عسل مرت قيمر
New member
- إنضم
- 22 يوليو 2009
- المشاركات
- 2,081
- مستوى التفاعل
- 0
- النقاط
- 0
آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~
- بادئ الموضوع كتالونيه
- تاريخ البدء
أنا قصة ولادتي قصة اولا كل مراجعاتي بالصباح وولدت عندهم اختي تشتغل هناك وكانت متوصيه فيني كانت كل مراجعاتي عند الدكتورة رابعه الصالح واهي استشاريه كويتيه والدكتوره الاء دشتي والاثنين ماشالله عليهم نفسيه تهبل واسلوب ولا احلى وعشان ما تقولون ان المعامله لان اختي هناك وتوصوا فيني لا والله الدكتوره رابعه مع الكل جذي كل للي يراجعون عندها يمدحون اسلوبها وطريقتها ً *المهم يالغاليات انا بجريه وخلصت شهري ولا ولدت كسرت خاطر كل للي بالمدرسه معاي حتى بناتي للي ادرسهم يدعولي والفراشات مو باقي الا حارس المدرسه يدعيلي المهم وذاك اليوم كان الاثنين 4/30 رايحة المدرسه وانا ميته من التعب وبلحق اخلص المنهج قبل لا اولد لاني تخصص ومافي احد يدرس البنات غيري وثانويه عامة يومها صارت مشكله بالمدرسه وحطيت حرتي بالبنات وقلتلهم باجر عندكم امتحان البنات حرام ابله تونا مخلصين امتحانات الفتره ما امداناارتحنا المهم انا صابتني حالة جنون باجر امتحان يعني امتحان واروح البيت واسوي امتحان صعب واخلي زوجي يروح يصوره وكان ثاني يوم الثلاثا عندي موعد متابعه عادي رحت الصبح الموعد وبالسياره الامتحانات ع اساس ارجع وامتحن البنات المهم دخلت ع الدكتوره لقت ضغطي مرتفع وكنت مخلصه 10 ايام من الشهر العاشر ما رضت تطلعني سيدا خلتني اسوي تخطيط وسوتلي دخول جتني اختي لقتني خايفة ومتوتره وبالعه ام العافيه حاولت تطمن فيني دقيت ع زوجي سوا اوراق دخولي وع رئيسة قسمي عشان ابلغها بدخولي وكان باقيلي درس واحد ما خلصته كنت اقولها باقي لي درس وقايله حق البنات ب امتحنهم جان تقولي انتي وين والمنهج وين ما جت ع هالدرس وقعدت تدعيلي وتطمني بعد التخطيط دخلت ع الطبيبة قالت مافيج طلق بنحط لج طلق صناعي حطولي اول تحميله الساعه 6 العصر وماكان ف عوار قوي بعدها جت دكتوره كويتيه فحصتني وبطت الماي بعدها الله لا يوريج العوار ااااااه يا قلبي كل ما اتذكره احس ببجي المهم جا دكتور مصري الله يعطيه العافيه عطاني ابره ظهر وارتحت شوي ودوني غرفه الولاده الساعه 11 بالييل كان يمي مصريه كنت اون انا وياها وعطانا الدكتور ابره الظهر نرتاح شوي واذا راح المفعول قعدنا نبجي المهم العوارزاد حيل والدكتور كنت اترجاه يزيدلي جرعة المخدر ف ابره الظهر وهذي غلطتي الكبرى للي راح تقرون تأثيرها المأساوي علي ف الاخير الدكتور مسكين كان يقولي لازم المخدر يروح عشان تقدرين تدفعين وتولدين وانا ابجي واترجاه ويعطيني جرعه بسيطة ارجع ادوخ للامانه الفحص ما كنت احس فيه كل شوي يفحصوني وانا مو حاسه بس الالم كان ف اسفل البطن مو طبيعي مرتني اختي الظهر كان التاريخ صار الاربعا 5/2 وانا دخلت 5/1 الثلاثا العصر المهم كنت مفتوحه 5 سم وكانوا يتكلمون مع اختي عن عمليه وانا دايخة سألتهم ف قالوا اذا ما فتح الرحم لي العصر بنسوي لج عمليه انتي والبيبي تعبتوا المهم انا ادعي وابجي ع الساعه 3 فحصوني الا مفتوحه 7 سم طبعا المصريه للي يمي ولدت العصر وما تعبت مثلي راحت وجت وراها مصريه كانت واصله ع للاخر وانا بس ابجي فحصتني الدكتوره الساعه 7 قالت مفتوحه 10سم ولادة والدكتوره تقول لاختي ساعتين تولد صارت 8 و9 و10 و11 وانا ليما الحين المصريه للي يمي ولدت بساعتين وانا صارلي يومين بس صج السهاله من رب العالمين المهم بعد ما ولدت للي يمي مر رئيس الوحده واهو دكتور مصري نفسه خايسه قال انتي ليما الحين جهزوا العمليات الساعه 12 كان معاه دكتوره كويتيه صغيره قالت حرام مفتوحه 10 سم ليش عمليه خل احاول معاها قعدت اهي والسسترات ودكتور سوري معاهم يشجعوني*عشان ادفع وانا طبعا كنت مخدره من تحت بسبب الجرعه الزايده ف ابره الظهر ف كنت احاول ومو قادره مع ان راس البيبي تحت يعني الدكتوره كانت تفحصني تقول حرام والله قاعده امسك راسه حرام عمليه حاولي وانا ااحاول واحاول وباءت كل محاولاتي بالفشل اخر شي الدكتور السوري قال حق الدكتور المصري رئيس الوحده ب نحاول نشفط البيبي اذا ما نفع خلاص عمليات جابوا الجهاز وشغلوا الكشاف ع من تحت وقعد الدكتور السوري يشفط والمصري يضغط *ف بطني وانا ميته من العوار كان الالم مو طبيعي والدكتوره الكويتيه تشجعني وماسكة ايديني وتقولي ادعي ادعي وشوي الا رب العالمين سهلها وولدت احلى ديما طبعا انا بعد الولاده مو حاسه ب شي دايخه وكنت ناطره الخياط عشان اطلع من هالغرفه الكئيبه قصتي لها بقيه ادري مليتوا بس صبروا شوفوا الاكشن الاخير وانا ناطره الخياط والدكتور المصري رئيس الوحده لقيته رجع واهو توه طلع والدكتوره الكويتية قالت انا راح اخيطج لقيتهم ردوا مره ثانيه وجابوا الكشاف انا قلت يمكن ف بيبي ثاني بعد شوي لقيت الدكتور المصري يقول يالله العمليات طبعا انا هني مت من الخوف عمليات ليش وانا خلاص ولدت كنت اسألهم ومحد يرد علي قمت ابجي خذوني العمليات وكانت الساعه 12 وانا ولدت الساعه 11 وثلث بالضبط بالعمليات تلقفوني السسترات الفلبينات جاني دكتور التخدير سألته شنو في قالي لا ما في شي وعطاني مخدر قعدت الساعه 2 ع السسترات الفلبينيات ف غرفه العمليات فوق راسي نادوا الدكتور المصري جا لقيته يضحك ويقولي حمدالله ع السلامة ومعاه الدكتوره الكويتيه سألته شنو في قال الدكتوره ف شرحتلي ان الدكتور السوري واهو يوسعني من تحت عشان الولاده ايده جت ع شريان تحت وشقه بالغلط ف صار معاي نزيف بالشريان ف كنت محتاجه خياطه مضاعفه عشان جذيودوني العمليات وقعدت الدكتوره تبين لي خطأي ف ابره الظهر طبعا انا قلتلها توبه اخذها واهي تقول الخطا مو بالابره فيج عشان خذيتي جرع كبيره و الدكتور ما كان المفروض يعطيج هذي الجرع المخدره مهما ترجيتيه *المهم قالت ما تشوفين شر وحمدالله ع السلامة واشوفج بعد 9 اشهر
وخذوني السسترات فوق للوضع قعدت شوي مرني دكتور التخدير وشال الابره من ظهري وع الساعه 5 نزلت انا وديومتي الجناح كانت اختي حاجزتلي غرفه والحمدالله *اسفه للاطاله وانا اختصرت الكثير من التفاصيل والله يقومكم بالسلامة ويسهل عليكم ويرزق كل محرومة**
وخذوني السسترات فوق للوضع قعدت شوي مرني دكتور التخدير وشال الابره من ظهري وع الساعه 5 نزلت انا وديومتي الجناح كانت اختي حاجزتلي غرفه والحمدالله *اسفه للاطاله وانا اختصرت الكثير من التفاصيل والله يقومكم بالسلامة ويسهل عليكم ويرزق كل محرومة**
ام زينه المطيري
New member
الله يسلمج ام زينه وابله هنوف وكلامج صح الوضع عندهم تحسين نفسج ب مغاره علي بابا ما في لج اي علاقة بالعالم الخارجي واهم ما يبلغون اهلج اهم يردون عليهم اذا دقوا بس يعني انا بعد ما ولدت قبل لا اروح للعملليات قالولي لج مكالمة وحده ف دقيت ع اختي الكبيره وبلغتها اني ولدت
the note book
New member
- إنضم
- 11 أبريل 2009
- المشاركات
- 7,760
- مستوى التفاعل
- 0
- النقاط
- 0
- العمر
- 35
انا صارلي جم يوم اقرا قصصكم شوقتوني اكتب لكم قصتي
انا من دشيت التاسع وانا مستعيله على روحي حدي ماكنت خايفه من الولاده معلوووم مادري شطبخه ههههههه المهم من اول التاسع وانا كليوم امشي
ما بقا دارسين ولا خروع و زحير ما زقيته و تميت لا الم ولا شي ليماالاسبوع 39 يعني كان باقي اسبوع و اطلع عن شهري و نفسيتي تعبت لان ابي اولد
و كلشي سويت ولا ياني ولا حتا الم خفيف المهم لما وصلت 39 جان اختي تشيشني تقول امشي خل تفحصج الدكتوره و طلبي منها طلق صناعي يمكن توافق وانا ابي الفكه على طول قلت لها اي المهم رحت فصتي ولا سانتي و نص لي اثنين قلتلها دكتوره ميخالف تولديني قالت عادي انتي مطوفه وايد من شهرج و فاتحه يعني بس تحميله وحده وان شءالله تولدين قالت الحين روحي البيت تزهبي و الساعه 7 روحي المستشفى انا راح اييج و فعلا تسبحت ة رحت الصالون و زهبت شغلي و قلت حق امي وافقت و عالسبع خذاني ريبي و رحنا رويال حياة وانا اسوي الاوراق شفت دكتورتي داشه انا شفتها جان عيوني تدمع ريلي يضحك يقول ها جنه هونتي قلت لا ههههه المهم عالثمان حطتلي التحميله و خلتني قالت انا بروح و بباشرهم بالتلفون اي شي يصير بعرف و راحت واقعد لكم من الساعه 8 لي 6 الفير و غصب فتحت 3 و كان العوار الي عادي استحمله و اقول حق امي مايعور امي تاشر حق ريلي من وراي تقوله ترا ماشافت شي هههههه المهم يات هاذي مالت الطوارئ فحصتني 6 الفير قالت 3 تبيني ابط لج الماي عشان يحما الطلق و تفتحين بسرعه قلت اوكي جان تبط ماي الراس من اهني خلاص غيبت من العوار قمت اشفط الكمام جني مينونه بس عشان ما احس كنت انام و اقوم و اسمع السستر تقول 4 تقول حق امي تو الناس و رديت نمت بعدين. قمت اصرخ ابي الحمام اختي كانت معاي تقول حق امي شكلها بتولد خل يفحصونها و تيي السستر تقول توني فاحصتها 4 تو الناس جان امي تقول فحصيها و زفتها جان تفحص ولا 7 و يصير استنفار عندهم انا مادري عن شي من الكمام بس كنت افز اصرخ من العواو اقووول بمووووت و امي تزفني تقول قولي لا اله الله و واشفط الكمام و انام ما وعيت الت شالوا عني الكمام و اشوف الدكتوره بين ريولي هههه و تقول يالله بوش وانا اقولها مابي يعور ابي كمام و ابجي تقول ماكو كمام يالله بوش و ابجي طلعيه ماببي اطلعه يعور قالت يالله بوووش اشوا سويت بوش مره ثنتين ثلاث لما طلع ولدي و قطته علا بطني شفته و نمت ما حسيت بشي و عقب وعيت ولا دكتوره هنديه تجيك عالخياط جان اصرخ قالتلي شفيج ولدتي خلصتي هههه و بث و عاد عقب امي قالتلي اني طاقه امي و طارده السستر و بغيت اشلع الدرب و في سستر اقولها اي لوف يوو ههههه و اخر شي من كثر مافر راشي الكمام قمت اطق رقبه هههههه
اكثر شي كان يضايق جهاز التخطيط حز بطني و نصيحه للبجريات لاتولدون صناعي الا اذا مضطرين انا تعبت وايد 14 ساعه اطلق و الحمدلله فتحت في بنات مايفتحون صبروا علا روحكم كلها جم اسبوع صج تعب الشهر التاسع بس هم صبروا عشان التساهيل تكون من رب العالمين انا الحين حامل بالشهر الثالث و ان شاءالله ابي نفس الدكتوره تولدني لانها عسل بس مستحيل اطلب صناعي من نفسي توووبه الا اذا في شي لا سمح الله
و الله يسهل علي ة ييسر حملي وياكم
انا من دشيت التاسع وانا مستعيله على روحي حدي ماكنت خايفه من الولاده معلوووم مادري شطبخه ههههههه المهم من اول التاسع وانا كليوم امشي
ما بقا دارسين ولا خروع و زحير ما زقيته و تميت لا الم ولا شي ليماالاسبوع 39 يعني كان باقي اسبوع و اطلع عن شهري و نفسيتي تعبت لان ابي اولد
و كلشي سويت ولا ياني ولا حتا الم خفيف المهم لما وصلت 39 جان اختي تشيشني تقول امشي خل تفحصج الدكتوره و طلبي منها طلق صناعي يمكن توافق وانا ابي الفكه على طول قلت لها اي المهم رحت فصتي ولا سانتي و نص لي اثنين قلتلها دكتوره ميخالف تولديني قالت عادي انتي مطوفه وايد من شهرج و فاتحه يعني بس تحميله وحده وان شءالله تولدين قالت الحين روحي البيت تزهبي و الساعه 7 روحي المستشفى انا راح اييج و فعلا تسبحت ة رحت الصالون و زهبت شغلي و قلت حق امي وافقت و عالسبع خذاني ريبي و رحنا رويال حياة وانا اسوي الاوراق شفت دكتورتي داشه انا شفتها جان عيوني تدمع ريلي يضحك يقول ها جنه هونتي قلت لا ههههه المهم عالثمان حطتلي التحميله و خلتني قالت انا بروح و بباشرهم بالتلفون اي شي يصير بعرف و راحت واقعد لكم من الساعه 8 لي 6 الفير و غصب فتحت 3 و كان العوار الي عادي استحمله و اقول حق امي مايعور امي تاشر حق ريلي من وراي تقوله ترا ماشافت شي هههههه المهم يات هاذي مالت الطوارئ فحصتني 6 الفير قالت 3 تبيني ابط لج الماي عشان يحما الطلق و تفتحين بسرعه قلت اوكي جان تبط ماي الراس من اهني خلاص غيبت من العوار قمت اشفط الكمام جني مينونه بس عشان ما احس كنت انام و اقوم و اسمع السستر تقول 4 تقول حق امي تو الناس و رديت نمت بعدين. قمت اصرخ ابي الحمام اختي كانت معاي تقول حق امي شكلها بتولد خل يفحصونها و تيي السستر تقول توني فاحصتها 4 تو الناس جان امي تقول فحصيها و زفتها جان تفحص ولا 7 و يصير استنفار عندهم انا مادري عن شي من الكمام بس كنت افز اصرخ من العواو اقووول بمووووت و امي تزفني تقول قولي لا اله الله و واشفط الكمام و انام ما وعيت الت شالوا عني الكمام و اشوف الدكتوره بين ريولي هههه و تقول يالله بوش وانا اقولها مابي يعور ابي كمام و ابجي تقول ماكو كمام يالله بوش و ابجي طلعيه ماببي اطلعه يعور قالت يالله بوووش اشوا سويت بوش مره ثنتين ثلاث لما طلع ولدي و قطته علا بطني شفته و نمت ما حسيت بشي و عقب وعيت ولا دكتوره هنديه تجيك عالخياط جان اصرخ قالتلي شفيج ولدتي خلصتي هههه و بث و عاد عقب امي قالتلي اني طاقه امي و طارده السستر و بغيت اشلع الدرب و في سستر اقولها اي لوف يوو ههههه و اخر شي من كثر مافر راشي الكمام قمت اطق رقبه هههههه
اكثر شي كان يضايق جهاز التخطيط حز بطني و نصيحه للبجريات لاتولدون صناعي الا اذا مضطرين انا تعبت وايد 14 ساعه اطلق و الحمدلله فتحت في بنات مايفتحون صبروا علا روحكم كلها جم اسبوع صج تعب الشهر التاسع بس هم صبروا عشان التساهيل تكون من رب العالمين انا الحين حامل بالشهر الثالث و ان شاءالله ابي نفس الدكتوره تولدني لانها عسل بس مستحيل اطلب صناعي من نفسي توووبه الا اذا في شي لا سمح الله
و الله يسهل علي ة ييسر حملي وياكم
نسيم الأمل
New member
- إنضم
- 27 يونيو 2012
- المشاركات
- 208
- مستوى التفاعل
- 0
- النقاط
- 0
the note book
New member
- إنضم
- 11 أبريل 2009
- المشاركات
- 7,760
- مستوى التفاعل
- 0
- النقاط
- 0
- العمر
- 35
الزين كله.
New member
اغلبكم عارف اني كنت اراجع بالسلام عند دكتوره ريم الخرس بس الله ما كتب اني اولد عندها لان التامين وقفو العقد مع مستشفى السلام و كنت متوهقه و مادري وين اروح و خصوصا اني متعوده على مستشفى السلام ومجربه ولادتهم بس الحمدلله كل شي قسمه و نصيب
مابي اطول عليكم و بقولكم الحين يوم ولادتي كانت بتاريخ 14/7/2012*
يوم السبت الصبح كنت نايمه بس مادري شنو الي خلاني اقوم قمت لو احس شي ينزل و كان ماي البيبي قمت بدلت و تزهبت و وديت ولدي بيت يده ريلي يقولي ها اوديج اي مستشفى قلت له توكل على الله و روح السيف دخلت طوارئ السيف تقريبا ساعه 6 ونص الصبح يتلي دكتورة الطوارئ قلت لها نزل علي الماي وايد فحصتني لو تقولي انا ما اشوف في ماي نازل عليج قلت لها هذا شنو عيل الي نازل علي يعني و كنت بس واحد سانتي لو تسويلي سونار صارلها نص ساعه بس اتفر بالسونار((لو في نفط جان طلعته لوووووول )) انا تنرفزت و طبعا 4 سسترات فوق راسي حق شنو مادري المهم لو تقولي هااا ؟! الماي شويه حوالين البيبي بس لمه فحصتج ما شفت ماي نازل عليج طوفت غبائها و سكت لو تقولي الاحسن انج تنزلين تحت قسم الاشعه و السونار يكون دقيق اكثر بس راح يوصل الدكتور ساعه 9 وانا كنت طالبه دكتوره روبينا و هم كانت توصل ساعه 9 فكنت ناطره و مالت الطوارئ حتى دخول ولاده ماتبي ادخلني تقول نطري دكتور السونار فكنت حدي متنرفزه من الدكتوره يعني نازل علي الماي المفروض على طول دخول نطرت لي ساعه9 لو تيي دكتوره روبينا انا ماكنت شايفتها ولا شي بس خالتي تراجع عندها و تمدحها لانه اهيه رئيسة قسم الولاده و شكلها كانت حبوبه لو تفحصني تقولي الماي نازل على طول دخول بس المشكله انه هم كنت 1 سانتي بس و قالتلي البيبيه مو نازله بالحوض بعدها و انا كنت قاعده مافيني لا عوار ولا شي نهائيا قالتلي ماقدر اعطيج طلق صناعي لانج كنتي والده قيصريه و الطلق قوي فيمكن يصير عليج مضاعفات او يفتح الجرح فقالت نطري لي ساعه 1 اذا يالج طلق و عوار يمكن تولدين طبيعي بس اذا مافي شي قيصريه راح تولدين
(( سبحان الله نفس الشي صار فيني على ولدي لا عوار ولا شي و كان نازل علي الماي))*
فقعدت نطرت امي يتلي قعدت معاي صارت ساعه 1 لو توصل الدكتوره فحصتني مره ثانيه و هم كنت 1 سانتي يعني كلش مافي امل اني اولد طبيعي لو تقولي تبين تقعدين تنطرين طول اليوم ولا تبين قيصريه قلت لها خلاص انا تعبت ابي قيصريه دخلت غرفة العمليات لو ايلي دكتور تخدير قالي راح احطلج بنج موضعي مو بنج كامل و راح يكون بالظهر كنت خايفه من هل ابره قعدت نفس قعدت الربيانه لو يقزها بظهري قالي ولا حركه بس حسيت فيها و عورني وايد قمت اصرخ *لو يقولي ريحي شويه بعدين اكمل قلت له بس خلاص مابيها *ابي بنج كامل ابي انام لو يدخل علي دكتور ثاني كان يتغشمر و حبوب لو يقولي مالج شغل انا احطلج البنج الحين و صج الحمدلله ايده خفيفه كانت ما حسيت فيه كلش و كنت قاعده وقت العمليه بس متخدره من تحت ما احس بشي و دكتور التخدير فوق راسي يسولف اهوه الي شويه ضيع علي الوقت يقولي ها شنو بتسمينها قلت له ليلحين مادري لو يقولي بتطلع بنتج وانتي ليلحين ماتدرين *
لو تطلع بنوتي الحلووه احساس حلو انج تشوفين بنتج و انتي صاحيه ودوني بعدين الغرفه لو امي تقولي شرايج بأسم (( ميار )) *طلعنا معناته و حلو كان قلت لهاا خلاص تم **
و ماكنت مسويه استقبال *بس قعدت 4 ايام و من ثاني يوم كانو يزوروني ناس داشه و ناس طالعه
* الحمدلله عندي البنج الموضعي احسن من البنج الكامل وايد يتعب البنج الكامل يعني اسبوع يالله اتصحصح منه بس البنج الموضعي اخف و الحمدلله من ثالث يوم ماكو شي*
تقيمي حق مستشفى السيف بالطوارئ الدكتوره كلش مو شي و حتى السسترات مادري يمكن على حظي انا صار جذي*
*
بس بعد الولاده لا والله السسترات وايد زينين و حتى دكتورتي وايد زينه و حبوبه كانت و فاهمه و الحمدلله عنايتهم و نظافتهم كانت وايد زينه*
و نسيت اقوول عطوني مثل شهاده تقدير حق بنووتي فيها بياناتها و صورتهاا وايد حلوه
مابي اطول عليكم و بقولكم الحين يوم ولادتي كانت بتاريخ 14/7/2012*
يوم السبت الصبح كنت نايمه بس مادري شنو الي خلاني اقوم قمت لو احس شي ينزل و كان ماي البيبي قمت بدلت و تزهبت و وديت ولدي بيت يده ريلي يقولي ها اوديج اي مستشفى قلت له توكل على الله و روح السيف دخلت طوارئ السيف تقريبا ساعه 6 ونص الصبح يتلي دكتورة الطوارئ قلت لها نزل علي الماي وايد فحصتني لو تقولي انا ما اشوف في ماي نازل عليج قلت لها هذا شنو عيل الي نازل علي يعني و كنت بس واحد سانتي لو تسويلي سونار صارلها نص ساعه بس اتفر بالسونار((لو في نفط جان طلعته لوووووول )) انا تنرفزت و طبعا 4 سسترات فوق راسي حق شنو مادري المهم لو تقولي هااا ؟! الماي شويه حوالين البيبي بس لمه فحصتج ما شفت ماي نازل عليج طوفت غبائها و سكت لو تقولي الاحسن انج تنزلين تحت قسم الاشعه و السونار يكون دقيق اكثر بس راح يوصل الدكتور ساعه 9 وانا كنت طالبه دكتوره روبينا و هم كانت توصل ساعه 9 فكنت ناطره و مالت الطوارئ حتى دخول ولاده ماتبي ادخلني تقول نطري دكتور السونار فكنت حدي متنرفزه من الدكتوره يعني نازل علي الماي المفروض على طول دخول نطرت لي ساعه9 لو تيي دكتوره روبينا انا ماكنت شايفتها ولا شي بس خالتي تراجع عندها و تمدحها لانه اهيه رئيسة قسم الولاده و شكلها كانت حبوبه لو تفحصني تقولي الماي نازل على طول دخول بس المشكله انه هم كنت 1 سانتي بس و قالتلي البيبيه مو نازله بالحوض بعدها و انا كنت قاعده مافيني لا عوار ولا شي نهائيا قالتلي ماقدر اعطيج طلق صناعي لانج كنتي والده قيصريه و الطلق قوي فيمكن يصير عليج مضاعفات او يفتح الجرح فقالت نطري لي ساعه 1 اذا يالج طلق و عوار يمكن تولدين طبيعي بس اذا مافي شي قيصريه راح تولدين
(( سبحان الله نفس الشي صار فيني على ولدي لا عوار ولا شي و كان نازل علي الماي))*
فقعدت نطرت امي يتلي قعدت معاي صارت ساعه 1 لو توصل الدكتوره فحصتني مره ثانيه و هم كنت 1 سانتي يعني كلش مافي امل اني اولد طبيعي لو تقولي تبين تقعدين تنطرين طول اليوم ولا تبين قيصريه قلت لها خلاص انا تعبت ابي قيصريه دخلت غرفة العمليات لو ايلي دكتور تخدير قالي راح احطلج بنج موضعي مو بنج كامل و راح يكون بالظهر كنت خايفه من هل ابره قعدت نفس قعدت الربيانه لو يقزها بظهري قالي ولا حركه بس حسيت فيها و عورني وايد قمت اصرخ *لو يقولي ريحي شويه بعدين اكمل قلت له بس خلاص مابيها *ابي بنج كامل ابي انام لو يدخل علي دكتور ثاني كان يتغشمر و حبوب لو يقولي مالج شغل انا احطلج البنج الحين و صج الحمدلله ايده خفيفه كانت ما حسيت فيه كلش و كنت قاعده وقت العمليه بس متخدره من تحت ما احس بشي و دكتور التخدير فوق راسي يسولف اهوه الي شويه ضيع علي الوقت يقولي ها شنو بتسمينها قلت له ليلحين مادري لو يقولي بتطلع بنتج وانتي ليلحين ماتدرين *
لو تطلع بنوتي الحلووه احساس حلو انج تشوفين بنتج و انتي صاحيه ودوني بعدين الغرفه لو امي تقولي شرايج بأسم (( ميار )) *طلعنا معناته و حلو كان قلت لهاا خلاص تم **
و ماكنت مسويه استقبال *بس قعدت 4 ايام و من ثاني يوم كانو يزوروني ناس داشه و ناس طالعه
* الحمدلله عندي البنج الموضعي احسن من البنج الكامل وايد يتعب البنج الكامل يعني اسبوع يالله اتصحصح منه بس البنج الموضعي اخف و الحمدلله من ثالث يوم ماكو شي*
تقيمي حق مستشفى السيف بالطوارئ الدكتوره كلش مو شي و حتى السسترات مادري يمكن على حظي انا صار جذي*
*
بس بعد الولاده لا والله السسترات وايد زينين و حتى دكتورتي وايد زينه و حبوبه كانت و فاهمه و الحمدلله عنايتهم و نظافتهم كانت وايد زينه*
و نسيت اقوول عطوني مثل شهاده تقدير حق بنووتي فيها بياناتها و صورتهاا وايد حلوه
شوكلآته
New member
بنات انا الحممد الله ولدت بتاريخ 21 / 7 / 2012
طبعا قصتي قصة اول يوم رمضان كنت صايمه والحمدالله بعد الفطور وبعد القهوه علي الساعه 10 ونص كنت احسس بعوار خفيف بس كل شوي داخله الحمام عزكم الله وانا الحممدالله كنت عند امي قلت لها العوار يروح ويرجع ردت علي عوار نفس كل مره قلت ما ادري ما اركزز قالت يالله زين لبسي بوديج الطبيب قبل ما البس رحت للحمام مره ثانيه الا شوي دم جان اطلع واقولها طبعا مو حاطين في بالنا انها ولاده لانه من قبل اسبوع كان نازل دم المهم طبعا ما كنت ابي مستشفي خاص لاني بكريه وخوافه اخاف من السوالف اللي اسمعها ويوم استخرت ارتحت للعدان لبست وركبنا السياره ورحنا العدان امي تعرف سستر هناك وموصيتها علي دخلت علي الدكتور الا مصري قلت انا معاي عوار ونازل شوي دم جان يقول اوكي بفحصج واشوف ويفحص بغت تطلع عيوني قال 3 ونص بوسع لج شوي عشان اسوي لج دخول ما امداه يكمل كلمته الا واحسسس بعوار جان اصيح اقوله خلااص وخرر ايدك ويوخر ايده ويكتب لي دخول وابدل ملابسي وانا معاي ورقة تحليل حق ابرة الظهرر جان اعطيها السستر اللي بتدخلني وامي المسكينه اول ما شافتني ارتبكت وتدق علي زوجي وقالت له بيدخلوني ويبون توقيعه عششان ابرة الظهرر وطبعا دخلت وانا ما شفته كان ودي اقوله نطرو لين اشوفه بعدين دخلوني المهم دخلت اختي تقول لي ويهج كان لونه بنفسجي دخلوني غرفه تخرع صوت قطرات ماي واللمبات تولع وتطفي حسيت اني في بيت ريا وسكينه المهم طبعا ما كان عوار اللي يذبح كنت اقول في قلبي بسس هذا العوار اللي يقولون عنه اي سهالات ان شاءالله ويجون سسترات عند راسي يسون اوراق طبعا كانت الساعه اللحيين 11 ونص قعدت الين 12 وربع الا هذي ورقة ابرة الظهر سولي تحاليل ومادري شنو وقاسوو الظغط الا الظغط مشعلل ويجي الدكتور ويفحص قال انتي ليش بطنج صلب تبين الحمام قلت لا توني رايحه واول ما دخل ايده بيفحص الا ينبط الماي وهني بدا العوارر صججج السسترات راحو خلوني ما باقي الا وحده اقولها عطيني ابرة الظهرر قالت انتي صغيره لازم يجي الدكتور يوقع ويعطيج الابرره قلت اوكي ننطر الدكتورر شوي الا هم ساحبيني غرفه ثانييه قالو انتي ظغطج مرتفع حطوني بغرفه احسسن من الاولي بواجد قلت الحممدالله طبعا انا كل ما جا الطلق كنت ادعي واكتم صوتي وادفع تحت علي الساعه 3 ونص دخلو علي دكتورين وانا طبعا مخدره بالكمام ما ادري شيقولون اول ما حسيت انه في دكتور جان اسوي نفسي ابكي عششان اكسسر خاطره قلت عطني ابررة ظهر الله يخليك والله لمي اتذكر اضحك علي عممري جان يقول لي هم ما عطووج ابرره خلاص اللحيين اقولهم ?انا استانس عبالي صج بيعطيني وشوي اسمعهم يقولون 8 سانتي قلت خلاص انسي شي اسمه ابره بس بقعد ادعي طبعا طول الولاده ما كنت اصرخ بسس اذا حسيت بعوار دفعت من تحت ودعيت والسستر كانت مصدومه مني حيل تقول شلون يعني انتي صغير وما تصارخين
وانا كنت اشمم الكمام اسمع السسترات يسولفوون ياربي هذيلا يتحجون كويتي عدل مثل كلامنا يوم صحصحت شوي الا اسمع قرقتهم بالهندي من تاثير البنج ما قمت احسس بشي بس لمي يجي العوار كنت احس بحرارت بس ما ادري وين اي صوب وعلي الساعه اربع ونص الحممدالله ولدت وجبت بنوته بسم الله عليها قمررر الله يخليها لي ولابوها علي الساعه 5 كنت خالصه كل شي خياط وولاده وبنتي بحضني ما كنت راضيه اعطيهم اياها وكلمت امي اللي كانت تحاتي ووكل شوي تدق يقولون لها بتولد الظهر تو الناس واول ما كلمتها حسيتها ارتاحت سكرت وكلمت زوجي اللي صار له يومين مو نايم قلت انا بيطلعوني الجناح الساعه 10 روح نام وارتاح بعدين تعال المهن ودوني الملاحظه والسستر اللي كانت عندي بالولاده كل شوي جايه تعطيني بوسه تقول لي انتي مثل بنتي شكلي كسرت خاطرها عشان مالي صوت وتوني صغيره ههههههه المهم علي الساعه 9 ونص ودوني الجناح زوجي حاجز لي خاصه اشوي ارتحت فيها من الازعاج الحمام نظيف طبعا جت امي واختي وبنت خالتي وعمتي ام زوجي وزوجي واخوي شافو بنيتي وبوسوها الين ما شبعو وانا قعدت يوم بالعدان اليوم الثاني طلعت ويوم رجعت البيت ارتفعت حرارتي من الرضاعه وتو اليوم الحمدالله تنزل وامس السستر اللي تعرفها امي داقه علي امي تقولها ان ضغطي كان مرتفعع حييل ما قدرو يعطوني ابرة ظهر وكانو مقررين علي عمليه الصبح بس الحمدالله سبقتهم وولدت
طبعا قصتي قصة اول يوم رمضان كنت صايمه والحمدالله بعد الفطور وبعد القهوه علي الساعه 10 ونص كنت احسس بعوار خفيف بس كل شوي داخله الحمام عزكم الله وانا الحممدالله كنت عند امي قلت لها العوار يروح ويرجع ردت علي عوار نفس كل مره قلت ما ادري ما اركزز قالت يالله زين لبسي بوديج الطبيب قبل ما البس رحت للحمام مره ثانيه الا شوي دم جان اطلع واقولها طبعا مو حاطين في بالنا انها ولاده لانه من قبل اسبوع كان نازل دم المهم طبعا ما كنت ابي مستشفي خاص لاني بكريه وخوافه اخاف من السوالف اللي اسمعها ويوم استخرت ارتحت للعدان لبست وركبنا السياره ورحنا العدان امي تعرف سستر هناك وموصيتها علي دخلت علي الدكتور الا مصري قلت انا معاي عوار ونازل شوي دم جان يقول اوكي بفحصج واشوف ويفحص بغت تطلع عيوني قال 3 ونص بوسع لج شوي عشان اسوي لج دخول ما امداه يكمل كلمته الا واحسسس بعوار جان اصيح اقوله خلااص وخرر ايدك ويوخر ايده ويكتب لي دخول وابدل ملابسي وانا معاي ورقة تحليل حق ابرة الظهرر جان اعطيها السستر اللي بتدخلني وامي المسكينه اول ما شافتني ارتبكت وتدق علي زوجي وقالت له بيدخلوني ويبون توقيعه عششان ابرة الظهرر وطبعا دخلت وانا ما شفته كان ودي اقوله نطرو لين اشوفه بعدين دخلوني المهم دخلت اختي تقول لي ويهج كان لونه بنفسجي دخلوني غرفه تخرع صوت قطرات ماي واللمبات تولع وتطفي حسيت اني في بيت ريا وسكينه المهم طبعا ما كان عوار اللي يذبح كنت اقول في قلبي بسس هذا العوار اللي يقولون عنه اي سهالات ان شاءالله ويجون سسترات عند راسي يسون اوراق طبعا كانت الساعه اللحيين 11 ونص قعدت الين 12 وربع الا هذي ورقة ابرة الظهر سولي تحاليل ومادري شنو وقاسوو الظغط الا الظغط مشعلل ويجي الدكتور ويفحص قال انتي ليش بطنج صلب تبين الحمام قلت لا توني رايحه واول ما دخل ايده بيفحص الا ينبط الماي وهني بدا العوارر صججج السسترات راحو خلوني ما باقي الا وحده اقولها عطيني ابرة الظهرر قالت انتي صغيره لازم يجي الدكتور يوقع ويعطيج الابرره قلت اوكي ننطر الدكتورر شوي الا هم ساحبيني غرفه ثانييه قالو انتي ظغطج مرتفع حطوني بغرفه احسسن من الاولي بواجد قلت الحممدالله طبعا انا كل ما جا الطلق كنت ادعي واكتم صوتي وادفع تحت علي الساعه 3 ونص دخلو علي دكتورين وانا طبعا مخدره بالكمام ما ادري شيقولون اول ما حسيت انه في دكتور جان اسوي نفسي ابكي عششان اكسسر خاطره قلت عطني ابررة ظهر الله يخليك والله لمي اتذكر اضحك علي عممري جان يقول لي هم ما عطووج ابرره خلاص اللحيين اقولهم ?انا استانس عبالي صج بيعطيني وشوي اسمعهم يقولون 8 سانتي قلت خلاص انسي شي اسمه ابره بس بقعد ادعي طبعا طول الولاده ما كنت اصرخ بسس اذا حسيت بعوار دفعت من تحت ودعيت والسستر كانت مصدومه مني حيل تقول شلون يعني انتي صغير وما تصارخين
وانا كنت اشمم الكمام اسمع السسترات يسولفوون ياربي هذيلا يتحجون كويتي عدل مثل كلامنا يوم صحصحت شوي الا اسمع قرقتهم بالهندي من تاثير البنج ما قمت احسس بشي بس لمي يجي العوار كنت احس بحرارت بس ما ادري وين اي صوب وعلي الساعه اربع ونص الحممدالله ولدت وجبت بنوته بسم الله عليها قمررر الله يخليها لي ولابوها علي الساعه 5 كنت خالصه كل شي خياط وولاده وبنتي بحضني ما كنت راضيه اعطيهم اياها وكلمت امي اللي كانت تحاتي ووكل شوي تدق يقولون لها بتولد الظهر تو الناس واول ما كلمتها حسيتها ارتاحت سكرت وكلمت زوجي اللي صار له يومين مو نايم قلت انا بيطلعوني الجناح الساعه 10 روح نام وارتاح بعدين تعال المهن ودوني الملاحظه والسستر اللي كانت عندي بالولاده كل شوي جايه تعطيني بوسه تقول لي انتي مثل بنتي شكلي كسرت خاطرها عشان مالي صوت وتوني صغيره ههههههه المهم علي الساعه 9 ونص ودوني الجناح زوجي حاجز لي خاصه اشوي ارتحت فيها من الازعاج الحمام نظيف طبعا جت امي واختي وبنت خالتي وعمتي ام زوجي وزوجي واخوي شافو بنيتي وبوسوها الين ما شبعو وانا قعدت يوم بالعدان اليوم الثاني طلعت ويوم رجعت البيت ارتفعت حرارتي من الرضاعه وتو اليوم الحمدالله تنزل وامس السستر اللي تعرفها امي داقه علي امي تقولها ان ضغطي كان مرتفعع حييل ما قدرو يعطوني ابرة ظهر وكانو مقررين علي عمليه الصبح بس الحمدالله سبقتهم وولدت
هههههههههههههه
انا ولادتي بروحها فلم . الكل بالمستشفى ( السلام ) قامو يضحكون علي . لان دشيت المستشفى يوم الخميس بليل عشان اولد يوم اليمعه بيوم عيد ميلاد زوجي . قالولي ما يصير تعالي باجر نسوي لج دخول . قعدت لهم قعده قلت و الله ما اطلع تولدوني يعني تولدوني . و خضعو للامر الواقع و سوولي دخول .
و بلشت طلق صناعي من الساعه 1 بليل كانت اول تحميله و الساعه 5 كان فيني طلق و نزلت غرفه الولاده عشان اخذ ابره الظهر .. خذيتها عند كتور اسمه ( نيفان ) هندي . و الله عجيب ايده خفيفه كلش ما حسيت فيها الحمدلله
طبعا بعد ابره الظهر ارتحت واااااااااااااااااااايد , صج لي قالو عنها ( ابره الرحمه )
و كان كل شوي يزيد الطلق بس احس بعوار خفيف مو وايد قوي من تاثير الابره
و الحمدلله ولدت يوم اليمعه الساعه 11:18 مع الاذان من قال الله اكبر و طلع راس البيبي
و الحمدلله يبت بنوته حلوه و هاذي بجري و صار عيد ميلادها مع عيدميلاد ابوها
و السهالات من رب العالمين بس انتو كثرو استغفار و اقرو سوره مريم و سوره الزلزله كل يووووم
والله يسهل على كل حامل ولادتها و الي ما حملت ربي يرزقها بالذريه الصالحه
انا ولادتي بروحها فلم . الكل بالمستشفى ( السلام ) قامو يضحكون علي . لان دشيت المستشفى يوم الخميس بليل عشان اولد يوم اليمعه بيوم عيد ميلاد زوجي . قالولي ما يصير تعالي باجر نسوي لج دخول . قعدت لهم قعده قلت و الله ما اطلع تولدوني يعني تولدوني . و خضعو للامر الواقع و سوولي دخول .
و بلشت طلق صناعي من الساعه 1 بليل كانت اول تحميله و الساعه 5 كان فيني طلق و نزلت غرفه الولاده عشان اخذ ابره الظهر .. خذيتها عند كتور اسمه ( نيفان ) هندي . و الله عجيب ايده خفيفه كلش ما حسيت فيها الحمدلله
طبعا بعد ابره الظهر ارتحت واااااااااااااااااااايد , صج لي قالو عنها ( ابره الرحمه )
و كان كل شوي يزيد الطلق بس احس بعوار خفيف مو وايد قوي من تاثير الابره
و الحمدلله ولدت يوم اليمعه الساعه 11:18 مع الاذان من قال الله اكبر و طلع راس البيبي
و الحمدلله يبت بنوته حلوه و هاذي بجري و صار عيد ميلادها مع عيدميلاد ابوها
و السهالات من رب العالمين بس انتو كثرو استغفار و اقرو سوره مريم و سوره الزلزله كل يووووم
والله يسهل على كل حامل ولادتها و الي ما حملت ربي يرزقها بالذريه الصالحه
رووو الروح وووح
New member
- إنضم
- 13 نوفمبر 2011
- المشاركات
- 274
- مستوى التفاعل
- 0
- النقاط
- 0
صالي وقت وانا اقرى قصصكم هالمره تشجعه وبكتب قصه ولادتي بعيالي الاثنين
سلمكم الله ولدي الاول جبت بسنه2008وكنت مااعرف شي عن الولاده او عن الطلوق
المهم وانا بالاسبوع الثاني من الثامن حسيت بالام بالظهر بس عاااااديه نفس اللي نحس فيه طول فترت الحمل
ماادري شاللي خلاني ادق على بعلي العزيز وقلت ابي اروح العدان قال شفيج قلت سلمك الله احس بالم بظهري
قال نفس كل مره الم خفيف زلاراح تخلين الدكتوره تفحصج ونروح على الفاضي هالحجي كان الساعه2بالليل
قلت ا خلني اروح يمكن تعطيني دهان او شي مع ان الالم ماينذكر كلللش عاد رحت ودشيت على الدكتوره كانت كويتيه
وقلت احس بالم بظهري خفيف قالت افحصج ماادري يش وافقت قلت اوكي فحصتني قالت مانزل منج شي بالبيت قلت لا
ولانزل دم او حسيتي بعوار قلت لا قالت انتي مفتوحه4سانتي الحين للزم ادخلج ولاده قلت اوكي وقلت حق زوجي ودشيت
بس دخلوني الغرفه والسستر تكتب بالاوراق واسمع صراخ وحده انا خفت اول شي لحسه لعبه السالفه بس الحين حسيت انه جد
كانوا حاطين لوحه فيها ادعيه وسور تسهل الولاده وانا اقرى ماصارلي من دشيت الغرفه الا حوالي10دقايق الا تفز السستر وتطول
على صوت جهاز التخطيط مال الطلوق الا تركض عند الباب تصارخ دكتووور روووم سفن روووم سفن ثواني الا على راسي 3دكاتره و4دكتورات
قالي الدكتور راس الطفل وين قلت تحت راحوا يركضون يجيبون السونار سوالي سونار قال ياماما الطفل مقعدي والحبل السري ملتف على رقبته
وخانقه ونبض البيبي ضعف ودقات قلبه ضعفت عاد حاول الدكتور يدخل ايده بط الماي ونزل ويحاول يدخل ايده يبي يعدل وضعيه الطفل انا ماحسيت من الخوف
بايده بس ماقدر لاني بس مفتوحه4سانتي قال زوجها وين قالوا برى قالوا يالله خلوه يوقع على العمليه الطفل بيموت ببطنها وركضوا فيني على غرفه عمليات مصغره عندهم وانا ابجي قالت السستر هنديه ماما مافي خوف مافي يعور عمليه وانا ابجي على ولدي اللي بيموت مو خايفه من العمليه
عاد قالي راعي البنج انتي في حساسيه او ربو توني اتكلم اي فيني حساسيه خفيي ونمت ابي اقوله خفييفه ماقدرت بسرعه تخدرت وماوعيت الا على ضوت هندي يقولي ماما فلانه ماما فلانه وابطل عيوني الا يقولي ماما خلاص عمليه وانااقول بقلبي هذا شنو يخربط انا اساسا نايمه بفراشي حسبالي اني بالبيت
ودوني بغرفه ثانيه علشان اريح واصحصح من البنج توعيت عليهم انا اتكلم احس الصوت مايطلع مني واعلي على صوتي جاتني السستر تركض
كنت اقول سسترررر سستررر جات تركض متخرعه صوتي صوت وحده سكرانه اكلمها وانا يالله ابطل عيوني اسالها سستر وين بيبي قالت انتي يجيب ولد
قلت وينه مان قالت لا ماما مافي موت قلت انتي شفتيه قالت لا قلت خلاص شكله مات وهي تكذب علي وجاتني سستر ثانيه بعدها بفتره قلت انتي شفتي بيبي انا قالت لا ماما ماشفته قلت وينه قالت ودوه الحضانه قلت ابي تليفون ابي ادق على زوجي بعرف شصار على الولد مارضوا يعطوني قالت مافي قلت عطيني تليفونج بس شوي مارضتوبعدها صعدوني الجناح الصبح الحمدلله ولدي قعد عندهم بالحضانه شهر كامل لانه قاصر ووزنه صغير كان كيلو و700 غراموالحين كاهو الله يصلحه مطلع فيني قرون وبس
ادري قرقرت عليكم بس هذي قصه ولادتي بكل تفاصيلها
سلمكم الله ولدي الاول جبت بسنه2008وكنت مااعرف شي عن الولاده او عن الطلوق
المهم وانا بالاسبوع الثاني من الثامن حسيت بالام بالظهر بس عاااااديه نفس اللي نحس فيه طول فترت الحمل
ماادري شاللي خلاني ادق على بعلي العزيز وقلت ابي اروح العدان قال شفيج قلت سلمك الله احس بالم بظهري
قال نفس كل مره الم خفيف زلاراح تخلين الدكتوره تفحصج ونروح على الفاضي هالحجي كان الساعه2بالليل
قلت ا خلني اروح يمكن تعطيني دهان او شي مع ان الالم ماينذكر كلللش عاد رحت ودشيت على الدكتوره كانت كويتيه
وقلت احس بالم بظهري خفيف قالت افحصج ماادري يش وافقت قلت اوكي فحصتني قالت مانزل منج شي بالبيت قلت لا
ولانزل دم او حسيتي بعوار قلت لا قالت انتي مفتوحه4سانتي الحين للزم ادخلج ولاده قلت اوكي وقلت حق زوجي ودشيت
بس دخلوني الغرفه والسستر تكتب بالاوراق واسمع صراخ وحده انا خفت اول شي لحسه لعبه السالفه بس الحين حسيت انه جد
كانوا حاطين لوحه فيها ادعيه وسور تسهل الولاده وانا اقرى ماصارلي من دشيت الغرفه الا حوالي10دقايق الا تفز السستر وتطول
على صوت جهاز التخطيط مال الطلوق الا تركض عند الباب تصارخ دكتووور روووم سفن روووم سفن ثواني الا على راسي 3دكاتره و4دكتورات
قالي الدكتور راس الطفل وين قلت تحت راحوا يركضون يجيبون السونار سوالي سونار قال ياماما الطفل مقعدي والحبل السري ملتف على رقبته
وخانقه ونبض البيبي ضعف ودقات قلبه ضعفت عاد حاول الدكتور يدخل ايده بط الماي ونزل ويحاول يدخل ايده يبي يعدل وضعيه الطفل انا ماحسيت من الخوف
بايده بس ماقدر لاني بس مفتوحه4سانتي قال زوجها وين قالوا برى قالوا يالله خلوه يوقع على العمليه الطفل بيموت ببطنها وركضوا فيني على غرفه عمليات مصغره عندهم وانا ابجي قالت السستر هنديه ماما مافي خوف مافي يعور عمليه وانا ابجي على ولدي اللي بيموت مو خايفه من العمليه
عاد قالي راعي البنج انتي في حساسيه او ربو توني اتكلم اي فيني حساسيه خفيي ونمت ابي اقوله خفييفه ماقدرت بسرعه تخدرت وماوعيت الا على ضوت هندي يقولي ماما فلانه ماما فلانه وابطل عيوني الا يقولي ماما خلاص عمليه وانااقول بقلبي هذا شنو يخربط انا اساسا نايمه بفراشي حسبالي اني بالبيت
ودوني بغرفه ثانيه علشان اريح واصحصح من البنج توعيت عليهم انا اتكلم احس الصوت مايطلع مني واعلي على صوتي جاتني السستر تركض
كنت اقول سسترررر سستررر جات تركض متخرعه صوتي صوت وحده سكرانه اكلمها وانا يالله ابطل عيوني اسالها سستر وين بيبي قالت انتي يجيب ولد
قلت وينه مان قالت لا ماما مافي موت قلت انتي شفتيه قالت لا قلت خلاص شكله مات وهي تكذب علي وجاتني سستر ثانيه بعدها بفتره قلت انتي شفتي بيبي انا قالت لا ماما ماشفته قلت وينه قالت ودوه الحضانه قلت ابي تليفون ابي ادق على زوجي بعرف شصار على الولد مارضوا يعطوني قالت مافي قلت عطيني تليفونج بس شوي مارضتوبعدها صعدوني الجناح الصبح الحمدلله ولدي قعد عندهم بالحضانه شهر كامل لانه قاصر ووزنه صغير كان كيلو و700 غراموالحين كاهو الله يصلحه مطلع فيني قرون وبس
ادري قرقرت عليكم بس هذي قصه ولادتي بكل تفاصيلها
رووو الروح وووح
New member
- إنضم
- 13 نوفمبر 2011
- المشاركات
- 274
- مستوى التفاعل
- 0
- النقاط
- 0
الحين قصه ولادتي بولدي الثاني سنه2009 طبعا حملت فيه بسرعه ولدت الاول شهر12 وهذا حملت فيه شهر3 اخر دوره لي
والسبب ان زوجي موراضي اكل حبوب ولانسوي حميه من الحمل المهم انا كنت ناويه اولد يابالهادي او بلندن
قالت اختي لا الهادي توهم ذابحين وحده معطينها جرعه مخدر زايده روحي ولدي بالعدان ابركلج والله شخلوهم يهبلون
المهم الاخت اغرتني من حجيها حسيت بالام الطلق من الساعه 7بالليل ماكنت ادري انها طلوق لانها كل نص ساعه يجيني نفس الالم خفيف
يعني نفسه لما الجنين يرعص على بطنج تحسينه مشدود البطن وتنطرينه يغير وضعيته علشان يروح الشد هذا الالم نفسه بالضبط عاد عالساعه 10كان
كل خمس دقايق يجيني هالام رحت انام على فراشي حسبالي الالم لاني قاعده بس مو راضي يروح سالت اختي قالت اذا استمر معاج يمكن طلق عد استمر معاي قعدت زوجي قالي شفيج قلت ماادري فيني عوار يمكن ولاده رحت العدان وزحمممه ابي ادش على الدكتوره على الاقل تعطيني اسوي تخطيط على مايجي دوري مارضت تدخلني السستر عد لكم المنظر طلق وانتي قاعده على الكرسي وانا لما يجيني الطلق اقععد على طرف الكرسي واهتز ابي اخفف من الالم والله العظيم اني قاعده انطر دوري متى يجي ساااعه كامله عاد مليت طلعت حق زوجي قلت امش بروح للندن قال ليش قلت موراضين يدخلوني الالم يعورني ابي شي يخففه قالي باقي كم رقم على دورج قلت 3 قال خلاص نطري شوي عاد جا دوري دشيت قلت دكتوره احس بالم نومتني على السرير حطت جهاز النبض قالت في طلوق فحصتني الا انا6 سانتي قالت انتي ولاده قلت كم ساعه يبيلي علشان اولد قالت مو كم ساعه الا نص ساعه وانتي والده انتي موصله واذا كلش ساعه بس
طلعت لزوجي قلت انا ولاده ادعيلي ودشيت وكان القسم فلل وصراخ من كل جهه عاد دشيت قلت ابي شي يخفف الالم قصدي ابي كمام يعني قالت اسستر الحين تجي الدكتوره جات الدكتوره قاستني الا انا 7 سانتي بطت الماي قلت ابي شي يخفف الالم قالت تبين ابره لظهر قلت لا ابي كمام قالت اوكي وراحت ولاشفت رقعت وجها مره ثانيه عاد الم والم بس احسه مو مثل مايقولون اللي يذبح عاد بعد ساعتين قالت السستر نامي على ظهرج بشوف كم سانتي لاني كنت نايمه على جنب ابي الالم يخف الا تقول ئوفي ماما راس البيبي وصل اذا يجي عوار شدي وانا على كل عوار اشد الا اشوفها ماسكه المشرط وهي خايفه وتوسع شوي الا اصرخ عليها قلت انتي هي عورتيني وتوقف متخرعه وتجي مره ثانيه وتوسع بعد وانا اصارخ عليها اللي اعرفه مره وحده بالمشرط مو مرتين المهم الا لما وصلت حدي من الالم قمت قعدت هي تخرعت قالت ماما انتي وين تروحين قلت وانا اصارخ عليها مارح اروح مكان الا تقول ردي نامي واحذف عمري على السرير المهم لما وصل الراس انا ماكنت اعرف بس حسيت كانه اغمى علي وصحيت الا اشوفها تحاول تسحب شي وانا قبلها كنت شايفه كذا فيديو حق ولاده طبيعيه من اليوتيوب ادري بتقولون عفيه عليج قلب بس والله فادني اللي شفته لانها لما كانت تسحب كانت تسحب الراس تبي تطلع الولد وهو بس طالع راسه يعني المفروض ماتسحب الا بعد ماتقولي شدي ولما اشد تسحب المهم اني عرفت انه الراس وشديت بقوه الا يطلع وتاخذه بس ورتني اياه من تحت قالت انتي شفتي بيبي قلت اي قالت شنو قلت ولد وتاخذه وتطلع الولد مابكى ولا شي خفت عليه شوي الا اسمع صوت بيبي يبكي فعرفت انه هو المهم ردت بعد تقريبا عشر دقايق او خمس دقايق اللي اعرفه ان المشيمه لما تطلع يقولون تعور كانها ولاده ثانيه هذي سلمكم الله واسفه على الشرح مسكت الحبل السري اللي طالع برى وقامت تسحبه كانها تسحب حبل اووه يامال اوووه ياااماال والله حسيت انها تسحب غواص من البحر شديت شوي وطلعت المشيمه عزكم الله وجات الدكتوره الهنديه توها تشرف وقامت تخيط لجرح
عاد بعط اسبوع انفتحت علي الجراحه غرزه وحده تبطلت ووصلت لي يوم 32 وانا للحين ماالتامت الجراحه متبطله عندي غرزتين واشوف الخيط اللي داخل رحت مرتين للعدان للطوارئ بس قالولي تنقعي بما وملح المهم انا وصلت طلع من الاربعين وانا للحين قلت حق زوجي بروح حق دكتورتي وانا كنت ارجع الحمل عند سكينه رحت وشافت الغرز وكوتهم لي الله يجزاها خير والحمدلله على كل حال المهم اني حرمت اولد بالعدان مره ثانيه حاطين لي سستر عليميه توها تعرف للولاده لعبت فيني لعب يعني تقدر تسحب راس الولد وتفصله عن جسمه وتقول انتي ولدتيه ميت بس الحمدلله اني كنت شايفه الفيديوات حق الولاده
الحين حامل بنص الرابع وناويه اولد بلندن
اللي حبيت قوله الحمدلله السهاله من الله وانتي حاولي تعاونينهم انا بولدي الثاني مااستخدمت الكمام كلش والحمدلله الام مو الالم اللي يخرعونا فيه يعني الم ممكن الوحده تستحمله على الاقل كون بكامل وعيها وتشوف شنو يسوون فيها وشنو يسوون حوالينها
اسفه طولت عليكم والله يسهل علينا كلنا
والسبب ان زوجي موراضي اكل حبوب ولانسوي حميه من الحمل المهم انا كنت ناويه اولد يابالهادي او بلندن
قالت اختي لا الهادي توهم ذابحين وحده معطينها جرعه مخدر زايده روحي ولدي بالعدان ابركلج والله شخلوهم يهبلون
المهم الاخت اغرتني من حجيها حسيت بالام الطلق من الساعه 7بالليل ماكنت ادري انها طلوق لانها كل نص ساعه يجيني نفس الالم خفيف
يعني نفسه لما الجنين يرعص على بطنج تحسينه مشدود البطن وتنطرينه يغير وضعيته علشان يروح الشد هذا الالم نفسه بالضبط عاد عالساعه 10كان
كل خمس دقايق يجيني هالام رحت انام على فراشي حسبالي الالم لاني قاعده بس مو راضي يروح سالت اختي قالت اذا استمر معاج يمكن طلق عد استمر معاي قعدت زوجي قالي شفيج قلت ماادري فيني عوار يمكن ولاده رحت العدان وزحمممه ابي ادش على الدكتوره على الاقل تعطيني اسوي تخطيط على مايجي دوري مارضت تدخلني السستر عد لكم المنظر طلق وانتي قاعده على الكرسي وانا لما يجيني الطلق اقععد على طرف الكرسي واهتز ابي اخفف من الالم والله العظيم اني قاعده انطر دوري متى يجي ساااعه كامله عاد مليت طلعت حق زوجي قلت امش بروح للندن قال ليش قلت موراضين يدخلوني الالم يعورني ابي شي يخففه قالي باقي كم رقم على دورج قلت 3 قال خلاص نطري شوي عاد جا دوري دشيت قلت دكتوره احس بالم نومتني على السرير حطت جهاز النبض قالت في طلوق فحصتني الا انا6 سانتي قالت انتي ولاده قلت كم ساعه يبيلي علشان اولد قالت مو كم ساعه الا نص ساعه وانتي والده انتي موصله واذا كلش ساعه بس
طلعت لزوجي قلت انا ولاده ادعيلي ودشيت وكان القسم فلل وصراخ من كل جهه عاد دشيت قلت ابي شي يخفف الالم قصدي ابي كمام يعني قالت اسستر الحين تجي الدكتوره جات الدكتوره قاستني الا انا 7 سانتي بطت الماي قلت ابي شي يخفف الالم قالت تبين ابره لظهر قلت لا ابي كمام قالت اوكي وراحت ولاشفت رقعت وجها مره ثانيه عاد الم والم بس احسه مو مثل مايقولون اللي يذبح عاد بعد ساعتين قالت السستر نامي على ظهرج بشوف كم سانتي لاني كنت نايمه على جنب ابي الالم يخف الا تقول ئوفي ماما راس البيبي وصل اذا يجي عوار شدي وانا على كل عوار اشد الا اشوفها ماسكه المشرط وهي خايفه وتوسع شوي الا اصرخ عليها قلت انتي هي عورتيني وتوقف متخرعه وتجي مره ثانيه وتوسع بعد وانا اصارخ عليها اللي اعرفه مره وحده بالمشرط مو مرتين المهم الا لما وصلت حدي من الالم قمت قعدت هي تخرعت قالت ماما انتي وين تروحين قلت وانا اصارخ عليها مارح اروح مكان الا تقول ردي نامي واحذف عمري على السرير المهم لما وصل الراس انا ماكنت اعرف بس حسيت كانه اغمى علي وصحيت الا اشوفها تحاول تسحب شي وانا قبلها كنت شايفه كذا فيديو حق ولاده طبيعيه من اليوتيوب ادري بتقولون عفيه عليج قلب بس والله فادني اللي شفته لانها لما كانت تسحب كانت تسحب الراس تبي تطلع الولد وهو بس طالع راسه يعني المفروض ماتسحب الا بعد ماتقولي شدي ولما اشد تسحب المهم اني عرفت انه الراس وشديت بقوه الا يطلع وتاخذه بس ورتني اياه من تحت قالت انتي شفتي بيبي قلت اي قالت شنو قلت ولد وتاخذه وتطلع الولد مابكى ولا شي خفت عليه شوي الا اسمع صوت بيبي يبكي فعرفت انه هو المهم ردت بعد تقريبا عشر دقايق او خمس دقايق اللي اعرفه ان المشيمه لما تطلع يقولون تعور كانها ولاده ثانيه هذي سلمكم الله واسفه على الشرح مسكت الحبل السري اللي طالع برى وقامت تسحبه كانها تسحب حبل اووه يامال اوووه ياااماال والله حسيت انها تسحب غواص من البحر شديت شوي وطلعت المشيمه عزكم الله وجات الدكتوره الهنديه توها تشرف وقامت تخيط لجرح
عاد بعط اسبوع انفتحت علي الجراحه غرزه وحده تبطلت ووصلت لي يوم 32 وانا للحين ماالتامت الجراحه متبطله عندي غرزتين واشوف الخيط اللي داخل رحت مرتين للعدان للطوارئ بس قالولي تنقعي بما وملح المهم انا وصلت طلع من الاربعين وانا للحين قلت حق زوجي بروح حق دكتورتي وانا كنت ارجع الحمل عند سكينه رحت وشافت الغرز وكوتهم لي الله يجزاها خير والحمدلله على كل حال المهم اني حرمت اولد بالعدان مره ثانيه حاطين لي سستر عليميه توها تعرف للولاده لعبت فيني لعب يعني تقدر تسحب راس الولد وتفصله عن جسمه وتقول انتي ولدتيه ميت بس الحمدلله اني كنت شايفه الفيديوات حق الولاده
الحين حامل بنص الرابع وناويه اولد بلندن
اللي حبيت قوله الحمدلله السهاله من الله وانتي حاولي تعاونينهم انا بولدي الثاني مااستخدمت الكمام كلش والحمدلله الام مو الالم اللي يخرعونا فيه يعني الم ممكن الوحده تستحمله على الاقل كون بكامل وعيها وتشوف شنو يسوون فيها وشنو يسوون حوالينها
اسفه طولت عليكم والله يسهل علينا كلنا
