اطفال اكتوبر 2011 ياحلوهم 

[Q6RYA]

هلا بنات انا معاكم من ولدت مادشيت المنتدي الا عشان ابشركم اني ولدت وانشغلت فتره والحين انا بااك رحبو فيني

 

[Khota8]

شلونكم امهات واللي عنده امتحانات لعياله مثلي الله يعينكم وربي يسهل عليهم الامتحان

 

[om MaRyooM]

شلونكم حبايبي

امهااات ياللي عندهم امتحانات الله يعينكم


خخخخخ مساكين .. انا اشوا ماعندي تدريس
لووول

 

[كلاسيكال]

صباااح الخيرر شلونكم صبايااا

شلونج ام مريوم وشلون بناتج

 

[noo7a]

خوووتااااا
وانا اقول وينها غايبه عن الساحه لوول
الله يعينج انشالله و يسهل على عيالج بالامتحانات
و خاصه بنوتج انشالله تييب امتياز يارب


اما انا فامس بلشت الكورس الثاني
وحسبوليييي 15/5 اخر امتحان فاينل لي
و افتتتتتك

قاعده اخطط حق سفره،سريعه خاطفه الي البحرين بالعيد الوطني
لان بصراحه ماكو ميزانيه الا للبحرين لووول
خاشته الميزانيه حق سفره الصيف

بس تصدقون احس بتانيب الضمير اذا سافرت بالعيد الوطني
يعني هذا عيد الكويت و فرحت اهل الكويت و الدوله عطتنا اجازه نحتفل فيه ،، نقوم احنا نهدها و نسافر ولا شرايكم انتو ؟
قاعده افكر اخليها بتاريخ 27/2 بعد العيد يعني ريلي ياخذ طبيه يومين اربعه و خميس و احنا اساسا الجامعه بتعطينا عطله و كافيه 3 ولا 4 ايام للبحرين

 

[noo7a]

ام مريوم
انا قاعده احسب اتخرج شهر 5
و هشوم يدخل الابتدائي بعد 4 سنين ونص انشالله
يعني 4 سنين مابي اشوف لا مكتب ولا قلم ولا دفتر بالبيت
برتااااااح لوووول



قطريه
الحمدلله عالسلامه و مبروك ما يبتي
حياج معانا
بس اتوقع مضيعه احنا مواليد اكتوبر 2011 لوول



سكره هانم
تسلمين بعد عمري

 

[om_3azoz]

واااي نوحا شل حضانه مالت عليهم جذي يسون بعيال الناس ,,

انا توني اقول حق ريلي برد ادخل عزوز حضانه عشان شهر 9 روضه يدش


ام مريوم ماتشوف شر ريومه انا قبل فتره منمن نفس الشي طلعت تسنن




بنات ضايق خلقي وايد ,, كنت مسجله بالنفط وامتحنت وناطره يدقون او يدزون مسج ,, وانا حاطه رقمي ورقم ريلي

عاد ريلي غير خطه وخلى رقمه اللي حاطته حق الدوام اول امس رايح الدوام شغل خطه ولا دازين له مسج انه مقابلتي يوم الاربعا اللي طاف وانا مادزوو لي مسج



كلمتهم قالو لي مانقدر نعيد المقابله وراحت عليج قدمي شهر 4 من يديد وانا صايرلي 6 شهور من امتحنت وكنت ناطره واخر شي جذي


:eh_s(16): من القهر قمت ابجي والله ليلحين متضايقه ومقموته كل ماتذكر راحت علي المقابله ابجي

 

[om_3azoz]

بنات منو تعرف روضه خاصه زينه بس ابيها بمنطقه العاشره محتاره وين ادخل عزوز رحت الاكادميه الباكستانيه اللي بالاحمدي قالو تسجيل شهر 3

وانا طالعه شفت ولية امر تاخذ ولدها سالتها قالت ودي بثانيه روضه والروضه موزينه مانصحج ادخلين ولدج فيهاا حبطتني

عاد الحين قلت بروح الباكستانيه اللي بالمنقف وبشوف ,,


وانا بيني وبينكم ودي كامبرج حلووه ونظامهم حلو لان كنت ميداني فيها بس الصراحه وايد 1300 اولى روضه فمادري متردده حيل





ياريت تفيدوني بروضه سنعه

 

[noo7a]

ام عزوز خيره
انشالله تلقين مكان احسن


اما الروضه
فانصحج ببلي قروب
مشالله ولد رفيجتي لا اله الا الله عليه روعه
يهبل مشالله بالانجليزي من اول شهر لاحظت عليه
حتى لمن كانت تقولي بصراحه ماكنت اصدقها لوول الا لمن شفته يكلم خدامتها الفلبينيه روعه اسم الله عليه

 

[noo7a]

ا سعار الحضانات و الروضات لا تعليق

يعني حضانه حق بيبي لا يتكلم ولا شي

100 بالشهر يعني حق كورسين 1000 دينار
وكل ما راح مرحله ثانيه زادو اكثر


المقابل رفيجتي سجلت اول كورس لها بالجامعه العربيه 450 لوول يعني ارخص من الحضانه


اختي بروضه بنتها روضه حكوميه مطبقين نظام الروضه النموذجيه او الذكيه اعتقد جذي مسمينها يجربون على كذا مدرسه و اذا نجحت يطبقونها عالكل
مشالله تعليم انجليزي و كمبيوتر و مدرسه خاصه يايبينها للانجليزي
طبعااا ماراح تكون نفس مستوى الخاصه بس ان في تطور

 

[نور الدنيا 88]

السلاااام شلونكم

ام ام عزوز حسافه بس اكيد خيرة و اذا شي نصيبج راح تاخذينه ان شاءالله

انا بروحي محتاسه ادور حق ولدي حضاه شهر 4لازم ارد اداوم و حسون لازم حضانه

 

[om MaRyooM]

شلونكم وشلون كتاكيتكم


صايرين نايمين .. صحصحووو


نوحا
ظحكتيني يوم قلتي قسط الجامعة ارخص.. اي والله صدقتي

واي انا احاتي مريم شهر 9 لازم تدخل روضة
مابيها تدخل حكومة
بس الخاص غالي شنسوي بعد الشكوى لله

 

[*دنــيـQ8 ــا الوله*]

ماشالله شنو هالصدف الحلوه .... بسسسس حسافه مو كامله

اول صدفه ... كنت بحديقة الحيوان وهناك شفت ام مريوم ... شبهت على بناتها بسسس استغربت من ولد صغير معاهم فقلت لا هذه مو ام مريوم ... خبري ام مريوم عندها بنتين من وين طلع لها هالولد خخخخخخ تالي لما طلعنا وركبنا السياره وابطل الانستغرام اشوف ام مريوم حاااطه صور بناتها بحديقة الحيوان خخخخخخخ فقلت اي هذه اللي صارلي ساعه اخزها واخز بناتها طلعت ام مريوم

الصدفه الثانيه ... اليوم عندي مراجعه بدار الشفا ... ومريت قسم عيادات الاطفال .... جاااااان المح بو هشوم خخخخخخ وبحضنه هشوم ... طقيت بريك ادور ام هشوم مااااكو ... كان ودي اشوفج نوحا واسلم .عليج .... وتحسفت ان خلودي مو وياي جاااان خليته يمشي ويروح عند هشوم

الصدفه الثالثه منو بشوف خخخخخ

 

[*دنــيـQ8 ــا الوله*]

بنات انا توني دشيت شهري الثامن والدكتور قالي انشالله هالمره ولادتي طبيعي ... طبعا انا كنت حاطه ابالي قيصريه مثل ولادتي بخلودي ... المهم انا خااااايفه الحين وكله افكر بالولاده شلون ... قلت هالمره باخذ ابرة ظهر لاني بالكمام دخت منه وافتر راسي ... وماحسيت بشي بصراحه وهذا اللي محيرني.... من دخلت الولاده والسستر تقولي شمي الكمام وانا ماكنت احس باي عوار حتي بعوار الدوره الخفيف كبدايه ماكو ... اللهم بسسس لاحسيت بالسستر او الدكتوره بتفحصني كنت اشممم علشان ماتعور ... يعني صايدتها هالحركه خخخخ وكنت لاخف الكمام عني اسمع صرااااخ الحريم واخاف ... ليما حسيت بزوجي واختي فوق راسي يقولون لي عن القيصريه وانا اقول لهم اي اي خل اخلص مابي اصرخ مثل هالحريم فتحو بطني

الحين اناااا محتاره ... الكمام جذي صح ... يعني يدوخ لهالدرجه اللي ماحسيت باي عوار ... ولا انا اصلا ماياني عوار الطلق اللي يخليني اصرخ من قمة راسي مثل الصراخ اللي سمعته ...... معقوله

انزين وابرة الظهر شلون ... تكونين مستوعبه لكل شي بسسس ماتحسين بالعوار وريولج متخدره ولا شلون

انا بمراجعتي للدكتور مافتح حلجي وماطل بويهه اصلا خخخخخ يذكرني بغرفة الولاده لما شفته هناك بولادتي بخلودي .. وبيذكرني بولادتي اليايه ... وانا ابالي اقول شايفني ساكته اي خير شوفني بغرفة الولاده اذا مابطيت اذنك بصراخي خخخخ

بنات طمنوني وشنو تنصحوني فيه حدي خااااايفه

 

[نور الدنيا 88]

دنيا الوله حلوة الصدف وناسه ههههه
و عن الولاده خلج على الطبيعي و الكمام و راح تصرخين من قمت راسج بس ماتحسبن انج مصرخه اهما بعدين يسولغون لج احسن من ابرة الظهر
و الله يقومكم بالسلامة ان شاءالله

 

[noo7a]

دنيااااا
شلون ماشفتيني قاعده يمهم
حسااافه
اييي هشوم مريض فعشان جذي،كنا هناك


حتى انا شفت ام مريوم بالافنيوو
خزيتها و خزتني لوووول،بس ما كنا متاكدين ان احنا احنا لوول


دنيا الله يسهل عليك يارب
انشالله طبيعي لا تحاتين
ماعندي،فكره لان هشوم يبته قيصريه
بس لو الخيار لي بظل عالكمام ماراح اختار ابره الظهر

 

[om MaRyooM]

دنيا الوله


شهالصدف الحلوة .. لووول
عاد حسافة ماكنت كاشخة فلاتاخذين فكرة عني .. اكره شي احد يشوفني صدفة وانا مو متزقرته خخخخخ



ومرة ثانية لي شفتوني سلمو علي .. فاهمين !!!!
لووول



المهم
حبيبتي الله يهون علييييج انشالله
ويتراوالي الطبيعي احسن
انا بوالدتي الثانية القيصري تاذيت
صج الطيعي نعمة من الله







noo7a
ايييي تذكرين هاليوم لووول
خزني وأخزك


يلا منو بقى ماشفنا ؟؟لوول

 

[Khota8]

دنيا
ربي يهون عليج والطبيعي عذاب بس احسن كل شي من الله تاكدي احسن سواء طبيعي اوعمليه
ويابختج شفتي هشووووم حبيبي عاد هذا انا معجبه فيه اتوقع لو اشوفه مع منو راح اروحله ابوسه واصوره بعد كيف نوحا مالي شغل فيها ولا لي شغل بريلها نفس المشاهير مو تصورنهم هذا بعد مشهور
ربي يحفظه ويخليه

اما اذا شفت ام مريوم اتوقع راح نسولف ونتحلطم عن عوابة البنات ههههههه
واكيد بسلم عليج واذا ما طلعتي انتي محد يدري ��


نبي قروب واتس اب بناااات يالله نبي وحده نتسوي لنا

 

[noo7a]

خوتا
لوووول بعد عمري والله


اي يلانبي قروب
ريريز اين انتي سويلنا قروب

 

[Poison_Girl]

سلام بنات شلونكم... ةشلون اعياكم.. انا انشاءالله اسبوع الياي ادش السابع..

دنيا الوله ماشاءالله انتي صابقتني.. وانشاءالله تولدين طبيعي وانصحج بالكمام و انا بعد باخذ كمام لاني اخاف من ابرة الظهر..

الي مو ضايفني بالانستغرام يضيفني.. hebaz