%***$* يـوميـآت *$* حـملـه *$*بالصيف انتي احلا مع *al.7o0or**%

[مدّهره !]

طيب لاتشترين دام مااقدرتِ تقنعينهااا

بس عوووضي بشيء غير ..~

 

[ااميره]

وش تبين في خلطه داهيه مطير مانصحك فيها
كرتزون ومالها داعي
اهم شي يكون لونك فاتح ونضر وصافي
شوفي كيم كاردشيان لونها عذاب لانه صافي ونضاره
ماقولك مانطمح للبياض كلنا نبي البياض
بس صحتنا فوق كل شي
الجمال مو بس بياض
واذا تبين تفتيح طبيعي
راح نعطيك خلطات جربيها وانتي تحكين بنفسك

 

[نوفآ]

اخر شي من عنايتي لتاريخ 28-4
غسلت شعري بسدر خففته بماي صار مثل السامبو وبمشطه وانام باذن الله

 

[BubbLe87]

بنات اليوم مضبوط الحمدلله

مشيت عالجهاز ثلث ساعة

سويت تمارين مؤخرة

حطيت كريم شد المؤخرة

حمام زيت مكادميا

تفركت بصابونة الليمون عجيبة و غسلت عقبها بشور جل ببايا للتبييض

تدهنت بكريم فازلين توحيد اللون

و شسمة نسيت لول اي دهنت ريلي بلوشن مرطب مال بودي شوب المخصص حق الريل و لبست دلاق

شربت تقريبا بطلين ماي و ان شا الله بعود نفسي اشرب اربع بالايام الياية

و بس :*

 

[BubbLe87]

سنفرت ويهي بسنفرة بودي شوب و حطيت كريم مرطب عقب

 

[نوفآ]

مساء حالم
حبيبتي يمكن استخدمتي الحبوب من غير ماتهتمين بتغذيتج وببشرتج
انصحح بالروب يوميا كماسك انصحتني فيه صيدلانيه

بنات ما عليك امر بس كل وحده تقول هي من اي دولة ؟


طبعا احاول قد ما اقدر اضغط ع نفسي واهتم
مع اني ارد تعبانه من الجامعه و تعرفون دراستنا بالكويت الحبيبه هلاااك
واكثر شي مونسني مكعبات الثلج خصوصا احنا بالصيف تبرد عالوجه وتشددده

 

[شهيده]

حلو نسولف شوي

نوفا

أنا من السعودية

 

[MaryaBM]

انا مابي تفتيح ولا بياض يعني ماعندي مشكلة لا باكواعي ولا بركبي ولا المنطة الحساسة الحمدالله لان بياضي بياض فلسطن للاسف
اللهم مؤخرتي شوي اغمج من لوني و حبوب بظهري و اثارهم
خلاص بشل خلطة داهية مطير من بالي
بس استبدلها بشنو ؟

 

[BubbLe87]

مريم دامج بيضة ما شا الله شتبين بالخلطات ههههه

انا عن نفسي احب لوني حنطاوي بس مو صافي

و يزاها الله خير اختنا اللي وضحت فكرة توحد اللون و ضربت مثال بكيم

انا مو ان ابي بياض بيااااض ابي توحيد لون اكثر و تصفية

ممممم و بعد شخباركم بنات سولفوا شوي

 

[نوفآ]

شهييده الف والنعععم

ماريا
سوي الخلطة الصابونية مالت مزيونة وسنفري المؤخرة دايما وشيلي الجلد الميت بالمغربي
وطبعا شي مهم الترطيب

بنات رفيج زوجي جاب لي اغراض من المغرب
ومن ضمنهم حنا جنه اسمها مراكوش
بس بالنت مكتوب للتبيض وتستعمل نقش للحنا
مابي اتوهق والطخ جسمي فيها وينصبغ
ما مرت عليكم ؟

 

[MaryaBM]

هههههههه ياليتني سميره شوية


نوفآ حطي قفشة او قفشتين لاتكثرين عشان ماتصبغ لون جلدج
حد منكم جرب زيت الارقان الاصلي اللي من المغرب ؟

 

[شهيده]

والنعم فيك نوفا

لا والله أنا مامرت علي

شوفو بنات مرررره عجبتني لاخلصت صابونيتي بسويها أن شاء الله

منتديات شبكة الاقلاع ® - مشاهدة مشاركة بصفحة مستقلة - ==|| تجارب صبـآيا الإقلآع ||==

 

[مدّهره !]

بآآآآآك بعد الشااور الليلي :eh_s(22):


...’


شعري غسلته بشاامبو وعقب حطيت فااشكوول


خليته دقااائق وخبصت الصاابوونيه ع جسمي وتفركت فيهاا شووي ..~


شطفت شعرري وبعدهااا جسمي بمااء بااارد ...’



....’


طلعت ومسحته خفيف بتوونك الفااازلين ..~



..’


وطبعاً من كثر مااأطريتوا الطبيعه الأنثووية جتني تراكض :eh_s(11)::eh_s(11):


...’


فشربت حووااار اليووم وأكلت رشااد مع كم حبة تمره


...’

 

[مدّهره !]

شكرااا لكل الحلوات اللي ردوا ع سؤالي عن السنفره :eh_s(7):




ماريااا طيب ماشااء الله تباارك الرحمن شتبين بالخلطاات !!


خلج على الترطيب والأشيااء الخفيفه أبرك لج :eh_s(17)::eh_s(17)::eh_s(17):


..’


نوفآ أنا من السعوديه :eh_s(22):

 

[سنفورة كيوت]

لا ماجربت الزيت الي من المغربانا من الامارات
الحين بسوي اسكنول في. ويهي و رقبتي
وحدي مصدعة غسلت شعري بشامبو هاربل اسنسن ماادي شنو اسمه ههههه
و دشيت تحت المكيف وصدعت للاسف
تصبحون على خير

 

[مدّهره !]

وأناا بعد بناات دخت وأدور المخددددده


تصبحوون على نعم الرحمن بإذنه ..~


أستودعكم ربي :eh_s(17)::eh_s(17)::eh_s(17)::eh_s(17)::eh_s(17):

 

[يٱسمييڼ]

السسلاام عليكمم

انا جديدة بالحملةة

كيفكممم

جدوولي

*حمام مغربي مرة بالاسبوع للجسم
*كريم كاب مع ملح الحليب مرة بالاسبوع
*ماسك الحناء البيضاء مرة بالاسبووع
*خلطة داهية مطير وخلطة بياض الثلج يوم وترك (يوميا)
*صابونية للجسم +شاور جل (يوميا) يوم وترك
*لوشن فازلين الموحد للجسم (يوميا)
الركب والاكواع
*فرك بالليمون والملح والزيت الزيتون مرة كل اسبوع
الوجةة
*صابونة ريو يوميا
*تونر لوريال للتفتيح +كريم بوندس للتفتيح+ماي ورد(يوميا)
*كل اسبوع ماسك طبيعي
*ماسك بودي شوب الشاي الاخضر
*تقشير مقشر هيمالايا
اليدين
*عناية وردة سلفر لليدين
*ترطيب يوومي
الاقدام
*ادهنهم بخلطة لمسةة حرير لكرستين
*الشفايف
*سكراب اسبوعي بشكر والزيت للزيتوون
*ترطيب بفازلين زبدة الكاكاو
الشعر
*خلطة زيووت
*حمام زيت فاشكول
*ماسكات
*حنه حور الجنان (جربتها مرتيين واعجبتني)

❤

بكرا انششالله ابدى معكم

الله يوفقكم ي رررب

 

[نوفآ]

مدهره الف نعمم فيج

ناريا يصلمووو عالتصيحه ي جمييله

ياسمين حياج الله حبيبتي

 

[t๏๏tคђ]

صباحكم ورد ......................................

اخباركم صبايا مع العناية ........

عنايتي اليوم شوي كثيييفه حاولت اعوووض عن اليومين اللي راحت ...
بسم الله ..

عناية يوم الاحد 18/6 ...

صحصحت الصباح بدري ..
الوجه غسول +بخاخ ماي ورد +ترطيب زبدة شيا ..
اسناني سنسوداين +الجيديوم ..
اليدين خلطة دلع ..
القدمين خلطة ارام ..
الشعر خلطة زيوووتي ..
بعد 4 ساعات ..
شاور قوووي ..
الشعر شامبو صانسيلك مخفف بالماء +ماسك لوريال ..
الجسم ..
صابونة افوكادو تفركت بالليفة زين وغسلت ..
بعده سنفرة الكيكة على كامل الجسم وتركتها دقايق في هالاثناء فركت رجولي بالحجر والفرشاة وغسلت ..
بعده صابونية حووور وتفركت فيها شوي وغسلت ..

بعد الشاور ..
ترطيب الشعر بسيروم لوريال وتركته يجف وبعده كريم فاتيكا للتسريح ولفيته ..
الجسم رطبته بلوشن فيتشي للجسم ..
الوجه سنفرة سويتها (سكر بني +قطرات زيت زيتون +حليب سايل ) سنفرت وجهي زين وغسلت وبعده بخاخ ماي ورد +خلطة الرموش +مرطب شفايف ..
اليدين سنفرة نفس سنفرة الوجه وترطيب مستمر ..
شربت نعناع +شاي اخضر +زنجبيل ..
.................................................
الان عنايتي الليلية ..
الوجه بخاخ ماي ورد وترطيب الخدود بزبدة شيا ..
الشفايف مرطبي ..
اسناني سنسوداين +الجيديوم ..
المنطقة والموخرة خلطة ام شاهين ..
الركب واليدين ترطيب مستمر بلوشن فيتشي للجسم ..
وووبس

 

[لوليتااا]

سلام عليكم بنات شلونكم شخباركم ؟

اول شي بكتب عنايتي بتو والحظه << متعوب على الكلمه
قبل ساعه كذا رجعت من السووق فريت مجمع الظهران كله بالعربي رجلي تكسرت ههههههههه

رجعت وعلى طول خذيت خلطاتي وصنفرتي وصابوتي وديراكت على الحمام تكرمون

شغلت الساونا ربع ساعه ماقدرت اطول خبركم تعبانه وكيذا وحطيت الصابون المغربي وبعدها تفركت

وحطيت بعدها سنفره انا سويتها من اختراعي معلقتين طحينه << هرده بالكويتي وسكر خشن ومعلقه حنا وليمونه

تفركت فيها عدل مدل وبعدها حطيت خلطه بياض الثلج صابونه هي

وغسلت شعري بشامبو ميتال الاندلوسي وتنشفت وقبل لاطلع حطيت مرطب زبده الكاكاو ماركه بالمرز احلى من فازلين

وفرشت اسناني بمعجون الجيديوم للتبيض

وشويات بدهن جسمي بخلطه للتبيض وبس