اطفال اكتوبر 2011 ياحلوهم 

[*دنــيـQ8 ــا الوله*]

ام عزوز ... لايحوشك اوديها المكتب يزفونها واردها البيت معاي ... اصلا مره اسمعت امي تقول لاختي انها تاخرت ماقعدت الصبح مبجر ... سوتها سالفه شلون ماما تقول هالحجي عني وليش اتشكى لي عند اختج وليش وليش ... .......... اصلا مادري شلون بتحملها طول الطريج .... ودي اقعدها جدام علشان اشوف شتسوي اخاف تزنطنا وهي راكبه ورانا خخخخخ فيلم رعب هالاثيوبيه

 

[تدلل حبيبي]

سلام
شلونكم بنات

بعد ماطعمت فطوم تعبت وايد وديتها الطبيب طلع فيها احتقان ومنشوله
وحراره
وااي حبيبتي تكسر الخطر كله تون
والمصيبه انا بعد الظاهر تعاديت منها
بلاعيمي صااااكه وراسي مصدع


اليوم رحت احتفال مولد النبي معاها لبستها نفنوف اخضر شاريته من نكست
ومشطنا شقارها وااي صارت تهبل كتكوووته
طبعا فشلتني اي حرمه تشيلها تبجي بويها
واعطيها حليب ترجع
يعني عفسه ولوووويه 
بقولكم شي راح تنصدموووون
انا لي الحين مو قاضه اذونها حق التراجي
عاد ريلي قالي بيودينا بعد شوي
انشالله يصدق وعده مو نفس كل مره ههههه

نور الدنيا وينج حبيبتي اشتقنالج ةشلون حسوني
بتبوتا مكانج مبين يالقاطعه اشتقنا حق فضولي


*

 

[ReRez]

تدلل لااااا انتي من عالم ااااخر
مو من صجج؟!!!!! والله انا بنتي امرضت ماطلعتها الا حق المستشفى وبس
وانتي تقولين مريضه وترجع وموديتها مكان عام وفي ناس
لا ومو اول مره تسوين جذي

صج اهي بنتج وانتي ادرى بصحتها بس والله صغيره ومريضه حرام
---

دنيا لاتودينها انتي مره اختي يابت فلبينيه تخرررع كله تحت راسها سجينه اذا نامت يوم بيودونها عصبت وخافو منها راح وداها ريل اختي و حماها
يعني رياييل عشان ماتسوي شي مني ولا مني والله يخرعون الخدم اذا عصبو

 

[يا كويتنا]

شلونكم امهاااات يا حلوات


الجو ما عرفناله مره حرر ومره بررررد مو صج

مرات اخفف لبسه مرات اثقل احس طريقتي له غلط هذي اللي اتخلي الكحه اتردله الله يعين

وابو الشباب كل ما شافني قالي ذبحتيه باللبس والله من خوفي عليه

 

[تدلل حبيبي]

لوووول ريريز
لا والله مو من عالم اخر
بس انا مليت من البيت قلت خل اغير جو
ورحت مكان مسكر مو مفتوح
ومو زحمه
بعد مايصير كل ما مرضت اقعد بالبيت ملل والله

المهم باركيلنا حطينالها تراجي
واااي صارت تهبل اسم الله عليها
صج التراجي تطلع ويه البنت وتحليييه

 

[om_3azoz]

دنيا ,, انا جذي يوم وديتها وديتها مع حماي وحدي خايفه وكنت بيت ابوي قطيت عزوز ورديت شقتي قتلها اخذي اغراضج ماتدري شطبخه واقول حق حماي تكفه انزل معاي اخاف تذبحني


لان اهيا سالفتها الله يسلمج كنا رايحين الشاليه مع اهل ريلي المهم في غرفة وحده حق الخدم وقتلها اخذي فراشج معاج المهم الخدم يقولون لها انتي نامي تحت دام يايبه فراش ماتبي حنجت قالولي كلميها يا تنام على الارض ياتعطينا فراشها لانهم مويايبين فراش عبالهم نفس الخيران مارضت وعصب وصرخت انا خفت ,,

ثاني يوم قعدت ولا خدامة خالة ريلي تقولي مدام ترى هذي خوف لايخليها عندج وديها مكتب قتلها ليش تقول امس يوم رحتي انتي قالت لنا باجر ماراح تقعدون من النوم لاني راح اذبحكم ههههه انا من قالت لي جذي على طول رديت من الشاليه وديتها ياويلي تذبحني ولا تذبح عزوز


تدلل ماتشوف شر فطومه ومبروك صارت بنيه كربونها ,, اي يمكن مومتعوده على اماكن ناس ويمعه جذي
انا بنتي ماطلعها الا الزواره اليمعه وبيت ابوي وبيت عمي بس ليلحين ماطلعتها هل شهر بروح اشتري لها عربانه عشان اجرب اطلعها معاي شويه

 

[om_3azoz]

انا اليوم حرانه مادري ليش طلعت مساع مت حر وعرقت مادري يمكن لاني مريضه

انا بعد احتقان ونشله وصوتي رايح شويه ,,


زين بسال الحين مضاد حيوي يبطل مفعول حبوب منع الحمل ؟؟؟ ناس تقول اي وناس تقول لا وانا امس معطيني مضاد حيوي وماخذيته خايفه

 

[انثى الكويت]

صباح الخير

بنات هالجو مرض لا حر ولا برد

عاد شسويت لبست شوق اندر وير ودلاغ خفيف

بعدين لبستها فوقهم افرول صيفي بحتتتت خفيف

جسمها دافي لاهو ثقلت عليها ولا لبستها شي خفيف

وغطيتها بكنبل خفيف مو ثقيل وحطيت على مخدتها فوطه ناعمه لاعرقت تشفط الفوطه العرق

وتوني جيكت عليهامعرقه عالخفيف زين


لان بشقتي مو مبطله لا تكيف ولا درايش جذي جو الشقه واحنا نايمين

بس لا قعدت ابطل الدرايش ولما انام ولا اطلع اصكهم اخاف يصير غبار فجاه يتلف البيت

 

[ReRez]

انثى انا مثلج من يومين لبستها صيفي وتحته تبان جم طويل و اندر وير
و هم تعرق حبيبتي بس اخاف البسها بس اوفرول صيفي من غير شي تحته

تدرون عاد انا احاتي الصيف واااايد

مادري بالصيف شلبسها لان بره حررررر مووووت وداخل تكييف بارد

 

[تدلل حبيبي]

انثا
اي الجو تغير بدا يدفا
عاد انا طول الشتا مالبستها اندروير ولا مره اصلن ماشريت
لان بنتي محراااره
كنت البسها تبان قطن وفوقه بربطوز قطن صيفي او اذا كان وايد برد البسها بربطوز مخمل الخفيف
وساعات دلاغ

هالايام من بدا الجو يحتر ماقمت البسها مخمل ولادلاغ

 

[ReRez]

لحظه البربطوز اهو الاوفرول؟؟ والدلاغ حق شنو؟ انا كلش ما البسها دلاغ لان الاوفرول كامل ويغطي الريل

و انا البسها اوفرول شتوي بس خفيف موحيل ثقيل و ما البسها تحته ولا شي غير الداخلي ( التبان)
و الحين البسها اوفرول صيفي وتحته اندروير ( سروال طويل) لان غرفتي بارده


وهم تعرق

 

[Janna-q8]

انا عيل البسها اوفرول مخمل و تحتهم تبان جم طويل و دلاق و مرات بدال الدلاغ هيلاهوب و مرات خف فوق الاوفرول و تسوس يدفون ايدها ...لا و لابغت تنام لفيتها و ربطتها و لحفتها بلحاف شتوي.....لهالدرجه بنتي مبراده!!!!! مع ان شقتي دافيه

 

[om_3azoz]

عيل انا بنتي افرول صيفي بس وتحته تبان حفر او نص جم بس ,, بنتي تحتر بسرعه ولان شقتي دافيه

 

[تدلل حبيبي]

ريريز
البربطوز يعني الاوفراول
البسها ياه اول بعدين فوقه الدلاغ عشان اهم شي الريل تتدفا اكثر
بس الحين بس البربطوز بدون دلاغ وبعد تعرق ريلها

 

[om_3azoz]

اي حر بالبيت

انا بنتي تصب صب عرق ,,,


اوف ريلي سخيف قطيعه بنتي خلص حليبها باقي حق 3 رضعات تقريبا نسيت مساع اشتري

قبل شويه قتله روح اشتر قالي زين الحين نام بالصاله قالي عشان لا انام انام وقعديني اروح اشتري الحين اقوله يقولي طلعتيلي سالفة انتي بالحليب يعني شنو انا اطلع هل حزه مالي خلق كلش

سخييييييييييييييييييييف ,, بروحي مريضه وعيزانه البس واروح وغير عزوز بيلزق وايه معاي وياذيني

 

[*دنــيـQ8 ــا الوله*]

علي رايكم بنات ... انشالله باجر حماي ايي من السفر وبخليه مع ريلي ياخذونها يودونها المكتب .... وانا بنحاش بيت اهلي خخخخخخ

 

[Janna-q8]

دنيا
وايد تحاتين الله يعينج لووول شكلج حلمتي فيها بعد هههه لا تحاتين ان شاءالله ماكو الا العافيه

ام عزوز
عادي الرياييل دايما جذي كسل بس خليدق واحد من الدوانيه يقوله وينك تلقينه طيراااان رايحلهم


بنات سؤال...






انا صار لي سنه ادور ريموت الرسيفر




وينه؟؟



ابي اطالع التلفزيون و محرومه !!!

 

[Khota8]

ام جنوي
تلاقينه تحت الغنفه
او بين الاسفنج مال الغنفه
واذا بغرفتج تلاقينه تحت الماترس منخش
هههههتههههههههههه

 

[Khota8]

لا لا بنات ليش احنا بالصفحه الثانيه
شدعوه وينكم عسى المانع خير

 

[انثى الكويت]

هاي بنات شلونكم


بعدل نومت بنتي ابيها تسمت النومه شلون مو قادره اسهر معاها للصبح



اي خلاص بنتي ببلش اعطيها اكل