ممكن هني تجمع الكظريات(انتهت المده!)

[حواء الكون]

رد: ممكن هني تجمع الكظريات(مدة الموضوع شهر من تاريخيه)

بنااااااااات انا وزني عللللللللللق المهم حاشتني حالة احباط مؤقته خذيت لي يوم فري مثلكم

اماا اليوم رديت

تخيلوا الصبح كليت تفاحه خضرا + ماء حار + حبة افندي


الظهر شربت عصير اناناس كنت يوعانه


بعدها نمت ( نومتي مقلوبه )

صحيت الساعه 7 ونص تعشيت ( رز ابيض مسلوق ناشف مافي ذرة ملح ماينبلع :dddds: ) بس احسن مابي دهون

بس كنت اكب الروب فوقه ( روب خالي دسم ) عشان اقدر آكله

تخيلوا لان طعمه مو حلو ماقدرت آكل الا كمية ( بمقدار علبة الروب ) ماقدر آكل زود

بس هم شبعتتتتتتتتتت

وبعدها بساعتين ونص نمت والحين صحيت طلعت على الميزان والا ناقصه كيلو

الف حمد والف شكررررررررررررررررررررررررررررررر

:ggdw: باجر بكرر الطريقه على رز اسمر ( لان من غير ملح ) اهوا في ملوحه طعمه ناطع مثل مايقولون

وبشوف شنو يصير

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

بس اوصل 70 بحتفل عارفين ليش؟

عشان مايبقى على الوزن اللي ابي اوصله الا خمسه كيلووووووووو

ابي 65 مبدئيا مو طمااااااااااااااااااااااعه

وايد حلو علي ومناسب

 

[ام بنتها]

رد: ممكن هني تجمع الكظريات(مدة الموضوع شهر من تاريخيه)

حوااااااااااء مبروووووووك نزووول الكيلووو و عقبااال الخمسه يااااارب

و عيدكم مبااارك و تقبل الله اعمااالكم

بلااك دوول انا نفس الحاله قولووون
بس توني ادري انه عصير الانناس مو زين للقولون ؟؟

فيديني بعد شنوو الاشياء الي موزينه

اناا الي ارفه الرروب و الخياار و البرتقال و اللبن هذيلاا مو زيين
و بس لان مماا رحت حق ميري مرا ثانيه قالتلي هذيلا عالسريع لان كاان عندي محااظره و قالت تعالي مراا ثانيه افصلج الممنوعات ولا رحت لهااا
قالت العجين هم موزين و قالت اذا بتاكلين توست حمصيه احين بس انا لا تطبييييق
و بطني كلاا ينتفخ و عواار مو طبيعي

بااااي بحط السفره بنتغداا مشااااوي و بااكل عراايس مستاانسه احب العرايس _03ba:

 

[BLack doll]

رد: ممكن هني تجمع الكظريات(مدة الموضوع شهر من تاريخيه)

الف مبروووووووووووك حواااا

ما شاء الله عليج صج لي قالو من جد وجــــــــــــــــــــــد >> الفال لي انا وام بنتهااا إن شاء الله

ام بنتها أهو القولون من شخص لي شخص يختلف

بس انا اكثر شي يتعبني الأنناس يهني مرة شربت قلاص كبير على الريج الله لا يواريج >> كنت بالطريج للدوام عوار مو طبيعي قعدت بالسيارة وقمت أبجييييييييييييييييييييي عقبها تبت ما اشربه اهو كل مرة يعورني بس هالمرة ذبحني لأن كان طازج + على الريج امي قالتلي حتى اللي مافيهم قولون مو زين يشربون حمضيات على الريج

والدكتورة قالتلي اهم شي تبتعدين عن
1- البقوليات
2- الحمضيات
3- البهارات قللي منها
4- المشروبات الغازيه


ممم وهذا اللي اذكرة

بس قالتلي في شغلات ممكن انتي تتحسسين منها وغيرج مايتحسس منها من شخص لي شخص يختلف

وانا الخبز الأبيض تبت قمت ما آكله لان اهو من اول يعور بطني ويوم قطعته فترة بعدين مرة كليت منه كميه ((كانت معجنات)) عرفت ان عوار البطن منه فالحين كلش ما اقرب منــــــــــــه

وانا الكيوي إذا كثرت منه احس بشويه حساسيه وحرارة بالجسم وصوب البطن فيعني يمكن شهر وترك اشربه مرة مع اني احبه بس مو زين لي

والرووب إذا كليته وعقبه شربت شاي اخضر احس عاادي ما اتوقع ان جسمي يتحسس منه لأني من زماااااااااااااااااااااااااااااااااااااااااااااااااااااان مو ماكلته وهالايام قمت آكله وايد وعادي ما شفت منه شي

والله يشافيناا ويضعفنا

بس صدقيني مع الأيام بتعرفين للأكل اللي يضرج

 

[بطة مشتطة]

رد: ممكن هني تجمع الكظريات(مدة الموضوع شهر من تاريخيه)

مرحبا كظريات عيدكـــــــــــــــــــم مبـــــــــــــــــــــارك :68_asmilies-com:
شخباركم مع الريجيم اما عن نفسي :0bee2e8d89: خربت الريجيم واليوم انشالله ببدأ من جديد
والله محتاجه اضعف ومحتاجه اراداة قوية بس الظروف ماتشجع بالمره :eh_s(14):
حواء حبيبتي انشالله توصلين للوزن المطلوب وكل البنات بعد

 

[BLack doll]

لااااااااااااااااااااااا للحلوياااااااااااااااااااااااااااااااااااااااااااا ااااااااات

بطه مشتطة وينج من زمـــــــــــــــــــــــــــــــان ما طليتي علينااااااااااا

يالله لا تقاطعينا حبووبه دشي علينا كل يووم عشان نتشجع


بنــــــــــــــــــــــــــــاات أتخذت قرار يعور القلب

انا من النوع اللي ما احب اشوف وزني وكل ما شفته زايد ويضيق خلقي وتحوشني حاله اكتآب واروح آكلي برد ولا كيك وملك شيك وشوكلاطاا والخ

بس الحين غير قررت وبكل شجااعه اني اقيس وزني >>>>> الله يستــــــــــــــــــــــــــــــــــــــــــــــــر

من زمان ما شفته !!

بس اللي شجعتني حوااااااااااء بقيسه يوميـــــــــــــــــــــــــــــــــــــــــــــــــــــــــــــــــــــــــــــااااا

وأحاول كل يووم اني انقص عن اللي قبله واراقب اكلي

يمكن يمكن يمكن يمكن لعل وعسى الله يهديني واهد الحلوو واصير احلى من كل الحلو والله يرزقني بجسم حلوو بدال هالحلو هههههه << قصيدة مو امنيه لووول

وقررت قراار ثااني مابي اعذار سخيفه >>>>>> عيييييييييييييييييييييييييييييييد ولا عززززززززززززززززززززززززززيمة

اللي يبي يضعف يضعـــــــــف ولو كانت الضرووف شنوو

فقررت ما يلي

بعلق صورة وحدة ضعيفه وجسمها حلوو وكل يوم اصبح فيها واتحداها اني اكمل الرجيم لين جسمي يصير مثلها وأحلى +



عقب الساعه 6 ما آكل شــــــــــــــــــــــــــــــــــــــــي

حدي شاي اخضر او اعشااب + روووووووووووب إذا كنت ميته يوووع


ووحدة من بنات المنتدى بالصدفه وانا افرفر بالمواضيع لفتني كلام حلوو كاتبته بتوقيعها وبخط احمر كبير

وكلامها كاان



نــــــــــامي يـــــــــــوعانـــه .. تقعديـــــــــــــــــن ضعفـــــــــــــــــــــــانه


وااااااااااااااااااووو

جملتهاا حدهاا ناايس احس كلام حلوووووووووو

وانا الحين اقدر اصووم عااااااااااادي وما اقدر اسكر حلجي ورا الساعه 6 وما اقدر امنع نفسي عن الحلوو >> كله سمووم

يبيلي طق ههههههههههههههههه


بس والله جد من كثر ما اجربرجيم شهر واوقف وانقص كيلوين لا اكثر بكمل لي سنه إن شااء الله ويا انا ياا هالسموم البيضه

ورفعت الجلسه

 

[ام بنتها]

رد: ممكن هني تجمع الكظريات(مدة الموضوع شهر من تاريخيه)

بطة مشتطه شديي حييلج
و كلنا بالهواا سوااا و نحااول الي نقدر عليه

بلااك دوول خووش قرارااات و وخووش جمله و انشلله تطبقينها باللفعل و تقدريين و الفااال لنااا انشالله لان صج من سكر حلج بعد ال 6 يضعف لو نو ما ياااكل

و على المعجنااا ت اتصدقين حتى انا من اكللهااا بطنيي ينتفخ و يحوشني عوااااااااار الله لا يوريييج
بس عصير الاناناس عادي ما يأثر معااي او يمكن لان اشرب كيديدي مو فــرش و الرووب انا مااكنت احس بشي بس الدكتوره قالت انه موزيين و انا مااصدقت خبر لانه شي صحيي لاازم مااحبه
ذكتيني بالرووب الي بالثلاااجه
شكلي باجر بتعشى روووب و انشالله ما كو الا لعافيه
اليوم تعشيت معجنااات و بطني الحن يعورني و ومنفووخ
وودي طبق بعد ال 6 ماكو اكل بس احس صعــــبه

اذا كنت طالع و ريلي تعشاا انا شسوي بسرعه اضعف جداام الاكل و لا اكو اراده
الله يعيينااااا

 

[BLack doll]

رد: ممكن هني تجمع الكظريات(مدة الموضوع شهر من تاريخيه)

هلا حبيبتييي

لا انا قلت للحلوو والمعجناات والأكل عقب الساعه 6 ماكو توووووووووووووووبه >> عقب ما شفت وزني قررت كل يوم بوزن وبشووف نهايته

حتى امي قالتلي طابت الكيكه وباجر نتريق فيها قلتلها انسسسسسسسسسسسسسسسسسسسي املج ماراح اضوقهااا

خلاص هالملرة صج احس عصبت على نفسي بصير قد كلمتـي

وعقب باجر برووح الشاليه 4 ايام بيب روبي وخضاري وبطول الماي ومابي احد يكلمني وامي مو مقصرة مع الخبز الاسمر وبمشي على البحر وإن شاء الله ارد ضعفانه بستغل كل فرصة بحياتي وعقب الست بنسى الاكل واتذكر الشاي الأخضررر

وعقب صلاة لعشى بناام >> وانا الحين حدي دااايخة سفت ردج قلت ارد لوول

ادعيلي بس اقطع الحلو لمدة طوووووووووووووووووووويله

والمرة اليايه ان اشتهيت حلو بشرب شاي اخضرر >> شي معاكس لوول

يالله موفقين يارب

مع السلامه

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

هاااااي بنات

اول شي ابي كل وحده تقولي بأمانه جم مره تخرب بالاسبوع ؟؟؟ احنا اتفقنا يوم واحد بس اهوا ويك اند ( واحد ماكو غيره ) والا ترى ماتستفيدون شي الاعتدال حلو والطمع شيييييييييييييين


ام بنتها قلبي مشاوي اكليها عادي ( بس خبز محمص اللي معاها لا والبطاطا اللي تفتح الشهيه لا والعرايس لا كلها دهون ) انا مثلج احبها بس تقدرين تاكلينها باليوم المفتوح فقط لاغير ترى جذي ماتستفيدين ياقلبي

اي شي مشوي او مسلوق او مسوينه بحمسة زيت زيتون وخضار سوتيه اكلو اي كميه منه عادي

بس النشويات كلها ماتتعدا كوب عشان تضعفون اكيد

الخبز مو اكثر من نص خبره سمرا باليوم او بدالها 2 توست

مابي تعيشون تقشف لكن عالاقل تعرفون نظامنا شنو ........ دهون ممنوعه بتاتا اي شي يطلع منه دهن ومقلي تخلصي منه

الحلو تقدرون تاكلون حبه وحده باليوم ( مو تاكلون الصحن كله )

التزموا والله بتشوفون فرق

الماي الحار بعد كل وجبه شربوه + كلاس عالريج مع تفاحه ( بعدها تريقوا ) شي خفيف

الشاي الاخضر والزنجبيل المطحون مقدار ملعقه صغيره ( ملعقة شاي ) وخلطوه شربوه 3 مرات باليوم يسوي العجب


وبسسسس لاتتكيسلون النظام موجود الخيارات موجوده ومثل ماقلت لكم العشا مبجر

لو يعتوا راجعوا الخيارات اللي حطيتها ( حق آخر الليل) اخذوا منها كميات مفتوحه ما اتييوعون ابداااااا

كثروا من الالباااااان الخاليه الدسم اهي سبب النحافه الرئيسي

اكلو الروب مع الرز فعاااااااااال

لاتاكلون بعد الغدا 4 ساعات ( بهالفتره شربوا ماي- شاي اخضر- منقوع كرفس-منقوع بقدونس-منقوع شمر- شاي اعشاب-منقوع قرفه وزنجبيل ) ممكن قهوه ممكن شاي

بس غير جذي لا

لاتخيبون املنا بنااااااات نبي نتغير ونظعف على خيرررررر

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

الله يبارك فيكم بنااااااات وبس اوصل السبعين ( مايندرى متى ) لكن راح ابشركم

لان الوزن ساعات يوقف وساعات يمشي والله يهديه لول

 

[BLack doll]

رد: ممكن هني تجمع الكظريات(مدة الموضوع شهر من تاريخيه)

تسلمين حواااااااء على النصايح

وإنسي ماضيي الأسود معاج بهالموضووع ومن اليوم ببدى بدايه يديدة وصفحة بيضة وبطبق نصايحج بالحرف الواحد >> بس الحلوو بحاول اقطعه نهااااااااااااااااااااااااااااااااااااااااااااااااااااااااااااااااااااااااااااااااااااااااااااائي

وإن شاء الله ابيض الويه والحقج بالووزن إدعيلي حبووبه


وأم بنتها تقدريـــــــــــــن ,, تذكرين ذاااك الموضووع اللي قدرتي تقطعين فيه الأكل عقب الساعه 6

ومرة رحتي مع ريلج الكافيه اللي بالأفنيوو وماطلبتي غير مااي سويتي كل ذيج الأشياء بإرادتج

وتقدرين يكون عشاج عصير انناس او شاي بدون شكرر لو كان عقب الـ 6

والله يووفق الجميع

 

[BLack doll]

رد: ممكن هني تجمع الكظريات(مدة الموضوع شهر من تاريخيه)

السلام عليكم بنااااااااااااااات

اليووم حديي مرتااحه وفخوووورة بنفسي

وضبطت نفسي على الآخرر

ريوقي كان : حليب خالي الدسم + كورنفليكس الرجيم + روب اكتيفيا خلطت معاه شوية زعتر


وعقبها بنص ساعه شربت شاي اخضر بالليمون

وغداي كان عباره عن : سلطة قبقب + سوشي قبقب + عيش ابيض على البخار


والعشى >> كنا رايحين عزيمة عوودة عند ناس يصيرونلنا

وطبعااا اثناء التقديم مادخل حلجي شي لا قهووة لا شاي لا حلوو لا مااااااي

ويوم فتحوو البوفيه سويت شي خطير عشان محد يحرجني ويخليني آكل ههههههههه

تتخيلون شسويت >> لا فشله ماراح اقولكم ههههههههه

يالله تصبحوون على خيرر

أتغشمر خذيت السويج وقمت انطر الأهل بالسيارة ومحد لاحظني لان البوفيه كان زحمه

ورديت البيت شربت مااي + شاااي اعشااب


وباجرر بروح الشاليه وبييب قشي معااي >> أدعولـــــــــــــــــــــــي اكمل وانا مستانسه

>> شكلي باخذ الميزان معاي هههه اليوم كل ما آكل شي اروح اوزن >> خايفه لوول

يالله تصبحون على خير بناااااااااات

والله يوفق الجميع

حوااا بغيت اسألج الجسم اللي صوب البطن يكون مستطيل شنو اهو اي نووع ؟؟ تناسلي ؟؟
ومع السلامة

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

بلاك دول براااافو عليييج خوش خطوه وايد حلوووه ويارب تتمين جذي

اتوقع المستطيل تناسلي والله اعلم ليش تسألين؟

 

[BLack doll]

رد: ممكن هني تجمع الكظريات(مدة الموضوع شهر من تاريخيه)

مشكووورة الله يسمع منج

وافاا عليج خلاص انا بشغل مخي بكل شي بس مابي حلوياات >> حقدت عليهم ههههههه

وعلى طاري المستطيل لان امي قالتلي انتي شكل جسمج مستطيل

وتصدقين اهو انا جسمي مليان من كل النواحي بس احس عادي عاجبني إلا صوب البطن والزنود حاريني

بس سويت الأختبار وطلعلي كظريه بس مادري اقول يمكن مو مقياس شاكه اني يا كضريه ياا تناسليه

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

ممممم انتي شاكه انج بين وبين

انا متأكده اني كظريه لوووول

بس اللي الزوايد عندها فوق وحوالي البطن اكثر شي كظريه تكون

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

up

up

up

 

[ღ Prettyღ♥ღWoman ღ]

رد: ممكن هني تجمع الكظريات(مدة الموضوع شهر من تاريخيه)

انا جسمي كظري متني كله بظهري

حدي متحبطه وودي اسوي شفط لانه ما في رجيم يضعف الزوااايد الخاايسه

بس بجرب رجييم الجسم الكظري وانشاالله يفيدني يارب

انا سمعت من واايد بنات انهم جربوو طريقة انهم يكتبون شنو كلوو اليووم وشكثر ونفعت معاهم

لانه لماا يشوفوون انهم كلوو اشياء واايد نفسياا يبطلوون ياكلوون

الله كريييم انشالله الله يوفقناا ونضعف بصحه وعافيه ياااارب

مشكوووره ع الموضووع

 

[حواء الكون]

رد: ممكن هني تجمع الكظريات(مدة الموضوع شهر من تاريخيه)

حياج الله ياقلبي وهالنظام وايد حلو ومافي حرمان تشجعي

 

[om deaj]

رد: ممكن هني تجمع الكظريات(مدة الموضوع شهر من تاريخيه)

حواء امس كتبت رد ومابين لانه المزود مشغول عشتو
المهم انا ماعرفت نوع جسمي من الاختبار لاني ماعرفت اسويه
بس انا متني في خصر والمعدة وتحت الصدر والزنود
وبلشت من السبت وانشالله بكمل معاكم بس عقب الشهر بيتسكر الموضوع؟؟ ولا تبطلين غيره؟؟
مشكورة وايد على تشجيعج والله الموضوع يهبل

 

[om deaj]

رد: ممكن هني تجمع الكظريات(مدة الموضوع شهر من تاريخيه)

وين الكظريات اختفيتو؟؟؟ لما تشجعت ولقيتكم رحتو يالله بقاوم واليوم طايحتله افندي مادري شفيني يعت بس قلت بلتزم معاكم