اطفال اكتوبر 2011 ياحلوهم 

[noo7a]

شاركوني بموضوعي اليديد
ماعرف اسوي كوبي للرابط من التلفون
دوروه بهالقسم لوول

 

[Khota8]

صباحكم ورد ورياحين

 

[Khota8]

ريرز
ماتشوفين شر حبيبتي والله يعينج فوق المرض وبيبي الحمدالله على كل حال باجر تكبر واهي ترعاج وربي يحفظكم ويطول بعمركم ان شاءالله

نوحا
موفقه يارب

ان ريناد

جاري الإ ضافه......

 

[تدلل حبيبي]

بنات كيفكوون ولهت عليكم

اخر اخبار فطوم
دخلتها حظااانه صارلها اسبووع 

اخر اخباري
مبلشه دايت بضعف ١٠ كيلو


شرايكم بالاخبار شيييي موو ؟

 

[نور الدنيا 88]

تدلل حبيبي اي حضانه و شلون الوضع صار
و زين سويتي على الرجيم

 

[تدلل حبيبي]

نورالدنيا

حظانة صن فلور اللي ببيان
واايد اريحلي قمت انومها مبجر واقولهم لا تنام الا نص بس عندكم
تلعب وينهد حيييلها
اعشيها مبجر وانومها اوووف ارتحت صار عندي وقت اسوي شيره اسوي شغل البيت ارتاااااح

طبعاً لي الحين تبجي لما نوصلها هناك بس شوي بعدين الابله تقول انها تلعب وتنساكم خخخخخ



اي بنات بكت نون علا فطوم ادري قدديمه لووول صارلها شهرين تمشي بس كنت ناطره اليمعه تصير بيت ابوي عشان افنتك علا راحتي
وانشالله الاسبوع الياي اليمعه بتكون بيت ابوي
فماااادري شسويلها ابي شي فنتوووكي لوووول
عطوني اقتراحاتكم بليز


بنات ابيكم تدعولي ببدي بمشروع خاص فيني انشالله بعد جم يوم
انشالله بس اخلص من التنظيم والشعار راح اقولكم شنو اهوا *

 

[noo7a]

خل اقولكم شصار مع هشوم بحضانته

انا سجلته ببدايه الكورس بحضانه بمنطقتنا

حضانه توها يديده و تصير وحده من طرف اهل ريلي

مره كبيره و متدينه انا حدي فرحت ان الله يابها لي من السما

وفعلا شركت هشوم والي شاف صوره بالانستغرام
اسم الله عليه من اول يوم متاقلم معاهم وحبهم لان كان صغير ومايفهم شالسالفه و غرااامه اليهال
فمن يشوف اليهال يستانس و ينساني لوول و بين فتره و الثانيه يحطون صوره بالانستغرام فكنت افرح لمن اشوفه بالحضانه مستانس و يتطمن قلبي
اول شهر عدا على خير
ثاني شهر شركته كان يصادف يوم الثلاثه راح طبيعي عادي
الاربعه وديته امبي يبجي ولاصق فيني شوي و سكت
رديت اخذه ولا الاصبي قاعد يبجي سالت المدرسه قالت لان فيه النوم و قاعد يحن
الخميس وديته الصبح هم يبجييييي لاصق فيني مايبيهم ياربييي حدي احترت اشفيه هالولد وراي محاضره ماقدر اتاخر المدرسه قالت لي يشوفج يتدلع صدقيني من تروحين راح يسكت استودعته الله و هديته ماقدرت بالطريج دقيت اسال عنه قالولي ساكت يلعب قلت الحمدلله الظهر خالتي يابته قالت يابوه لي يبجي من شافني سكت عادي
استغربت شفيه اول شهر مستانس و ثاني شهر الي المفروض خلاص تعود عليهم قاعد يبجي اختي قالت لي يمكن لان كبر بدا يفهم ان بتهدينه خلاص عشان جذي يبجي
صار الاسبوع الي بعده الاحد الاثنين الثلاث نفس الحاله والله بدا من يشوف باب الحضانه حفظه يلف يلصق فيني و يبجيييي والله ما تتخيلون شلون يلصق فيني جنه يقولي لا تهديني و اهده واهو يبجي اقعد معاه نص ساعه بجيييي وماقدر اتاخر على محاضرتي والمدرسه تحلف من تطلعين يسكت وانا بالطريج ادق عليهم يقولون لي سكت
وهم نفس الشي نرد ناخذه يكون يبجي
وطبعا عذرهم فيه نومه او توه قاعد من النوم

يوم الثلاثه بليل قاعده اكلم اختي وانا حيييبل متضايقه والله احس نفسي مجرمه وانا اهده واهو يبجي احس راح يكرهني لاني قاعده اهده وارجع له هم يبجي
فاختي قالت لي روحيله على يوم ابجر من كل مره طبي عليهم فجاه بوقت مو نفس كل مره قلت لها ماقدر انا ملتزمه بمحاضرات اخلص 11 وامر حماتي على ما اوصل له تكون 12وربع او نص على حسب الزحمه و الايام الي محاضراتي لي العصر خالتي تاخذه واهي تقعد،متاخر من النوم لى ماتقعد و تصلي و تتريق صارت وحده

المهم

صار الاربعه وديته واهو عند الباب لاااااصق يبجي مايبي
وخليته واهو يفرفر وانا قلبي يفرفر معاه ياربي شالحاله شغيه قلب هالياهل
رحت محاضرتي كانت من 10 لي 11 على اساس اخلص و امر حماتي
اووووول مره من بدايه الكورس الدكتوره تخلصنا مبجر عال10 وثلث طلعتنا و انا بالمحاضره دزت لي حماتي لا امريني انا مو مداومه اليوم
اول ماخلصت طيراااان حق هشوم وصلت له قبل ال12
مو مثل وقت كل مره
وصلت باب الحضانه اهو يقفلون الباب
وانا عند الباب اسمع صوت يهال داخل يبجون مو واحد ولا اثنين مجموعه يبجون امبييي مخي انشل ماقمت احس بروحي
طقيت الباب فتحت لي الهنديه منصدمه مو هذا الوقت الي ايهه فيه
طليت ولا ثلاث يهال بالدرايه بروحهم اصبيين اثنين يبجوووون و ابنيه حاطين بيدها حليبتها تحوس محد معاهم طبعا الكبار شوي مدخلينهم بغرفه بروحهم
طليت بدون وعي عليهم ولا اشوه هشوم مو معاهم
ركزت بالصوت ولااااا صوتي ولدي هاشم يطلع من الغرفه و صوت بجي الي يشاهق الياهل الي من زمااان يبجي و مافيه حيل امبيييي والله ماحسيت بروحي دخلت الغرفه ولا حسبي الله غليهم المدرسه لافه هشوم بكنبل بهالحر و الخيسه و غصب تبي تنومه يبون يفتكون منهم ينامون عشان يرتاحون اهم ولااااااااااا فارشه يمها كنبل عالارض تبي تنومه عالارض الله ياخذكم حسبي الله عليهم الظاهر منومين كل اليهال فمافي فراش فاضي بس مو مشكلتي انا ما اييب ولدي عشان ينومونه عالارض حسبي الله عليهم الله ينتقم منهم وطبعا من شافتني انصدمت المدرسه و كالعاده عذرهم بالنوم يبي ينام بس مادري شفيه
والله كل ما اذكر الموقف جسمي يرجف
والله ماحسيت بروحي بدون شعور بدون ما اكلمها باي كلمه سحبته وطلعت رحت السياره ماحطيته بالكار جير قلت احطه بحضني بيتنا قريب عشان يلعب بالسكان يستانس عليه
والله وبالله ان الاصبي متعلق فيني بشكل ما تتخيلونه و يشاهق حسبي الله عليهم
اول ماوصلت البيت حطيته بفراشه عشان اكلم ريلي ما مداني الف ولا اخييييه من التعب و البجي بعد عمري بثواني نام
دزيت وتس اب حق صاحبه الحضانه لانها ماكانت موجوده و قلت لها كل شي طبعا وصلني رد منها استغفر الله طلعت انسانه سافله حقيره واطيه وحده همها الفلوس و بس

دخلت على اكاونتهم بالانستفرام و قلت لها لو سمحتي مسحي صور ولدي اهو الحين مو بحاضنتكم
السافله عطتني بلوك و مسحت كلامي ولا مسحت الصور
ولا نزلت صوره يديده له بتسوي دعايه حق حضانتها على حساب ولدي
طبعا كل ما اكتب لها نفس الشي تمسح كلامي و تعطيني بلوك ولا تمسح الصور السافله الواطيه

قمت ادق عليها حشاكم الجلبه تسكره بويهي السافله
وااااي حرتني الواطيه وهذي واهي تصير حق اهل ريلي مالت عليها ومابي اكلم احد من اهلهم و اكبر الموضوع
طبعا صار كلام وااااااايد بالواتس اب حجي مثل ويها بس رد تلفون ماترد تسده بويهي

اخر شي من كثر ما حرتني وعورت قلبي

قلت لها خلاص لا تمسحين الصور فدوه لراس ولدي
بس حسبي الله ونعم الوكيل عسى حوبه ولدي ما تتعداج لا دنيا ولا اخره
و عسى يارب كل دمعه نزلت من عين ولدي بحضانتكم تشوفينها بعيالج و عيال عيالج


والله ماعدت نص ساعه الا ماسحه كل صوره


شفتها قبل فتره ببيت عم ريلي اهي تصير
ام ريل بنت عم ريلي
سفهتها اهي و الطوفه واحد



قبل اسبوعين ريلي واهو راد من الدوام الحضانه يم بيتنا
فيقول شفتهم قاعدين يشيلون الحواجز و الالعاب و اسم الحضانه
استغربنا
والاسبوع الي طاف شفت مرت عم ريلي بالسوق صدفه تودي ولدها نفس الحضانه بس ماقلت حق احد السالفه مابي اقطع رزقها
سالتها هااا لي الحين تودينه جان تقول لا وين سكروها الاسبوع الي طاف اخر اسبوع
قلت لها وي ليش سكروها جان تقول اخسرت الحضانه محد يروح فسكروها


امبييي انصدمت
ماصار على موقفي معاهم شهرين الا حضانتها تسكرت


ان الله يمهل ولا يهمل
هذي حوبه ولدي
و حوبه دموعه الي نزلوها
حسبي الله ونعم الوكيل فيهم
استغفر الله ملودي اتشمت بس كان ودي ادز لها مسج
واكتب لها شفتي شلون تسكرت حضانتج هذي حوبه ولدي

 

[noo7a]

اسفه على بعض الكلام و السب
بس من حر مافي قلبي
ولانها فعلا تستاهل

 

[نور الدنيا 88]

ويييي نوحا
حبيبي هاشم
ليش جذي يسون مالت عليهم

 

[om MaRyooM]

حبايبي شلونكم ولهت عليكم


انا محتاسة مع هاليهال ... مافي وقت كلش حق نفسي استغفرالله
والحين اثنينهم مراضى بعد عمري

وريم صايرة حنااااااانة ومتعلقة فيني

خاطري احطها مع ميمي بالحظانة (حظانة رميثية النموذجية) فظييييعه الحضانة الحمدلله مرتاحة وايد ..بس محتارة لأن ريم للحين صغيرة حرام
قلت لمن تكمل السنتين

 

[om MaRyooM]

نوور

حبيبتي شلونج وحسون الحلو شلونه .. مدخلته حضانةولا مومفكرة الحين ؟






تدلل

حبيبتي انشالله موفقة بالمشروع اليديد .. قوليلنا صار فيني فضول لوول






نوحا

لا لااا موضوعج مو سج على قولتهم
حسبي الله ونعم الوكيل .. عفففففيه قلب !!!!!!!!

انصحج بحضانة الرميثية ثنائية اللغه بقطعه 4 .. الحمدلله خووش ابلات والله ..الله يتمم على بنتي مستانسة معاهم حيل
والابلات اهتماااااام ياحلوهم والله احبهم حيل .. كلهم كلهم يهبلون ولا مرة اشتكيت عليهم من شي
حتى قسطهم واايد زين 75 بالشهر .. حلال عليهم كل فلس

حبيبي هشوووم كسر خاطري عالوصف اللي قلتيه فديت قلبه

 

[نور الدنيا 88]

هلا ام ريم حبيبتي
انا بخير و حسوني بخير
انا تخلص اجازة العدة شهر 4 و راح ارجع اداوم احتمال اسجله لان قبل كان يتم الصبح عند ابوه اما اللحين ما ارتاح احطه بالبيت
او اذا مادخلته شهر 4 شهر 9 اكيد راح ادخله لان دوام و ما اقدر كلش اخليه بالبيت

 

[Khota8]

تدللل
موفقه يارب واهم انا عندي فضوووول

نور
ربي يحرسه ويحميه لج حسون

نوحا
صج صج احتريت من السالفه ليش جذي شنو هذيل حرام عليهم
شوفي حضانه ثانيه يكون فيها كاميرات فيديو وربي يحميه الواحد يقط فلوسه يبي يونس اعياله مو يحر ويبجيهم
بس الاهم لا شماته هذي حضانتها تقفلت

 

[نور الدنيا 88]

خوتا تسلمين و الله يحفظلج حمادة ان شاءالله قمر اسم الله عليه

 

[سكرة هانم]

خل اقولكم شصار مع هشوم بحضانته

انا سجلته ببدايه الكورس بحضانه بمنطقتنا

حضانه توها يديده و تصير وحده من طرف اهل ريلي

السلام عليكم شلونكم بنات انا من تجمع نوفمبر 2011
تجمعكم حلو دايما اطل عليكم .. الله يحفظ عيالكم

نوحاا بليز اي حضانه هذي ؟؟ بعبدالله المبارك لونها وردي من بره ؟؟؟

انا ولدي دخلته عمره 6 شهور لان دوامماعندي احد يمسكه وتحسف الحفاظه على طول ملتهبه وعدوه اسبوع وترك مريض و اخر شي قالولي ياكل وايد جان يطيح نزله معويه اسبوعين صار خررجه عقبها طلعته :eh_s(16)::eh_s(11): حسيت اني ظالمه

وبرد ادخله لي كمل سنه ونص او سنيتين

 

[ReRez]

حياتي نوحا عورتي قلبببببي عاد انا وااايد احاتي نونا اهي حيل خوافه وماتبي احد الا انا ف ما اتخيل ادخلها حضانه واروح عنها

اذا اضطريت بيكون شهر ٩ و احطها بحضانه فيها كاميرا اشوفها وانا بالدوام وادري راح ابجي ان شفتها خايفه وتبجي بعد قلبي هالبنت :*

 

[noo7a]

ام مريوم
وين انا بعبدالله مبارك طريج بعيد،لي رميثيه
لو رميثيه اوديه بيت ابوي احسن لان بيت ابوي برميثيه
ادعيلي اسكن بشقه برميثيه قريب و راح ادخل رميثيه انشالله


خوتا
والله حسبي الله عليهم ناس همهم الفلوس وبس


سكره هانم
حضانه انجيلز بعبدالله مبارك ق8 تسكرت الحين
فلوسها مافيها خير ولا حلال عشان جذي الله مابارك لها بهالحضانه وخسرت

ريريز
الله كريم
هذيل الي يفتحون الحضانات مادري اهم اذا مو قد هالمسؤوليه ليش يسوونها
عيال الاوادم امانه مولاقينهم بالشارع

 

[om MaRyooM]

بنات شلونكم

هالفترة ريم وايد تعبانة حرارتها توصل40ونص
واي قلبي معورني عليها

واضطريت اعطيها مضاد

 

[ام رينـاد]

مساء الخير

نوحا

وااااااااااااااااااااااااي شنو هذاااااااااا من صجهم ..بعد عمري هشووووووومي عورني قلبي عليه ..ماعندهم قلب ..حسبي الله ونعم الوكيل الله يوريج حوبتج فيهم ...زين سويتي والله


ام مريوم

بعد عمري ريمي الله يشفيها

انا مسوكتي كحه قووووويه مع بلغم وصارلي اسبوع مستمره بالمضاد بس ماكو فايده

 

[سكرة هانم]

سكره هانم
حضانه انجيلز بعبدالله مبارك ق8 تسكرت الحين
فلوسها مافيها خير ولا حلال عشان جذي الله مابارك لها بهالحضانه وخسرت

توقعت جدام بيتنا اطل من داري اشوفها وامي تحن بتدخل ولدي سبحان الله كنت حاسه وهم وحده هني متكلمه عنها
اهم شي وليدج وانشالله تحصلين حضانه احسن