اطفال اكتوبر 2011 ياحلوهم 

[noo7a]

جنى
من قبل اعطيه ماي تمر
ولا فاد

معبوجه
غلطانه
جان خلصتي من الحمال يعني قررتي خلاص تسكرين الطريج
بعدين تسوين التكميم



ليالي
ولكم حبيبتي


دنيا
الحمدلله على سلامه الوالده
و خالتج اخخخ من هالخالات مادري شيبون بالضبط


خوتا
طمنينا على حماده

 

[om_3azoz]

ملل والجو يضيق الخلق

 

[ma3boocha]

معبوج اسامي اعيالج فارس و شاهين.... احس اسامي شموخ ماشاءالله

حبييتهم ^^

والكبير جراح و بنتي دانه

 

[ma3boocha]

نوووحا

ان شاء الله الحمال عقب سنه

احمل على ضعف و رشاقه

مكسيكيه

خوووش تخوينه
زين تسويين
و شكلي ببدي فيه بطاط و كوسه و هالسوالف

 

[om_3azoz]

اي معبوجه زين تسوين صحه الصراحه الواحد يحافظ على نفسه بس جم كان وزنج ؟؟


بقوم اتمكيج بنطلع بس الجو غبار عسى ماتتكنسل الطلعه من امس مواعدني بنطلع وغبار بس مالي شغل بطلع يعني بطلع هههههه

زهقانه بالبيت بالويكند بالبيت ايام الاسبوع بالبيت

 

[om_3azoz]

داق علي يقولي اختنقت من الغبار كان رايح الجمعيه ورايح بيت عمي
يقولي غبار صدري قام يعورني
جان يقولي اليهال نخليهم بالبيت ونطلع قتله لا عادي مولازم نطلع قال لا يبا شنو مولازم نطلع نطلع


لاتكفه لانطلع ههههههه جان والله اطلع بروحي

 

[...ليالي...]

بنات انا بالمره ماافكر بالحمال وربي قصه حملتي ماتصدقون شصار فيني تعبت حيييل وحاشني مرض غريب
عجيب الله لا يوريكم ولا دوام ودراسه مااقدر

معا انه زوجي مجنني عالحمال يبي بنيه بنات تكفوون شسوي ابي اسكت زوجي واحمل وبنفس الوقت خايفه

 

[Khota8]

السلام عليكم
معبوجا
حمدالله على السلامه

انثى
عليج بالعافيه الاغراض

دنياا
حمدالله على سلامة الوالده

نور
وينج

ام جنوي
مي توو

ليالي
حياج الله والله يعينج على حنة ريلج ودنا نسمع قصتج بالولاده

ام عزوز
كلنا بالهوا سوااا

وحماده قلبي تعب صدره زياده من الجو والله يعينااا

 

[Janna-q8]

جنه الجو قام يتعدل شوي؟؟

باجر الصبح يبين

ان غدا لناظريه قريب!!

 

[noo7a]

ليالي
حمله عن حمله تفرق
وانشالله لي حملتي بالبنت يكون حملج خفيف و سهل



يماااا برد

ريلي خذا ولدي عالساعه ٦ ونص عشان يوديه بيت ابوي عند امي
وانا على اساس ان خلاص صيف و حر
فملبسته بجامته و لافته بكنبل بس
لمن طلعت الساعه ٧ ولا يماااااا برد درجه الحراره بالسياره ٥
اخيييييه حاسه بتانيب الضمير مالبسته عدل
استغفرالله يوم برد و يوم حر :/ يبيله اجيك على درجه الحراره كل يوم الصبح قبل لا نطلعه

 

[المكسيكيه]

هلوووو بنات
اليوم الجو احسن الحمدالله جميل جمال
ريرز وينها مختفيه عن التجمع
ام عزوزي زين سويتي طلعتي بروحج ههههههه
نوحا واي ياقلبي جان لبستيه جاكيت شي ياحياتي ما عليه الا العافيه
معابيجووو اي زظين وكليه جذي بلشي معاه هل الشغلات
خوتا سلامة حماده ربي يشافيه لج ياقلبي ذكرني بنيتي فجووه
ليالي لا تحاتين ان شاء الله يرزقج بالبنوته ويفرح قلبج فيها

 

[المكسيكيه]

جنوي الجو زوين اليوم بس جنه في تراب عالق بالهوا اهم شي عالق

 

[انثى الكويت]

بنات اليوم انا بتحلطم

والله
شنو هذا مبطوطه جبدي

كله انا انا انا انا اجابل انا اشرب انا اوكل انا اسبح والبس وابدل
قلنا ام ما يخالف واسوي كل شي وابوس شواقه والعب معاها

وبس بليل ابي شوي تضحيه
احد يساعدني كل شوي قايمه واوديها الصاله تعبببت اليوم صكيتها هوشه صراحه اهو ينام متواصل وشخري
وانا الي كل ٣ ساعات قعدي شربي وكلي وبدلي زهقت راسي ثقيل صراحه مو قادره اشيله وفوق كل هذا
ركبي ملتهبه مادري من شنو امشي على عكاز تعبت كل شوي قايمه ورايحه الصاله وامشي
ريلي تذبحتي وشاياه بنتي شسوي
قلت له ح روح تزوج يبيلك اله تفرخ لك بس دام انت جذي

 

[انثى الكويت]

حتى اذا بيطلع ياخذها مع الخدامه انا قاعده بالغرفه
اهو ساكت ما تحجا انا كليته خخخخخخ يقولي قعديني من النوم وانا اقضبها لا والله
لازم انت تقعد بالله مت انا بتنام يم بنتك ما تدري عنها تغص تكح تبجي


ومسويه امي سمج فليه صارله ٣ ايام تبي تاكل منه لا


خلصت تحلطم

 

[ReRez]

انثى الله يعينج حبيبتي انا جذي كله امسكها والبسها واشربها واوكلها بس اذا يا من الدوام اقطها عليه يلعب فيها و اذا بدت تحن رديت خذيتها انا وهم بالليل كل ساعتين اقوم منها و صايره اسم الله عليها تشرب بطييييييئ يعني نص ساعه ارضعها و ما ارد انام سيده قولي ساعه كامله اقعد بكل مره تقومني ف وين النوم؟! ما احصله يارب لك الحمد
---

نحنوح الحمدلله على سلامة هشومي اشلونه الحين؟! وبالنسبه لحملة البنت تره اصعب من الولد و على مذا وحده قالتلي تجربتها بالبنت والولد و كان البنت اصعب انا نساتي لي خمس شهور ما اكل شي وكله ارجع واطيح واي ايام مابي اتذكرها
---

معبوجه

 

[ReRez]

معبوجه الحمدلله على سلامتج و اشلون فروسي فديته
انا من دشت الخامس بنتي قمت اوكلها اول شي جزر على طريقة شوربه يعني حيل خفيف مدة 3 ايام جذي بعدين ثقلته خليته نفس ثقل السيريلاك
وبعدها ضفت عليه شوية عيش يعني جزر وعيش نتفه طبعا مخلوط مع ماي الجزر او ماي العيش

و بعدين بطاط وجزر

واليوم بطاط و قفشة سيريلاك عيش عشان يمسك بطنها لان وايد سهال مكرمه
---

تدلل حماتي مثلج لي 5 شهور مادخلت صناعي وداومت فصارت تشفط مميتين ليش انتي ماتشفطين لها؟!
وبعدين دخلت رضعه وحده صناعي حليب نان والحمدلله ماتعسر ولا شي بس تعطيه النان اذا ماكفو اللي اشفطتهم

و بالنسبه لماي التمر انا كللللش ماعطيتها والسبه صدرها من انولدت واهو تعبان وقالي الدكتور لاتعطينها سكريات كلش فماعطيتها ماي تمر

اعطيها الحين ولا خلاص ماله لزوم؟!!

---

ام جوجو ( مكسيكيه ) ربي يهون عليج ويخفف حمالج يارب اشلونج واشلون جوج ان شاءالله تمام؟! وبشرينا اذا بين جنس البيبي ربي يحفظه وعسا الله يرزقج بالولد السليم المتعاقي يارب

 

[noo7a]

انثى
هدي بالج كلنا بالهوا سوا


ريريز
والله مادري انا عن حمله البنت و الولد ماجربت النوعين لووول
بس بشكل عام حمله عن ثانيه تفرق
انا الترجيع قطيعه تقطعه لي اخر يوم الي ولدت فيه كان معاي غير الحارج يااااااااااو الله لا يعودها من ايام الا بالصحه
وعن ماي التمر اذا تقدرين تعطينها سكريات عطيها الحين
التمر وااايد مفيد و ماله عمر معين

 

[نور الدنيا 88]

هلو يا بنات شلونكم
خوتا كانب موجودة كل يوم اقرا بس ماعندي وقت ارد عليكم ههه
الاسبوع الياي دوامي يبلش استغفر الله

انثى عادي طاف حتى انا كل شي اسوي بروحي لايكون عبالج الريال بيقوم من نومته

معبوجه كيفوووو و زين سويتي ع التكميم

بنات انا ولدي مايآكل عدل يسكر حلجه و اللي اعطيه مايعتبر وجبه يبي من اكلنا مايبي بروحه يآكل
شسوي فيه بالله
حنى السيريلاك اللي كان يحبه اللحين موراضي يآكل


و امس سويتله محلبيه كله شوي و وصخ اربع مرات اسهال

و للحين بطنه ماي
ودي يتعلم يآكل وجبه ريوق و غدا و عشا علموني شالدبره مع هالولد

 

[انثى الكويت]

انا انفجرت لان ريلي ماذيتني وتعورني فتعرفون بروحي لايعه جبدي منها
ولويه والحين ضغط مو طبيعي
وسافرت واشتركت بنادي قبل السفر قلت اغير جو وارد بنشاط للنادي هم ماكو فايده ريلي التهبت

وبنتي مادري شفيها تحن

الله كريم


انا الحين الاكل اعطيها ٣ مرات باليوم
الظهر خضار كوسا وبطاط وجزر واذا اضيف اي شي مثل قرع عادي وذره ملح ذره مو قفشه بس شوي

المغرب فواكه لازم ابشر نص تفاحه نااااااعم ونص موزه مهروسه ناعم واعصر عليها شوي برتقال وقفشه سيريلاك

وبعدين اعطيها بليل الساعه ٩ العيش البودر
وبينهم حليب طبعا
ماشاء الله امتنت توتو

 

[ReRez]

لا انا بس وجبه وحده لان مره وكلتها بالليل وربي كرهت نفسي لي ٥ الفير واهي تبجي مادري شفيها وصراخ موطبيعي قلت لا يامعوده خليني على وجبة الغدا فقط لللي اهي وجبة الخضار

وان بعطيها شي ثاني يكون المغرب اما سيريلاك او فاكهه