اطفال اكتوبر 2011 ياحلوهم 

[تدلل حبيبي]

نوحا
ديري بالج ترا المحلبيه فيها نشا فراح تمسك البطن
اذا تبين زيدي حلاها عشان لايمسك بطنه

نور
مادوي شلون ظريقة ساعات الرضاعه بس اتوقع تطلبينهم من الناظره
وكلمي الموجهه خل تفيدج اكثر

ام عزوز
عكس فطوم حبت البطاط والتفاح بس الجزر كللللش ماحبته
عاد قمت اخلطه مع بطاط او قرع عشان مابي احرمها من فوايده

ريريز
دخلوني بقروبكم 

 

[om_3azoz]

انا بنتي التفاح ماحبته مفيوح بس تحبه مو مفيوح بس الجزر تشوفني انا وعزوز العصر انمزمز فيه ههه اطالع قلت حق اسويلها وحبته

عاد باجر بروح اشتري قرع وكوسا وبجرب ,,

يالله تدلل دشي قروبنا قروب الفصله

حدي ماسكه نفسي هل مره كل مره من تخلص خدمتي على طول اسويها هل مره قلت لا بنطر الخميس عشان كل مره مع المعاش اسويها اخاف اخر الشهر مفلسين ههههه

جم مره قلت كل مره هههههههههههههههه

 

[نور الدنيا 88]

اي قروب و ليش من وراي ؟

 

[om_3azoz]

ههههه من اول ماحملنا ريري قالت اللي يبي بالوتس اب عشان نسوي قروب وقالت دزو ارقامكم على الخاص
بس الوتس اب مليق القروب الواحد بس يصير 10 بس ماتعرفون برنامج اكثر من 10 ؟ ؟

 

[om_3azoz]

يالله شرايكم يوم نطلع ونشوف بعض ,,

 

[انثى الكويت]

بنات انا بنفجر كل شي حوالي يرفع الضغط
وبنتي نفسج ريرز تبجي قمت اسب واصارخ خلااااااص تعبت
ريولي تعورني وخليت ريلي يقضبها امس طول الليل

قلت له بتقضبها ولا والله بروح بيت اهلي بخليك معاها وبروح بناااام

جان يقضبها خلاص وامس تهاوشت معاه الظهر تعدل الوضع بيني وبينه

الحين ردينا تهاوشنا بسبب اهماله لاعت جبدي طفرت حدي
من رديت من السفر وانا كل يوم هوشه والله

 

[تدلل حبيبي]

نور
الظاهر قروب بالوتسب 
انا مادري شسالفه نفسج
بس قلت دخلوني بالقروب لووووول

ام عزوز
يقولون الوتسب اليديد تقدرين تضيفين ١٥ مو١٠
بس لازم تكونين مسويه اب ديت

تبون تتيمعون ابيت والا مكان عام ؟
اذا بيت اوكي اييلكم بس مكان عام نوووو خخخخخ

اليوم قلت خلاص بركب كرسي السياره واحط فطوم واروح بيت ابوي
لان مابقا شي عالدوام لازم اتعود
المهم نزلت مع ريلي نركبه ماااعرفنا
جان اعصب وابجي وارد شقتي
نامت فطوم العصر نمت معاها وانا ابجيييي
واقول حق ريلي كله منك ما ركبنا علا طول
الحين نسيت شلون يركب
قعدت من النوم والا كاسره خاطره ورايح سنتر بوينت مركبيله الكرسي الحمدلله
عاد انشالله باجر اطلع مع فطوم

بنات اذا بجت شتسوون ؟؟
تحطون مسجله والا الياهل يتضايق؟
واذا طاحت المصاصه امبيييي شسوي؟
انزين مركبين الكرسي بالعكس يعني ويها مقابل الجامه الخلفيه
فراح تطالع الكشن اكيد راح تبجي مو؟

وااي حدي خايفه والله ادعولي الله يسهل المهمه وتعدي علا خير

 

[om_3azoz]

صج يصير 15 شخص يالله خل ادش ريري ونشوف عشان تضيفكم

والله تبون بيت يالله انا وحده حدي عادي ريلي مايقول شي ,, ودي اشوفكم واشوف بيبياتكم الحلوين


اانا اول امس رحت بيت ابوي خذيت كرسي السياره مال عزوز ماكان يقعد فيه كله يبجي كنت اسوق واحطه في حضني وكله ابوي يزفني بس شنو اسوي

زين شمعنه بالعكس ؟؟ اذا حطيتوه بالعكس خلاص حطيلها لعبه تتعلق على الجامه وتلعب فيها تكون فيها صوت

 

[om_3azoz]

تدلل اتي ونور اتوقع ماعندها مانع هههه والباجي


انثى حبيبتي ميخالف تحملي وفهمي ريلج احسن خل يمسكها يتحمل مسئووليه شويه



تذكرت مره على عزوز بليل وطبعا بجي وحنه وماكو نوم وعوار راس فمره بجى بليل وانا من كثر مافيني نومه قمت وريلي كان قاعد بالصاله عزوز بجى يه الصاله
بسويله حليب وخذيت مميتين وحده اللي فيها 4 ارقام وحده اللي فيها 7 جان اقوله مميه ولا مميه يقوولي شنو قتله مميه ولامميه يقولي شنو قتله شنو انت ماتفهم مميه ولامميه هههههههههه بعدين استوعبت


الصبح يقولي انتي خبله شنو مميه ولا مميه قتله قصدي صغيره ولا كبيره ههههههههههههه

 

[om_3azoz]

طبعا على عزوز مايسوي شي ونايم او طالعه وكله نتهاوش

لمن عزوز يطفرني ويبجي مايسكت اتنرفز واصرخ عليه واهو بالاشهر وفالح بس ايه انتي شفيج تصرخين على الياهل مينونه اقوله اي مينونه كيفي يقولي ماتقدرين تتحملين ليش اتيبين عيال قتله ياسلام وطبعي تعالي فججي هههههه


وحتى الحين هواشنه كله على عزوز ,, اذا انا صرخت عليه ولا زفيته اهو يعصب علي ويتهاوش معاي
واذا اهو زفه ولا طقه اقوله شكو اطق ولدي وتزفه ونتهاوش ههههه موصاحين وربي

 

[om_3azoz]

فيني نومه اليوم مانمت العصر
طلعت من الدوام 12 رحت فرايديز تغديت مع رفيجاتي وبعدين رحنا البيرق رفيجاتي سوو صندوق فيه عطر ودهن عود وبخور ويكتبون فيه شعر حق عيد الام

ورديت البيت قلت مايمدي انام قريب 4 قعدت مع اليهال وراسي انبط الحين صدعت الساعه 10 بنوم بنتي وانام

 

[انثى الكويت]

من صجح ام عزوز اصلا بعد التحلطم كبيت ماي باد علي وسكت قلت له تبي عشا وسويت له قات يالله نطخ

جان يبطل معاي موضوع انا رافضته من قبل الا وهو ارد انام ببيت اهله لان محد اهناك شنو انا ناطور تعبت كل شوي رايحه وراده
قلت له اخوك وينه قالي نايم بيبته مايقدر ينام بالبيت العود عشان ولده روضته اهناك بمنتطقتهم



قلت له شنووو وانا اتعب نفسي واشيل قشي وقش بنتي وخدامتي ماقدر وريولي تعورني

قال لازم اقدر وضع اخوي


مااااااااااااااااالت بس عالحظ وانا من. يقدرني بالله

والله ماقصرت رحت وخمدات من قبل اسبوعين وشوي

ورديت بيتي وبعدين قبل لا اسافر قعدت لي تقريبا ٣ اسابيع


بس ماقصرت

قلت له روح بروحك بالطقاق بس بروح بيت اهلي لان مثل مابوك ما يرضى اعياله ينامون بروحهم

حتى ابوي ما يرضى بنته تنام بروحها بالشقه

كيفه راح يكبر السالفه

وانا بكبرها لان مغثوثه منه حدي

وكل شوي رايح شويخ يغسل السياره مالته

وانا سيارتي يديده ما يغسلها ولا يخلي غسال يغسلها يقولي يخرب صبغتها


بالذمه مو شي يحر وانا بسوي اسناني اهو راح نام وخلاني مع شوق واهو ماعنده شي باجر الصبح

انانيه تصرفاته


بس انا اعرف شسوي عاد ان حطيت شي براسي خلااااااص ما يطلع الا لما اسويه وتكبر السالفه
بالطقاق

 

[المكسيكيه]

انا اليوم بديت اكلت جنوي سيرلاك العيش بس قفشتين ثلاث جذي.. تضحححك ما تعرف تاكل تطلعه بره او تمص القفشه عبالها الاكل بالدنيا كله مص مثل الحليب لول

عاد شؤيت قرع من الجمعيه و مفكرة باجر اسوي لها

بس بالنسبه حق بيبي 5 شهور بس وجبه وحده باليوم عدل؟

متى ازيد لها عدد الوجبات؟؟

بس بنات ملاحظه بنتي ضعفت وايد مادري ليش حتى خدودها فشوا

ذكرتيني فجور اول الايام تمص بالقفشه ههههههههههههه عادي بعدين تصير لا تحاتين وكليها وجبتين الحين كافي وعلى السادس خليهم 3 وجبات حبيبتي واي فديت البنات:ggdw:
وعلى الضعف عادي يمكن تبي تسنن فديتها يالبي:eh_s(9):

 

[sweeta77]

انثى حبيبتي اشفيك
هونيها مو علشان احد علشان راحتك
الحين برد اقرى التفاصيل

 

[Poison_Girl]

سلام بنات..
ضيفوني :/ واي اذا صج بتتيمعون قولووولييي

انا حدي لاهيه مع الدوام..
شريت حق علاوي عيش مصري يقولون احسن من العيش العادي

 

[noo7a]

انثى
وااااي سووها فيني مثلج مرتين
و يوم سكنت عندهم بعد اخذت راحتها اكثر

 

[noo7a]

كل عام واحنا بخير



 

[ReRez]

تدلل ونور الدنيا اشلون ماتدرون وانا من ايام تجمع اكتوبر قلت عن القروب حتى نوحا قالت ريلها مايرضى والكل يدري ان سوينا قروب من زمان حيا

و مايصير ١٥ للحين بس ١٠ للاسف

 

[انثى الكويت]

سويتا حبي شسوي قالو ان كان حبيبك عسل لا تاكله كله ريلي بياكلني ويمصص عظامي بعد زهقت
م
هالمره ماراح اسكت خلاص
بوزن صح العيس المصري احسن حتى امي تقول انا عندي صنوايت احسن عيش

شفتي نوحا ماراح سكت كل شي على حسابي ليش


ريرز مالكم الا تنكسلون القروب وتحطون اليديد لان صج يصير ١٥ بنت الحين ضيفهم نفسهم وبعد زود

 

[Khota8]

صباح الخير خواتي وحبيباتي