اطفال اكتوبر 2011 ياحلوهم 

[om_3azoz]

ام مريوم
هههههه عادي مسمووحه ,, اقول قاعده اضيفج مايطلع لي نكج ههههه
om3zoooz90 هذا اكاونتي ,,,


نور الدنيا
مايشوف شر حسوني والله يصبرج ويصبره يارب والحمدالله على كل حال ,, والله يرحم بوحسين يارب

 

[om_3azoz]

نوحا

ان شاءالله الاجار يكون مناسب لكم يااارب ,, وتكون الشقة من نصيبج يارب




بنات رقمي بالديوان 490 كان قبل لاتنزل دفعه يديده يوم الجمعه كان رقمي 517 نزل بس لي متى يعني انطر شكثر مليييييييييييييييت من البيت مكو روتين والله لاعت جبدي

اقول حق ريلي بروح اقدم فيفا او وطنيه يقولي حلمي ,,

 

[om_3azoz]

عيااالكم كلهم مشووو ,,,

انا منمن توها قبل سبوع تخطي الحين توقف بروحها وتمشي خطوتين ومالها خلق تقط نفسها ,,

 

[نور الدنيا 88]

ام عزوز حبيبتي مشكورة على الدعوة
حسون موراضي يشرب المضاد يرجع كل شي فمعدته

و على طاري الديوان نطري عادي لاحقه على الشقا

انا حسون يمشي من 11شهر اسم الله عليه
بس ماعنده اسنان ولدي 4فوق 2تحت شايب
متى يطلعون اللي تحت زيادة ودي اوديه الطبيب على سالفه الاسنان

 

[كلاسيكال]

السلام عليكم

شلونكم ياحلوات ، ابشركم انا ولدت ، ويبت ولد الله يحفظه

اخباركم واخبار بيبياتكم / الله يصبر قلبج نوور حبيبتي ، والحمد لله علا ماكتبه ربي ، الحمد لله

يالله حسن الخاتمه

 

[noo7a]

كلاسيكال
الف الحمدلله عالسلامه و مبروك ما يبتي

ام عزوز
دام مليتي من قعده البيت
شرايج تبدلين و ازيدج لووول
يااااارب الف الحمدلله مابغيت اوصل حق اخر كورس
احس استخفيت اقولهم بعد 4 دورات تنزل علي و اربع معاشات بعدين اتخرج لوووول
استخفيت رسمي


نور
حبيبي حسون مايشوف شر انشالله

 

[om MaRyooM]

نور

يابعد عمري انا اسفه دزيلي اكاونتج واعطينج un-block لوول توهقت مع وايد بنات اعرفهم

ومايشوف شر حبيبي حسون

 

[om MaRyooM]

ام عزوز


سويتلج فولو وعطيتج un-block هههه والله ريلي فشلني
بس الحين موقاعد يجيس تلفوني لأن اسويله مشكل كبير





كلاسيكال

مشالله مبروووووووك مبروك
الحمدلله على سلامتج يالغالية

 

[Poison_Girl]

حمدلله على السلامه كلاسيكال مبروك ما ياكم

 

[نور الدنيا 88]

كلاسيكال الحمدلله على سلامتكم و يتربى بعزكم ان شاءالله

ام مريوم اسمي nouraalkhars

 

[Khota8]

كلاسيكال
الف مبروك والحمدالله على سلامتج

 

[noo7a]

بنات
ابي علاج سريييع للكحه
بنسافر الاسبوع الياي انشالله
وهشوم توه قعد من النوم ولا كحه
عاد كحته مليقه ناشفه على بلغم و صوتها يخرع
اخاف الكحه تسحب لها شي ثاني لاسمح الله
مابي نسافر واهو مريض :/ راح يتعب زياده هناك

 

[ام رينـاد]

مساء الخير

شلونكم بنآت

نوحآ
بعد عمري هشوم
حتى بنآتي عندهم كحه قويه ومع بلغم مو راضيه تروح
صارلها أسبوعين ..

أم مريوم
لوووول عآدي حيآتي مو مشكل

وأنا معاهم لووول بس جنج عطيتيني فولو


​

 

[ma3boocha]

هااااااااااااااااااااي


يمممممه فدييييتكم وحشتوووووووني


كلاسيكال
مبروك ما ياج يا عمري و يتربى بعزكم


نوحاا
وديه الطبيب خل يعطيج علاج
لان لازم اهوا يعرف نوع الكحه و يعطيج الدوا على اساسها

خوتا
حيااااتي والله
صاااجه يختج
صرتوا ضروريين بحياتي
الله يحفظكم و يخليلكم بيبياتكم


ام مريوم
لوووووووووووول
طاحت براسج الحين ان انتي اللي صاكه بلوك
سويتلج فولو
انا tasneem_


نور الدنيا
حبيبتي الله يخليلج حسوووني
ما يشوف شر يا قلبي
و الله يحفظج و يخليج له و تفرحين فيه معرس يا رب
اكاونتج بالانستغرام عورلي قلبي
الله يصبرج يا عمري

ام ريناد
هلا والله حبيبتي
انا عن نفسي لله الحمد بخير و نعمه
انتي شلونج؟؟



ام عزوووز
مو مهم يوصل دورج
المهم يكون مكان زين
عادي ااخر شي متوظفه بمكان ماله علاقه


واااي واااي
انا فروووس مزوغ قلبي
صاير شطااانه
بس يمشي و يخمط و يسحب و يقط بالارض
من شطانته
احترقت اييده مرتين
و انجرحت اييده من زجاج عطر ماسكه و حاذفه بالارض
بذمتكم شسوي فيه ؟؟ هههههههههههه
ربي يحفظه و يعديه الشر
انا اتوقع راح يقطوني بالسجن بتهمة اهمال قاصر بسبته اهوا
هههههههههههه

 

[Khota8]

معبوجااا
صج محاميه هههه اهمال قاصر تعرفين التهمه شنو !!!!
شرايج انا حماده لاخدامه ولاشي ارتب البيت وكل شي اوكي بس قبل مايدخل ابوه نثر الكبتات ملابس اخوانه لانهم سحاب بسرعه ينفتح معاه ويروح المطبخ ويكمل الباجي شغله ولا غير الحمام تكرمون الشطاف مافيه يده بس يفج يصير نافوره بالحمام ويدمر الزوالي مالت الحمام وارجع انا ارتب من اول ويديد والله هد حيلي اسم الله عليه ولا مايحب اشتغل الا وانا شايلته على ايدي
ربي ياأجرني


نوحا
خلي الدكتور يعطيج ادويه للحكه واشياء احتياط واسم الابر مالت المظاد احتياط اسم الله عليه ان شاءالله ماتحتاجين شي منهم يارب

ام رناد
الحمدالله احنا بخير
شنو بال ستغرام انتي علشان اضيفج لاني خاص

 

[ام رينـاد]

دووم ياارب

خوتا

om_renad87

 

[ReRez]

حبيبتي نوره الله يصبرج يارب و ان شاءالله مثواه الجنه يارب .. ( إن الله مع الصابرين )

 

[ReRez]

نوحا سلامته هشومي مايشوف شر يارب

و سلامة حسوني حبيبي

خوتا نصيحه ماعطوه الدوا الا لأن محتاجه انا كنت رااافضه الكمام بس بعد قلبي ماتنام وماتتنفس عدل فخلاص قمت اعطيها شسوي بعد .. والحمدلله ريحها ربي لك الحمد


و المضاد يكتبونه لها لمدة 5 ايام وهم اعطيها شسوي والله ماتحمل اشوفها مريضه احنا الكبار ما نتحمل اشلون هاليهال حرام ..

 

[ReRez]

بنات انا صارلي 4 ايام طايحه من التعب و حرارتي ما تنزل رحت غزوني ابره وعطوني مضاد

وللحين بموت من الكحه مو قادره انام ولا اتكلم شقت بلعوومي والله

و بعد قلبي نور ما عندها احد الا انا .. تخيلو وانا مريضه افز لها اسكتها واهززها الله يحفظها خايفه اعاديها بروحه توها طابت


الجو لعب فينا لعب
---------



ام مريوووم لايكون عطيتيني ان فلو؟؟؟ انا اشوف صور العسل ريوووم وميمي ربي يحفظهم بس مادري تشوفين نونيتي ولا لأ؟؟؟

 

[noo7a]

ام ريناد
جربي تغلين ماي حار و قفشه عسل قبل لا ينامون
جربتها مع هاشم والحمدلله احسن
مايحب شربه بالمميه ولا القلاص فاعطيه اياه غصب
بابره الدوا لووول


معبوجه
لوووول اسم الله عليه
لو بامريكا جان صج سووها فيج
بهالعمر اسم الله عليهم يبيلهم مراقبه 24.ساعه


خوتا
ايي بنمر الطبيب قبل لا نروح
سفرتنا بو جم يوم ماراح نطول


ريري
ماتشوفين شر حبيبتي
حق الكحه سوي مثل ماقلت حق ام ريناد العسل راح يريح صدرج
و للحراره ذاك اليوم مرت اخوي تسولف رفيجتها قايله لها و جربته تقول مشالله وحده بوحده
تغلين بماي حار ليمون الاخضر الصغير مع قشرته و فصين ثوم و تشربين مايه مرتين او ثلاث مران باليوم تقول مشالله عجيب
وحتى حق عمر عيالنا زين لهم