ملف أطباق المبتدئات بالطبخ تفضلوا ملف متجدد مقبلات - اطباق رئيسيه - حلويات

[مس اموله]

هلاوالله بحبيبتي

الله يسلمج ياعمري اي والله صج لذيذه وسهله كل مره اسويها اذا صار عندي عزيمه تساعد بزيادة الاطباق وبنفس الوقت الشكل حلو والطعم احلى وتحضيرها ماياخذ وقت ولا يكلف بالمقادير

لابعد ماخلصت وراي طريج :0bee2e8d89:

لووووووووول ماريوتا بخير قاعده اكلمها عالماسنجر وتسلم عليج

الله يسلمج ويسلمها انشاءالله سلمي عليها
والله يوفقكم بدراستكم يارب ويسهلها عليكم

 

[<< أزيان >>]

مشكوره حبيبتي يزاج الله خير على هالدعوه الحلوه

ويوصل سلامج بإذن الله

 

[ريم الصبايا]

مرحبا ماركيه

هذي اطباق حلوه وسهله اتمنى تعجبكم

سـلـطـة الخس والبـطـاطـس


سلطه سهله وطعمها خطير .. وتفك أزمه ..

المـقـاديـر .. ☺

1- خس .
2- بصل .
3- طماطم .
4- ليمون .
5- نعناع مجفف .
6- ملح .
7_ زيت زيتون ..
8_ بطاطس عيدان .




الـطـريـقـه .. ☺

نقطع الخس والبصل والطماطم شرايح .
نخلطهم مع بعض ونصب فوقها زيت الزيتون والليمون والملح والنعناع .
ونحطها في صحن التقديم .. نحطها في الثلاجه لحد وقت التقديم .
وإذا خلاص بتقدمينها حطي عليها بطاطس العيدان عشان ما تكون ذابله ..

خـفـايـف الـبـف باستري ..

خفايف سهله ولذيذه .. وطعمها ..



المقادير ..

1/ بـف بـاستري ..
2/ جـزر مـبـشـور ..
3/ فـلـفـل بارد مـقـطع مـربـعـات ..
4/ جبن سايل ..
5/ قـشـطـه ..
6/ ملح حسب الرغبه ..



الطـريـقـه ..

اول شي ناخذ الـبـف باستري ونقطعهم أربع قطع ونحطهم
في صينية الميني كب كيك .. بعد ما نحط عجينة البف باستري
نخلط الجزر والفلفل البارد مع الجبن السايل والقشطه .. ونخلطهم لحد ما يختلطوا
مع بعض .. ونحط الخلطه فوق عجينة البف باستري .. بعد ما نحط الخلطه نرش فوقهم جبن الموزاريلا .. وندخلهم الفرن ..

رولات التوست

الـمـقـاديـر ..

1_ صدور دجاج مقطعه مربعااات .
2_ جزر مبشور .
3_ فلفل بارد .
4_ مايونيز .
5_ ملح
6_ فلفل أسود .
8_ بهارات الكاري .
9_ توست

الـطـريـقـه .

نحط زيت في القدر ونقلقل الدجاج ونرش عليها الملح والفلفل وبهارات الكاري
ونخلطهم شوي بعدها نحط المايونيز ونخلط لحد ما يختلط بالدجاج نحط عليها الجزر والفلفل ونخلطهم لحد ما يذبل الفلفل ونرفعه من على النار .

نجيب التوست ونقطع أطرافها ونفردها .. بعدها ندهن التوست بمايونيز أو جبن او أي شي أنتو حابين .. ونحط الخلطه ونلفها وهكذا لحد ما تخلص الكميه .. <<







حلى الشعيريه

المـقـادير ..

1- كيك يمامه .
2- شعيريه محموسه .
3- جوز هند محموسه .
4- نستله .



الـطـريقه ..

اول شي نجيب الكيك ونقطعه نص ..
وبعدها نغمس الكيك في النستله وبعد جوز الهند واخر شي الشعيريه ..

وهكذا لحد ما تخلص الكميه ..

 

[<< أزيان >>]

ماشاء الله عليج عجيبه انتي ياريووم

الاطباق عجيبه مشكوره وايد حبيبتي

 

[شاي مهيل]

يعطيج العافيه ماركيه وانا ناطره تطبيق الحلو الي سويتي لنا امس عجيب تسلم ايدج حبيبتي :ggdw:

 

[<< أزيان >>]

يعطيج العافيه ماركيه وانا ناطره تطبيق الحلو الي سويتي لنا امس عجيب تسلم ايدج حبيبتي :ggdw:

الله يعافيج ياعمري اي حلو؟ انتي غلطانه بالنمره حبيبتي اتصلي مره ثانيه :eh_s(14):

 

[بـــطوووطه]

بصراحة تسلم ايدينكم كلكم

خاصة صاحبه الموضوع والمميزة المشرفه قمر وكل البنات اللي حطو اطباقهم

انا قبل استحي اعزم احد ما اعرف ولا شي الحين ان شاءالله بسوي الاطباق وبعزم عندي
تسلمووووووووووووووووووون جزاااكم الله كل الخير

 

[<< أزيان >>]

بصراحة تسلم ايدينكم كلكم

خاصة صاحبه الموضوع والمميزة المشرفه قمر وكل البنات اللي حطو اطباقهم

انا قبل استحي اعزم احد ما اعرف ولا شي الحين ان شاءالله بسوي الاطباق وبعزم عندي
تسلمووووووووووووووووووون جزاااكم الله كل الخير

مشكوره حبيبتي عالكلام الطيب

والله يرزقج بالذريه الصالحه يارب عاجلا غير اجل

 

[بـــطوووطه]

مشكوره حبيبتي عالكلام الطيب

والله يرزقج بالذريه الصالحه يارب عاجلا غير اجل

بارك الله فيج وعسى الله يتقبل منج وفي ميزان اعمالج ان شاءالله ولا يحرمج الاجر بالدعاء او بالمساعده ويرزقج كل ما تمنين :tek:

 

[خوية الذيب]

ممكن طلب ابيكم تعلموني شلون اسوي عيش ودياي لشخصيين تعودت على خدامتي تسوي ابي انا اسوي

 

[<< أزيان >>]

بارك الله فيج وعسى الله يتقبل منج وفي ميزان اعمالج ان شاءالله ولا يحرمج الاجر بالدعاء او بالمساعده ويرزقج كل ما تمنين :tek:

مشكوره حبيبتي ويزاج الله الف خير

 

[<< أزيان >>]

اليوم يايبتلكم طبق



اذا شفتوا شكله بتخترعون



وتقولون لالالالالالالالالالالالالالالا ماركيه صعب علينا




وردي عليكم راح يكو لالالالالالالالالالالالالالالالا طبعا




لأنه اسهل من السهل




واللي تعرف تسوي قرص بيض




راح تضبطه وبجداره بعد




انتظروني اروح انزل الصور




وراده

 

[<< أزيان >>]

طبقنا راح يكون



خبز صاج


اي صاج لاتخترعون



ولاتمصخونها بشوف تجاربكم ولا ترا بحاربكم



:eh_s(14): ماينفع معاكم الا التهديد <<<< تكفين بيموتون اذا حاربتيهم :dddds:


شوفوا الصور يمكن تغريكم شوي

تعالوا شوفوا الطريقه ولتفاصيل اكثر تفضلوا بالموضوع الاصلي

وهذا الرابط


http://www.q8yat.net/showthread.php?t=400299


مقادير العجينه


1ونص كوب طحين + نص كوب زيت + 1 ملعقه ك خميره + 1 وربع كوب ماء + 1 ملعقه ك بيكنج باودر

3 ملاعق حليب بودر + 1 بيض + ذرة ملح + 1 ملعقه وسط سكر





الطريقه

تخلط جميع المقادير بخلاط العصير ماعدا الطحين يخلط بعدها بالعجانه او بالملعقه اذا ماكانت متوفره

نحضر تاوه ( مقلى ) ونضيف له القليل من الزيت بستخدام الفرشاة ويوضع مقدار ملعقة طعام من خليط العجين

ويوزع الخليط بطريقه سريعه بشكل دائري للعجينه مع مراعاة التحكم بالنار ماتكون حاره زياده عن اللزوم بمجرد وضع

العجين نوطي على النار ونزيد الحراره اذا احتاجت لأنها ماتاخذ وقت بالاستوا مثل البيض المقلي بالضبط

 

[<< أزيان >>]

ممكن طلب ابيكم تعلموني شلون اسوي عيش ودياي لشخصيين تعودت على خدامتي تسوي ابي انا اسوي

غالي والطلب رخيص راح اشرحلج الطريقه بخطوات بالارقام عشان يكون سهل عليج

شوفي حبيبتي نبتدي بالكميه اذا حابه تسوين ديايه وحده عليها كوبين عيش وتحتاجين بصل وثوم وفلفل اخضر وبهارات عدله

مثل فلفل اسود وورق غار ولومي ومسمار ودارسين وهذي تلقينها مخلوطه بالجمعيات اسمها بهارات البرياني

الطريقه

1_ نغسل الديايه ونظفها عدل ونفركها بملح وليمون وشوية طحين وفلفل اسود وخل ونخليها شوي على مانجهز باجي الشغلات

2- تقصين بصله وشرايح ثوم وفلفل اخضر وطماطه وتخلينهم على جنب

3- تفوحين ماي بجدر للدياي على مايطبخ الماي غسلي الديايه عدل ولي شفتيه طبخ قطي الديايه بالماي ولاتحركينها
خليها تغلي لحد ماتتجمع الرغوه البيضه لمدة دقيقه مواكثر شيلي الرغوه كلها بستخدام ملعقه كبيره

4- بعدين حطي الشغلات اللي قصيناها وهي البصل والفلفل والثوم وضيفي عليهم بهارات البرياني وملح وملعقه بهار الكاري وشوية كركم بودر وشوية كزبر بودر وخليها تغلي والمده من نص ساعه الى ساعه على حسب نوع الدياي بعد نص ساعه ضغطي عليها شوفي اذا استوت او يبيلها بعد

5- على ماتطبخ الديايه غسلي العيش ونقعي بماي واذا استوت الديايه طلعيها وشخلي الماي بس احتفضي في عشان نطبخ العيش بماي الدياي تاخذين ماي الدياي واذا احتاج زياده زيديه من ماي الفلتر وزيدي عليه ملح ورديه للنار يغلي مره ثانيه

6- اذا غلى الماي كتي العيش وخليه يطبخ وبعد دقايق اخذي من العيش وجربي اذا استوا نص استوا شخليه وردي الجدر على النار وحطي بقاع الجدر زيت اذا احتر الزيت شيليه وصبيه على العيش المشخول واهو داخل المشخال وقلبي العيش شوي شوي عشان لايتكسر وريه كله للجدر وصبي على الوجه ماي ورد وزعفران مع صبغ العيش عشان يعطي لون

7- الحشو = نحتاج كميه كبيره من البصل المقطع مكعبات صغيره يحمس في مقلى بدون زيت واذا شفتيه نشف رشي عليه ماي واستمري بهالحركه الى ان يتغير لونه ويصير بني حطي عليه زيت وشوية لومي وملح وتكونين ناقعه شوية كشمش ضيفيه عليه واذا تحبين تفوحين نخي مال الحشو تطبخينه بروح وتضيفينه للحشو

8- واخر شي نقلي الديايه ونحطها اهي والحشو فوق العيش

وبالعافيه عليكم ياقلبي

عطيتج الطريقه بالتفاصيل امانه اطبقينها وتقوليلي الاخبار اكيد زوجج راح ينبهر

ناطره تطبيقج حبوبه _03ba:

 

[suger_spice99]

تسلم الأيادي حددددددددددده عجيييييييييييييييييييب

 

[<< أزيان >>]

يسلمج ربي حبيبتي

 

[دلوعة روحي]

ماركية البطاط و الصاج شكلهم يشهي

بس رجيييييم

 

[<< أزيان >>]

دلوعه

حياتي انتي الله يعينج عالرجيم وماعليه ان شاء الله ضعفين بصحه وعافيه

وبعدين تبدين ادخلين هالاكلات شوي شوي جم كيلو حاطه ابالج تنزلين لووووووول

 

[دلوعة روحي]

5

اهوة المفروض 3

بس انا ابيهم 5

 

[<< أزيان >>]

5

اهوة المفروض 3

بس انا ابيهم 5

اشوا يامعوده مو اكثر لا ان شاء الله تنزلينهم بسرعه وبعدها حافظي على اكلج _03ba: