آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~
- بادئ الموضوع كتالونيه
- تاريخ البدء
أم معاذ الكندري
New member
- إنضم
- 6 مايو 2012
- المشاركات
- 1,903
- مستوى التفاعل
- 0
- النقاط
- 0
**تاجر الزين**
New member
- إنضم
- 6 أكتوبر 2007
- المشاركات
- 1,438
- مستوى التفاعل
- 0
- النقاط
- 0
قصة ولادتي بولدي حبيب قلبي ونور عيوني رشودي
طبعاً أنا من حملت هالمرة و أحاول أتذكر ألم الطلق موقادرة أتذكره مع إني تعبت بولادتي
بس سبحان الله .. الله ينسينا ويمسح على قلوبنا عشان نقدر نحمل ونولد مرة ثانية
السالفة اني كنت بدوام غير هلدوام و كانو كارفيني ومتعبيني وااااااايد
مع إني بالتاسع بس أبداً مو مريحيني ومخليني أسوي الشغل كله وأروح فوق وأنزل واشيل وأحط
كنت اشتغل بمدرسة خاصة وكنا نجهز لحفل التخرج و لوية وتعب وكان يوم الخميس الحفلة
أنا من 6 الصبح لحد 10 بالليل بالمدرسة وما رجعت البيت الا منهد حيلي
طبعاً طول يوم الجمعة تعبانة وجسمي كله يعورني بس أنا على بالي الألم من التعب ومادريت إنه بداية طلق
ونمنا أنا وزوجي لكن على الساعة 6 الصبح حسيت بنغزة قوية ببطني وظهري وفزيت من السرير عالحمام الله يكرمكم وأشوف شوي دم بس طنشت ورجعت قعدت عالسرير مسكت بطني و أنا كنت متعودة اكلم البيبي كأني مينونة كل يوم جان أقول حياتي بيبي رشودي راح أشوفك اليوم إن شاء الله وبعدين رديت نمت
الألم كان يروح و يرجع بس مو وايد قوي وياخذ نص ساعة تقريباً بين كل طلقة و الثانية على الساعة 10 الصبح رحت الحمام مرة ثانية و إلا الدم زاد و نزل شي نفس المخاط
عاد خفت و إتصلت في أمي وقلت لها باللي صار قالت خل نروح المستشفى أحسن يفحصونج
أمي وايد تخاف علي لاني دلوعتها وأصغر بناتها وحتى لو فيني زكام أصيح وأقعد عندها حتى بعد ما تزوجت
نزلت لأم زوجي وعطتني ماي ورد وتمر ورحنا المستشفى معاها ومع زوجي و أمي وأختي لاقونا هناك
فحصوني في الطوارئ قالت الدكتورة عادي الدم و المخاط لأنه مو وايد وفحصتني مفتوحة 1 ونص قالت تو الناس عليج روحي البيت و إرتاحي و إكلي زين عشان يصير فيج قوة وإذا صار الألم أقوى تعالي
رحت بيتي وأمي وأختي قعدو معاي وشربت دارسين وآكل بهالتمر و الألم يزيد لكني متحملته لحد ما صارت الساعة 5 المغرب تقريباً إلا بدا فيني الخوف لأن الطلق يجيني كل 10 دقايق تقريباً
بدلت ورحنا المستشفى وقبل لا تفحصني الدكتورة سألتني كلتي شي قلت لها شوي تمر إلا تقول انتي بروحج صغيرة و ضعيفة لازم تاكلين شي عشان تتحملين الولادة روحي أكلي ورجعيلي بفحصج
وطلعت من عندها اصيح و اقول لأمي تقول لازم تاكلين أول يابو لي سندويتش ما كلت منه الا لقمة وقطعة صغيرة جالكسي و شربت شوي عصير برتقال و أنا أصلا كلش مو مشتهية بس أصيح من الخوف
ودخلت عالدكتورة قلت لها أكلت وجذبت قلت لها كملت السندويتش و الجالاكسي و العصير وفحصتني الدكتورة إلا تقول توج 2 بنوديج فوق الولادة وبنصبر عليج ... طبعاً الطلق كان يزيد والألم صار كل دقيقتين و صارت 12 بالليل و أنا للحين بغرفة الولادة و فحصتني الدكتورة الإ تقول للحين 3 تو الناس عليج وراحت عقب ياتني القابلة (اللي تولد لاهي دكتورة و لا ممرضة) و الله يحفظها وين ما كانت اهي صج ساعدتني
الدكتورة قبل لا تطلع عطتني إبرة مخدر وإبرة تحمي الطلق وأنا أحس الألم قوي بس من الإبرة مو مركزة كل ما اتيي امي اقول لها تعبانة ومتألمة بس من أشوف القابلة تدخل علي أسكت و بس أقعد أستغفر كله خايفة من القيصرية خصوصاً إني ما كنت أتوسع
على الساعة 3 ونص تقريباً الفجر يات دكتورة بطت الماي وحسيت بإحساس غريب بس مريح مع إن الألم كل دقيقة ما يوقف بس كنت مستانسة وظليت أستغفر وأدعي و أمي تشوفني وتصيح و تطلع و أنا أقول شفيها أمي ؟؟؟ أنا ما إشتكيت صح تعبانة وطولت بس أحس عادي
بديت بعدها الحمدلله أتوسع وما صارت 9 وثلث من يوم الأحد 21/6/2009 إلا وتقول القابلة دفعي ودفعت مرتين وحسيت في رشودي حبيبي يطلع وكان صج أحلى شعور وأنا أحسه بريوله تضرب بفخذي و أهيه طالعة وقطوه على صدري ولميته وتميت أبوس فيه وبتاخذه الممرضة أقول لها ولدي أبيه تقول واهي تضحك بننظفه و بنرجعه لج
والقابلة تخيطني انا احوس بتلفوني اطرش لخواتي وربعي أقولهم إني ولدت والقابلة تضحك تقول أول مرة أشوف وحدة أول شي ما قالت الياهل وصخ شيلوه و لا تتدلع وقت الخياطة وتلعب بالتلفون
قلت لها أنا متحملة ومصممة ما أولد قيصيري عشان هاللحظة اللي ألم فيها ولدي وأشم ريحته و أبوسه 9 شهور أنتظره أكيد مشتاقة له
وقالت لي الحين بنوديج غرفة الملاحظة على ما يجهزون غرفتج واهم مطلعيني اشوف زوجي شايل ولدي ويأذن في أذنه ولا شعورياً قعدت أصيح من الفرحة وحمدت ربي عالسلامة
في غرفة الملاحظة قالت لي الممرضة روحي الحمام عشان نتأكد كل شي أوكي ونوديج الجناح ورحت أشوف ويهي بالمنظرة إلا أستغفر الله ويهي منتفخ بصورة مو طبيعية أنا خفت من نفسي والله منتفخ يخررررررررع ورقبتي ما تبين من النفاخ مع إني ضعيييييفة وعرفت ليش أمي كانت خايفة وإهي تشوفني وتصيح واثاريها تطلع تتصل بعماتي و خالتي وتقول بنتي بتموت :eh_s(11): و أهمه كلهم يحاتوني و يصيحون و إمي مستغربة أني ما أصيح و لا أصارخ و أنا معروف أني دلوعة حتى ألم الدورة ما اتحمله بس سبحان الله الله رزقني يومها صبر مو طبيعي الحمدلله وكنت بس استغفر و ادعي الله يسهل علي وما احتاج قيصيرية لاني اخااااااااف منها
بس الحمدلله على كل حال صج تعبت و ألم لكن ما يذبح الألم ومهما كان قوي أقدر أتحمله
وعطوني ولدي وأنا بغرفة الملاحظة لأن للحين يجهزون غرفتي و قالت لي الممرضة رضعيه وراحت
وإبتدا رشودي الله يحفظه يرجع شي لونه أسوووود وأحس بولدي مو طبيعي دايخ وحتى مو قادر يفتح عيونه ولونه اصفررررر مع انه يوم انولد كان يصيح و لونه وردي فديته
دخلت أمي علي قلت لها اخذو رشود لطبيب أطفال حاسته مو طبيعي وكل هذا وانا للحين ما شلته
وراحت امي في رشودي وعقب نص ساعة ودوني غرفتي و امي للحين مارجعت و بديت احاتي
بعدين ياتني أمي و زوجي و وجوههم متغيرة أقول لهم وين رشودي قالو الدكتور خذاه على العناية المركزة للأطفال لانه حبيبي تعب بالولادة خصوصا انه وزنه كبير وشرب ماي و وصخ من بطني من زود ما طولت بالطلق وقعد يومين بالعناية وانا ما اقدر اروح لان ارتفعت حرارتي وممنوع اللي فيهم حرارة يدخلون العناية :eh_s(16)::eh_s(11):
وبعدين طلعوه وبعد ماكان يرضع وكله تعبان وظل بالشيشة 9 أيام لحد ما رحنا البيت
وأنا من قعدة المستشفى و المحاتاة صادني إكتئاب بعد الولادة ما أبي أحد يلمس ولدي إلا أنا وكله أصيح واحس يمكن اموت ويمكن زوجي يطلقني ومحد يحبني
بس الحمدلله بعد 3 شهور تحسنت حالتي ورشودي فديته ما عليه إلا العافية والحين فديته كمل ال 3 سنوات ودخلته الروضة من إسبوعين
والحين بفضل من الله حامل و أنتظر ولادتي بأحر من الجمر و إن شاء الله بعد تكون ولادة طبيعية بدون إبرة ظهر و لا طلق صناعي و لا قيصيرية يارب وان شاء الله بنتي ما تحتاج شي و تكون صاحيه وطيبة بإذن الله
نصيحتي لكل بجرية لا تحاتين الله يسهل الولادة وصج الطلق يعور بس ما راح تموتين وبعد طلعة الراس اللي هي اصعب شي تحسين ولا كأنج ولدتي الحمدلله واهم شي لا تصارخين ولا تصيحين عشان قوتج ما تروح واكثري من الاستغفار والدعاء و قراءة القرآن والله يسهل علينا وعليكم
طبعاً أنا من حملت هالمرة و أحاول أتذكر ألم الطلق موقادرة أتذكره مع إني تعبت بولادتي
بس سبحان الله .. الله ينسينا ويمسح على قلوبنا عشان نقدر نحمل ونولد مرة ثانية
السالفة اني كنت بدوام غير هلدوام و كانو كارفيني ومتعبيني وااااااايد
مع إني بالتاسع بس أبداً مو مريحيني ومخليني أسوي الشغل كله وأروح فوق وأنزل واشيل وأحط
كنت اشتغل بمدرسة خاصة وكنا نجهز لحفل التخرج و لوية وتعب وكان يوم الخميس الحفلة
أنا من 6 الصبح لحد 10 بالليل بالمدرسة وما رجعت البيت الا منهد حيلي
طبعاً طول يوم الجمعة تعبانة وجسمي كله يعورني بس أنا على بالي الألم من التعب ومادريت إنه بداية طلق
ونمنا أنا وزوجي لكن على الساعة 6 الصبح حسيت بنغزة قوية ببطني وظهري وفزيت من السرير عالحمام الله يكرمكم وأشوف شوي دم بس طنشت ورجعت قعدت عالسرير مسكت بطني و أنا كنت متعودة اكلم البيبي كأني مينونة كل يوم جان أقول حياتي بيبي رشودي راح أشوفك اليوم إن شاء الله وبعدين رديت نمت
الألم كان يروح و يرجع بس مو وايد قوي وياخذ نص ساعة تقريباً بين كل طلقة و الثانية على الساعة 10 الصبح رحت الحمام مرة ثانية و إلا الدم زاد و نزل شي نفس المخاط
عاد خفت و إتصلت في أمي وقلت لها باللي صار قالت خل نروح المستشفى أحسن يفحصونج
أمي وايد تخاف علي لاني دلوعتها وأصغر بناتها وحتى لو فيني زكام أصيح وأقعد عندها حتى بعد ما تزوجت
نزلت لأم زوجي وعطتني ماي ورد وتمر ورحنا المستشفى معاها ومع زوجي و أمي وأختي لاقونا هناك
فحصوني في الطوارئ قالت الدكتورة عادي الدم و المخاط لأنه مو وايد وفحصتني مفتوحة 1 ونص قالت تو الناس عليج روحي البيت و إرتاحي و إكلي زين عشان يصير فيج قوة وإذا صار الألم أقوى تعالي
رحت بيتي وأمي وأختي قعدو معاي وشربت دارسين وآكل بهالتمر و الألم يزيد لكني متحملته لحد ما صارت الساعة 5 المغرب تقريباً إلا بدا فيني الخوف لأن الطلق يجيني كل 10 دقايق تقريباً
بدلت ورحنا المستشفى وقبل لا تفحصني الدكتورة سألتني كلتي شي قلت لها شوي تمر إلا تقول انتي بروحج صغيرة و ضعيفة لازم تاكلين شي عشان تتحملين الولادة روحي أكلي ورجعيلي بفحصج
وطلعت من عندها اصيح و اقول لأمي تقول لازم تاكلين أول يابو لي سندويتش ما كلت منه الا لقمة وقطعة صغيرة جالكسي و شربت شوي عصير برتقال و أنا أصلا كلش مو مشتهية بس أصيح من الخوف
ودخلت عالدكتورة قلت لها أكلت وجذبت قلت لها كملت السندويتش و الجالاكسي و العصير وفحصتني الدكتورة إلا تقول توج 2 بنوديج فوق الولادة وبنصبر عليج ... طبعاً الطلق كان يزيد والألم صار كل دقيقتين و صارت 12 بالليل و أنا للحين بغرفة الولادة و فحصتني الدكتورة الإ تقول للحين 3 تو الناس عليج وراحت عقب ياتني القابلة (اللي تولد لاهي دكتورة و لا ممرضة) و الله يحفظها وين ما كانت اهي صج ساعدتني
الدكتورة قبل لا تطلع عطتني إبرة مخدر وإبرة تحمي الطلق وأنا أحس الألم قوي بس من الإبرة مو مركزة كل ما اتيي امي اقول لها تعبانة ومتألمة بس من أشوف القابلة تدخل علي أسكت و بس أقعد أستغفر كله خايفة من القيصرية خصوصاً إني ما كنت أتوسع
على الساعة 3 ونص تقريباً الفجر يات دكتورة بطت الماي وحسيت بإحساس غريب بس مريح مع إن الألم كل دقيقة ما يوقف بس كنت مستانسة وظليت أستغفر وأدعي و أمي تشوفني وتصيح و تطلع و أنا أقول شفيها أمي ؟؟؟ أنا ما إشتكيت صح تعبانة وطولت بس أحس عادي
بديت بعدها الحمدلله أتوسع وما صارت 9 وثلث من يوم الأحد 21/6/2009 إلا وتقول القابلة دفعي ودفعت مرتين وحسيت في رشودي حبيبي يطلع وكان صج أحلى شعور وأنا أحسه بريوله تضرب بفخذي و أهيه طالعة وقطوه على صدري ولميته وتميت أبوس فيه وبتاخذه الممرضة أقول لها ولدي أبيه تقول واهي تضحك بننظفه و بنرجعه لج
والقابلة تخيطني انا احوس بتلفوني اطرش لخواتي وربعي أقولهم إني ولدت والقابلة تضحك تقول أول مرة أشوف وحدة أول شي ما قالت الياهل وصخ شيلوه و لا تتدلع وقت الخياطة وتلعب بالتلفون
قلت لها أنا متحملة ومصممة ما أولد قيصيري عشان هاللحظة اللي ألم فيها ولدي وأشم ريحته و أبوسه 9 شهور أنتظره أكيد مشتاقة له
وقالت لي الحين بنوديج غرفة الملاحظة على ما يجهزون غرفتج واهم مطلعيني اشوف زوجي شايل ولدي ويأذن في أذنه ولا شعورياً قعدت أصيح من الفرحة وحمدت ربي عالسلامة
في غرفة الملاحظة قالت لي الممرضة روحي الحمام عشان نتأكد كل شي أوكي ونوديج الجناح ورحت أشوف ويهي بالمنظرة إلا أستغفر الله ويهي منتفخ بصورة مو طبيعية أنا خفت من نفسي والله منتفخ يخررررررررع ورقبتي ما تبين من النفاخ مع إني ضعيييييفة وعرفت ليش أمي كانت خايفة وإهي تشوفني وتصيح واثاريها تطلع تتصل بعماتي و خالتي وتقول بنتي بتموت :eh_s(11): و أهمه كلهم يحاتوني و يصيحون و إمي مستغربة أني ما أصيح و لا أصارخ و أنا معروف أني دلوعة حتى ألم الدورة ما اتحمله بس سبحان الله الله رزقني يومها صبر مو طبيعي الحمدلله وكنت بس استغفر و ادعي الله يسهل علي وما احتاج قيصيرية لاني اخااااااااف منها
بس الحمدلله على كل حال صج تعبت و ألم لكن ما يذبح الألم ومهما كان قوي أقدر أتحمله
وعطوني ولدي وأنا بغرفة الملاحظة لأن للحين يجهزون غرفتي و قالت لي الممرضة رضعيه وراحت
وإبتدا رشودي الله يحفظه يرجع شي لونه أسوووود وأحس بولدي مو طبيعي دايخ وحتى مو قادر يفتح عيونه ولونه اصفررررر مع انه يوم انولد كان يصيح و لونه وردي فديته
دخلت أمي علي قلت لها اخذو رشود لطبيب أطفال حاسته مو طبيعي وكل هذا وانا للحين ما شلته
وراحت امي في رشودي وعقب نص ساعة ودوني غرفتي و امي للحين مارجعت و بديت احاتي
بعدين ياتني أمي و زوجي و وجوههم متغيرة أقول لهم وين رشودي قالو الدكتور خذاه على العناية المركزة للأطفال لانه حبيبي تعب بالولادة خصوصا انه وزنه كبير وشرب ماي و وصخ من بطني من زود ما طولت بالطلق وقعد يومين بالعناية وانا ما اقدر اروح لان ارتفعت حرارتي وممنوع اللي فيهم حرارة يدخلون العناية :eh_s(16)::eh_s(11):
وبعدين طلعوه وبعد ماكان يرضع وكله تعبان وظل بالشيشة 9 أيام لحد ما رحنا البيت
وأنا من قعدة المستشفى و المحاتاة صادني إكتئاب بعد الولادة ما أبي أحد يلمس ولدي إلا أنا وكله أصيح واحس يمكن اموت ويمكن زوجي يطلقني ومحد يحبني
بس الحمدلله بعد 3 شهور تحسنت حالتي ورشودي فديته ما عليه إلا العافية والحين فديته كمل ال 3 سنوات ودخلته الروضة من إسبوعين
والحين بفضل من الله حامل و أنتظر ولادتي بأحر من الجمر و إن شاء الله بعد تكون ولادة طبيعية بدون إبرة ظهر و لا طلق صناعي و لا قيصيرية يارب وان شاء الله بنتي ما تحتاج شي و تكون صاحيه وطيبة بإذن الله
نصيحتي لكل بجرية لا تحاتين الله يسهل الولادة وصج الطلق يعور بس ما راح تموتين وبعد طلعة الراس اللي هي اصعب شي تحسين ولا كأنج ولدتي الحمدلله واهم شي لا تصارخين ولا تصيحين عشان قوتج ما تروح واكثري من الاستغفار والدعاء و قراءة القرآن والله يسهل علينا وعليكم
اناكانت ولادتي في رمضان وتعرفون رمضان صيام وتعب وولدةقبل موعدولادتي بسبوع قبل ماولدبسبوع نزلة سدادت الرحم وهي افرازمع دم وماحسيت بطلق ولارحت المستشفى وبعدست ايام جاني الم خفيف زي الم الدوره يجي ويروح وقعدساعه تقريبن وراح ونمت وصحيت العصرومافي شي ابدومن باكرالصباح كنت منسدحه بنام ونمت نصف ساعه وصحيت من الطلق الساعه سبع واستمرالطلق يجي ويروح وانامنسدحه وصحيت زوجي قلت بولدقال لاتوك ههههه وصارت الساعه تسع ونصف وخلاص احس البيبي نزل تحت مره واحسب من بداءالطلق كل بين طلقه كم وصارالطلق يجيني كل خمس دقائق صرت ماعداتحمل وزوجي يقولي لسامارح تولدي الافي الليل عشاني بكريه قلت لاماعداتحمل الالم ورحت المستشفى واناياالله امشي وبنص الدرج ماقدرة امشي من الالم وشالني زوجي وركبني السياره وصلت المسشفى الساعه عشرودخلوني وصارارحم من فتح سته سانتي وولدتة الساعه 12الظهروجبت احلى ولدكنت اتمناه وكنت احسب الولاده صعبه وتخوف من كثرماقالولي الحريم وهي سهله الحمدلله والوحده توكل على ربي وتدعي ان ربي يسهل ولادةوربي بسهله وانتي تطلقي لاتصارخي يروح حيلك وتتعبي خوذي نفس لمن جت الطلقه وتبردعليك وصدوقوني الولاده سهله ويارب هون على كل حامل وفرح قلبه بضناه وارزق كل محرومه يارب
**تاجر الزين**
New member
- إنضم
- 6 أكتوبر 2007
- المشاركات
- 1,438
- مستوى التفاعل
- 0
- النقاط
- 0
شوارفسكيه حمره
New member
أم معاذ الكندري
New member
- إنضم
- 6 مايو 2012
- المشاركات
- 1,903
- مستوى التفاعل
- 0
- النقاط
- 0
انا هذا ثالث حمال لي وكل ولاده غير عن الثانيه
على بجري بنتي كانت كل مراجعاتي بالهادي عند دكتوره رونيكا بهواني وكل شي تمام وقبل لا ادش التاسع باسبوع صار معاي عوار بالكليه رحت الصباح الدكتور سوالي تخطيط قالي طلق والجنين نبضه ضعيف قلت شكو اسمالله عليها بنتي تتحرك واحس فيها قالي لازم دخووووول ودخلوني جناح الوضع تقريبا اربع ساعات ومافي طلق ولاشي زفيتهم قلت بطلع مالت عليكم صعدوني الجناح وكل يوم تخطيط وعندهم دكتووور انجليزي مالت عليه مايفتهم مال سونار سوولي سونار ولا يقول الجنين اصغر من عمره باسبوع وزنه ناقص جان اقوله خلصت السونار قال اي قلت اوكي صعدت الجناح ولا اقولهم بطلع على مسؤوليتي مالت على هالمستشفى الخياس لا وبعد اختصاصكم ولاده طلعت سيده رحت الهادي حق دكتورتي وقلت لها الي صار معاي سوت لي سونار قالت مالج شغل فيهم الجنين وزنه مو اقل من ٤ ونص بالولاده ولا في اي شي والولاده مقعديني اسبوع وانا بس اتحلطم اقولهم كليتي تعورني يقولون ولاده وعلى اساس اولد بالهادي بس مرت اخوي ولدت قبلي باسبوعين كان سنه ٢٠٠٤ توه دار الشفا فاتحينها اليديد ورحت لها روعه ومافي ازعاج توه ماصار لها شهر امي قالت خلاص خلج عن الهادي تولدين هني ومن دشيت التاسع طلق خفييف بارد يروووح ويرد وانا امشي بالجامعه لين دشيت ثاني اسبوع بالتاسع حسيت نفسي خطوتين ماقدر امشي وكنت اخذ طبيات من الطبيب حق الجامعه وعذروني الدكاتره يوم الي ولدت يالي عوار الفير بظهري الي قعدني من النوم دقيت على امي قالت لي نامي اذا قعدتي يعني ولاده حاولت انام ماقدرت قعدت زوجي قلت له قوووم عوااار ودني المستشفى دق على امي قالها عمتي شسوي قالت ودها المستشفى صارت ساعه ست الصبح قام لبس قالي اروح استاذن من الدوام وارجع لج اوديج هني حقدت عليه بجر وماعرف شي وبشقه بروحي دقيت على امي قالت الحين اييلج وانا من بدايه حمالي كنت اقرى مجله الام والطفل اشتريها كل شهر وقريت وقت الطلق السباحه بماي دافي تزيده عاد قلت خل اسبح والبس وانطر امي دقت علي قالت طلعي بره ودتني المستشفى وزحمه المدارس الصبح والعوار بس بظهري احس جنه مكسور بالنص وصلنا الطوارئ ولا دكتوره مصريه اسمها هاله الله يذكرها بالخير فحصتني وماحسيت بالفخص قالت ٧ سم ولاده ساعه ٨ لي الساعه ١٠ انا والده وصار معاي نزيف خلوني بالملاحظه تقريبا ثلاث ساعات زياده صحيت من البنج اقول حق الدكتوره انا ولدت ولا حلمانه تضحك تقولي لا ولدتي وبنتج مشالله جنها لبنانيه بيييضه وشقره مو كويتيه قلت خلاص تصبحين على خير ماحسيت بنفسي الا بغرفتي واسمع صوت زوجي قمت زفيته زف ياي مبدل وكاشخ ويبي بنته هههههههه امي تقول سكتي عنه قلت لا مابشوفه لو والده بالبيت شلون يقول مادري انا بعد بروحي ماعرفت شسوي وهذي ولادتي على حبيبه قلبي توته عاد ولادتي الثانيه ٢٠٠٨ اكتبها باجر ههههههههه لاني حاسه بعوار يروح ويرد شكلي بووولد
على بجري بنتي كانت كل مراجعاتي بالهادي عند دكتوره رونيكا بهواني وكل شي تمام وقبل لا ادش التاسع باسبوع صار معاي عوار بالكليه رحت الصباح الدكتور سوالي تخطيط قالي طلق والجنين نبضه ضعيف قلت شكو اسمالله عليها بنتي تتحرك واحس فيها قالي لازم دخووووول ودخلوني جناح الوضع تقريبا اربع ساعات ومافي طلق ولاشي زفيتهم قلت بطلع مالت عليكم صعدوني الجناح وكل يوم تخطيط وعندهم دكتووور انجليزي مالت عليه مايفتهم مال سونار سوولي سونار ولا يقول الجنين اصغر من عمره باسبوع وزنه ناقص جان اقوله خلصت السونار قال اي قلت اوكي صعدت الجناح ولا اقولهم بطلع على مسؤوليتي مالت على هالمستشفى الخياس لا وبعد اختصاصكم ولاده طلعت سيده رحت الهادي حق دكتورتي وقلت لها الي صار معاي سوت لي سونار قالت مالج شغل فيهم الجنين وزنه مو اقل من ٤ ونص بالولاده ولا في اي شي والولاده مقعديني اسبوع وانا بس اتحلطم اقولهم كليتي تعورني يقولون ولاده وعلى اساس اولد بالهادي بس مرت اخوي ولدت قبلي باسبوعين كان سنه ٢٠٠٤ توه دار الشفا فاتحينها اليديد ورحت لها روعه ومافي ازعاج توه ماصار لها شهر امي قالت خلاص خلج عن الهادي تولدين هني ومن دشيت التاسع طلق خفييف بارد يروووح ويرد وانا امشي بالجامعه لين دشيت ثاني اسبوع بالتاسع حسيت نفسي خطوتين ماقدر امشي وكنت اخذ طبيات من الطبيب حق الجامعه وعذروني الدكاتره يوم الي ولدت يالي عوار الفير بظهري الي قعدني من النوم دقيت على امي قالت لي نامي اذا قعدتي يعني ولاده حاولت انام ماقدرت قعدت زوجي قلت له قوووم عوااار ودني المستشفى دق على امي قالها عمتي شسوي قالت ودها المستشفى صارت ساعه ست الصبح قام لبس قالي اروح استاذن من الدوام وارجع لج اوديج هني حقدت عليه بجر وماعرف شي وبشقه بروحي دقيت على امي قالت الحين اييلج وانا من بدايه حمالي كنت اقرى مجله الام والطفل اشتريها كل شهر وقريت وقت الطلق السباحه بماي دافي تزيده عاد قلت خل اسبح والبس وانطر امي دقت علي قالت طلعي بره ودتني المستشفى وزحمه المدارس الصبح والعوار بس بظهري احس جنه مكسور بالنص وصلنا الطوارئ ولا دكتوره مصريه اسمها هاله الله يذكرها بالخير فحصتني وماحسيت بالفخص قالت ٧ سم ولاده ساعه ٨ لي الساعه ١٠ انا والده وصار معاي نزيف خلوني بالملاحظه تقريبا ثلاث ساعات زياده صحيت من البنج اقول حق الدكتوره انا ولدت ولا حلمانه تضحك تقولي لا ولدتي وبنتج مشالله جنها لبنانيه بيييضه وشقره مو كويتيه قلت خلاص تصبحين على خير ماحسيت بنفسي الا بغرفتي واسمع صوت زوجي قمت زفيته زف ياي مبدل وكاشخ ويبي بنته هههههههه امي تقول سكتي عنه قلت لا مابشوفه لو والده بالبيت شلون يقول مادري انا بعد بروحي ماعرفت شسوي وهذي ولادتي على حبيبه قلبي توته عاد ولادتي الثانيه ٢٠٠٨ اكتبها باجر ههههههههه لاني حاسه بعوار يروح ويرد شكلي بووولد
اسبــانيــة
New member
- إنضم
- 14 سبتمبر 2009
- المشاركات
- 793
- مستوى التفاعل
- 0
- النقاط
- 0
بجيتوني بنات حيل خايفه ومخترعه من الولاده
ومابقالي الا يومين وادخل العاشر
يمكن من الخرعه معوشره خخخخخخ
ومابقالي الا يومين وادخل العاشر
يمكن من الخرعه معوشره خخخخخخ
الولاده مافيها شي بس خلج ريلاكس وهدي اعصابج اذا كله خايفه ومتنرفزة الضغط راح يصعد وتتعبين ادري شي صعب بس لازم نمسك اعصابنا
بنت الثانوية
Active member
- إنضم
- 26 سبتمبر 2006
- المشاركات
- 1,787
- مستوى التفاعل
- 0
- النقاط
- 36
صج ذكرتوني خالأكتب لكم قصة ولادتي الثالثه
طبعا اتا كل ولاده اقوم اخاف اكثر من الولاده الي قبلها ,,
فتفقت مع دكتور ان يولدني قيصري وكنت بالإسبوع 35 ’’ من الخوف
عاد قعد ينصحني حرام دامج ولا مره ولدتي قيصري ومن هالكلام
وانا مصممه
قالي خلاص تعالي بالإسبوع 38 واولدج قيصري
بنص الاسبوع 36 ياني عوار العصر وتحملته ,, وصل ريلي البيت وما قلتله عن العوار ونام ,,
واقعد بالصاله اعور من العوار وساكته ,, قلت خلاص اذا قعد من النوم بروح الطبيب
الساعه 5 الفير بس ما قدرت اتحمل على روحي قعدته من النوم وقلتله ودني الطبيب ,,
رحنا الطبيب ولا الدكتور الي كنت ابيه يسويلي قيصري مو موجود شافتني دكتوره هناك وتشوف ولا في طلق قوي,,
قلتلها انا ابي قيصري وشرحتلها ,,,
قالتلي بس لازم افحصج وانا مصره لا ابي قيصري قالتلي زين شرايج خالأعطيج كماام مع بنج وافحصج اذا حسيتي بعوار الفحص اسويلج بنج كامل وادخلج قيصري >> طبعا كلام دكاتره مأخوذ خيره هههههههه
المهم اهم حطولي الكمام بس ما حسيت ان شالل العوار العوار اهو اهو بس ينومني ووقت العوار اقعد اصرخ وانام ,,
بس بصراحه بصراحه ,, تجربة الكمام حلوه
المهم عقب ما نمت ياتني الدكتوره تفحصني ,, وانا مو مستوعبه بس قعدت اصرخ من العوار بعدين شفت الدكتوره وقعدت اصرخ وين البيبي وين البيبي
والدكتوره تقولي انتي لي الحين ما ولدتي انا بس فحصتج كاهو البيبي داخل بطنج وتحطلي ايدي على بطني
قلتلها زين انا فيني ولاده ,, تقولي انتي مفتوحه 8 سانتي ,,زين لحقتي وييتي المستشفى
ما حسيت بروحي الا ورديت نمت ,,
بعدها قعدت لأن الماي انبط شوي يات سستر تشيك على الماي ولا تاخذ ريلي وتسكرها حيل والسستر تقولي نو بوش نو بوش ,,
والدكتوره تيي ركض بعدها مادري شنو صار مره احس بعوار وقمت احس بشياء غريبه على ماني قادره اركز من تأثير الكمام
والحمدالله ولد ويبت علاوي الله يخليه لي
عاد انا اضاهر من تأثير الكمام قمت اخرف ههههه ,, قلت حق الدكتوره ييبولي الياهل ما شفته ,, جان تقولي احنى عطيناج اياه ثلاث مرات وبستيه ,,وارد اقولها وفيني بجيه بس انا ما شفته ,, قالتلي خلاص احنى نخلص خياط بعدين تشوفيننه بعدها نمت وما حسيت بشي وقعدت وقعدت وبعدين ياتلي دكتوره ثانيه تجيك على الدم قالتلي شوي وراح يصعدونج غرفتج
انا الدكتوره الي ولدتي وااااايد حبيتها ,,
بس الدكتوره الثاني الي قالت تجيك على الدم كارهتها اهي الي ولدتني الولاده الي قبلها
والكمام حبيته بصراحه ,,لأن ينفع للي نفس حالتي انا فيني خوف اتحمل العوار بس الخوف يذبحني فهو يخليني نايمه وما افكر بالعوار بس اييني العوار اصرخ
_______
طولت عليكم
طبعا اتا كل ولاده اقوم اخاف اكثر من الولاده الي قبلها ,,
فتفقت مع دكتور ان يولدني قيصري وكنت بالإسبوع 35 ’’ من الخوف
عاد قعد ينصحني حرام دامج ولا مره ولدتي قيصري ومن هالكلام
وانا مصممه
قالي خلاص تعالي بالإسبوع 38 واولدج قيصري
بنص الاسبوع 36 ياني عوار العصر وتحملته ,, وصل ريلي البيت وما قلتله عن العوار ونام ,,
واقعد بالصاله اعور من العوار وساكته ,, قلت خلاص اذا قعد من النوم بروح الطبيب
الساعه 5 الفير بس ما قدرت اتحمل على روحي قعدته من النوم وقلتله ودني الطبيب ,,
رحنا الطبيب ولا الدكتور الي كنت ابيه يسويلي قيصري مو موجود شافتني دكتوره هناك وتشوف ولا في طلق قوي,,
قلتلها انا ابي قيصري وشرحتلها ,,,
قالتلي بس لازم افحصج وانا مصره لا ابي قيصري قالتلي زين شرايج خالأعطيج كماام مع بنج وافحصج اذا حسيتي بعوار الفحص اسويلج بنج كامل وادخلج قيصري >> طبعا كلام دكاتره مأخوذ خيره هههههههه
المهم اهم حطولي الكمام بس ما حسيت ان شالل العوار العوار اهو اهو بس ينومني ووقت العوار اقعد اصرخ وانام ,,
بس بصراحه بصراحه ,, تجربة الكمام حلوه
المهم عقب ما نمت ياتني الدكتوره تفحصني ,, وانا مو مستوعبه بس قعدت اصرخ من العوار بعدين شفت الدكتوره وقعدت اصرخ وين البيبي وين البيبي
والدكتوره تقولي انتي لي الحين ما ولدتي انا بس فحصتج كاهو البيبي داخل بطنج وتحطلي ايدي على بطني
قلتلها زين انا فيني ولاده ,, تقولي انتي مفتوحه 8 سانتي ,,زين لحقتي وييتي المستشفى
ما حسيت بروحي الا ورديت نمت ,,
بعدها قعدت لأن الماي انبط شوي يات سستر تشيك على الماي ولا تاخذ ريلي وتسكرها حيل والسستر تقولي نو بوش نو بوش ,,
والدكتوره تيي ركض بعدها مادري شنو صار مره احس بعوار وقمت احس بشياء غريبه على ماني قادره اركز من تأثير الكمام
والحمدالله ولد ويبت علاوي الله يخليه لي
عاد انا اضاهر من تأثير الكمام قمت اخرف ههههه ,, قلت حق الدكتوره ييبولي الياهل ما شفته ,, جان تقولي احنى عطيناج اياه ثلاث مرات وبستيه ,,وارد اقولها وفيني بجيه بس انا ما شفته ,, قالتلي خلاص احنى نخلص خياط بعدين تشوفيننه بعدها نمت وما حسيت بشي وقعدت وقعدت وبعدين ياتلي دكتوره ثانيه تجيك على الدم قالتلي شوي وراح يصعدونج غرفتج
انا الدكتوره الي ولدتي وااااايد حبيتها ,,
بس الدكتوره الثاني الي قالت تجيك على الدم كارهتها اهي الي ولدتني الولاده الي قبلها
والكمام حبيته بصراحه ,,لأن ينفع للي نفس حالتي انا فيني خوف اتحمل العوار بس الخوف يذبحني فهو يخليني نايمه وما افكر بالعوار بس اييني العوار اصرخ
_______
طولت عليكم
بنت الثانوية
Active member
- إنضم
- 26 سبتمبر 2006
- المشاركات
- 1,787
- مستوى التفاعل
- 0
- النقاط
- 36
أملي بعد الله
New member
ياحلوكم بنات قصصكم اكشن الله يبلغني بشوفة عروستي بهون وسلامة وكل حامل مسلمة يا حي ياقيوم
بجرية دعواتكم ماعليكم من شريطي مجدم وايد
الف الحمدلله ع سلامتكم وسلامة الكتاكيت
بجرية دعواتكم ماعليكم من شريطي مجدم وايد
الف الحمدلله ع سلامتكم وسلامة الكتاكيت
هههههههههه وااااي بنات احس بعوار خفيييف يروح ويرد تحت بطني اروح اخذ شور علشان يزيد يروح العوار ههههه تمصخرت انا واخاف اروح الطبيب اسوي فحص داخلي يومين شربت دارسين ولا اكو فايده مافي عوار وباقيلي اسبوع على موعدي اليوم دكتورتي تقود المعاشره هالوقت تحمي الطلق قلت لها عيل ليييش خليتيني امشي قالت ابي الياهل ينزل بالحوض ونزل الحين جابلي ريلج خخخخخخخخخ بالله من له خلق كل شوي سباحه شرايكم شهبب شسوي
أم معاذ الكندري
New member
- إنضم
- 6 مايو 2012
- المشاركات
- 1,903
- مستوى التفاعل
- 0
- النقاط
- 0
Habibat Abooha
New member
- إنضم
- 3 أبريل 2011
- المشاركات
- 1,088
- مستوى التفاعل
- 0
- النقاط
- 0
اسبــانيــة
New member
- إنضم
- 14 سبتمبر 2009
- المشاركات
- 793
- مستوى التفاعل
- 0
- النقاط
- 0
ولادتي 30/9/2012
طبعا امس رديت عليكم بالمنتدى وقريت اسامي البنات اللي داشين الولادة واخترعت
وكنت بفراشي وريلي دوام يرد الساعه 9 ومرات 10 الا بالليل
قمت دخلت موضوع قصص الولادة وقريتهم واخترعت من البعض رالبعض لا يطمنونج
المهم هالحجي كان 8 قمت نمت وانا احاتي الولادة وشلون بتكون
حسيت بعوار فبطني حيييل وان ودي اروح الحمام افرغ وارد انام
وانا قايمة بدربي اكلم خواتي وامي واتس اب ونزل علي ماي جنه افرازات (شايفة الماي اللي ينزل عقب ماتكونين نايمة مع ريلج الافراز اللي يصب) هذا اهو ماي الياهل
وريلي مو يمي ف شكيت ببماي البيبي
وانا بالحمام تكرمون شفت سروالي نااااقع
قمت بلغت اهلي بالقروب يا جماعه جنه نزل ماي البيبي
وقمت ادق على ريلي ابيه ايني شوي ولا اختي العودة دقت مخترعه تبين ايج انا وريلي قلتلها لا عادي ريلي ياي بالدرب
وخرعتها خرعتني وقمت ابجي خايفة من الولاده
شوي ولا امي داقة وكانت هادية حيييييل
قالتلي عادي عوار دورة وبسيط وترا سهالات ماله داعي كل هالخوف
وبتولدين واخيرا بنشووف بنتج خلاص بترتاحين
هني هديت شوي سكرته منها قمت غسلت جسمي وراسي وبلغت ريلي ان الماي نزل واهو بالدوام طلع ياني
نزلت بنطره تحت ولا خالتي شافتني لابسه ومخترعه قالتلي توج يايه من بيت اهلج قلتلها لا وفيني البجية
جان تقول الكلمة اللي فتحت باب البجية علي
قالت شفيج جان اقوووم ابجي وقالت بتي معاي ولبست كوتكس
شوي ولا ريلي ياي طلعنا بالدرب كل شي تمام
طبعا الماي ماينزل مرة وحدة وبس لا يتم يصب بس فترات
ف وصلنا الهادي ونزلنا ريلي راح يسفط
وانا وخالتي نسوي اوراق الطوارى وقلتلها خالتي وصل ريولي الماي
هني خالتي قالتلي روحي ريحي وانا رايحة الا خالتي يتني ودبست ريلي بالاوراق
قالتلي وايد ينزل عليج ناقعه عباتج وحتى الارض نازل عليها
دخلنا على طول عالممرضه ان عندنا حالة ولادة الماي انبط
ودخلونا على طول
فحصتني الدكتورة وقالتلي مفتوحة 1 سم
وسوت سونار وكان كل شي تمام والماي قاعد يصب بس عادي في ماي حوالينه
سوولي تخطيط ولا الطلق بارد
كانت الساعه11 بالليل
الساعه 12 حطتلي تحميله تلين الرحم وساعه ما اروح الحمام ف نصيحة قبل اي تحميله روحو الحمام حتى لو مافيكم شي
وصعدوني غرفتي لان مايصير اطلع والياهل يصب مايه
قالولي الساعه 6 بيحطونلي تحميله ثانية وانا اتوقع التحاميل كانت تحاميل طلق صناعي لان انا يايتهم من غير طلق
الفير ريلي يابلي خرابيط علشان اكل
وماتهنيت يت قالتلي اكلي الحين نص ساعه بحطلج حقنة شرجيه وتنمنعين من الاكل بس عادي تمر وحلاو وبسكوت شغلات صغيرة خفيفة
ووخري عن الدسم
حطتها لي طبعا كانت يبوووي تدلدغ بس وع تلوع جبدج مو عوار لا باردة حيل
وعطوني ابرة مضاد حيوي وكانت حارة
علشان البيبي هالابرة
بس تحملتها وبس خلصت حطتلي درب مغذي
ونامت امي عندي
وتميت اطلق طلوق خفيفه كل 10 دقايق او 5 دقايق
وكانت حلوة الطلوق صراحة مافيها اي شي او تهويل
صارت 6 نزلوني اسوي تخطيط وفحص
هني كنت يادوب 2
ضاق خلقي وقالولي عادي دايما بعد ثالث تحميله تتسهل
وحطت التحميلة وعقب ماخلصت جان تقولي عادي اذا تبين كمام احطلج بغيت ارفسها لان ماقالتلي ابجر
وهني تهزات لان الهادي لازم تكونين مراجعه علشان تلقين دكتور يستقبلج
وامي كانت تبي بهوان وكانت لجمي مادري شسمها دكتوره هنديه هني طنقرت عشتو تبين بهوان نطري متى تيي مايندرا
وكنت ابي دكتور يوضحلي اكثر فقالولي الحين موجود دكتور حسام مصري
ف قلتلهم يلا العوض ولا القطيعه لان من 10 ونص داشة باللليل لي الساعه9 ماشفت دكتور او دكتوره
مالهم خلق حالات وغير الطنقورة الزفته
المهم يه الدكتور وشرح الحالة وفحصني وقالي عادي لا تحاتين نزول الماي لج 24 ساعه امان خافي لما نعدي هال24 ساعه
وكان عوار الطلق زايد فقلتله ابي ابرة ظهر قال مانعطيج لين تكونين 4 سم وانتي يادوب 2 او 2 ونص
وصعدوني اريح وعطاني ابره مسكن لاني ماقدرت اتحمل العوار
وصعدت نمت لاني مانمت يومها
وبس قعدت الساعه12 تمشيت بالدور علشان الين رحمي وكل ما حاشني طلق ثبت نفسي ودعيت واتذكر عوار دقيقة ويروح واصبر نفسي وترا صج دقيقة ويروح
نزلوني الفحص الساعه 12 كانت معاي اختي العودة وريلي
عطوني كمام واختي علمتني شلون اشم فيه
شميت ودخت وريلي قام يشم فيه بعد
قمنا فصلنا نضحك وهسترنا واختي هييه انت حرام عليك واهيا حلال
شوي ولا فضت غرفه لاني طلبت غرفه اكبر راحت اختي تشيل الاغراض علبو ريلي يمي
والاخ سكر علي قام يضحك ويقولي انا الضابط يبيني اداوم وطلع يتطوطح ويضحك وتميت بروحي انادي ومامن مجيب
وردولي تقريبا بعد 20 دقيقة زفيتهم
وزفيت ريلي ققلتله صراحة مافهمتك توقعتك رايح الحين الدوام
طبعا حاول اييب الكمام فوق بالغرفة لان استانس عالوضع والحمدلله مايصير
وعقب صعدوني الغرفة
وتم اثار الكمام علي عقب زاد العوار الساعه 4 العصر وصعدوني الولاده شافو التخطيط وكيفت على الكمام
قمت انام واهو بويهي مابي اخليه
تميت نايمة تحت وودوني الحمام
ورديت نمت والكمام بويهي
وكنت اقط حزام التخطيط لانه احسه صاك على بطني
ويه الدكتور وكل ما يه ينزف وينطرد مني
ويحاول يسايسني وكنت دايخه حيل
نمت قعدت قالولي يلا هانت هانت بتولدين صبري بعد
وانا موداريه عن شي وشعواره يتكلمون عنه
اتوقع اثر الكمام حيل لاني ما اشرب قهوه او جاي ف ماكو منبهات
ما صحيت الا واهما يقولولي بوووش بوووش وياحلوها من كلمة توحيلج بالفرج
ولازم احد معاج انا يميني اختي ويساري امي وشديت ايدينهم شد اللي حتى صبع امي اشوفه ازرق
وعقب حطو بنتي بحظني وكانت زرقه الزراق الطبيعي
وخذوها
وصحيت ولله الحمد كل شي انتهى وجنه حلم
وكل ما انام الحين وودي اقلب اتذكر ولدت وتطير النومة من الفرحة
عسى ربي يفرحكم ويفرجلكم ويرزق كل محرومة يارب
طبعا امس رديت عليكم بالمنتدى وقريت اسامي البنات اللي داشين الولادة واخترعت
وكنت بفراشي وريلي دوام يرد الساعه 9 ومرات 10 الا بالليل
قمت دخلت موضوع قصص الولادة وقريتهم واخترعت من البعض رالبعض لا يطمنونج
المهم هالحجي كان 8 قمت نمت وانا احاتي الولادة وشلون بتكون
حسيت بعوار فبطني حيييل وان ودي اروح الحمام افرغ وارد انام
وانا قايمة بدربي اكلم خواتي وامي واتس اب ونزل علي ماي جنه افرازات (شايفة الماي اللي ينزل عقب ماتكونين نايمة مع ريلج الافراز اللي يصب) هذا اهو ماي الياهل
وريلي مو يمي ف شكيت ببماي البيبي
وانا بالحمام تكرمون شفت سروالي نااااقع
قمت بلغت اهلي بالقروب يا جماعه جنه نزل ماي البيبي
وقمت ادق على ريلي ابيه ايني شوي ولا اختي العودة دقت مخترعه تبين ايج انا وريلي قلتلها لا عادي ريلي ياي بالدرب
وخرعتها خرعتني وقمت ابجي خايفة من الولاده
شوي ولا امي داقة وكانت هادية حيييييل
قالتلي عادي عوار دورة وبسيط وترا سهالات ماله داعي كل هالخوف
وبتولدين واخيرا بنشووف بنتج خلاص بترتاحين
هني هديت شوي سكرته منها قمت غسلت جسمي وراسي وبلغت ريلي ان الماي نزل واهو بالدوام طلع ياني
نزلت بنطره تحت ولا خالتي شافتني لابسه ومخترعه قالتلي توج يايه من بيت اهلج قلتلها لا وفيني البجية
جان تقول الكلمة اللي فتحت باب البجية علي
قالت شفيج جان اقوووم ابجي وقالت بتي معاي ولبست كوتكس
شوي ولا ريلي ياي طلعنا بالدرب كل شي تمام
طبعا الماي ماينزل مرة وحدة وبس لا يتم يصب بس فترات
ف وصلنا الهادي ونزلنا ريلي راح يسفط
وانا وخالتي نسوي اوراق الطوارى وقلتلها خالتي وصل ريولي الماي
هني خالتي قالتلي روحي ريحي وانا رايحة الا خالتي يتني ودبست ريلي بالاوراق
قالتلي وايد ينزل عليج ناقعه عباتج وحتى الارض نازل عليها
دخلنا على طول عالممرضه ان عندنا حالة ولادة الماي انبط
ودخلونا على طول
فحصتني الدكتورة وقالتلي مفتوحة 1 سم
وسوت سونار وكان كل شي تمام والماي قاعد يصب بس عادي في ماي حوالينه
سوولي تخطيط ولا الطلق بارد
كانت الساعه11 بالليل
الساعه 12 حطتلي تحميله تلين الرحم وساعه ما اروح الحمام ف نصيحة قبل اي تحميله روحو الحمام حتى لو مافيكم شي
وصعدوني غرفتي لان مايصير اطلع والياهل يصب مايه
قالولي الساعه 6 بيحطونلي تحميله ثانية وانا اتوقع التحاميل كانت تحاميل طلق صناعي لان انا يايتهم من غير طلق
الفير ريلي يابلي خرابيط علشان اكل
وماتهنيت يت قالتلي اكلي الحين نص ساعه بحطلج حقنة شرجيه وتنمنعين من الاكل بس عادي تمر وحلاو وبسكوت شغلات صغيرة خفيفة
ووخري عن الدسم
حطتها لي طبعا كانت يبوووي تدلدغ بس وع تلوع جبدج مو عوار لا باردة حيل
وعطوني ابرة مضاد حيوي وكانت حارة
علشان البيبي هالابرة
بس تحملتها وبس خلصت حطتلي درب مغذي
ونامت امي عندي
وتميت اطلق طلوق خفيفه كل 10 دقايق او 5 دقايق
وكانت حلوة الطلوق صراحة مافيها اي شي او تهويل
صارت 6 نزلوني اسوي تخطيط وفحص
هني كنت يادوب 2
ضاق خلقي وقالولي عادي دايما بعد ثالث تحميله تتسهل
وحطت التحميلة وعقب ماخلصت جان تقولي عادي اذا تبين كمام احطلج بغيت ارفسها لان ماقالتلي ابجر
وهني تهزات لان الهادي لازم تكونين مراجعه علشان تلقين دكتور يستقبلج
وامي كانت تبي بهوان وكانت لجمي مادري شسمها دكتوره هنديه هني طنقرت عشتو تبين بهوان نطري متى تيي مايندرا
وكنت ابي دكتور يوضحلي اكثر فقالولي الحين موجود دكتور حسام مصري
ف قلتلهم يلا العوض ولا القطيعه لان من 10 ونص داشة باللليل لي الساعه9 ماشفت دكتور او دكتوره
مالهم خلق حالات وغير الطنقورة الزفته
المهم يه الدكتور وشرح الحالة وفحصني وقالي عادي لا تحاتين نزول الماي لج 24 ساعه امان خافي لما نعدي هال24 ساعه
وكان عوار الطلق زايد فقلتله ابي ابرة ظهر قال مانعطيج لين تكونين 4 سم وانتي يادوب 2 او 2 ونص
وصعدوني اريح وعطاني ابره مسكن لاني ماقدرت اتحمل العوار
وصعدت نمت لاني مانمت يومها
وبس قعدت الساعه12 تمشيت بالدور علشان الين رحمي وكل ما حاشني طلق ثبت نفسي ودعيت واتذكر عوار دقيقة ويروح واصبر نفسي وترا صج دقيقة ويروح
نزلوني الفحص الساعه 12 كانت معاي اختي العودة وريلي
عطوني كمام واختي علمتني شلون اشم فيه
شميت ودخت وريلي قام يشم فيه بعد
قمنا فصلنا نضحك وهسترنا واختي هييه انت حرام عليك واهيا حلال
شوي ولا فضت غرفه لاني طلبت غرفه اكبر راحت اختي تشيل الاغراض علبو ريلي يمي
والاخ سكر علي قام يضحك ويقولي انا الضابط يبيني اداوم وطلع يتطوطح ويضحك وتميت بروحي انادي ومامن مجيب
وردولي تقريبا بعد 20 دقيقة زفيتهم
وزفيت ريلي ققلتله صراحة مافهمتك توقعتك رايح الحين الدوام
طبعا حاول اييب الكمام فوق بالغرفة لان استانس عالوضع والحمدلله مايصير
وعقب صعدوني الغرفة
وتم اثار الكمام علي عقب زاد العوار الساعه 4 العصر وصعدوني الولاده شافو التخطيط وكيفت على الكمام
قمت انام واهو بويهي مابي اخليه
تميت نايمة تحت وودوني الحمام
ورديت نمت والكمام بويهي
وكنت اقط حزام التخطيط لانه احسه صاك على بطني
ويه الدكتور وكل ما يه ينزف وينطرد مني
ويحاول يسايسني وكنت دايخه حيل
نمت قعدت قالولي يلا هانت هانت بتولدين صبري بعد
وانا موداريه عن شي وشعواره يتكلمون عنه
اتوقع اثر الكمام حيل لاني ما اشرب قهوه او جاي ف ماكو منبهات
ما صحيت الا واهما يقولولي بوووش بوووش وياحلوها من كلمة توحيلج بالفرج
ولازم احد معاج انا يميني اختي ويساري امي وشديت ايدينهم شد اللي حتى صبع امي اشوفه ازرق
وعقب حطو بنتي بحظني وكانت زرقه الزراق الطبيعي
وخذوها
وصحيت ولله الحمد كل شي انتهى وجنه حلم
وكل ما انام الحين وودي اقلب اتذكر ولدت وتطير النومة من الفرحة
عسى ربي يفرحكم ويفرجلكم ويرزق كل محرومة يارب
