدنيا و مادري شالسالفة.. أوكي مرت علي هالأشكال بس مو بهالكثافة السكانية ... الزبدة صعدنا حق ال Food Court حق حبيب الملايين ماكدونالد و الا أصلا خاس بطن عيالي منه بس مادام يبونه شنسوي طلبتلي مثل عيالي كدز ميل و بطلعة الروح لقينا طاولة انا خابرة الناس لمن تاكل عيونها باكلها ... الا انا عيوني على الأوادم .. كل واحد راسه يطلع منه دخان كبير صغير الكل يدخن و الله احس ان اكلي طعمه تغير ... ما عودت على الله خلصوا عشاهم العيال ( خو انا وجبتي أكلتها بدقيقتين و 3أجزاء من الثانية ) الا طرت على السيارة مارينا وسالمية و عطلة ربيع والسينما دينار و نص تعال بص لا يحوشك الكبت اللي فيهم ونفسوا عنه بالسوق ...يارب ياحبيبي اهدي عيالنا و اخوانا و احفظهم من الضياع و رفاق السوء يارب <<< ]ديوانية رشيقات المستقبل والا ديوانية القلاليف؟؟

:dddds:​

كل هالهذرة عشان أقول لكم ان عشاي كان كدز ميل <<<< قولي حق عمرج ... اختصري

على فكرة شوفوا مقالة د.خالد الشلال بالوطن صفحة 15 والله جنه ويانا بالمنتدى <<<<ودكم؟؟

 

[زيـنـه]

زينة ..........احنا تبع مشرف بس مو من سكان مشرف !!!!!!!!!!

لغز ها ؟ بطاقاتنا على مشرف على أبو ريلي شغلنا كله

هناك جمعية مستوصف الحديقة الممشى وبعدين نرد بيتنا ننام

من من .. احنا العكس .. اصلا سكان مشرف (بيت اهلي) و شغلنا كله بره مشرف .. بس الانتماء موجود و يوميا هنااااك.. و للحين عاده نفسي مشرفيه !

جست مي ... وصلت وصلت المعلومه .. صوتج وصل انه كليتي كيدز ميل .

انا عيل اكلي يبط الجبد من المسعده .. كلش مو مشتهيه شي .. و احس اني متفخه !

 

[GAP^^الكبيرة]

صباااااااااااااح الخير


شيوخه .. بعد عمري اسمج سقط سهوا... الله يعافيج حبيبتي .. انتي شلونج وشمسويه بالاجازه؟؟ وانتي تراجعين الحين عند الصباح؟؟

جست مي ... لا تشيشين منمن خليها ملتزمه برجميها خخخخخ... ومن عيوني هلء بروح بطل >> قلبت لبنانبه ههههه بس عد عن شنو بالضبط تدرين ما شاء الله الصفحات كل مالها وتتكاثر فاكون ممنونه اذا عرفت عن اي جزئيه ..

منمن ما عليج منها... اكلي الفوندو في الوقت المخطط ههه... شوقتيني على البيستو ومعجون الزيتون عاد انا غرامي هالسوالف يبيله روووحه ومره وحده امر كارفور اخذ الكرواسون الاسمر يهبل وخفيف >>> ياربي ليش خططي صايره اكل xاكل
وبالنسبه للاوربت تراك انا وايد سمعت عنه وكنت استخدمه في النادي كان وايد زين بس المشكله الحين ان ما عندي لياقه ... 5-6 دقايق بالكثير عليه
اصلي واسفط سيادتي واجابله ههههه
اذا انتي من النوع اللي تلتزمين انصحج فيه لانه وايد زين حق الاذرع والفخوذ سوي عليه نظام البوش والبل بيدج عشان حتى منطقه الظهر والصدر والخلفيه تستفيد

جست مي مره ثانيه هههه...لووووووووووول الله يخلي لج بنتج وحمود الفلافل يا رب
عليج بالعافيه الكيدز ميل . .وهذا احنا بالرجيم صرنا كلنا كيدز ههههههه.. بس تصدقين ترا وجبتهم اهي الحصه الطبيعيه المفروض الانسان ياكلها
وبعدين صج الفرقه شكلها تراش... خليها على الله لكل زمان دوله ورجال ههههههه
انا لحقت على فرقه باك ستريت بويز >> هم كح كح وبليز لا تخليني اقولج شنو نوعيه الاغاني اللي كنت اسمعها هههههه
المقاله الحين بقراها
وموضوع بو تفخه ... تصدقين مره كنت قاريه بلوق وحده كويتيه بكندا ( الله يردها بالسلامه ) هم تتكلم ان هالاشكال وصلت لهم لي كندا
الحمدالله والشكر
بس الناس اذواق .. واللي يعجبهم مو ضروري يعجبنا والعكس صحيح

يارب ياحبيبي اهدي عيالنا و اخوانا و احفظهم من الضياع و رفاق السوء يارب

اميييين اميييين اميييييييييييييييييييين



بنات الا بقولكم
مو جن رشوووق تاخرت؟؟؟ العاده تحط يومياتها الصبح

وبعدين وين هنوووووود؟؟؟ طافو ال10 ايام!!
الله يردها بالسلامه يا رب