ممكن هني تجمع الكظريات(انتهت المده!)

[حواء الكون]

رد: ممكن هني تجمع الكظريات(مدة الموضوع شهر من تاريخيه)

الحين انيي لنماذج الغدا وعشان اسهلها عليكم

اكو وايد مكتوب سلطه خضراء والسلطه المطلوبه حسب نظام البرنامج

هي كالتالي

طبق كبير من السلطه الخضراء(الخس او اي خضروات خضراء كالخيار
والمشروم والكرفس والفجل والطماطم والفلفل الاخضر البارد والبصل)
مع ليمون او خل


وجبات الخضار الجانبيه مع الاطباق الرئيسيه مهممممه

نصف كوب خضار مسلوقه أواليقطين(قرع عسلي) المهروس


اوكى الحين خلصنا وعرفتوا شنو اهي الخضار المطلوبه او المستحبه لنا


الحين احط لكم نماذج الغداء اللي لخصتها وتناسب جسمنا ونوعه


نماذج الغداء بالارقام
1-كوب زبادي او كوب جبنه قليلة الدسم او 3 اوقيات جبن قريشه
او جبن موتزاريلا

2- نصف كوب من الرز البني او نصف كوب مكرونه مسلوقه


3-طبق كبير من السلطه مع الخل او الليمون مع سمك سالمون مسلوق او معلب بدون ملح
وسبانح مطبوخه على البخار + قطعة خبز اسمر وحبة خوخ

4-طبق سلطه خضراء وكوب زبادي مع كوب شرائح فراولة
وحبوب بازلاء مطبوخه ع البخار وقطعة خبز اسمر

5- طبق سلطه كبير مع التونه و الكرفس و م ك من المايونيز القليل الدسم
1\2 كوب بازلاء مطبوخه وقطعة خبز قمح او شعير وكوب من العنب

6-طبق كبير من السلطةالخضراء وسمك مشوي وحبة بطاطا مسلوقه وتفاحه


7-طبق السلطه الخضراء مع جبن الموتزاريلا + شريحة توست اسمر
وسبانخ مطبوخة ع البخار مع كوب من الكرز الطازج

8- طبق سلطة كبير مع خل اوليمون
مع التونة والبازلاء وشريحة خبز فرنسي ونصف حبة فاكهةا

9-السلطة الخضراء مع ليمون او خل و فليه سمك مع كرفس وشريحة شمام
وقطعتين بسكويت سمسم من السوبر ماركت

10 طبق من البقوليات ( فول الصويا- الفاصوليا الحمراء-اللوبيا- البليله- البازلاء)

11- خيار باللبن


والحين ملاحظاااااتي

بعد الغداء بربع ساعه ماء ساخن

بعد الغداء شاي زعتر او قهوه او شاي بقدونس مع قليل من السكر او العسل ... انتظار ست ساعات

بين الوجبات: شاي اخضر بنعناع طازج وزنجبيل طازج بماء ساخن + مغلي الشمر

يتبع

احب اضيف معلومه مهمه وايد

واهوا باليوم الواحد مسموح بربع او نصف رغيف اسمر فقط

لو مثلا احتجتوا تاكلون على العشا انا افضل تاكلونه بخس المدور ( مثل وجبة كوردن بلو اللي بالخس

اللي بالمطاعم

يعني لو كليتوا عالغدا خبزه خلاص على العشا لاتاكلون الا خس مكان الخبز مثل نظام دشتي يعني

لو ماكليتوا على الغدا اكلوا مع العشا عادي

وبس

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

الحين احط لكم نماذج العشا بالارقام

بس بليز شرط مايتعدى العشا الساعه 7 الى 7 ونص بالكثير 8 بليز مو فووووق

عشان نضمن النحافه ان شاء الله

كثروا من الماي بين الوجباااااااااات مهمممممممممممم لو توصل 8 اكواب عادي جداااااااااا ومفيد


الحين نماذج العشا لكم


1- صدر دجاج مقطع مع خضار سوتيه بزيت زيتون

2- سمك مع خضار سوتيه او خضروات عالبخار

3- قطعة همبورجر مع نصف رغيف اسمر وسلطه ( اللحم 3 مرات بالاسبوع فقط )

4- بيض مسلوق 2 يضاف لها زيت زيتون ونصف رغيف اسمر ( البيض مرتين بالاسبوع فقط)
5- ثلاثة ارباع كوب بقوليات مشكله

6- نصف كوب رز اسمر او المكرونه

7- كوب لبن خالي دسم بالفراوله

8- لحم ستيك مع خضروات ونصف كوب رز ابيض مع دقوس طماط

9- بورجر دجاج وكوسا مطبوخه عالبخار مع اللوبياء حسب الرغبه

10- ديك رومي او دجاج مع نزع الجلد وسلطة كرنب وملعقة مايونيز قليل دسم
وكعك بالشوكلاته قطعه واحده ( بعد الاكل بساعتين )

11- شوربة دجاج بالخضار مع نزع الجلد .... قطعة زلابيا ( بعد الاكل بساعتين ) اللي تحب

12- ستيك مشوي او مشاوي اي نوع لحوم او سمك مشوي مع بقوليات مشكله
بالاضافه للقرع الصيفي عالبخار يأكل مهروس

13- 2 بيض اومليت مع سلطة سبانخ والفطر ونص كوب فواكه مشكله

ممكن استبدال العشاء بعصير طازج .. عصير برتقال او اناناس او جزر حسب الرغبه

ملاحظه : بعد العشاء بفتره يفضل شرب حليب خالي دسم او لبن او زبادي مهم وشاي البقدونس
او الشاي الاخضر حسب الرغبه


طريقة عمل شاي البقدونس

*كوب وتحطى كميه من البقدونس* وصبي الماي الحار على البقدونس وخليها 5 دقائق راح يصير لونه اخضر صفيها واشربيها


ما قبل النوم ساعه9 كوب اللبن خالي دسم مع الفراوله الطازجه




طريقة اللبن بالفراوله حقتي اللي تحب تشربه عليها بالعافيه اللي مو حابته تسوي له كانسل

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

بنات من بعد وقت العشا ( اللي لازم مايتعدى 9 بالليل ) ممنوع يطلع فوق 9

اي وحده فيكم مثلا اضطرت تسهر

انا اقولكم شنو تسوي هالوقت عشان ماتوزها نفسها وتخرب


تحطون حرتكم في هالاشياء

1- الماي الدافي

2- الزبادي وترشون على ويه شوية قرفه

3- منقوع الزنجبيل والدارسين

4- الشاي الاخضر بالزنجبيل

5- لبن خالي دسم ( انا اشرب مراعي ) الكميه مفتوحه شربي كميه اللي تحبين

6- حليب مراعي خالي دسم الكميه مفتوحه

7- حليب قوطي ( بوقوس او اي نوع ) المهم قليل دسم لاااااازم هذا شرطنا مع شاي او مع قهوه حسب رغبتكم

8- فراوله الكميه مفتوحه

9- اناناس او كيوي او عصير اناناس


وان شاء الله افدتكم باللي آكله فترات الليل والسهر وصج صج تشبعون ليما الصبح

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

حطيت لكم الخيارات كلها زاهبه عشان ماتدورون في الصفحات:icon30:

 

[SeDuCTive]

رد: ممكن هني تجمع الكظريات(مدة الموضوع شهر من تاريخيه)

يا بعد عمري فديييييييييييييييييتج حواء..
انشالله من باجر ببتدى بالنظام والله كريم....
تحياتي لج عالمجهود الرائع.. وانشالله توصلين للوزن اللي بخاطرج ياااااااااااااااااااااااااااااارب
:balo::balo::balo::balo::balo::balo::balo:

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

ياهلا فيج والعفو عمري

 

[BLack doll]

رد: ممكن هني تجمع الكظريات(مدة الموضوع شهر من تاريخيه)

هلااااا حواااء شلوونج

أمس صج غبت بس التزمت لا تحاتيني ههههههههه

ومشكورة على الرد المفصل ماتدرين شقد فرحتي وانا اقراه فدتيني واااااااااااايد ماقصرتي تسلمين انا عندي حساسيه من الكيوي بس ما يضر لو كليت حبه منه من فترة لفترة وأكثر شي يضبط معاي الفراوله ماكنت ادري انها تضعف تسلمين على النصايح الذهبيه فديتج

SeDuCTive تعقدت مع الظهر المستقيمممممممممممم استقيم ساعه ونص جدام الابتوب بعدين اقوسه نص ساعه وارد اسنعه هههه

بس صج يفرق بالشكل والمشيه واااااايد


ايي حواااااااااااااا باركيليي

احس بطني خق شووي صار اضعف شوووووي

طبعا بديت يومي بكوب ما حااااار

ريوقي كان **نص خبزة سمرة ضعيفه داخلها جبن لايت سلايز + حليب خالي الدسم + شاي أخضر **
وعلى آخر الضحى شربت عصير كيووي طاازج

غداي **قرع مفيوح+ بيضتين مخبوطتين حطيت معاهم جبن حلوم قليل الدسم وزيتون + روب + صبع تايم اوت**

وعقبها بنص ساعه شربت خلطه اعشاب تتكون من >> مراميه وزعتر وحبه حلوة واكليل الجبل وبذرة الكتان

عشاي كان شغلات وايد ندمت وحسيت بـ شعور مأسااااااوي مادري ليش كليت >> مع المسلسل آكل

كليت **2 روبوحطيت معاهم شوفان + 3تمرات + كوب عنب اصفر**

وعقبها شربتلي شاي اخضررر
أحس لو مكتفيه بالعنب جان انا بخير

بس يالله كل تعلومه بطراق

حدي دايخة بس قلت لازم اكتب اليوم ولا بنسى سكليت باجر

وعاادي زفيني يمكن اتعدل غلطتي كانت بالعشى موو ؟؟

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

هلااااا حواااء شلوونج

أمس صج غبت بس التزمت لا تحاتيني ههههههههه

ومشكورة على الرد المفصل ماتدرين شقد فرحتي وانا اقراه فدتيني واااااااااااايد ماقصرتي تسلمين انا عندي حساسيه من الكيوي بس ما يضر لو كليت حبه منه من فترة لفترة وأكثر شي يضبط معاي الفراوله ماكنت ادري انها تضعف تسلمين على النصايح الذهبيه فديتج

هلا قلبي هلاااااا وينج لج وحشه عفيه عالشاطره ..... خلاص اكلي فراوله وايد حلوه مانبي شي اييب حساسيه لج نبيج سالمه دايما يارب


تعقدت مع الظهر المستقيمممممممممممم استقيم ساعه ونص جدام الابتوب بعدين اقوسه نص ساعه وارد اسنعه هههه

بس صج يفرق بالشكل والمشيه واااااايد

انا اعرف شي يعدل الظهر عدااااااااااال بس ماكو احد يتحمله ينتحر اللي يلبسه لوووووووووووول اهوا المشد الحضرمي الله وكيلج صار لي جم يوم البسه من تحت صدري ليما الارداف وامشي جذي :n2006107:

هههههههههههههههههه عذااااااااب بس والله يرسم جسمي رسم سبحان الله :icon30: ابي استمر عليه مو قادره لان يبي قوة تحمل جباره ويارب يارب اقدر اتحملللللللللله :eh_s(11):

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

ايي حواااااااااااااا باركيليي

احس بطني خق شووي صار اضعف شوووووي

الف مبروك والله فرحتيييييييييييييييييني :eh_s(6): ان شاء الله ينزل ليما تصيرين سمبتيك :yaaaaaarb:



طبعا بديت يومي بكوب ما حااااار

ريوقي كان

*نص خبزة سمرة ضعيفه داخلها جبن لايت سلايز + حليب خالي الدسم + شاي أخضر وعلى آخر الضحى شربت ]عصير كيووي طاازج

حلوووو وايد حلو واكلي نص تفاحه بعد الماي الحار او تفاحه كامله تدرين انها تنزل الدهون مثل مفعول الزينكال لكن طبيعي سبحان الله تضعف وايد جربيها وادعي لي وصحيه بعد

غداي قرع مفيوح+ بيضتين مخبوطتين حطيت معاهم جبن حلوم قليل الدسم وزيتون + روب + صبع تايم اوت*

وعقبها بنص ساعه شربت خلطه اعشاب تتكون من >> مراميه وزعتر وحبه حلوة واكليل الجبل وبذرة الكتان

هم حلوووو فديتج


عشاي كان شغلات وايد ندمت وحسيت بـ شعور مأسااااااوي مادري ليش كليت >> مع المسلسل آكل

كليت روبوحطيت معاهم شوفان + 3تمرات + كوب عنب اصفر

لا وليش ازفج ههههههه عادي حبيبتي التمره تعطيج طاقه و3 حلوين والعنب مسموح نص كوب الى كوب كل الفواكه بنظامنا اوكي واذا عشان الككاو مسموحه بس لاتكثرين ههههههه

وعقبها شربتلي شاي اخضررر

شفتي انتي جذي ممتااااااااازه عشان كفرتي ذنبج بالجاي الاخضر :dddds: بس غشيتي ماحطيتي زنجبيل معاه ليش

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

BLack doll


شوفي ياقلبي بقولج شي من القلب للقلب اهم شي الاستمراريه وحتى لو خربطتي بيوم تابعي النظام عادي من اليوم اللي بعده يعني لاتتركينه لو مليتي خربي يوم ورجعي من اليوم اللي بعده >>> نفس طريقتي

يعني لو خربتها ما استمر اخرب مده طويله لا حدي يوم لو طولت وايد يومين وهم ماحس قمت احب الاكل احس معدتي صغرت صرت اكره الاكل تصدقين :eh_s(12): مادري تأثيير المشد معاي والا شنو

عاد انا عندي مناسبة شهر 1 وابي انزل 10 كيلو ابي اكون 65 ادعي لي اوصل لها :yaaaaaarb: لان وزني علق على 75 اهوا جذي ينزل وبعدين يعلق وبعدين اخربه يرجع يحرق

عشان جذي انا بطبق نصيحة دكتور باكستاني قال لو تبين تضعفين تصيرين عود خلال شهر واحد بس لاتاكلين الا


برتقال او عصير برتقال + خبز بر ( يعني اسمر ) او توست بر

وزبادي خالي دسم وتفاحه

بالوجبات الثلاث

وبيني وبينج دورت على شي يتناسب مع نظامي الكظري مالقيت غير هذا عشان انا لازم اكثف على الالبان

فإن شاء الله باجر بتكون هذيل وجباتي الثلاث

والمشروبات اللي بين الوجبات : اما قهوه وحليب او منقوع بقدونس او منقوع كرفس او منقوع شمر

وشاي اخضر وزنجبيل

زنجبيل وقرفه ( طريقتي )

شاي زعتر

لبن خالي دسم مع فراوله

عصير اناناس

بسسسسسسس

غير جذي ماراح آكل وبوافيج بالنتائج :icon30: ابي انزلهم بسرعه مع رياضه عشان المناسبه والا انا مو مستعيله بس عشان يكون شكلي بيرفكت

ها شرايج بالاخترااعات لول لو يعت راح آكل من خيارات اكلنا ونظامنا هذا

والله كرهت الاكل كله والمطاعم استغفر الله تسد نفسي

ان شاء الله دوووووووم اكره الفاست فود :yaaaaaarb:

 

[SeDuCTive]

رد: ممكن هني تجمع الكظريات(مدة الموضوع شهر من تاريخيه)

شلوووووووونكم بنات...

BLack doll ... الله يثبتج عالريجيم وتوصلين للي تبينه...
وعلى سالفه القعده لووووووووول انا مثلج كل شوي انسى وارجع احدب لوووول واتذكر اقول شدي ظهرج يا بنت!
بس شكلج بيتغير باذن الله ... ترى القعده تأثر حيل.. وانشالله بتلاحظين التغيير قريييب...


حواء الكون ... حبيبتي وايد اسمع بالمشد الحضرمي .. من وين تشترينه؟؟؟ لا يكون اهو الكورسيه اللي ينربط من ورى بخيوط؟

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

شلوووووووونكم بنات...

BLack doll ... الله يثبتج عالريجيم وتوصلين للي تبينه...
وعلى سالفه القعده لووووووووول انا مثلج كل شوي انسى وارجع احدب لوووول واتذكر اقول شدي ظهرج يا بنت!
بس شكلج بيتغير باذن الله ... ترى القعده تأثر حيل.. وانشالله بتلاحظين التغيير قريييب...


حواء الكون ... حبيبتي وايد اسمع بالمشد الحضرمي .. من وين تشترينه؟؟؟ لا يكون اهو الكورسيه اللي ينربط من ورى بخيوط؟

هلا حبيبي المشد الحضرمي غير الاندونيسي ( المشهور ) انا جربت الاثنين

لا مو اهوا اللي ينربط بخيوط ( لو قصدج اللي في بالي يذكرني في اللباس البريطاني للنسائي ) القديم اللي لبسته كيت وونسلت في تايتنك هذا اللي بالي يمكن قصدج ثاني لول مادري

بس الحضرمي معجف ومصنوع من شعر الماعز ( لاتخافين نظيف ) ادري لاعت جبدج هههههه

وهذا شكله المرعب هههههههههههههه

وهذي طريقة ربطه

بالنهايه شكله على المجسم الفاترينا بس للأسف الصوره الكبيره ماتطلع حطيت لج الصغيره

واغلب اللي اشتروه ما استخدموه .... الا بنت عضوه اسمها غدير جربته وقالت لي مشكوووووره نتيجته روعه وصار لها خصر وراح بطنها

بس مثل ماقلت لج يبي اراده حديد مو اي وحده تقدر تتحمله والحين شتا يعني الوحده تقدر تتحمله مع البرد بس بالحر مستحيل

بس النتيجه خيااااااااااااااليه :icon30: بشهادتي

 

[SeDuCTive]

رد: ممكن هني تجمع الكظريات(مدة الموضوع شهر من تاريخيه)

حواء تهقين اذا استعملناه بانتظام بيطلع لنا خصر؟؟؟؟

ومن وين نشتريه؟ وبجم اخذتيه حبيبتي؟

وصج حبيبتي عندي استفسار عادي اكل روب اكتيفيا.. انا احبه مادري ينحسب مع قليل الدسم او لأ؟

 

[@ام ضاري@]

رد: ممكن هني تجمع الكظريات(مدة الموضوع شهر من تاريخيه)

حواء تهقين اذا استعملناه بانتظام بيطلع لنا خصر؟؟؟؟

ومن وين نشتريه؟ وبجم اخذتيه حبيبتي؟

انا عندي نفس ها الاسأله بس عادي انا والده قيصريه

 

[BLack doll]

رد: ممكن هني تجمع الكظريات(مدة الموضوع شهر من تاريخيه)

هلا بناااااااااااااات

شلوونكم شخباركم شتقتلكم

سووري طولت يومين مو داخله >> ابتلشنا كله عزاايم لوول

انا اعرف شي يعدل الظهر عدااااااااااال بس ماكو احد يتحمله ينتحر اللي يلبسه لوووووووووووول اهوا المشد الحضرمي الله وكيلج صار لي جم يوم البسه من تحت صدري ليما الارداف وامشي جذي

ايي انا عندي وااحد شاريته من الصيدليه بنربط على البطن اهو بالصج حق الظهرر بس احس لو لبسته وايد يخصر انا البسه شوي ساعتين وافصخة ومتى ما مريت شفته لبسته وجذي "

شوفي ياقلبي بقولج شي من القلب للقلب اهم شي الاستمراريه وحتى لو خربطتي بيوم تابعي النظام عادي من اليوم اللي بعده يعني لاتتركينه لو مليتي خربي يوم ورجعي من اليوم اللي بعده >>> نفس طريقتي

إي والله صااااجــــــــــــــــــــــــة , كلامج عين العقل

وانا ودي استمر عليه طوول حياتي امبي اصلا ما أحس انه رجيم >> لأني اكل كيك و حلاو هههه هذي راح اقللها إن شاء الله + اعدمها مع الزمن

واللي مستغربه منه اني احس ان بطني خااااااف تصدقين يمكن من المعجنات ان قاطعينها + توستتين سمر باليووم او ربع خبزة يمكن هذا السبب

حلوووو وايد حلو واكلي نص تفاحه بعد الماي الحار او تفاحه كامله تدرين انها تنزل الدهون مثل مفعول الزينكال لكن طبيعي سبحان الله تضعف وايد جربيها وادعي لي وصحيه بعد

تصدقين سبحان الله ماكنت ادري

انا دايما اتخيل اني كلما حذفت اكل يعني احذف سعرات واضعف >> لا تعليق

بس والله عقب هالرجيم قمت أكل من دووووووون اكتآب ومتى ما يعت بالدوام طلعتلي حليب خالي الدسم وشربته او طلبتلي عصير برتقال فرررش

والله وناااسه والحلو الوقت بين الوجبات من 4 لي 6 احس صج نظام

وتعوووود ما قمت اعرف اسوي شي قبل لا اشررب الماي الحار بدايه يوومي

امس كان عندنا عزيمة عشى

فتريقت : ***كوبين شاي زعتر + سلطة يونانية + حليب خالي الدسم ***

وطول الظهر والعصر ما كلللللللللللللللللللليت شي عشان خايفه لا اخربط بالعشى بس شربت عصير برتقال

والعشى كان مبجر على الساعه 5 >> فطور لوول كليتلي ***6 حبات ورق عنب + توسته مثلثة صغيرة المصيبه كانت توست ابيض + قطعه صغيرة جيز كيك ***

ورديت البيت متأخر كنت تعبانه ونمت على طول من دون شاي ولا شي """"

--------------

اليووم ممكن اخليه فررررري صديقتي زارتني مو شايفتها من سنين وطلبنالنا من مطعم ياباني سوشي + في شي مع خضرة معاه بقسماط + كيك فقلت اخليه فري بدال بااجر >> سمووحه هالمرة على كسر القوانين ومن باجر بلتزم اكثرر صدقيني ببيض الوية

وصدقيني احاول التزم اليوم تريقت كل شي مضبوط بيضة + جبن خالي الدسم وربع خبز اسمر + تمر + عنب + عصير برتقال فرش >> تريقت الساعه 10 وكنت قاعدة من الفير وعقب الريوق تعشيت سوشي على الساعه 5 ونص

وغداي كان عبارة عن رووب

والحين قمت اشرب شاي خلطة عجيبه تتكون من مراميه وبذرة الكتان والخ


SeDuCTive سودوكتيف اسمج صعب صح نطقه ؟

وايي صح انا مشيتي اختلفت كليااا ما غلطو صديقاتج يوم قامو ينادونج طاوس هههههههه

وشلوونج مع الرجيم ؟؟ ما تكتبينلنا يوميااتج

بليزز كتبي عشاان اتشجع امبي انا صايرلي يومين مو ماشيه يبيلي طق ههههه اليوم انكرفت وانا امش الطاولات والكبات وارتب بغرفتيي باجر ان شاء الله بعوضها واحط حررتي بالمشي

وعلى طاري الروب همن انا آكل اكتيفيها اتوقع عادي لان اهو مال رجيم :080402ask_prv:

وحوااااااا حلوو نظامج رووب وبرتقاال و توست اسمرر بس احسه شووي صعب

عااد كتبي مغامرتج مالت اليووم إن شاء الله قدرتي تمشين عليه ؟؟

شكلي همن انا بسوي نفسج لمن يثبت وزني بس باجر بآكل روب واااااايد 6 علب لان مدة انتهاءهم تاريخ 9 لوول

بس الرووب انا ما كنت آكله من قبل والحين لمن آكله احسه يشبـــــــــــــــــــــــــــــــــــــــــــــع

وإن شاء الله كلنا نضعف بصحة وعاافيه

 

[ام بنتها]

رد: ممكن هني تجمع الكظريات(مدة الموضوع شهر من تاريخيه)

قوه ااشلووونكم

اليووم معزوومه و حدي خرته كليت معجناات و باسكن رووبنز بو ككاو و دوونت من كرسبي كريم
بددددددددددددددددددددعت
عااد يحليلي صاااايره ملتزمه و بطني شوي شوي موو ايد خااق بس الحين احس بعواااار مو طبيعي ببطني لاني وايد كليييت و و احس متفوووخ تفخه مو طبيعيه و القولوون حده شاااب علي ااادري ليش يمكن من المعجنااات ؟؟
و متغديه سوشي عجييييب من ساسو داخله ربياان و قباقب حدددددده كااان يميييي
بس اشوااا ما كنت مترييقه
و انشالله باجر مااااااراااح اكل شي و اذا طلعنا بس سلطه اعوض خرااب اليوووم

 

[:: عائشه بقلبي ::]

رد: ممكن هني تجمع الكظريات(مدة الموضوع شهر من تاريخيه)

كظريـــــــــــــــــــــــــــــــــــــــــــــــــــــــــــــــــــــــــــــــــــــه معكــــــــــــــــــــــــــــــــــــــــم

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

ييت ومعاي خيارات يديده تناسب نظامناااااااااااااا يعني نقدر ندخلها على نظامنا واحنا متطمنين ان ماكو زياده بالوزن


الافطار يوميا ..

-1 كوب حليب منزوع الدسم نصف خبز او 2 توست - 2 ملعقة صغيرة لبنه قليلة الدسم مع ملعقة صغيرة زيت الزيتون + طماطه

او

-1 كوب حليب منزوع الدسم - نصف خبز او 2 توست - شريحة جبن قليلة الدسم - طماط وجرجير وسبانخ 2 حبة يوسف افندي


الغداء .. ( زبادي مع الغدا لاااااااازم )

-1كوب خضار مطبوخة مع صدر دجاج - 1 كوب رز ابيض او اسمر وروب - سلطة خضراء – تفاحة

الغداء ..

-1 كوب شوربة خضار مشكلة -دجاج مشوي - نصف خبز اسمر - سلطة خضراء



- 1 كوب اي اكلة مختارة مع صدر دجاج مشوي او مسلوق

- 1 كوب شوربة كويكر

-صحن خضار طازج ( يعني سلطة ) ( خيار , خس , جرجير , فجل , رجلة , نعناع( - - 1 كوب لبن قليل الدسم


-1 كوب شوربة خضار مشكلة - سمك ( مشوي او فرن - 3/4 (خبز ) - صحن خضار مقطع او غير مقطع ( يعني سلطة - كوب عصير - 1 كيوي


الغداء ..

-كوب كبسة مع صدر دجاج - شوربة خضار - كوب عصير – سلطة

الغداء ..

-1 كوب سبانخ مطبوخة مع اللحمة المفرومة بدون دهن - كوب رز حسب الرغبة - سلطة - شوربة كويكر او جريش

الغداء ..

اكل بحري سي فود + رز مشخول وسلطه + خضار سوتيه

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)



خيارات حطيت لكم للافطار والغدا والعشاء يديده

وبين خيار وخيار كررت كلمة العشا عشان تفرقووووون بينهم


تفضلوا


العشاء ..

-1 كوب تونه مع السلطة -نصف خبز او 2 توست – برتقالة

العشاء ..

-ساندويش مارتديلا مع الخيار والخس والطماطم - 1 كوب حليب منزوع الدسم


العشاء ..

-1 كوب سلطة فواكة - جبن قريش قليلة الدسم - 2 توست


العشاء ..

-سلطة - 1/2 خبز(اسمر) او 1 صمون - جبن قليلة الدسم


العشاء ..

-1/2 خبز بر او 1 صمون او 2 توست - فول مع ملعقة زيت زيتون – تفاحة

العشاء ..

-1/2 خبز او 1 صمون او 2 توست - لبنة فليلة الدسم مع ملعقة صغير زيت زيتون - خيار وطماطم


العشاء ..

- 2 توست محمص بالفرن مع قرفه وعسل ( يعني 2 ملعقة عسل اخلطيها مع شوية قرفة ) وبعد ما يتحمص التوست ادهنيها بالعسل والقرفة
- كوب حليب منزوع الدسم

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

اكرر مقدار الرز اللي تاكلونه او المكرونه اكثر شي كوبين ولما تحسين روحج قادره تكملين على كوب اكتفي بكوب واحد فقط من النشويات المذكوره