اطفال اكتوبر 2011 ياحلوهم 

[...ليالي...]

ياقلبي يا انثى الله يعينج وسلاامت رجولج ماتشوفين شر

وانشاءالله بكتب لكم قريب قصة لادتي الحلوه خخخخخخخخ

 

[Khota8]

حبيبتي انثى ماتشوفين شر

نور الدنيا
تو نور التجمع

ليالي
ناطرينج قلبي والله يشفيج وتصير وحمالتج اليايه سهله يارب

ريرز
صدمتي معدتها توها صغيره

نوحاا
اليوم غزني سن حماده اهوا داخل حيل بس طرف صغير اذا عض اصبعي يغزني يمكن الحراره بعد من سنه والحين امساك واهوا ماياكل للحين بس حليب

 

[تدلل حبيبي]

بنات انا بس اعطيها وجبتين وبالياااالله تاكل

والله ما ابالغ بالكثير ٣ قفاش بعدين تسكر حلجها وتحط ايدها علا عينها تفرك وتبجيييي
اول وجبه خضار مشكل
وثاني وجبه بعد صلاة المغرب يا سيريلاك يا فيرلز يا تفاح مهروس
بس بعدين كله حليييب

بس مادري ليش ماتاكل وجبه كامله هل تو الناس عليها ؟
اهي الحين تقريبا خمس شهور واسبوعين

ريريز
انا قاعده اسوي رجيم فالحليب يادووب يكفيها
اذا شفطت مايطلع بالشفاطه نفس قبل
فكلللش مااقدر اعتمد عالشفط
انشالله بدخل صناعي والله يسهل علا بنتي وتتقبله


نور
واي الله يعينج عالدوام
انزين حسون بتحطينه عند منو
انا مو هالاحد الاحد اللي وراه اداوم
بخليها عند امي وباخذ ساعات رضاعه عشان اطل عليها وارضعها

اشوه المدرسه يم بيت ابوي فاذا تعسرت او شي لاسمح الله اكلم الموجهه وازرقلها

 

[تدلل حبيبي]

انثا
حبيبتي لازم تقتنعين بالواقع لووووول
كلنا جذي والله ماانام متواصل والرياييل شاخطييين لي الصبح علا سنه وحده
علا قولة امي عبالج الجنة تحت اقدامنا بسهالة ؟؟
انتي لازم تعلمين خدامتج تبدل البامبرز وتسوي الرضعه
مو عيب ولاحرام
دام انج تعبانه وريلج تعورج
وانتي بس لعبي معاها وبوسيها ونوميها
ونامي العصر اهمممم شييييي
عشان بليل تقدرين تفزينلها كل ساعتين

والله ياجرج حبيبتي ترا انا بعد مثلج برووووحي
لا وبدون خدامه وتنظيف شقه وطباخ ووووو الخ

دايمن اذا حطبتي ابالج ان تعبج ربج مايضيعه راح ترتاحين

>>>>اشتغلت الاخصائيه النفسيه لوووووول

 

[انثى الكويت]

ليالي الشر ما ييلج ناطره قصتج
خوتا الشر ما ييلج شلون ولدج

تدلل صاجه والله انا اتحمل وقليل ما اتحلطم بالنسبه حق بنتي

بس لان ريولي تعورني ومو نايمه عطل فصار ضغط انفجرت حدي



حاولو مع اعيالكم ياكلون لازم وتدلل حبيبتي وكلي بنتج

انا لان عندي بدل موقع فاطلع كل يوم واطل على بنتي. عادي


بس هم باخذ ساعات ارضاع عشان انام زود خخخخخ

 

[Janna-q8]

انا اليوم بديت اكلت جنوي سيرلاك العيش بس قفشتين ثلاث جذي.. تضحححك ما تعرف تاكل تطلعه بره او تمص القفشه عبالها الاكل بالدنيا كله مص مثل الحليب لول

عاد شؤيت قرع من الجمعيه و مفكرة باجر اسوي لها

بس بالنسبه حق بيبي 5 شهور بس وجبه وحده باليوم عدل؟

متى ازيد لها عدد الوجبات؟؟

بس بنات ملاحظه بنتي ضعفت وايد مادري ليش حتى خدودها فشوا

 

[Janna-q8]

انثى
هونيهاو تهون
بس حاولي مع ريلج يمكن ينفع معاه

انا ساكته عن ريلي الحين لاني امومه و اهو دوام

بس بعدين عاد يمكن لي تصرف ثاني



خوتا
يحلوه زين طلعت اسنانه الله يحفظه

 

[المكسيكيه]

حتى اذا بيطلع ياخذها مع الخدامه انا قاعده بالغرفه
اهو ساكت ما تحجا انا كليته خخخخخخ يقولي قعديني من النوم وانا اقضبها لا والله
لازم انت تقعد بالله مت انا بتنام يم بنتك ما تدري عنها تغص تكح تبجي


ومسويه امي سمج فليه صارله ٣ ايام تبي تاكل منه لا


خلصت تحلطم

وي عندنا وعندج خير
عيل انا اذا بجت يقولي قلبي ويهج مالي خلق حنه ورنه وازعاج
خليها على الله

 

[noo7a]

خوتا
مبرووس السن الصغنونووو
عقبال باجي اسنانه تطلع بالعافيه



نور
شلون طريقه المحلبيه الي سويتيها
الي مشت بطن حسون

 

[نور الدنيا 88]

بنات شلون طريقه ساعات الرضاعه

نوحا مو انا مسويتها
خالتي بس اتوقع حاطه فيها نشا مو حليب حسون اتوقع حليب التموين

 

[ReRez]

نحنوح بصورلج طريقة مهلبية كتاب الطفل السليم بس شوي لان قاعده ارضعها حاليا
---

جنوي انا اليوم وكلت بنتي قرع ماشاءالله تبارك الرحمن وايد حبته ،، عطيها لاتترددين
----

خوتا الف مبروك السن وا حلاااته
----

تدلل انا بنتي امس مانامت ومتعسره وتبجي لي ٤ ونص الفير وهم قعدت منها كل شوي فازه ومفززتني وخلاص الظهر قمنا وانا ما اتحمل النوم المقطع ف احس خلاص انتهيت والله لدرجة قمت من الفراش الدنيا تفتر فيني و ماعندي احد يمسكها بس انا واهي وريلي دوامه عصر يرد بالليل

عاد قالولي علمي خدامتج خل تمسكها وترتاحين ساعتين جذي بس قلت مستحيييييل اخليها تبدل بامبرز لو ولد ممكن اخليها بس بنت لا هذا وانا امها انظفها من داخل شوي شوي وهم اخاف ف اشلون اعطيها الخدامه لا مستحيل والله

و بنتي لو شنو ماتنام بهدوء لازم تعسر جنه احد طاقها ف حده صعبه اخليها عند الخدامه وانام
انا اخليها بس اذا بدش الحمام مكرمه او بسوي شعري او اي شغل بسيط عندي اخليها تقعد يمها بصالتي وانا بغرفتي اشتغل وان حنت رحت لها

الله يآجرنا ان شاءالله

 

[ReRez]

نور تره موزين حليب اكبر من عمر البيبي لاتسووله التموين ثاني مره ديري بالج

 

[noo7a]

ريريز حبيبتي المنقذه بالازمات الصعبه لول

عندي الكتاب شريته و شايفه الطريقه
بس قلت يمكن مالت نور فيها شي زياده لانها مشت بطن ولدها

 

[om_3azoz]

مرحبا شلونكم كلكم وحده وحده شلون بيبياتكم الحلوين

 

[om_3azoz]

على الاكل امس سويت حق مناتي تفاح مفيوح كلت 3 قفاش بس ووخرت
والحين قاعده اسويلها جزر وبجرب


انثى
ماجوره هذي ضريبة الامومه والريال نايم ولا له شغل باحد انا مره قلت حق ريلي على عزوز قتله بالله قام يبجي بجي وانا مت ماتقوم له يعني ميته اانا شلون اقوم يعني هههه

الحين صار يفز لمن مناتي تبجي ,, وحتى العصاري ااذا كان قاعد ياخذها يلعب معاها


انا لمن ارد من الدوام امسكها اشيلها خدامتي تقول لاتشيلينها وايد لان اهيا الصبح معودتها تخليها على االارض افرش لها واطالع براعم وتقعد ماتبي تعودها على الشيل هههههههه

 

[ReRez]

نوحا هذي الطريقه مالت ريم القنواتي ( كتاب الطفل السليم)

بس انا ماراح اسوي ١٦٠ ملي حليب لان بنتي حليبتها يالله تشربها واهي ١٢٠ ملي و بالعاده تشريب بس ٩٠ ملي يعني ٣ ارقام ف ماراح احط هالكثر بحط ٩٠ بس

و بدل الشكر بحط كسرة سكر نبات
واحس الفنيليا مالها داعي مع انها تخلي المهلبيه وايد احلى

بجرب اتوقع راح تحبها

 

[ReRez]

وي مادري انها عندج ههه يالله عادي خلي غيرنا يستفيد ^_^

اي قوليلهم سالفة الازمات الصعبه عشان اللي تمر بتجربتج تستفيد بعد
---

ام عزوز احنا محاربينج انا و تعرفين منو بعد

 

[om_3azoz]

ههههه ريري يالله عاد كلش ولا تحابروني ترى ازعل الحين
خلاص الخميس برد خدمتي ياقمر

 

[om_3azoz]

توني سويت حق مناتي جزر وحبيته فديتها

احسن من امس التفاح ,, والبطاط ماحبته بعد

 

[noo7a]

ريريز
هم فدتيني بدال الشكر عطيتيني فكره اني احط سكر نبات
و على طاري الشيسمونه

لول خل اقولكم
مو قلت لكم هشوم معاه امساك قوي
و يعاني
عاد ريريز قالت لي ان مره حاش بنتها و سوت لها حركه
و خرجت بعدها بنص ساعه على طول
عاد قمت انا سويتها حق هشوم و بنفس لحظتها عزكم الله خرج
ياعمريييي كانت معلقه و معذبته
خذيت عود اذون و حطيت عليه فازلين
و دخلته بصوب فتحه الشرج و حركت حركات دائريه