اطفال اكتوبر 2011 ياحلوهم 

[Poison_Girl]

هاي بنات شلونكم
اخ عالبيبيات ما شفنا النوم حمدلله على كل حال توني طعمت علاوي مال 4 شهور
الدكتور قالي قبل لا اودي اعطي تحميله اسمها Tylenol 100 و عطاني كريم حق مكان الابره

انا ولدصاير يخاف من الصوت العالي ويحب الشيل والحضن وايييي تعبت شنو الحال صاير دلوع

 

[ReRez]

انثى انا بنتي جنها بالاربعين للحين تقوم كل ساعتين تخيلي!! ارضعها وماتكمل تشرب رقمين وتنام ومره ثانيه تقوم تبي وااااي معاناة
ربي يآجرنا ونشوفهم كبار وبصحه وعافيه يارب

 

[Janna-q8]

معبوووج

و احنا نحبج بعد و نحب مشاركاتج ... الله يعينج يلا قريب ان شاء الله ينتظم روتينج و تردين معانا ^^

انثى
لووووووووووول اهم شي سماعات اذون

بنات اليوم طلعت جنوي بالافنيوز و بالصدفه ملبستها احمر ما حطيت ببالي ..عاد اسمع تعليقات الناس ياااي ياحلاتها احمر فالنتاين و جذي لوووول

بس فضحتناااا اليوم مادري شفيها بس بجييي ...اللي راحت فيكم اليوم الافنيوز و سمعت بيبي بس تبجي تعرف هاذي جنوووي

لا عاد قعدنا بمطعم انزين

صاحت شوي بعدين طخت و نامت و قعدنا ناكل .. عقب ما خلصنا صحت و كملت مشوار البجي..انا عادي اطول بالي لاني اذا ما طولته ماراح استفيد لووول و شايلتها و اطالع الدنيا و اهززها شوي و احاجيها عشان تهدي... و لا بالطاوله اللي يمي وحده شكلها سوريه فلسطينيه.. المهم تطالعني بنظرات يعني : انتي تفشلين جذي ...لوووول شتبييين عاد سوت بنتي ازعاج و لا ما سوت عمرها ما تفشلني عالعكس احلى شعور ان معاي بنتي اطلعها وياي مو هادتها و احوس من مكان لي مكان.. عاد انا قعدت اتنح فيها شوي ليما استحت ووخرت!

 

[Janna-q8]

بويزن

اي بدوا يفتهمون قاموا يتدلعووون

ريرز
اي انا بعد جذي ...قلييييل تنام خمس ساعات متواصل بس ع قوله نوحا عشان برد يمكن ايوعون بسرعه

 

[نور الدنيا 88]

اهلين بنات شلونكم

انقى سيكو تخلبنها تدش دارج
مهما بكون ماتدربن عن ظروف نفسيتها
متزوجه و بعيده عن ريلها
او مو متزوجه و تطالعج
ديري بالج


تطعيم 4 شهور حده بايخ يكون الياهل شوي كبير و يفهم

عندي سؤال متى اغبر الحليب و اعطيه رقم 2 لما يدش اليادس و الا لما يكمله ؟؟؟

 

[Janna-q8]

نور
انا استعمل ابتاميل كزمفورت

الدكتور قال بعد 6 اشهر

 

[ReRez]

نور الدنيا ،، اذا كمل اليادس وصار ٦ اشهر ويووووم
غيريه حق الدرجه الثانيه

 

[noo7a]

صباح الخير يا حلوين



ويع مو حلو الدوام اشتقت حق هشوم


بنات امس وديناه الاكواريوم
يماااااااا فديته يطالع السمج و يلحقهم بعينه
و اختكم نوحا طقتها بجيه من الوناسه لوول
ريلي يقول شفييييج اقوله ولدي كبر بدا يفهم لوووول
نصيحه نصيحه نصيحه
ودو عيالكم الاكواريوم لا تقولون صغار ما يفهمون
حتى لو ما يفهمون يتنحون و يطالعون شي غريب

و بعدين بالطلعه يم الستور في مثل استيديو صغير للتصوير
خذينا له لقطه ذكرى و اهو راكب فوق القرش لوول

 

[om_3azoz]

مرحبا


انا توني راده من الدوام وقاعده اطبخ ,, الله يعين يارب

صج لويه

زين جنى طلعتيها انا ولامره ليلحين هل شهر بتشري لها عربانه وبطلعها بجرب حضي


زين بنات متى نقعدهم بالدرايه اللي اهيا المشايه

 

[انثى الكويت]

هاي بنات شلونكم

خرعتوني خلاص ماراح اخلي الخدامه تدش علينا واحنا نايمييين

شرايكم فيني وانا اسمع الكلام
غلبانه شلونج ركبي لولب شتسوين بعد اضمن لج

معبوجه شخبارج وين غاطه جذي واحنا نحبج

 

[انثى الكويت]

ويييع قام يعلق المنتدى مادري الايفون
مايخليج تكملين الحجي ولا شي

ماعلينا نرد حق هشومي وفديته حبيبي مبقق العيون ويشوف السمج يهبل
عاد تدرون ولا مره رحت الاكواريوم لووووووول شكلي اذا بدشه مع شوق

انا الي ببقق عيوني وببجي لاني دشيته


ريرز ليش بنتج المفروض كل اربع ساعات تشرب


بنات حليب نان يخلي بنتي كل يوم تخرج
ايام نوفيلاك كل ٣ ايام تخرج مره ولا كل يومين

توني مبدله لها ومغسله جان ترد توصخ
بعطيها دوا يقضب بطنها اذا مافاد بغير الحليب


بنات في وحده اسمعت مره انه الكركم زين للياهل يحطونه بالاكل

 

[om_3azoz]

انثى خليها كل يوم تسوي احسن ليش تبين تمسكين بطنها

وصج عادي الخدامه ادش وانتو نايمين شتسوي يعني ؟؟

 

[انثى الكويت]

شريت حق شوقو من الشاميه فوق بالجمعيه جدام مذركير
هالنفنوف والباند
وشريت لها من تحته عشان الدفا
تبان ابيض جم طويل مع بنطلون ابيض بدلاغ من مذركير الي جدامه

وهذا الباند كشكش ب ٨ دنانير البدله معاها جاكيت ستان يهبل كت الجاكيت

كل البدله ب ٨ تهبل صح

 

[انثى الكويت]

والله الخدامه تدش تاخذ شوق مني وتردها بس وانا الصوب يم الباب
يعني مو الي تتمشى بالغرفه لا

البنات يقولون المفروض ما تدش اوكي صح

بش للضروره احكام بحاول ماخليها تدش

 

[noo7a]

ام عزوز
اتوقع لمن يشدون عمرهم و يقعدون
الحين مادري انا هشوم مايقعد بروحه


انثى
لول من صجج مو رايحتله
نصيييحه ودي شواقه
راح تستانسون و اخذي لها لقطه تذكاريه
انا ولدي اعطيه نان بس يخرج كل ٣ ايام
قالولي طبيعه بطن ولدج جذي لان نان خفيف و يمشي البطن
وعالكركم امممم انا قالولي لا تحطين ولاااشي لا بهارات ولا ملح ولا شكر
انا بعدي ما بلشت اعطيه شي انشالله بعد اسبوعين

 

[noo7a]

انثى
يشووووق النفنوف عليها بالعافيه

كله يايبين حفر ونص جم
انا حق هشوم اخذت نص جم
الجو راح يكون براد راح البسه تحت جم طويل

 

[om_3azoz]

انثى اي فهمت عليج

انا جذي بعض المرات تبجي بجي من قلب تشيل البيت اذا ريلي موجود تناديني من الصاله

او اذا ريلي دوام اتيه اطق الباب عادي



والنفنوف ماشاءالله حلو انا ليلحن ماشريت لها بروح اشتري بس عشان البسها واصورها فيه ولا وين بروح بالله بالبيت

 

[om_3azoz]

نوحا اي لبسيه جم طويل او تلاقين تونزات الجاكيت من اج اند ام حلوين اذا حصلتي اسود زين

 

[om_3azoz]

الغدا خلص وريلي ماقعد اوف حدي فيني نومه

بتغدى وانام الظاهر ومنمن توها نامت

 

[om_3azoz]

انا بنتي مره ترفع راسها ومره لا لمن اقعدها ترفع راسها