0000 تجمع اللى يعالجون عند الفريق البلجيكي000

[اميرتك]

بنات الدكتور فاطمي موجود الحين والا اجازه

الدكتور موجود اذا تبين تتاكدين دقي عليهم احسن

 

[وليدي وينك]

مشكوره حبيبتي جزاج الله خير

 

[kitty eyes]

مساء الخير

شلونكم بنات

عسى الله يكتب لكم اللي فيه الخير

اللهم امين

 

[رمز الموده]

رمز تقدرين تاخذين موعد بسرعه اذا تبين بنفس الاسبوع وتقدرين تدقين وتسالين منو موجود لان حفصه داومت توها من الاجازة مدري عن فاطمي اذا يبي ياخذ دقي واسالي

مشكوووره حبيبتي حلوومه ربي يرزقج يااااارب

لا انا ابي حفصه رغم ان زوجي صفر بس باحتسب الاجر والله كريييم :yaaaaaarb:

 

[حلمي الأمومة]

الله يرزقج رمز ويفرح قلبج

حفصة توها مداومة يوم الاحد 10/ 7

تحصلينها اكيييد

 

[kitty eyes]

اب اب

 

[شيخه و طيبه]

السلام عليكم بنات فردا فردا

كيتي ايز عسى ربي يتمم عليج

خن اقولكم على اخر التطورات اللي صارت لي

رحنا حق دكتوره حفصه هالاسبوع على اساس نسوي الحقن برمضان

و بما انه زوجي عنده انعدام بالحركه و اخذ دوا عاد التحليل و هني الصدمه

العدد نزل من ٤٥ لي ١٧ مليون و الحركه تحسنت شوي بس للحين تعتبر سيئه و الصدمه كانت بالأشكال الطبيعيه كانت صفر ٠٪

و الصدمه الاكبر انه الدكتوره طلبتلي منظار على رحمي من تحت تقول اشعة الصبغه فيها شي وابتأكد قبل لا نبدا باجراءات الحقن المجهري

و قررت لي المنظار هالشهر و بعدها نشوف شنو يصير و تقول المظار زين يهيج الرحم لاستقبال الاجنه والله العالم


و من ذاك اليوم و انا ما أقول الا الحمدلله يارب له حكمه سبحانه

بس اني خايفه من البنج و عوار المنظارلانه يوم اشعة الصبغه ماخذيت بنج بس بغيت اموت و ما خليت الدكتوره اطول و بعدها اغمى علي و يومين و انا بطني مغص و شاد ما نفع معاي الابر و الحبوب

يارب يطلع رحمي سليم و مافيه شي تكفون ادعولي بنات

 

[kitty eyes]

هلا والله شيخة

ان شاء الله يطلع رحمج ما فيه شي

ترى انا سويت قبل التلقيح منظار وسويته ببنج موضعي

والحمد الله سهالات

عوار شي بسيط نفس مغص الدورة

ودقايق وانتي خالصة

عسى الله يكتب لج اللي فيه الخير

 

[Dodo80]

حبيبتي انشاء الله سهالات وطمنينه وشنو يصير معاج

لاني انشاء الله بعد رمضان راح اسوي انابيب عندهم الله يرزق الجميع بفضل شهر رمضان الكريم​

 

[اميرتك]

بنات اشلونكم الحمدالله رجعولي اجنه من الدرجه الاولي هذي المحاوله رقم 8 ان شاء الله تنجح و ربي يكتب لي الخير ربي لا تذرني فردا وانت خير الوارثين والله يرزق الجميع

 

[kitty eyes]

ان شاء الله يا امورة تنجح بتوام

وتفرحين بنتيجة التحليل

اللهم امين

 

[روج كرزي]

شلونكم بنات عساكم بخير ؟ شلونج كيتي آيز وشلون الحمال معاج ؟ عساج بخير ,,, انا اشبك من ايفوني وقطعت وصلة النت حقت الابتوب ومايكتب بس اقدر اقرأ والا ودي اشارك وياكم ,,, وكل يوم اتطمن عالبنات وافرح اذا وحده حملت ,,, يارب يهون علينا اجمعين ويسهل ولادتنا ...

 

[kitty eyes]

اهلين روج شلونج وشخبارج مع الحمال

ها الحين جم لج وعند منو بتولدين

عسى الله يتمم علينا كلنا

يرزق باقي بنات التجمع

 

[اا جود الحزن اا]

خرعتوني من المنظار
انا مافيني شي
بس الدكتوره قالتلي احتمال تسويلي منظار وصبغه
بس جد خرعتوووووني .. ودي أبچي 
موعدي يوم الاربعا وان شاء الله مايحتاج لا منظار ولا صبغه

وبسوي العمليه بعد رمضان بإذن الله

 

[kitty eyes]

هلا والله جود

ها شصار على موعدج

واحنا ما نخوفج من المنظار

انا قاعدة اقول اني سويته ببنج موضعي وسهالات

المه بسيط وتقدرين تتحملينه حتى الاشعة سويتها بدون بنج

الله يرزقج ان شاء الله

 

[بنت السلف]

بناتى بسالكم


انا واعدتني الدكتورة باعادة العملية مره ثانيه الشهر الياي ان شاء الله


بس انا خايفه لان الخطوه اليايه غير


تدرون ليش ؟؟؟














لان من الحيوانات المجمدة وحدي متردده في احد سوي من الحيوانات المجمدة وحملت ؟؟؟؟؟؟؟؟؟؟؟؟؟؟

 

[kitty eyes]

اهلين اختي

ما عندي خبر بالحيوانات المجمدة

وان شاء الله ربي يرزقج ويقر عينج بشوفتهم تارسين عليج البيت

 

[روعة البراءة]

الله يرزقكم جميعا وتفروحون بالحمل الثابت السليم وبالتوائم السليمين يارب
اللهم أمين

 

[بنت السلف]

جزاكم الله خير بس اتمنى من اللي عندها علم او تجربه تفرحنا

 

[روج كرزي]

بنت السلف قصدج اجنه مجمده ,,, اشكثر حملو على الله ثم عليها ,,,,
كيتي آيز شلونج ؟ وشلون حملج بأي شهر وشنو جنس الجنين الله يتمم عليج وعلي ,,, انا بالخامس ...