اطفال اكتوبر 2011 ياحلوهم 

[*دنــيـQ8 ــا الوله*]

Poison_Girl....حتى انا ولدي عينه عالجفن دمل علي قولة الدكتوره ... والحين بعينه الثانيه من تحت ... يعور القلب والله

ريريز ... بالافنيوز اكو غرفه خاصه لتغيير البامبرز ... شغل عدل يعني غيري لها الطلعه اليايه ... لحظه لحظة خليني اقولج عدل ... الافنيوز وايكيا فيهم غرف خاصه لتغيير البامبرز ... المهلب و المارينا فيهم استاند ... احط ايدي علي قلبي لاغيرت لولدي ... احسه بيطيح *... بسيتي سنتر الاحمر ... مكان تغيير البامبرز بحمام المعاقين ... وهذه نبذه عن جولتي بتغيير البامبرز خخخخخ

وبالنسبه للطلعه ... انا احب اروح الافنيوز والمهلب واي مكان تكون مواقف السياره داخل المجمع ... علشان الهواااا

 

[كويتيه فدعاا]

سلام شلونكم وشلون البيبيات
حبيبي علاوي عيونه اتعوره في رمد وأي كاسر خاطري ادعوله الشفاء العاجل صارله 3 اسابيع
وقصب ينام حمدلله على كل حال... عنده تطعيم 4 شهر بس قالي الدكتور لازم ااجله سبوع عادي؟

الله يشفيه ان شاء الله ويخليه لج
اذا ولدج عيونه حيل مرمده
وبعد الرضعه يرجع حليبه كله
ترا ولدج مملوع
وديه حق وحده شاطره بالطب الشعبي
تشوفه وتقولج اذا مملوع والا لا
بس ديري بالج لاتحط اصبعها بحلجه
بنت خالي الصغيره نفس الحاله بالضبط
ودوها حق وحده ومدري شسوت لها بس بعدها
البنت طابت الحمد لله

 

[Janna-q8]

انثى
اي ماسمعتيني مره قلت حق خوتا انا شرطيه التجمع؟؟ ملاحظتج بتجمع الميكب بعطيج مخالفه تقطط فلوس و تشري هههههههههه

عليج بالعافيه.. انتي الحين شريتي عن خاطرج جم شغله خلاص الحين لا تشترين الا اللي تحتاجينه .. واذا عجبج شي حاطينه البنات سيفي صورته عندج و خليه بتلفونج او لابتوبج.. المهم اذا خلص المكياج اللي عندج ابدي تشترين من اللي مسجله صورهم و جذي ^^

خوتا
تسلملي مشاركاتج

ريرز
اي وناسه تطلعين بنتج و اليهال يحبون تحوسين فيهم بالعربانه

مكسيكيه
لج وحشه يا ام فجووري

دنيا
وين بالضبط مكانهم هالغرف؟؟ تدرين الافنيوز يضيييييع من كبره!!

فدعه
انا عرفت من البنات هني ان البسكوت و منتجات القمح مو زينه قبل 6 شهور

مشاعر
ههههههههههه لا انا برويال حياة!!

 

[*دنــيـQ8 ــا الوله*]

جنااا ... بالافنيوز الغرفه بالممر الطويل يم المطاعم ... وصاير يم حمامات الرجال

وبايكيا صوب العاب الاطفال ... يم المصلي تقريبا ..... احس اني ماعرفت اشرح لج خخخخ

 

[انثى الكويت]

بويزن الله يشافي ولدج يارب
ريررز لا تخلين بنتج من غير تبديل انا مره بنتي وصخت
معاي فوطه احتياط

وديتها غرف تبديل الحفاض الي قالت عنهم جنى
وين صوره حمام الرجال والنساء والمصلى في مرات علامه ياهل يعني اهني في غرفه بامبرز


في مغسله اغسل لها وفي صابون وابدل لها عالاستاند

 

[انثى الكويت]

كويتيه فدعا شنو مملوع يعني
وانا اعطي بنتي حليب مره مع قفشه سيريلاك ومره مع ربع بسكوت

والمفروض ولدج يشرب اكثر ٣ ارقام شوي وايد

لازم الحين ٥ - ٦ ارقام

زيدي له رقم او نص رقم وشوي شوي تمير النعده ويشرب اكثر


جنوي انا قمت اخزن الصور بس في اشياء صج اختاجها

 

[*دنــيـQ8 ــا الوله*]

امس رحنا نخطب حق ولد اختي ... وناااااسه حده احساس حلو انه تنخطبين والحريم يشوفونج وتستحين وترتبكين وحالتج حاله خخخخخ ويذبحج التفكير والمحاتاة وااااي حده هالشعور حلو .... اي ذكروني باللذي مضي خخخخخ بسسس ياريت العزوبيه تعود لاخبرها بما فعله الزواج بي خخخخ عفست ابو المثل خخخخ*

 

[ReRez]

اي جنا الغرفه يم الحمامات داخل في غرفة عليها صورة بيبي لابس حفاضه
بنات انا ماغيرت لها عبالي ماوصخت لان بنتي مادري ليش الريحه ماشاءالله ماتطلع لي بره بس اذا طليت اعرف انها موصخه
طبعا ان بطلت البامبرز الريحه تكفخني بس واهي مسكره ماكو ريحه فمادري انها موصخه واهي ماشتكت من جذي ماغيرت واحنا طالعين
---

كويتيه فدعاا والله نصيحة من دكاتره ومن مواقع علميه عن اغذية البيبي
بعدي عن منتجات القمح لين يصير٦ اشهر لان قبل هالوقت جسمه يتحسس من القمح اذا مو الحين يطلع اثاره اذا كبر اسم الله عليه

فلاتحطين بسكوت قمح ولا سيريلاك قمح

جربي شي احسن وقالي عنه الدكتور وينفع حق الشهر الرابع اهو سيريلاك ارز المرحله ١
حطي اول شي ربع قفشه بالحليب وعطيه كل يوم مره وبعدها زيدي خليه مع كل رضعه وهم قالي عن الفاكهه جربي تعطينه مره باليوم صنف واحد بس مخفف طبعا*

ربي يحفظه لج وتشوفينه معرس ان شاءالله

 

[noo7a]

ريريز
ماتطلع الريحه من طبقات الملابس الي نلبسهم اياها لووول
انا ولدي جذي
و هم من كثر ما البسه فقير ايده كله مفوشحه مايقدر يضمها عدل لووول
مخرعين البرد



بنااااااات
مستحيييييل
لاااااا
مو من صجججججج
الدوام الاسبوع الياي
لاااااا
كلش مو حاسبه حسابي


 

[ReRez]

لانوحا بنتي ما البسها وايد بس اوفرول والداخلي نص جم
حتى سروال طويل ما البسها بس الاوفرول فقط لاغييير
لانها مثل ماقلتلكم وااايد تعرق ف من البسها كذا شغله تعرق لي ظهرها حتى وريتكم الصوره

بس غريبه الريحه ماتطلع بره البامبرز وماعرف انها موصخه الا اذا طليت

 

[noo7a]

ريريز
اي صح ذكرتيني
و شصار عليها الحين ؟!
حياتي الله يعينها
يمكن من نوع البامبرز شنو تستخدمين لها ؟!
انا حق هشوم ليبرو و مع طبقات الملابس مايبين بس كل ما طلعت قطعه بين


بنات انا يوم الاربعه انشالله مسافره مشهد
و هشوم معاي
قاعده احاتي ركبته الطياره و الجو بارد هناك
و امي واختي يحنون علي اخليه عندهم
يقولون حرام بتودينه تمرضينه و ترجعين
بس قلبي مايطاوعني
خلاص حجزنا له و الله يحفظه يارب و يسهل سفرتنا معاه

 

[تدلل حبيبي]

سلااام
اليوم طعمت بنتي ٤ شهور
طبعا متاخره ٥ ايام
وااي شكثر بجت حبيبتي
والنيرس المليقه بس بجت جان تقول دي ماما وِحشه
 لا وجدام ريلي
جان اعصب واقولها لاماما النيرس وحشه
اول مارديت البيت عطيتها بندول
وسويتلها كمادات ماي دافي
الحين حبيبتي قاعده تون من الالم


*

 

[تدلل حبيبي]

نوحا حبيبتي تروحين وتردين بالسلامه
وزياره مقبوله مقدماً
امانه ادعيليي

ودفي هشومي عدللل قبل جم يوم امي وابوي رادين يقولون بررررررد الدرجه ٣ تحت الصفر
وفي حركه يسوونها حق العربانه
تسدحين ولدج وتحته وفوقه كمبل
وبغدين ييبي كمبل خفيف غطي كل العربانه في
عشان اذا بغا ينام بالعربانه لايحوش ويهه هوا حبيبي


بنات طالعتلي ورمه بيدي اليمين صوب الوضوء كبيييييره
وتعور حييل
اليوم كنت بروح المستوصف اشوف شسالفه
بس الله يهاداها فطوم دودهتني ورديت البيت

 

[تدلل حبيبي]

ريريز انا بعد فطومي لما تخرج ما تطلع ريحه
بس ابوها يشم يقول مسويتها لووووول
انا ماشم
استخدملها بامبرز وما البسها الا تبان وبربطوز قطن
وساعات دلاغ ههههه
*

 

[noo7a]

تدلل
تسلمين حبيبتي
محنا مودين عربانته
بتثقل علينا
بالصعده و النزله
بناخذ معانا هذي

ريلي بيشيله
والله يسهل


الله يعينج على تطعيم الاربع شهور
حده مليق
انشالله باجر تقعد من النوم مافيها الا العافيه

 

[كويتيه فدعاا]

كويتيه فدعا شنو مملوع يعني
وانا اعطي بنتي حليب مره مع قفشه سيريلاك ومره مع ربع بسكوت

والمفروض ولدج يشرب اكثر 3 ارقام شوي وايد

لازم الحين 5 - 6 ارقام

زيدي له رقم او نص رقم وشوي شوي تمير النعده ويشرب اكثر


جنوي انا قمت اخزن الصور بس في اشياء صج اختاجها

حبيبتي الملع مثل الخلع تقريباً بس خفيييف حيل ومايبين
بالاشاعه. والملع يصير لمايكون البيبي من ايد واحد للثاني
بدون مهاد يشيلون بطريقه مو صحيحه
هذي سوالف عجايزنا

 

[ReRez]

تدلل واااي الله يعييين اكره تطعيم اللي بالفخوذ ربي يسهل علينا ان شاءالله
طمنينا متى تصير احسن لاني وايد احاتي هالتطعيم
--

نوحا وانتي متى هشوم صار احسن بعد هالتطعيم،؟ لان انا امرضت حيييل من تطعيم الشهرين فحيل خايفه الله يستر
تروحين وتردين بالسلامه يارب ،، الله يعينكم انا بالكويت اخاف اطلعها بالبرد اشلون مشهد بعد؟!! الله يسهل عليكم ويحفظه يارب

اي صج استخدم بامبرز وما البسها الا تبان داخلي و اوفرول و الريحه ماتطلع كلش
*

 

[كويتيه فدعاا]

ريريز
يعطيج العالفيه حبيبتي ع النصيحه
وان شاء الله بسمع كلامج
بس بسالج شنو الفاكهه اللي اعطيه
وشلون اخففها
والله يجزاج خير على هالدعوه
ويخلي لج عيالج

 

[noo7a]

ريريز

تقريبا اسبوع لي 10 ايام
كنت اعطيه ادول و تحاميل و لزقات اليبهه حق الحراره و يالله فجت



اليوم رحنا استلمنا جواز هشوم
كربووووووون جوازه
اهم شي كاتبين المهنه "طفل" لووووووول
و مرينا المستوصف قلت للدكتور ان بسافر و الجو بارد
فقال اخذي فوصفلي احتياط ادول و قطره للخشم و مضاد حيوي و للبلغم و ماي غريب وانشالله يارب ياكريم ما يحتاجهم
و قال ان نام بالطياره راح يرتاح بس اذا قعد راح يتضايق من ضغط اذنه و لا تخافين بس هززيه الوضع طبيعي
فانشالله يارب طول الطريج ينام

 

[noo7a]

خوتا وينها

خوووتا طمنينا عنج و عن ولد اختج