OoOoO تجمـع قسـايـم صبــاح الاحمــد OoOoO / تم دمج المواضيع

[eman12]

السلام عليكم جاراتي العزيزات
امس ماشالله مريت منطقتنا ماشالله في بيوت احس اهلها ساكنينهم الله يهنيهم مع ان طلعت الدنيا ظلمه المكان موحش ظلمه

 

[روان_الكويت]

وعليكم السلام
يالله هانت مو يقولون شهر ٦ عالسنه بيفتحون الكهربا اظن الكل بيبلش تاثيث ويسكن
وهني نبدي قطاع دي
تعالو قريت ان بيفتحون مدارس عالسنه اليايه اتهقون صج صراحه ما اظن هالخبر صحيح

ماتدرون متى يسكنون الحكومه ؟؟؟

 

[مولاك]

مرحبا جارتي العزيزات انا بقطاع D2 قسيمه 194 وناطره اعرف احد من جاراتي المستقبليات علشان تشجعني ابلش بالمخطط فرصه سعيده روان الكويت انج بتكونين جارتي وبنفس القطاع يالله حيااا :ggdw::ggdw::ggdw::ggdw:

 

[روان_الكويت]

اهلين بجارتي العزيزه مولاك
قريبه منا انا قسيمه 130
مارحتي مكتب هندسي ؟ انا رحت لمكتبين وسويت خريطتين وعدلت عليهم بس ما سووينا عقد مع اي مكتب كانت الخريطه الاولى فلما بنبني ان شالله ماراح انطول بتلمكتب لانا عارفين شنو نبي
اول ما تفتح الكهربا وريلي يشوفها بعينه ههههه انشالله نروح لمكتب ونبدي بالجد
مو يقولون شهر 6 ننطر
مولاك ماشالله جارنا الي مجابلنا بنا الله يهنيه

 

[eman12]

السلام عليكم اشلونكم جاراتي العزيزات
انا يمكم بقطاع d5
الحمدلله حفرنا الارض وراح نبلش الصب من هالاسبوع
روان الكويت ومولاك نصيحه مني لكم بلشوا تروحون تجهزون الخريطه بروحها تاخذ منكم وقت في التعديل والبلديه تتطول علي اعتماد المخطط وسبق قلت لكم صاير باغلب مكاتب الهندسيه مشاكل بالاشراف ماعندهم مساحات لاخذ مواقع جديده وحطو ببالكم الاسعار قاعد ترتفع انا اقارن السعر بقسايم جابر الاحمد وغرب صليبيخات ترا اسعارنا تفرق عنهم وايد
لاتقولون تحبطنا بس قاعد اشيشكم تبنون

 

[روان_الكويت]

اهلين ايمان
والله كلامج يشجع بس شسوي بالي عندي ماراح يتحرك الا اذا شبو الكهربا يقول مو مستعجلين الي يبنون اغلبهم اجارات
انطر شهر ٦ مو قالو بيشبونها عشان نبلش ورا رمضان حوسه المكاتب انا عارفه شنو ابي لاني سويت الخريطه الاولى
انتو اي مكتب؟ وجم الخريطه العام كانت ١٢٠٠ الحين اكيد غلت

 

[eman12]

احنا الله يسلمج كانت خريطتنا مع الاشراف ب 1250 بس عقب مشكله المساحات الاشرافيه رفع علينا السعر واخذنا المخطط مع الاشراف ب 1850 دينار ومكتبنا المحيلان اللي بالجابريه

 

[eman12]

تو اشيك علي مواعيد معارض البناء في معرض بتاريخ 7/4/2014 الي 12/4/2014 بارض المعارض تنزل الشركات فيها عروض

 

[روان_الكويت]

صج يبيله روحه للمعرض عيل
مشكوره انج قلتيلنا حياتي

 

[روان_الكويت]

اب اب اب

 

[روان_الكويت]

التجمع صاير ميت مو نفسه قبل

بدت الصجيه الحين اين انتم ؟؟

 

[eman12]

صباح الخير اشلونكم جاراتنا العزيزات
اختي روان لا تحاتين نقطع ونرجع مانستغني
انا الحمدلله بلشلنا بالصجيه صح
وبلشنا بالبنيان الله يسهل امورنا وامور الكل يااااااااااااااااااااااااااااااااارب
بس شعور حلو لما يحفرون ويصبون الصب الاساسي وعيالي فرحتهم موسايعتهم كل منهم يسال وين غرفتي

 

[روان_الكويت]

اهيلن بجارتنا ايمان
انا مجرد فكرة اني حفرت الارض ابتسم لا شعوريا هههه
فمابالج بالصجيه
كل مارحنا الوفره لازم نمر ارضنا ونشوف منو بنا عشان نتشجع ماشالله الحين قطاع d بدو يبنون جارنا الي مجابلنا بنا
رفيجتي راحت لمكتب الزبيد ٣ ادوار تقول قالهم ب ١٣٥٠ مع الاشراف
انا خاطري يمكتب عبالكريم العنزي الي بالاوقاف المهندسه دعاء شاطره وعندها افكار
وبمر الزبيد ونشوف على شنو نستقر

اول ما اخلص اوحامي بنبلش بالخريطه ونبني

 

[روان_الكويت]

اب اب

 

[روان_الكويت]

اب اب

 

[كارلوفي فاري]

يا بنات ياحلوات. شصار عليكم. ليش هاجرين التجمع. انا للحين ماسوينا اي شي مجرد التخطيط وللحين نعدل. ومترددين بشغلة السردااب. نبي تجاربكم. والحسبه كم بعد ارتفاع الاسعاار.

 

[eman12]

صباح الخير ياحلوين
الحمدلله امس صب الاعمده للبيت ليش قمنا نروح كل يوم تقريبا زوجي يهون علي يقولي شوفي الجو حلووووووووو
والنحل والفراشات تحوس هناك ربيع
الحمدلله صاجه روان الكويت لما تبلشين حفر تحسين بشعور غريب وناسه لان بيتحقق حلمج ببيت كامل لج وخوف من الاوضاع والمكان وربكم يسهل الامور انشالله

كارولوفلي حبيبتي تدرين ويكند والاغلب يكون لاهي
بس انا اكلمك دايم بالدوام
يالله سوالفكم ياحلوين

 

[كارلوفي فاري]

الله يبارك لج ويتمم عليكم بخير يااارب
احنا للحين مترددين بالسرداب. والسبب دوانيات زوجي. التخطيط صار ٥٠٠ الارضي. ومابقى حوش وصالاتي مو كبار حيل. فهذا اللي خلانا نبي السرداب. بيتنا مساحتا بالطول ٣٠ زوجي ماخذ ١٠
وانتوا شرايكم. السرداب يقولون بياخذ فلوووس واحنا نخاف مانقدر عليه. وهم راح نحط ثلاث ادوار على مانسكن كلها كم سنه باذن الله وولدي على وجه زواج

 

[كارلوفي فاري]

الله يبارك لج ويتمم عليكم بخير يااارب
احنا للحين مترددين بالسرداب. والسبب دوانيات زوجي. التخطيط صار 500 الارضي. ومابقى حوش وصالاتي مو كبار حيل. فهذا اللي خلانا نبي السرداب. بيتنا مساحتا بالطول 30 زوجي ماخذ 10
وانتوا شرايكم. السرداب يقولون بياخذ فلوووس واحنا نخاف مانقدر عليه. وهم راح نحط ثلاث ادوار على مانسكن كلها كم سنه باذن الله وولدي على وجه زواج

 

[eman12]

كارلوفي تسلمين ياقلبي , حبيبتي البيت 3 ادوار تسليم مفتاح يكلف 125 الي 130 الف وزيدي عليها السرداب والمكاتب الهندسيه تفيدج اكثر بالسعر انا عطيتج بالتقريب علي السعر اللي قايلينه لنا والله يبلغج بوليدج يارب