اطفال اكتوبر 2011 ياحلوهم 

[noo7a]

الحمدلله على سلامتنا
؛)

 

[Khota8]

هلا هلا نوحااا
حمدالله على السلامه وشلون هشوم مع البرد

 

[Khota8]

هلا هلا نوحااا
حمدالله على السلامه وشلون هشوم مع البرد

 

[*دنــيـQ8 ــا الوله*]

انثي ... انا ولدي الخميس بزوارة بيت اهلي ... امي كانت طابخه مرق بطاط ... هرست له بطاطه مع العيش وذوقته شوي .... قعد يمطق فيه سااااعه خخخخ وذوقته شوي كراميل وحده مستانس احسه خخخخخ فديته الخايس

وبديت اعطيه بسكوت بالحليب ... احط له ربع بسكوته

 

[*دنــيـQ8 ــا الوله*]

بنات باركولي ............ ربحت سفره خخخخخ

امس رحت مجمع ... وجابلنا مصري يقول راح يسالنا 3 اسئله وراح تربحون معانا جوائز ... جاوبنا علي اسئلته وقااااال ربحتو ... 3 ليالي بمنتجع بشرم الشيخ اقامه والتذاكر علينا احنا ... وربحنا خصم علي مشتريات من محلات مثل داماس وبوسيني وزارا ومحلات ثانيه وايد

قال لنا تعالو باجر عندنا اجتماع وراح نشرح لكم كلشي ... وقال ان هالعرض ماسوينا له دعايه بالتلفزيون ولا الجرايد احناااا بس بنختار جم عايله ونسفرهم علي حسابنا ... وهالعوايل انشالله لما تشوف خدمتنا واهتمامنا راح تمدح فينا عند اهلها ومعارفها وبجذيه احنا راح نكسب زباين اكثر

الصبح انشالله بنشوف اجتماعهم وبنعرف تفاصيل اكثر ....

المطلوب منكم .... انكم تدعولي بهالسفره خخخخ لان ريلي اذا قلت له خل نسافر قالي اوديج الخفجي خخخخ

وعلي فكره برد خدامتي الطنطل المكتب وبفلوسها بسافر خخخخخخخ *

 

[انثى الكويت]

نوحا الحمدالله عالسلامة تاصيل السفره نبيها

دنيا وناسه حتى انبعطي بنتي اكل بخيس بطنها بروحه خايس لوووووووووووووووووووووووول

وعالسفره ماصدقها مره رحنا انا وريلي وقالو لنا جذي واجتماعخر شي اشتركو معانا ب 3000 دينار

ونسفركم اوروربا

فان شاء الله تضبط معاكم تستانسون

 

[تدلل حبيبي]

الحمدلله علا سلامتج نوحا
زياره مقبوله انشالله
هابشري شلون هشومي مع البرد هناك
عطينا تقرير ملخص عن ولدج بالسفر

اليوم رديت فطومي الطبيب لان احس انها ماطابت
غيرو ادويتها عاد انشالله تنفع وياها يااارب

كان عندي كذا شغله هدايا حق بنتي من ولادتها الناس يايبلها
كرسي هزاز وعندي مثله وطاولة طعام وكرسيها عندي مثلهم
وشكثر ملابس شتويه وبنتي ما تلبس شتوي تعرق بسرعه
فرديتهم كلهم لان مذركير يرجعون عادي بدون فاتوره
طلعلي مشتريات قريب ١٠٠ دينار
عاد خذينالها بربطوزات حق ٣-٦
وبجايم وبدل طلعه*

 

[noo7a]

خوتا
انثى
تدلل
الله يسلمكم

والله السفره حلوه بس ماينفع بيبي رضيع فيها لوول
امبي حياتي وايد تاذى
طبعا تغير عليه الجو والله مايشرب حليبه الا مرتين باليوم بسسس وانا الي اعطيه يشرب غصب درجتين بسسسس
وكله يبجي اعطيه حليب يصرخ من قمه راسه بس يبي ماي
واحنا رايحين بالطياره كان نايم فكلش ماحس و ماتاذى
بس بالرده آآآآه حاولت انومه ما نام صار معاه ضغط باذنه و حر الطياره صار حران و اهو منشول بس يصرررررخ
كل الي بالطياره مساكين يو حقه الي تهززه و الي تهف عليه و الي مسكينه صارت عرقوز و اهي تحاول تلعب معاه
واي قلبي صار لونه بنفسجي من الصراخ و البجي وايد تعب الحمدلله ماصدقنا نوصل

طبعا كنت البسه طبقات لووول يصير شكبره لول مايبين الا خشمه و عيونه فديت عيونه لول
بس داخل الفندق دفا وايد يعني كنا ننام مو لابسين شي عادي



ام عزوز
لووول ايران 10 ايام شسوي فيها لووول
احنا رحنا الاربعه و رجعنا السبت
كنت اقصد 10 ايام ان هشوم كان مصخن بعد ابره الاربع شهور


دنيا
اييي هذيل الشركات يقولون ربحت و ربحت و ربحت و تعال احضر الاجتماع
ولمن تحضرين يقولون لج لازم تشتركين بكذا بمبلغ و قدره عشان نعطيج الاشياء الي ربحتيها
و يلوعون جبد الواحد غصب بيقنعونه يشترك
بس العاده يدقدقون تلفون يقولون الرقم طلع معانا عشوائي هالمره يفترون مجمعات
بس عاد انشالله هذول غير

 

[noo7a]

بنات
وييييييييع
بلش دوام الجامعه
ويييع
ماشبعت من الاجازه الي اخذتها

 

[المكسيكيه]

صباح الخير بنات

 

[انثى الكويت]

ويييه نوحا مره ثانيه سمعي الكلام وخليه عند اهلج

صباح النور المكسيكيه



بنات صاكه فيني الدنيا مو قادره اسوي رجيم واضعف ولا اسوي رياضه وزني قبل الحمال ٧٧ وطولي ١٧٠
باجي لي ٧ كيلو واوصل وزن مثالي بنات جسمي ينن وطولي حلو

وزني الحين ٨٩ امبيه شسوي صرت دبه

والله جد جد جد احس ابي ابجي بس ابلع شسوي

 

[ReRez]

تدلل بربطوز بالسعودي؟ اذا اي يعني انتي حساويه؟
<< تكلم كونان


جنا اشدراج ان بنتج بردانه عشان تلبسينها كل هالطبقات
انا حتى الصروال الطويل اللي لبستها اياه تحت الاوفرول الصيفي قطيته لان تعرق حيييل

الحين بس البسها اوفرول صيفي و تبان نص جم فقط لاغير
----

دنيا الوله اي مثل ماقالو البنات روحي الاجتماع وان شاءالله مايقولولكم رسوم عاديه دفعو هالكثر واحنا علينا الاكل والسكن والتذاكر ،، عيل شكو دفعو مادري!! صارت فينا بس بالتلفون وريلي قال يخسون النصابين ومارحنا الاجتماع*
---

نوحا الحمدلله على سلامتكم

 

[المكسيكيه]

ويييه نوحا مره ثانيه سمعي الكلام وخليه عند اهلج

صباح النور المكسيكيه



بنات صاكه فيني الدنيا مو قادره اسوي رجيم واضعف ولا اسوي رياضه وزني قبل الحمال ٧٧ وطولي ١٧٠
باجي لي ٧ كيلو واوصل وزن مثالي بنات جسمي ينن وطولي حلو

وزني الحين ٨٩ امبيه شسوي صرت دبه

والله جد جد جد احس ابي ابجي بس ابلع شسوي

امبي نفس الخحالة انا زايدة 8 كيلوان بنزلهم مو قادره امبي شل الحل

 

[*دنــيـQ8 ــا الوله*]

مارحنا الاجتماع الصبح ... راحت علينا نومه ... بسسسس لوع جبدنا هالمصري الف مره دق علينا... انشالله المغرب بنروح بسسسسس متحلفه فيه لاقال دفعوا دينار واحد .... لانه امسسسس ماياب سيرة الفلوس. وقال كلشي علينا ... بدوس ابطنه لا غير كلامه خخخخخخ

 

[*دنــيـQ8 ــا الوله*]

انثي .... ريجيم اسمع عنه بسسسس ماشوفه خخخخخ عندي عرس حماي اخر شهر ثلاثه ... وطبعا لافصلت ولا شريت شي للحين لاني ناويه اضعف .... بس وين هالضعف ... هي وجبه وحده ... وبينهم خرابيط بالاكل .... احط حرتي وتعبي بالخرابيط شبس وباسكن وكاكاو

ودي احمل مره ثانيه علشان يكون عذري وكرشتي بالحماااال خخخخخ فكره هاااا لحد يبوقها مني خخخخ

 

[noo7a]

لا تذكروني بالرجيم و ساعته لووول


دنيا
و بيلوع جبدكم اكثر لي رحتو الاجتماع لووول

ريريز
الله يسلمج حبيبتي

 

[Khota8]

احنا وين والرجيم وين انا زايده بس ماقست وزني وع وع متنانه بأماكن كلش مو حلوه فخوذ وجنوب والحلوه محتاسه بينهم ولا بعد ظهري صاير طبقات قبل صبه وحده
ولا الصدر ماكو ستيان قده
كل من يشوفني يقولي ماشاءالله رديتي احلى من اول ضعفتي بس مليانه وانا عشتو لابسه هذا الشورت اللي يضب عاصره نفسي عصار
وطول اليوم اكل وكله يوعانه مادري شالحل؟؟؟؟؟*

 

[om_3azoz]

مرحبا شلونكم

الحمدالله على سلامتكم نوحا اي انا عبالي ١٠ ايام بتروحون ههههههه قلت شسالفه

دنيا
نفسنا مره دقو علينا وقالو ربختو تذاكر سفر محانا كل شي علينا وخربطو ورحنا مكانهم بالديره رحنا ولا لازم ندفع وبطو راسنا بالحجي يالله قدرنا ننحاش ههههههه



انا اليوم بلشت دوام ميداني

 

[om_3azoz]

على طاري الرجيم انا امس مومتعشيه واليوم تريقت فطيره حلوم نص وبعدين رديت البيت ماتغديت ولاكليت ولاشس توني تعشيت بس

 

[Khota8]

ام عزوز
اخبرج ضعيفه ماتبين تضعفين اكثر ليش تاكلين جذي تعاقبين نفسج مثلا