OoOoO تجمـع قسـايـم صبــاح الاحمــد OoOoO / تم دمج المواضيع

[أسولة]

السلام عليكم بنات يعطيكم الف عافيه انا بقطاع بي 2 قسميه 195 وريلي من قبل 3 اسابيع تقريبا حط خيمه وقعدة لنا شراع لي رحنا وقدنا وانا اليهال منو يمي بنفس القطاع ولن شاء الله باجر باذن الله راح انحفر والله كريم يارب ويسهل أمورنا جميعا ً

 

[روان_الكويت]

وعليكم السلام
مبرووك عسوله الحفار عقبال ما تسكنونه على خير
انتو السابقون ونحن اللاحقون بإذن الله

تواقه ماشاء الله حوشج كبير حيل عليج بالعافيه
انا ماودي اكبره حيل ودي داخل البيت يكون راهي

ايمان الله يتمم عليكم وتخلصونه بكل سهاله وتسكنونه بالبركه وعقبالنا يارب

 

[كارلوفي فاري]

زين يا بنات بالمخطط الارضي مساحته ٥٠٠ وومابقى لنا حوش بس ممرات ١،٥ والعرض نال البيت. ومن جدام البيت مترين تهقون وين راحت مساحة البيت ١٠٠ ماني فاهمة

 

[روان_الكويت]

كارلوفي انت المترين لازم بوجه البيت للخدام حاولي تزيدينهم مترين خل يصير ٤ حلو
مساحاتج ضايعه عالدوواين
لاحظت هالمنطقه الريايل حيل طاغين يحطلج ديوانيه جنها صاله افراح ومقلط اشكبره
ريلي حاط بس بالحجم المعقول مثلا مقلط ٤*٦ والديوانيه ٥*٩ او ٥*٨
انا اشوفهم اكبار لاكن الي قريت مساحاتكم تعتبر خياليه
ومساحه بيتي ٢٠*٣٠ فدوواوينه بالطول مو العرض لان الواجهه حاطه فيها ٣ شغلات
يوم حطيت صالاتي ثنتين مفتوحات على بعض بعرض البيت صراحه طلعو حيل حيل كبار هذول شيأثثهم والناس مو عندي كل يوم وحطيت ماستر تطل عالحوش
والديواوين محتاره احط المطبخ ولا المعيشه معاهم
شنو اقتراحاتكم ؟

 

[كارلوفي فاري]

والله احنا الظاهر ضايعه علينا المقاسات. شكلنا لازم نروح المنطقه ونشوف احسن

 

[روان_الكويت]

كارلوفي مساحه بيتج تحت ٥٠٠
ال ١٠٠ راحت عالممرات والمترين الي جدام لان متر ونص على طول البيت يطلع الطول ضرب العرض
اذا منتى حاطه سرداب قللي مساحه بنيانج خليه ٤٥٠ وهالخمسين كبري الحوش فيها

 

[كارلوفي فاري]

هذا اللي قاعد نفكر نسويه بس الله يهدي زوجي بس ويخفف هالمساحه الضايعه. والسرداب شكلي بهون عنه خصوصا لما قال زوجي راح احط دوانيه للعزايم بالسرداب ولا له نيه يغير من اللي فوق. معناته باستخير

 

[روان_الكويت]

ههههههه حلوه يبي ديوانيه ثالثه بالسرداب امبيه طماع
الله يخليكم لبعض ويهديه لج
انا لو علي ديوانيه كافي مو ثنتين يقولون وجهه الريال ديوانيته والمره صالاتها

 

[تواقه للجنه]

انا حاطه مساحه للبنيان 400 تكفي وتوفي نصيحه لاتكلفون على عمركم المساحه حلوه و500 بنيان واجد انا حاطه حوش 130 متر وزوجي حط حوش للدوانيه 40 متر غير حسبي الممرات وهذا وانا صالاتي راهيه وحده سبعه ونص بعشره وحده سبعه ونص بخمسه ونص والمغالسل وحاطه مساحه ثلاثه ونص باربعه غرفه طعام مفتوحه على الصالات وحاطه غرفه معيشه اربعه بسبعه ومعاها حمام وغير مسويه مطبخ اربعه بخمسه تحضيري ومطبخ خارجي للطبخ مترين بمترين ونص وغرفي النوم راهيه

 

[تواقه للجنه]

نصيحه كارلوفي لاتسوين سرداب ديوانيه لانه باجر يقول صوت الجواتي وصوت مادري شنو كله فوقهم

 

[تواقه للجنه]

كارلوفي انت المترين لازم بوجه البيت للخدام حاولي تزيدينهم مترين خل يصير ٤ حلو
مساحاتج ضايعه عالدوواين
لاحظت هالمنطقه الريايل حيل طاغين يحطلج ديوانيه جنها صاله افراح ومقلط اشكبره
ريلي حاط بس بالحجم المعقول مثلا مقلط ٤*٦ والديوانيه ٥*٩ او ٥*٨
انا اشوفهم اكبار لاكن الي قريت مساحاتكم تعتبر خياليه
ومساحه بيتي ٢٠*٣٠ فدوواوينه بالطول مو العرض لان الواجهه حاطه فيها ٣ شغلات
يوم حطيت صالاتي ثنتين مفتوحات على بعض بعرض البيت صراحه طلعو حيل حيل كبار هذول شيأثثهم والناس مو عندي كل يوم وحطيت ماستر تطل عالحوش
والديواوين محتاره احط المطبخ ولا المعيشه معاهم
شنو اقتراحاتكم ؟

اختي روان انا نفسج 20 في 30 بالعكس الصاله حلاتها راهيه وحده خليها بالطول ووحده بالعرض كلمه محد يجيني اسمعها شكثر ليش محد يجيج بيجونج اهلج وجيرانج وحق استقبال اعيالج وبتجيج المناسبات ان شاء الله وبعدين وحده كبيره للستقبال والثانيه خليها استقبال بس تصلح للاستخدام العائلي زالله يوفقكم بالي فيه الخير لكم

 

[روان_الكويت]

اهلين تواقه لا ابشرج صالاتي كبار الحمدالله وحده كبيره هي الي بتطلع لي السور يمكن ٦ ب ٩ او ١٠ والثانيه بتكون اصغر القياسات مو عارفتها عدل لاني غيرت بالمخطط والحمام والمغاسل بالصاله الكبيره
وداخل معيشه همن كبيره مو اقل من ٤ او ٥ في ٧ وبتطلع لي غرفه ماستر مثل منتو عارفين ضروريه لنفاسج او بناتج بالمستقبل
حماتي ولدها انكسرت ريلها قام ينام تحت تقول اشوه اني حاطه غرفه زايده تحت هم في مدينه جابر فمهمه هالغرفه

 

[روان_الكويت]

ومطبخي ابيه كبير وفيه غرفه جوله ومخزن غرفه الجوله ٢ في ٣ ونفسها المخزن
هاذي عشان الطبخ اليومي

بنات انا حاطه بابها داخل المطبخ قالولي حطي بابها عالحوش مادري احترت

المهم عندي ان مطبخي ابيه من النوع للغالي الزين الي فيه جزيره وجوله سيراميك وفرن ومكرويف الي لازقين بالكبت
من الحين قاعده اجمعله داشه جمعيه واذا خلصت بدش غيرها ان شالله

 

[روان_الكويت]

الله يهنينا في بيوتنا

ريلي يوم قعد يحسب يقول يمكن ابني دورين ىيمكن يحط ميزاييك مع انه انفضل السجما احسن واحلا بس هذاك ارخص

 

[كارلوفي فاري]

الله يتمم لكم على خيير. وباشوف شيصير على المخطط وابلغكم

 

[روان_الكويت]

اهلين كارفولي
انت اي مكتب
اذكرج قبل سألتي عن مكتب عبدالكريم العنزي هل هو هذا مكتبكم؟؟
جيناهم قبل حيل شاطره المهندسه دعاء ماشالله احتمال كبير نسوي عندهم

 

[كارلوفي فاري]

لا والله احنا مكتب دار سالم مشهور باسم الشنيتير المهندس متفهم بس مشكلته يتاخر وماخذ الامور وحده وحده
كل دور بروحه ومايبي ينتقل للي بعده الا لما يخلص اللي تحته

 

[روان_الكويت]

اهلين كارفولي
صج الشنيتير الي بحولي ؟؟ رحت له اول مكتب عند المهندسه هاله صراحه ماتعطي افكار لازم تعدلين شكثر عكس مكتب العنزي

حماي وحماتي الحين عنده بيبلشون يبنون اظن حفروا او على وشك

 

[كارلوفي فاري]

مرحبا ياحلوات. اغلى حبيبه سوت تجمع على الواتس اب. اللي حابه تنطم توسل لي على الخاص رقمها. ازره لاغلى حبيبه تضيفها بالواتس اب معانا. هي مو قادره تحصل ارقامكم. لانه المنتدى يعلق معاها. وسكراا. بس انا عن نفسي ماراح اهجر هذا التجمع لانه من هالنقطه بدئنا وهنا ننتهي. فاللي حابه تكمل معانا بالمنتدى حياها الله

 

[تواقه للجنه]

بنات المنتدى الاخت اغلى حبيبه سوت تجمع بالواتس اب حياكم انضموا للتجمع الجديد ارسلوا ارقامكم على الخاص لي او لاغلى حبيبه للدخول