اطفال اكتوبر 2011 ياحلوهم 

[om_3azoz]

شلونكم

دنيا
زين سويتي فيهم هههههه يالله زين
احنا جذي عطونا وصل ولازم قبلها بشهرين اندق انقولهم انه بنسافر بس ماسافرنا ههههه


انا اليوم ميداني وناسه تجربه يديده الشغل ,,

 

[om_3azoz]

ام عزوز
اخبرج ضعيفه ماتبين تضعفين اكثر ليش تاكلين جذي تعاقبين نفسج مثلا

لامتنت ههههه بالنفاس كنت 55 ونص والحين زدت صرت 58

واخر مره قست وزني قبل اسبوع صرت 57 ,, بس لازم انزل 7 بعد بس وين

امس اقول حق ريلي بسوي رجيم قالي يالله والله انا وياج قتله والله لازم اضعف طالعه لي خواصر من حملت وماراحت

 

[ReRez]

دنيا الف مبروك بس من كلامج عطتج اقامه وهدايا ماعطتج تذاكر سفر؟ دعوه الاقامه غير والتذاكر غير
---

تدلل بربطوز اول مره اسمعها و يوم سألت عنها امي قالت يمكن سعوديه الكلمه لان ماتعرفها والله اعلم
---

انثى انا مستحيييييييييييييل اخلي الخدامه تدش وريلي نايم يمي اهو ماينام ببلوزه لو شنو
وحتى لو يلبس هم احس غلط
انا صج اتعب حيل مع نونا بس ماحطها بيد الخدامه الا اذا رحت حمام او بصلي واهي تبجي وماعندي احد يقعد معاها

وعالبجي من الناس انا لاحظت عليها تبجي من الويه اللي فيه لحيه تخاف من الرياييل اللي ويهم في شعر اسود ماعدا ابوها
و الحمدلله عادي مع الناس ،، انا يوميا احطها جدام التلفزيون وان صارت عندنا يمعه انزلها و احطها بكرسيها وطبعا من ايد لي ايد يلعبونها فتعودت
العمر اللي صج سخيف وتبجي من اي احد اهو من ١٠ شهور وفوق حتى لو مشت تصير ذيلج وماتبي اي احد يمسكها

يارب عيالنا مو جذي ان شاءالله*

 

[noo7a]

ريريز
وااااي من صجج انا ناطره على قولتج لمن يصير ذيلي
لووول صج راح اتاذى لان ماراح اعرف اسوي شي كله لاحقني
بس ونااااسه تحسين انج امج صج لان مايبي غيرج
انا مرات مو دايما هشوم لمن يبجي مايسكت الا لمن اخذه انا
اخييييه شنو شعور لذيذ
احسه يعرفني انا و ابوه بس لي الحين مو مستوعب شالسالفه لووول

 

[ReRez]

نحنوح اي صح شعور حده حلو و هم اذا صار ذيلج وناسه بس الموحلو وشفته باختي اهو بالزوارات حيييييل تأذت مع ولدها من يدش و اهو اي احد يكلمه او يبوسه يبجي بجييي وماسك ملابس اختي وملفعها حيييل عشان لاتهده
و اذا بتدش حمام ماتقدر عاد انا اخذه منها يعرفني اهو بس هم يبجي ويعفسني
من جذي اقول ان شاءالله بنتي موجذي

اوكي مكان غريب خل تصير ذيلي بس مو زوارة اهلنا اللي نروح لها كل اسبوع موشي كل اسبوع انخبص هالخبصه وتنعفس دنيتي وملابسي
هههههه حلاتهم

 

[noo7a]

اي لا جذي مو شي بالزوارات و بين الاهل
حلاته الياهل اجتماعي بس بذرابه مايقط نفسه على اي احد لول

 

[Janna-q8]

عيل انا بنتي خفيفه لوووول

ليحين ما تستنكر الويوه

يمكن لانها توها صغيره؟؟

ما كملت اربع اشهر ليحين حلاااتهااا


و الله احاتي تطعيم الاربع شهووور

 

[om_3azoz]

ريريز
وااااي من صجج انا ناطره على قولتج لمن يصير ذيلي
لووول صج راح اتاذى لان ماراح اعرف اسوي شي كله لاحقني
بس ونااااسه تحسين انج امج صج لان مايبي غيرج
انا مرات مو دايما هشوم لمن يبجي مايسكت الا لمن اخذه انا
اخييييه شنو شعور لذيذ
احسه يعرفني انا و ابوه بس لي الحين مو مستوعب شالسالفه لووول

وااااااي بس ذيلج اوف ,, هههههه انا عزوز حتى الحمام تكرمين ادش يبجي ماما ماما
ولمن اروح بيت ابوي اذا بروح دار اختي ولا الحمام تكرمين استاذن منه ترى انا بروح موتبجي

وبالبيت لمن بسوي شي لازم ماما ابوسج بوسيني هههه

ومايحب الخدامه تسويله شي كلش

 

[انثى الكويت]

لا تلوموني لان صج تعبانه انا شايله كل شي بروحي مانام باليوم الا 4 ساعات
وفوق كل هذا اسهر

اول كنت اقوم اعطي شو للخدامه وارد اخذها وريلي ولا يهمه

صراحه احتر مرات ابجي وانا قايمه البنت مالها شغلاهو ينام متواصل 10 ساعات
ويرد يقول تعبان انقهرررررررررررررررررررررررررررررررررررر


اول يقولي لا تخلين الخدامه تدش كيفه قلت له شلون كل ساعه اقوم واعد وغير هذا مانام

بتدش الخدامه
انا ريلي لما ينام يلبس بجامه مافي شي ظاهر ولا يتفصخ

بنات كل حياتي تعب بتعب وارهاااااااااااااق

اطق ابر بعيوني عشان الهالات السوده عشان يروح السواد
وين يروح اوانا مانام كلش

الدكتوره اول امس تقولي انثى يعني مستحيل اقز لج اقوى الابر بس نامي ارتاحي خلي ريلج يقضب

اهو يقضب بنتي واهو قاعد بس انه يقعد من نومه ويقضبها فهذا مستحيل وانا مانام اذا خليتها عنده

لان تصارخ وتبجي وانا اقوم اقول شفيها
واسكتها
واذا موصخه يقعدوني
لان محد يغسل لها غيري


فيت على الخدامه تدش يبا تدش بس ارتاح شوي والله
امس نمت من 8 بليل للساه 5 الفير خليت ريلي يقضبها ونممممممممممممت حطيت باذوني سدادات عشان لا اسمع شي
ونمت والله قمت ماكو سوادتحت عيوني
الحمدلله الابر يابت نتيجه

 

[noo7a]

انثى
وي كلنا بالهوا سوا
الله يعين بس



بنات اليوم بما ان الفلنتاين دييييي
وانا متوهقه بهشوم بطلعاتي لووول
فبنروح الاكواريوم نوديه لوووول
خل اجرب حظي معاه راح يتنح بالسمج

 

[حمرة الورد]

سلام كيفكون

 

[غلبانه]

هلا بنات
وحشتوني حيل
غبت عنكم بس والله ولدي مو مخليني حتى احك راسي

يادوب اشتغل شغل البيت
والحين كمان مزكم بسسسس يبكي ويبي بيدي
والله يقوينا
بديتوا تاكلوا عيالكم
انا بديت اذوقه موز مهورس
تمر مذوب بماي

وانتوا

 

[غلبانه]

بنات اي صح شنو تستخدمون موانع حمل
تخيلوا انا الدكتوره منعتني من الحبوب رفعت لي ضغطي
وحتى اللصق
قالت مافي غير لولب او واقي او عزل

والحين على الواقي والله يستر خايفه احمل ناس كثير تقول مو مضمون

منو مجربه او سمعت تجارب من احد تقولي

 

[om_3azoz]

انثى الله يعينج حياتي كلنا جذي

انا جذي كنت يوم يبت عزوز ماعندي خدامه كل شي انا ماكنت انام وريلي مايمسك ولدي يمكن حده ساعه مايعرف بس اذا كان يبجي كان يشيله وينومه بس انه يقعد ويمسكه لا

طبعا ماكنت اطلع اللهم يمكن مره بالشهر وطلعه سريعه ,, وكلش ماكنت معتمده على احد


بس الحين لا لمن اروح الدوام اخلي بنتي عند الخدامه ,, وعزوز بدخله حضانه سبوع الياي ان شاءالله
والله كريم

بس داري انا انضفها ,, وانا اطبخ ساعات اهيا




يعني انا اليوم رديت من الدوام جان اطبخ ويالله نمت شويه 4 وتوني قاعده اوف ماكنت بقوم بالغصب يالله بطلت عيني واشوه بنتي نايمه


وطبعا لمن تنام بنتي وانا نايمه ماخليها عند الخدامه تكون نايمه واخليها بسريرها بدار عزوز اذا بجت عاد تروح لها يا ترد تنام ياتقعد وتلعب ,,


بس بليل انومها عندي والصبح الساعه 7 اعطيها الخدامه لاني اروح الدوام ,,


بعودها تنام بروحها مع عزوز لاني بفصلها قريب

 

[om_3azoz]

غلبانه الواقي ممكن تحملين ,,

انا استخدم حبوب الحمدالله ماشي معاي ,, انتي دام جذي ركبي لولب بس عند دكتوره شاطره

 

[ma3boocha]

يا حبني لكم



بمناسبة الفالنتاين






احبـــــــــكم ♥



Miss U All

 

[om_3azoz]

واحنا بعد ,, انتي وينج غاطه ,, شلون فضولي ؟

 

[ma3boocha]

لاااااااااا


انا فرووووووسي



بتبوووتا فضوووولي




غاطه بهالدنيا

من داومت وانا ماعندي وقت كلش
والحين داوموا اليهال


متمصخره حدي



الحمدالله بخير و كلنا تمام


وقلبي عندكم والله

 

[غلبانه]

اب اب اكو احد هني

 

[غلبانه]

وش هالحظ لما جيت مافي احد