0000 تجمع اللى يعالجون عند الفريق البلجيكي000

[kitty eyes]

هلا حبيبتي روج

شلون انتي بالخامس

انا بالسادس وانتي قبلي

انا الحين بالاسبوع 24

وقالولي بووووووووووووي ان شاء

وتوني اليوم خذبت ابرة الرئة

لان مشيمتي نازلة وخايفين من الولادة المبكرة

وانتي شقالولج ؟؟؟؟

 

[اميرتك]

ربي لا تذرني فردا وانت خير الوارثين

بنات سويت التحليل اليوم طلع ما في حمل الحمد الله

بس ابي اعرف نسبه النجاح والحمل عندهم مرتفعه

 

[kitty eyes]

الله يعوضج خير ان شاء الله

وهذي خيرة من ربج

والحمد الله على كل حال وعسى الله يرزقج ان شاء الله عن قريب

 

[queen2007]

يارب كلكم تحملون ان شاء الله ويفرح قلوبكم ياربي

 

[queen2007]

حبيبتي امانه 22
والله قريت كلامج ومت من البجي حرام عليج عورتي قلوبنا

يارب يهدي لج زوجج ويصخرة لج حبيبتي بقولج شي ترا المعطي ربج مو الدكاترة وان مع العسر يسرا

ياحبيبتي استهدئ بالله واقري كل ليله البقرة وسورة ياسين وادعي اللي بقلبج والله يا حبيبتي بتشوفين ربج حبيبج شلون يرزقج رزق ما تتوقعين ترا العلاج بسيط بس للاسف الناس ماتصمل وتصبر عليه وبسرعه تمله يا اختي انسي كل هالحجي هذا
وطلعي كل اللي بقلبج لربج واستمري لا تملين بتشوفين خير انتي ماراح تصدقينه وبادجر راح تفرحينا وتقولين

يارب يبرد قلبج باللي تحبينه انتي كل البنات اهنيه ويرزقكم بالذريه الصالحه يارب استجب مني هذا الدعاء لاحبتي في ظهر الغيب

 

[شيخه و طيبه]

السلام عليكم بنات

و مبارك عليكم الشهر

بغيت اسألكم , عفيه جزاكم الله خير اللي سوت العمليه ترد علي انا ابسويها الشهر الياي ؟

أول شي بغيت أسأل هل البخاخ صج يأخر الدوره أسبوع ؟؟ الدكتوره تقولي جذي لانه دورتي بتكون اول يوم بالعيد و الدكتوره بتكون مسافره و بترجع بعد العيد و مراح يضبط موعد العلاج قالتلي لا البخاخ يأخر الدوره اسبوع و بنبلش بعد العيد و انا حدي مستغربه

ثاني شي منو سوت منظار قبل السحب بأسبوع ؟؟
الدكتوره بتسويلي منظار من تحت تقول ضروري

و ثالث سؤال , ابر التنشيط من متى تاخذونها الدكتوره بتكتبها لي من 5 يوم دوره و انا حدي مستغربه من البرنامج مو نفس اللي يكتبونه البنات , و هرمون الحليب عندي مرتفع شوي و ما عطتني علاج تقول ما يأثر

و بعد ما عطتني فيتامينات و لا شي , قالتلي خلج على الفوليك اسيد و بس

عفيه بنات اللي سوت العمليه ترد على اسئلتي حدي محتاره

 

[kitty eyes]

السلام عليكم بنات

و مبارك عليكم الشهر

بغيت اسألكم , عفيه جزاكم الله خير اللي سوت العمليه ترد علي انا ابسويها الشهر الياي ؟

أول شي بغيت أسأل هل البخاخ صج يأخر الدوره أسبوع ؟؟ الدكتوره تقولي جذي لانه دورتي بتكون اول يوم بالعيد و الدكتوره بتكون مسافره و بترجع بعد العيد و مراح يضبط موعد العلاج قالتلي لا البخاخ يأخر الدوره اسبوع و بنبلش بعد العيد و انا حدي مستغربه

هلا حبيبتي بالنسبة لي ما اخرت الدورة بس راح يكون نزولها اخف


ثاني شي منو سوت منظار قبل السحب بأسبوع ؟؟
الدكتوره بتسويلي منظار من تحت تقول ضروري

اي انا سويته قبل عمليتي ونظفتلي الرحم وخفف سماكة بطانة الرحم



و ثالث سؤال , ابر التنشيط من متى تاخذونها الدكتوره بتكتبها لي من 5 يوم دوره و انا حدي مستغربه من البرنامج مو نفس اللي يكتبونه البنات , و هرمون الحليب عندي مرتفع شوي و ما عطتني علاج تقول ما يأثر

و بعد ما عطتني فيتامينات و لا شي , قالتلي خلج على الفوليك اسيد و بس

عفيه بنات اللي سوت العمليه ترد على اسئلتي حدي محتاره

عادي لو يبلشون بعدها انا بلشت بالابر بعد ما خلصت الدورة يعني تقريباً 9يوم والحمد الله

اهم مع السونار والمتابعة يقولون لج متى يبتدون

والله يرزقج ان شاء الله

 

[شيخه و طيبه]

يا بعد قلبي يا كيتي أيز عسى ربي يعطيج لين يرضيج محد مبرد جبدي بالتجمع الا انتي , الله يقومج بالسلامه امين يارب العالمين


بغيت اسألج كيتي , يعني نفس الشهر اللي بيسوولي فيه عمليه عادي ما تفحصني ثاني يوم دوره لأنه بيكون عطله و عيد يعني مراح تشوفني الا باليوم السابع و اهي مخلصه ؟؟ انا مستغربه كل البنات ياخذون ابر التنشيط من ثاني يوم ؟؟ و بغيت اسألج جم ابره عطوج على جم يوم ؟؟ اهيا قالتلي اللي عندهم مخزون التبويض نازل نتبع معاهم برنامج ثاني ’ غير انه زوجي نتيجته وايد ضعيفه و كل مالها و تضعف ربي لك الحمد
و أمس زفتني لأني وايد مكتئبه و صج فيني حالة اكتئاب بحياتي ماصارت لي و خايفه و احاتي حتى عصبت و قالتلي أجلي موضوع الحمال دام أنتي أنسانه مو مستقره , بس تعوذت من ابليس و قاعده احاول ما أفكر بالموضوع

 

[شيخه و طيبه]

تصدقون ما فصلت شي حق رمضان و قاعده ابيتي ابروحي ريلي مسافر و ما رحت حق أهلي و مصكره تلفوني مابي أشوف أحد و لا أكلم أحد أحس غاصتني العبره كل ما أشوف ياهل و الا أفكر بالعمليه انهار و أموت من البجي

مابي أصير ضعيفه بس موبيدي , يارب يرزقني الصبر و الايمان و يرزقني و يرزق كل محرومه و يرحمنا برحمته يا كريم

 

[kitty eyes]

لا حبيبتي هو عادي

لانها هي راح تتبع معاج العلاج المتأخر نفسي

انا خذيت الابر لمدة 9 ايام تقريباً

وان شاء الله المنظار ما راح يضر بالعكس راح يتهيأ الرحم

ولا تكتئبين ولا شي

ترى اهم شي النفسية هي اللي راح تساعد بالعلاج

خلج متفاءلة حبيبتي طلعي واستانسي بس لا تقولين لحد عن العملية وخلي كل شي بالكتمان

فرفشي حبيبتي ما يصير تعيشين بكآبة

 

[شيخه و طيبه]

قووووولي امين يا كيتي عسى ربي يرزقج سهالة الولاده و الذريه الصالحه المعافاه و يرزقج لين يرضيج و يرزق كل وحده بالتجمع و لا يخسر تعبنا و لا يحرمنا

و عساج تعودين رمضان و أنتي حامل بعد و بتووووائم امين يارب العالمين

 

[kitty eyes]

حبيبتي والله

ولج بالمثل اللهم امين

ويوم تفرحينا بخبر حملج ان شاء الله قريب

 

[وهــايب]

مرحباااا

هذي اول مشاركة لي استغربت من الفريق البلجيكي اول مره اسمع عنه
بغيت اسال شنو يميزهم عن باجي دكاترتنا وشنو اهيا اشعه الصبغه وبشنو تفيد
:eh_s(17):

 

[نف نف22]

الله يهديج ياشيخه وطيبه ليش تبجين استغفري وخلي كل شي وراج واحمدي الله ليش اتسوين جذيه موزين علي نفسيتج اتكلي علي الله اللي مالنا غيره وادعي بهالشهر الفضيييييل بالذريه الصالحه وانا نفس دكتورتج حفصه بوعركي واااايد زينه وتهبل وخاصة نفسيتها الحلووووووووووه

 

[صبا 76]

وانا معاكم بنات
هالاسبوع بديت اراجع عندهم والله يرزقنا ان شاءالله​

 

[kitty eyes]

وانا معاكم بنات


هالاسبوع بديت اراجع عندهم والله يرزقنا ان شاءالله​

حياج الله

وان شاء الله الله يرزقج من اول مرة

بس شنو السبب اللي خلاج تطولين بالحمال وجم صار لج ؟؟؟

 

[kitty eyes]

رفع

وينكم بنات

قولولنا اخباركم ؟؟؟ظ

 

[ضحاوي الحلوه]

مرحبا بناااااات
شلووونكم عسى ربي يرزقني ويرزقكم كلكم ياخواتي بهالشهر شهر الخير والبشاره الطيبه اللي تفرح قلوبكم

اختي كيتي من زمااان اشوف وحيل والله فرحتلج اختي عسى يااااارب يثبته لج وتولدين بالسلااامه يارحيم ياكريم

انا حالة زوجي صفر وصارلي تقريبا 3 سنين وعقب سنتين حللنا وجذي وطلعت صفر رحنا الاردن وعلى طول قالووا بنشوووف نسوي شق يمكن نلقى المهم طلع ماكو شي
عاد الحين عطااه بس حبوب حبتين باليوم يعني احس للحين ماتحركنا ولاسوينا شي وبعد الرمضان راح يبلش عسل مع طلع النخيل هذا حاليا اللي راح يسوويه والله كريم
انا سمعت انه حيييل غالي الفريق البلجيكي وسالفة على حساب الحكومه تطول واصلا زوجي كلش مايفكر فيهاااا
ما يبي احد يدري
الله يرزقنا يااارب ويفرح قلووووبنا

بس اختي كيتي ماقلتي شنو كانت حالة زوجج؟صفر او شنوو
وعند منو تعالج ؟
والله يعطيكم العافيه يابنات ماقصرتوا

 

[صبا 76]

الله يحيج حبيبتي سوري على التأخير​

انا صارلي ٤ سنين متزوجه حملت مره واجهضت والحمدالله على كل حال
وبغيت اجرب هالفريق والله يكتب لي اللي فيه خير وصالح ويرزقني ويرزق
كل محرومه ان شاءالله *

 

[امانه22]

السلام عليكم ومبارك عليكم الشهر رمضان
شهر الخير والرحمه والدعوة المستجابه بأذان الله

انا ماعاد عندي اخبار بس قاعد واطلب رب العباد القدر علي كل شي
بس حبيت ادخل اسلم. عليكم

وعسي ربي يرزقنا بالذريه الصالحه. والمعافاه ويشفي ازوجنا يارب