آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[نسيم الأمل]

الحمد لله عالسلامة عزيزتي مواليد الخير والبركة إن شاء الله

الله يعطيكم الصحة والعافية

 

[~Rou7~]

وينكم نبي نطالب بتثبيت الموضوع
لقيته بالصفحه الخامسه

 

[sosowaty]

ااااااب

 

[شوكلآته]

مرحبا بنات شلونكممم

اي عفيييه نبيه يتثبت والله الموضووع وايييد مفيددد




انا باقي لي ٩ ايام واخلص شهري ههههههه ششكلي صايره جني كنغر عصاقيل وبطن شكبره نازل هههههههه سويت فحوصاتي والسونار كل شي اوكي بس باقي اولد تعبت من الثقل ماكوو شي ما سويته مع ان الرحمم مبطل ٢ سانتي بس الولاده للحين ما حسيت فيها بس عوار يجي فجاءه ويروح بسسرعه ومن وين لي قبل جم يوم حسيت بعوار طلوق خفيفه قلت بس ولاده واروح اتسبح واتضبط واشرب قلاصين قرفه يوم رحت للمستشفى قالو لي في طلق خفيف بس ماكوو ولاده يأست وقلت لزوجي روح المشاه لا تروح البيت واروح امشي ٨٠٠ مترر وماركبت السياره الا وانا منهد حيلي حتى ما اقدر اتنفسس قعدت يومي كله انطر الولاده ولا جت قلت خلاصص ما راح اسوي ولا شي متى ما كتبها ربي راح تجي وعلى هالحال الين ربنا يسهل واقوم بالسلامه واريح شويات واكتب لكم قصتي ان شاء الله

 

[Q6RYA]

صباح الخير بنات قصصكم حلوه ومؤثره ومفيييده وايد انا بجريه الاسبوع الجاي ادش السابع والله ييمم علي حملي ويسهل ولادتي وعالجميع انشالله واطلع انا وولدي متعافين وارجع اكتبلكم قصتي يارب

اللهم نسآلك هون الطلق وحسن والخلق

مشكوره روووح عالموضوع

 

[روح الأحزان]

وين قصص البنات اللي ولدوو نبي اكشن

 

[Alviero martini]

Up up up up

 

[حكآية قلب]

اناااا قصتي قصصصه


مقررين يولدوني طلق صناعي لان البيبي كبير
المهم دخلت الجمعه الصبح

وعطوني تحميلة طلق الساعه ١٠

بعد ماعطوني ابرة شرجيه و صايمه كنت

ووو نزلوني تحت ٣ العصر فحص و تحميله ثانية


وماااجاني الم الا الساعه ٦ و ٧ المغرب

رحت فوق تخطيط و فحص مااااافتح الرحم ٢ سانتي

ووو رحت لغرفتي وو تعبت من المحاتاه

وو صعدوني لغرفة الولادة ٢ الفجر

وووالله لاااايوريكممممم سواتهم فيني

فحص ورا فحص والطلق موووووت

تتتعبببت وكنت ابببجي جني مجنوونه
ومن كثررر ماااتعبوني بالفحصص ووو الطلق ذبحنيييي
الطلق شي خيال ماتوقعته جذي
وو انصدمو مانفتح الرحم من ١٠ الصبح لما ٢ الفجر

عاااد قعدت اتألم مت الا شي
ووواصرخ عليهم ابي ابرة ظهر

مارضو لانه مانفتح الرحم الا ٣ سانتي

طبعا الرحم تلين بعد الساعه٥ الفجر
ووو ارتحت عطوني مسكن


جت بهواني الله ياخذها

الساعه ٩ وبطت الماي غصب عني وقالت ساعتين

وقيصرررري

بنتي الله يخليها لي ارتفعت فوق ماااانززلت كلش بالحوض و الرحم ٣ سانتي


و الظهر سولولي قيصري


والحمدالله علي كل حال



تعبت صج بالولادة الاولي و كزهتتتتت الولادددددة

ووووكرررررهت الحامل لما تمشي جدامي من الخوف


الله ياجرنا يارب

 

[~Rou7~]

صباح الخير
شلونكم
الحمدلله على سلامة كل الي ولدووو وكتبو قصصهم
احد يكلم المشرفه تثبت الموضوع
لقيت الموضوع هم بالصفحه الخامسه ،،،،،،،،،تعبت ادوره

 

[شوكلآته]

ااااااااااااااب

للان صامده ما ولدت هههههه

 

[om attami]

قصة ولادتي لعيونچ يا _Rou7_،،،

قصــــة ولـادتـــي،،والحمدللــــه*
*

*

بسم الله الرحمن الرحيم

الحمدلله ولدت بأول يوم من الاسبوع الـ35
بمستشفى رويال حياة تاريخ 28/6/2012

قبل ولادتي بيومين كان عندي مراجعه قالولي الماي حيل ناقص والمشيمه زاد تكلسها طبعاً نفسيتي صارت كلش ،، لان الحمل هذا صار عقب اجهاضين وعقب سنتين زواج ،، انا اهني مت من الخرعه وقلت احتياط خل اجيك عند دكتوره ثانيه احسن رحت ولا تشوفني على قولتهم خبيرة السونار اللي عندهم وتقولي لأ مين الك ان الميه نائصه دي بزياده واوضاعك زي الفل ،، وقعدت اتقول ده مفيش حد بيفهم بالكويت بس انا والدكتوره اللي تشتغل عندها وبس اترفع بروحها وبالدكتوره ،، لا وعقب دقت عالدكتوره وحطتها سبيكر وانا وريلي قاعدين وتقولها السالفه ولا ترد الدكتوره بكل عصبيه اذا مو مصدقه كيفها وختييني الخميس هذا طبعاً يوم الثلاثه وانا قلت اذا في خطر ابي اولد على مسئوليتي چان اتعصب اكثر وتقولي انا اوقع على مسئوليتي ظلي لي التاسع كله وماراح يصير بالبيبي شي ،، ريلي عصب عليهم من اسلوبهم وعصبيتهم وتفلسفهم وطلعنا ،، واهني كنا حدنا متوترين وما ندري شنسوي اي ويعد هذي مالت السونار قالت البيبي راح تتعب وايد ويحطونها بالشيشه ،، رديت البيت صليت وستخرت وتوكلت على الله ورحت عيادتي ولا دكتورتي مو موجوده مسافره ويايبين مكانها وحده دشيت عليها وشافتني قالتلي حيل ناقص الماي واذا تبين اتجازفين انتي حره لي الاسبوع الياي قلتلها ولدوني باچر ،، افحصت لقتني بالمره ولا سانتي ،، قالتلي تبين طلق صناعي قلتلها يأثر عالبيبي قالتلي احنا نعطيچ واذا اثر اندخلج سيزيريان قتبها مابي خلاص ابي سيزيريان وسوتلي اوراق الدخول قالتلي روحي رويال حياة الحين عشان التحاليل ودكتور التخدير ،، طلعت من مكتبها چان اصدم ريلي فجأه قلتله ما ابيها قالي فشله قلتله لا مو فشله شفت دكتور عمري ما رحتله قلتله ابي هذا ولا يسحبه من ايده ويقوله تعال نبيك والدكتور منصدم ويقول حق ريلي ايه انتا حتضربني ،، دشينه المكتب ولا ريلي يقوله باچر اتولد مرتي سيزيريان برويال حياة واهوا منصدددددددم المهم يت دكتوره وايد احبها بس ما تولد ووصته علي وقال اوكي الساعه 12 بالليل اليوم الدخول وقالي عن دكتورين تخدير وايد زينين عمر الخطيب وحميد القادري ،، رحنا رويال وطلبنا د.عمر قالو نطروه عنده عمليه قلنا نبي د.حميد ودشينا وماشالله واااااايد ارتحناله وخلوووق ،، شرحلنه وقالنا التفاصيل وشرحلنا ابرة الظهر وقتنعت فيها ،، نزلنا سويت التحليل ،، وحجزتلي كاميليا اطل عالنافوره ،، وحجزت جاردينيا ،، ردينا البيت وظليت امواصله قبل هذا دكتوز التخدير قالي العمليه الساعه 10 الصبح انشالله والدخول تقدرين بالليل وتقدرين الصبح الساعه 8 ،، رديت البيت والساعه 1 بدى الصيام ،، طبعاً ما نمت من التوتر والخوف الا نص ساعه بس ،، انا مجهزه جنطتي واغراضي من قبل وقريت قرآن ودعين وصليت الفير وچيكت على اغراضي وقعدت ارتب البيت ليش مادري يمكن من التوتر ،،،،،،*

صارت الساعه 6 الصبح وقلت حق ريلي يلا نتوكل على الله قبل الزحمه لان يوم ولادتي يوم الخميس وعن زحمة الدوامات ،، اخذت جنطة المستشفى وطلعنا من البيت 6:45 وصلنا المستشفى وسوه ريلي كل الاوراق ودخلوني غرفة التجهيز ،، اهني اصعب شي ،، عطوني اللبس مالهم ولبسته قالولي صايمه رديت اي وسألوني واااااايد اسئله وحطو علي جهاز الضغط والتخطيط ،، چان اتيي النيرس وتحطلي الدرب طبعاً الابره مووووو صج مت من العوار تذبح ليش انها سمييييكه يقولون عشان يوصل المغذي حق الجنين اسرع ،، وحطولي الحقنه الشرجيه وسييييده ونتو بكرامه عالحمام ،، اهني ريلي قاعد ويقرى سورة مريم ،، وكانو خايفين علي من الضغط لان بآخر اسبوعين كله مرتفع ،، صارت الساعه 9:00 وبدت الاتصالات ،، ويت النيرس قالتلي ابرة ظهر ولا بنج خقيييييييت چان اقولهم بنج ،، قالتلي بس ريلچ ما يدخل اذا بنج اهني قلت خلاص ابي ابرة الظهر وقالولي ان البنج مو زين يوصل حق البيبي لي انها صغيره ،، وامي وخالتي اخت امي وخالتي ام ريلي وحماتي اوصلو راحلهم ريلي دخلهم غرفتي وردلي انا اهني حطولي كريم تخدير على ظهري ونمت ،، الساعه 10:00 قعدوني وقالولي اللي قبلچ خلصت ودكتورچ ناطرچ سمي بسم الله بس ينظفون المكان اندخلچ ،، قعدت اسمي واستغفر وريلي لبس اللبس مالهم ،، ويو ودخلوني وقالو حق ريلي انطر اشوي وندخلك ،، قعدوني على طاولة العمليات والاجهزه حواليني والادوات ،، دش د.حميد الله يذكره بالخير ويزاه الله الف خير هالدكتور خووووووش دكتور يسولف ولا كأنه داشه ولاده وريلي وايد حبه ،، شرحلي كل خطوه قبل لا يسويها وعطاني الابره والله العظيم يا بنات ما حسيت بولااااا شي ولا نقطه ،، ماشالله ايده خفييييفه ،، وانا قبلها شفت باليوتيوب اهوا د.حميد اشلون يغزها ،، حسيت بتنميل بريولي وجهزوني وربطو ريولي وايديني ،، ودخل دكتوري سلم وسوال وبعدين حطو جدامي هذا الشرشف وبدى الدكتور يدعي ويقرى قرآن وبدى العمليه ،، اهني دخلو ريلي قعد يم راسي يسولف مع د.حميد وحددده خايف اشوي ولا يطلعون بنتي ويحطونها بحظني وانا وريلي نحمد الله ونبچي وااايد بچينا والدكتور يلم ريلي ويباركله چيك عليها دكتور الاطفال وقال الحمدلله ما فيها شي وما تحتاج شيشه ردينا نبچي مره ثانيه لووووول ،، بعدين طلعو ريلي ،، وبعد ربع ساعه خلصت العمليه وودوني الافاقه وعقب نص ساعه ودوني الغرفه وكانت امي حبيبتي وبنت خالتي اللي اعدها اختي موجوده ،، وطبعاً ريلي الله يخليه لي ويحفظه من كل شر ما هدني ولا دقيقه ،، واحلى شي ان ريلچ يكون وياچ تعيشون اللحظه ،، واهم شي تصورون صور ذكرى ،،،،والحمدلله على الصحه والعافيه ....*

 

[-فلانة-]

om attami
ألف الحمدلله على سلامتج و سلامة الكتكوتة..
ربي يخليها لكم و يرزقكم برها..
والفال حق باجي البنات يولدون بالسلامة إن شاء الله.​

 

[om attami]

الله يسلمچ من كل شر بعد قلبي ويخليلچ كل غالي
اللهم امين الله يرزق كل محروم ويتمم على كل حامل ويسهل عالجميع ويفرحهم بشوفة ظناهم
والله ان شوفتها نستني كل شي

 

[Souly]

om attami
الحمدالله ع السلامه وتتربي بعزكم
بس عندي سؤال انتي وقت العمليه كنتي صاحيه ولا نايمه ؟

 

[~Rou7~]

om attami
تسلم عيونج
الحمدلله الي سلمج وعافاج وفرحج ببنوتج
والفال لنا

 

[روح الأحزان]

الحمد لله على سلامتكم ويتربون بعزكم الكتاكيك

 

[sosowaty]

الحمدلله ع السلامه و مبروووك ما يبتي

 

[om attami]

​

Souly ،،،
الله يسلمچ من كل شر حبيبتي ،، لا كنت ماخذه ابرة الظهر ،، قاعده وبكامل قواي العقليه لووووول وهذا اللي ونسني لان شفتها اول ما طلعوها

_Rou7_ ،،،
الله يسلمچ بعد عمري ،، والله يقومكم بالسلامه وتفرحون بشوفة عيالكم وتنسووون كل التعب

روح الاحزان ،،،
حبيبتي الله يسلمچ ويخليچ

Sosowaty ،،،
بعد قلبي الله يسلمچ من كل شر ويبارك فيچ حبيبتي

 

[نسيم الأمل]

مبروك عزيزتي مولودة الخير والبركة عليكم إن شاء الله

 

[t.o.o.ot]

الحمدلله ع السلامه و مبروووك البنوتة