0000 تجمع اللى يعالجون عند الفريق البلجيكي000

[kitty eyes]

مرحبا بناااااات
شلووونكم عسى ربي يرزقني ويرزقكم كلكم ياخواتي بهالشهر شهر الخير والبشاره الطيبه اللي تفرح قلوبكم

اختي كيتي من زمااان اشوف وحيل والله فرحتلج اختي عسى يااااارب يثبته لج وتولدين بالسلااامه يارحيم ياكريم

انا حالة زوجي صفر وصارلي تقريبا 3 سنين وعقب سنتين حللنا وجذي وطلعت صفر رحنا الاردن وعلى طول قالووا بنشوووف نسوي شق يمكن نلقى المهم طلع ماكو شي
عاد الحين عطااه بس حبوب حبتين باليوم يعني احس للحين ماتحركنا ولاسوينا شي وبعد الرمضان راح يبلش عسل مع طلع النخيل هذا حاليا اللي راح يسوويه والله كريم
انا سمعت انه حيييل غالي الفريق البلجيكي وسالفة على حساب الحكومه تطول واصلا زوجي كلش مايفكر فيهاااا
ما يبي احد يدري
الله يرزقنا يااارب ويفرح قلووووبنا

بس اختي كيتي ماقلتي شنو كانت حالة زوجج؟صفر او شنوو
وعند منو تعالج ؟
والله يعطيكم العافيه يابنات ماقصرتوا

هلا حبيبتي

انا وزوجي ما فينا شي والسبب مو معروف

صار لي 8 سنين ما حملت فيهم

والحمد الله

واحنا ترى بلشنا علاج ومحد يدري فينا حتى العلاج سويناه على حساب الحكومة

واقضو حاجتكم بالكتمان

والحمد الله اللي رزقنا

ويارب يا كريم يرزقج ويرزق باقي البنات

 

[شيخه و طيبه]

السلام عليكم بنات

شلونكم مع رمضان

شلونج كيتي ايز بشري عنج

شلونج نف نف 22 ، ابشرج الحمدلله الحين انا شوي احسن و النفسيه نوعا ما استقرت و اذا ما استقريت نفسيا ابهاالفتره ابأجل العلاج لين احساني مستعده ، لاني وايد خوافه و على طول اتحلم بالعمليه من كثر ما فاكر و الله كريم



وين باجي البنات غزل و زوارة خميس و دودو و روج ليش قطعتوا يا بنات بكم وحشه و نبي نستفيد منكم الله يتمم عليكم يارب


بنات عندي اسأله وايد ابحاول ايمعهم و اللي سوت العمليه و انجحت و تقدر ترد علي و تفيدنا اكون لها شاكره و الله يجزاها خير مقدما

 

[كول سلو]

للرفع

 

[صبا 76]

اب اب اب

 

[نف نف22]

شيخه وطيبه الحمدالله انج صرتي احسن وتذكري انها خيره لج شلون الدكتوره حفصه معاج ارتحتي معاه ولالا وناويه تسوين عندها ولالا وانا انشالله بسويها عندها بأذن الله

 

[شيخه و طيبه]

هلا نف نف شلونج شخبارج ؟

الحمدلله انا مرتاحه عندها وايد بس في شي واحد ازعجني بالفتره الأخيره ان لما اروح موعدي ابقعد اكلمها على راحتي تكون عجله و ما افهم شي و انا بنفس الوقت عاذرتها مسكينه عندها شغل وايد الله يعينها و يوفقها و للأمانه اهيا دكتوره فاهمه شغلها وايد ماشاء الله و مو ماديه نفس بعض العيادات


خن اقولج و اقول للبنات ابستشيركم ، انا قبل شهًر كنت اببلش علاج وقعدنا مع الاستشاريه اللي تشرح لنا ، بس طبعا بعدها هونت و ما بدينا عشان حالتي النفسيه و هالشيء بنصيحة دكتوره حفصه شافت حالتي سيئه و قالتلي احسن لج أجلي تقول انا خايفه عليج اخاف ما تنجح العمليه و ما تحملين و يحوشج اكتئاب او انهيار عصبي و موزين حق صحتج و حق بويضاتج قالتلي اهم شي النفسيه و انا أجلت الي أجل غير مسمى


بس في شي لفة انتباهييي وايد ابقولكم عنه و عفيه اللي سمعت باللي ابقوله تقولي لاني حاسه الموضوع فيه انه
اول شي الاستشاريه قالتلي راح نبدى معاج بالبرنلمج الطويل اللي اهوا قطره او بخاخ كل 3 ساعات بخه بجهه و بعدها بعشرين يوم منظار يعني عاشر يوم من الدوره و بعدها بجم يوم نبدى منشطات لمدة عشر ايام و السحب و بعدين الترجيع و الغريب جدا جدا جدا انه كانت تقولي انه الترجيع راح يصادف يوم دورتي بس طبعا مراح تنزل لانهم بيكونون متحكمين ابكل شي ،

بنات انا وايد مستغربه شلون الترجيع يكون ابموعد قريب من الدوره او بيومها انا اللي اعرفه انه البنات لا صار موعد دورتهم الياي يكونون نحللين و طالعه النتيجه ، و اغلب البنات ياخذون منشطات من ثاني يوم انا قالتلي لا انتي غير عشان مخزون البويضات قليل


و هذا البرنامج نفسه مراح تغيره لي لو فكرت ابلش
والله يهدي بالي و يريحني من التفكير

 

[شيخه و طيبه]

امبيه طوفوا البدليات قاعده اكتب من الايفون

 

[نف نف22]

هلا حبوووووبه شيخه وطيبه اي والله شهادتي بهالدكتوره مجروحه حييييييييل حبوبه وصح غير ماديه انا ارتحت حيييل لها وحتي زوجي ارتاح قال غير عن الدكاتره حسستني انها مو دكتوره كلش جم قالتلج طفل انبوب انا للحين مارحت حق الاستشاريه وانا انصحج بس ترتاحين ونفستج ترتاح بلشي على طوووووووووووووول والله يكتب اللي فيه الخير والصالح امين ولا اعرف شي عن طفل الانبوب كلش وانا حييييييل خوافه نفسج واحااااااتي العمليه

 

[عسولةريلي]

السلام عليكم حبيباتي
أرجوكم أن لا تبخلوا بالرد عليي
انا سويت أكثر من عملية طفل الانبوب
ولم تنجح أي وحدة فيهم الحمدالله على كل شي :yaaaaaarb:
والحين نويت أسويها عند كتوره ماجدة دميخ بمستشفى ريال حياة
تحت أشراف دكتور الفاطمي من الفريق البلجيكي
وسؤالي هو :bbbiu:
في احد من الاخوات أو من معارفكم
عالج عندها أو عملت لهم عملية تلقيح
بمعني أرجوكم ساعدوني اعالج عندها ولا لألألأ
:eh_s(11)::eh_s(7)::eh_s(7)::eh_s(7)::eh_s(11):​

 

[kitty eyes]

هلا والله شيخة

شلونج حبيبتي

البرنامج اللي قالتلج عنه نفس البرنامج اللي اتبعته


انا دورتي كانت 20/1

وبلشت قبلها باسبوعين بالبخاخ

وبديت الابر 9 يوم الدورة

واستمريت ليوم السحب بتاريخ 14/2

والترجيع كان 19/2

يعني بموعد دورتي

والحمد الله

اللي كتب الحمال وعسى يثبته لاخر شهر اللهم امين

ويرزقج نفسي

يعني لا تحاتين اهم يدرون شنو قاعدين يسوون

والله يهدي بالج ويوفقج ان شاء الله

 

[kitty eyes]

السلام عليكم حبيباتي

أرجوكم أن لا تبخلوا بالرد عليي
انا سويت أكثر من عملية طفل الانبوب
ولم تنجح أي وحدة فيهم الحمدالله على كل شي :yaaaaaarb:
والحين نويت أسويها عند كتوره ماجدة دميخ بمستشفى ريال حياة
تحت أشراف دكتور الفاطمي من الفريق البلجيكي
وسؤالي هو :bbbiu:
في احد من الاخوات أو من معارفكم
عالج عندها أو عملت لهم عملية تلقيح
بمعني أرجوكم ساعدوني اعالج عندها ولا لألألأ

:eh_s(11)::eh_s(7)::eh_s(7)::eh_s(7)::eh_s(11):​

هلا والله

شوفي حبيبتي انا عمليتي سويتها عند فاطمي وحفصة

والحين مراجعاتي عند الدكتورة ماجدة

بصراحة هي انسانه خلوقة بس باااااااااااااااااااااااااااااااااردة


فما ادري عن علاجها بالانابيب

ليش ما تعالجين عند فاطمي او حفصة احسن لج ؟؟؟

 

[عسولةريلي]

أشكرج أخت kitty بس لما رحت عندها ما قالت شي قالت لي رحي عند الفاطمي وخاصه أنا كنت فاتحه ملف عنده بس ما كملت لانا موعد عمليتي بالصباح كانت بعد شهرين قلت اسوي بالصباح و أذا ما انجحت ارد عند الفاطمي بس قلت اروح عندها أشوف شتقول حقي
واهي قالت روحي لفاطمي بس انا قلت ابيج انت وألحين متردده وايد
وراجعتها أمس وقالت ما عندها مانع تقعد معاي ومع الفاطمي علشان خطه العلاج لنها قالت انها تراجع بكل شي وراح تسأله بعد بعني تحت أشراف الفاطمي
أشرايج اكمل ولا أحول عند الفاطمي موعدي معاها نص شهر 9 ​

 

[kitty eyes]

والله انا اقول كملي مع الفاطمي احسن


لانه هو الاساس وكلهم يرجعون له

ولما تكونين مريضته افضل

والله يكتب لج اللي فيه الخير

 

[Dodo80]

بنااات انا بعد رمضان انشالله راخ اسوي انابيب عند فاطمي وخايفه حيييل انه ماتنجح العملية وراح نفسيتي تتعب عفيه بناات منو سوت عنده طفل انابيب وانجحت

 

[catchy_nano]

السلام عليكم بنات
انا راجعت الدكتور فاطمي بتاريخ 16/6 وكانت علي الدوره وعلى طول قال اسوي لج سونار
وطبعا كان عندنا تقارير زوجي لان المشكله فيه وغير جذي اهوا كان متزوج قبل ومسوي 4 مرات عملية طفل انابيب بس ما نحجت
المهم قالي شنو راح يكون العلاج وعطاني موعد حق الاستشاريه بعدها باقل من اسبوع واهيا بينت لنا طريقة العملية
اول شي بلشنا بخاخ كل 3 ساعات 6 مرات باليوم لمدة اسبوعين
بعدها ما شفت الدكتور فاطمي
وكانت الدكتورة حفصه اهيا اللي تسوي السونار وتوصفلي الابر ليش مادري
اول شي عطوني ابر ميني بيور لمدة 5 ايام عباره عن 3 بورد مع 1 مل ماي اخذها بالبطن مره يمين ومره يسار
وبعدل التحليل والسونار عطمي نفس الابر بس 5 بودر مع 1 ونص مل ماي ومع استمرار البخاخ
وبعدها عطتني 3 ايام ابر نفس اول مره 3 بودر
وبعدها شفت الدكتور فاطمي طبعا وقالي الساعه 9 بليل ابرة التفجير وكان اول يوم رمضان و3 يوم رمضان كانت عملية السحب والمفاجأه ان الدكتوره حفصه اللي سوت العملية مو الدكتور فاطمي وقالت لي الحمدلله سحبو 14 بويضه وبعدها ب 5 دقو عشان عملية الارجاع وهني ريلي قالهم انا طالب الدكتور فاطمي ليش يعني تييبون الدكتوره حفصه وشوي لا دش علي الدكتور فاطمي
طبعا دكتور الاجنه وراني الاجنه وقالي انهم خذو 11 بويضه و9 اذا تبين راح ندق عليج عشان عملية التجميد وقالي ان حالة الاجنه اللي بيردونهم ممتازه
اللي صار ان ماثبت الحمل والحمدلله على كل حال وكان موعد التحليل بتاريخ 21 /8
ملاحظات :
الدكتوره حفصه احسن بوايد من الدكتور فاطمي تكلمج وتريح بالج وترد عليج وانا كنت خايفه وايد ووايد اسالها واهيا ترد علي واهيا تضحك وكنت مرتاحه معاها وبعملية الارجاع الدكتور فاطمي زين كلف على روحه ولبس تسوس ومادري ليش حسيت ان سوا اي شي والسلام وقالي استمري عالبخاخ لين يخلص ولمن طلعت السسترات قالو وقفي البخاخ وانا كملت عليه على كلامه
ما طلب حق ريلي تحاليل مع ان ريلي كان ماخذ حبوب فيمارا واعتمد على تحاليله القديمه اللي من سنة 2008
وطبعا توني ادري ان العطور و زينه حق الاجنه وانا طول الفتره طايحتله رش زين ما تسبحت فيه بعد

والحمدلله على كل حال

 

[catchy_nano]

اي وغير جذي ما دقو علي عشان تجميد الاجنه مع العلم اني عطيتهم 14 بويضه
و11 بويضه تم تلقيحها وال 11 كانو زينين

اذا الله كتب لنا عمر ان شاء الله ما راح تكون العملية اليايه عندهم

 

[عسولةريلي]

أحب أقولكم شغله مهمه قالت لي دكتوره ماجده دميخ
أنا سألتها عن البخاخ قلت أن الفاطمي قال راح اعطيج بخاخ
جان تقول البخاخ مو زين مثل حالتج العمر مثلاً وانا بعد مسويه عند الفاطمي تحليل مخزون المبايض والنتيجه 1.4 يعني ضعيف جداً والبخاخ راح يضعفهم لج أكثر
وقالت في بس ابر شنو اهمه مادري
بعد العيد راح اراجعها واشوف
بس قبل راح اصلي صلاة استخاره
الله كريم إن شاءالله احمل قبل موعد مراجعتها
ادعوووووولي بالحمل
​

 

[Dodo80]

أحب أقولكم شغله مهمه قالت لي دكتوره ماجده دميخ
أنا سألتها عن البخاخ قلت أن الفاطمي قال راح اعطيج بخاخ
جان تقول البخاخ مو زين مثل حالتج العمر مثلاً وانا بعد مسويه عند الفاطمي تحليل مخزون المبايض والنتيجه 1.4 يعني ضعيف جداً والبخاخ راح يضعفهم لج أكثر
وقالت في بس ابر شنو اهمه مادري
بعد العيد راح اراجعها واشوف
بس قبل راح اصلي صلاة استخاره
الله كريم إن شاءالله احمل قبل موعد مراجعتها
ادعوووووولي بالحمل
​

نفس نسبة مخزون مبايضي

عسوله عندج اطفال؟؟؟

 

[عسولةريلي]

هلا أختي Dodo80
لأ ما عندي اعيال
عمري 37 سنه وقاعده احاتي خايفه يضعف عندي مخزون المبايض
والعمر يمشي بسرعه
الله كريم يرزقني ويرزق كل محرومه​

 

[عسولةريلي]

هلا أختي
أنت عندج اطفال
​