يالي تشترون من المنتدى تعالو

[تعويذه الحب]

رد: رد : يالي تشترون من المنتدى تعالو

اختي توليب البنت ماتحط بذمتها .. بس في اشياء واضحه ..!!
عيل اشمعنى لما البنت بغت تاخذ العربون مني قالتلي المندوب ياخذ 3 دنانير ولما بغت تردلي فلوسي قالتلي المندوب حسابه 5 دنانير ؟؟
الا اتعرفه ويصيرلها ومتفقين عالنصب ؟؟
وبعدين ترى مو اول مره ..
انا هم اختي مره طلبت جنطه من وحده من التاجرات واهي معانا بالمنتدى ..
وخذت مني عربون ..!!
ودزتلي جنطه ثانيه ..!!
ولما ياني المندوب ياخذ باجي الفلوس ويعطيني الجنطه قبل لا اسمله الفلوس قمت ادق عليها وادزلها مسجات ان الجنطه غير
جان اتدزلي (( منو معاي ))مع العلم انها كانت كليوم اتدزلي مسجات ان الجنطه بالطريج ..!!
قلت حق المندوب ماراح اعطيك باجي الفلوس والجنطه بخليها عندي رهينه ليما تردونلي باجي فلوسي روح قول هالكلام حق التاجره ..!!
اتخيلي اشصار ؟؟
جليلة الاصل ماردت علي وخلت المندوب يدق ويكلم زوجي ويتفاهم معاه ويحاول يقنعه ان الجنطه نفس الي انا طالبته
لما زوجي اثبتله ان الجنطه غير .. جان يقول خلاص برد الفلوس
تكفون اي مندوب هاذا الي يدق على الناس ويتكلم مكان التاجره ؟؟ خبرنا المندوب بس شغله يوصل طلبات وياخذ فلوس التوصيل
لا ومن متى المندوب يتفاوض ويناقش ويقرر من كيفه انه يرد الفلوس ؟
اشكره اخوها ولا ارفيجها لان التاجره معروف انها مو متزوجه ..
وماله داعي اذكر اسمها عشان لا يتصكر موضوعي بس الله لايوفق كل وحده تبوق وتنصب عالناس زقوم ان شاء الله

حبيبتي لا تحطين بذمتج

و بقول كلمه لصاحبه الموضوع وللعضوات الحين الكل عنده وعي ويعرف يشتري ولو هالنوعيه من التاجرات

مو ممحصلين احد يشتري منهم وبهالسعر جان ما عرضوا بضاعتهم بس المشكله فينا نبي نكشخ ونلبس بأي طريقه

حتى لو تقليد بس المهم ما نبين ان احنا اقل من احد و للعلم التقليد يبين لو شنوووووووووو

وحبيبتي الحمدلله فلوسج ردت وانا عن نفسي ما اشتري الا قمصان نوم واشياء خفيفه وبس ما اجازف اشتري جناط تقليد

 

[عاشقه مودي]

رد : يالي تشترون من المنتدى تعالو

يعين الله

 

[{ لبى زولي }]

رد : يالي تشترون من المنتدى تعالو

مو كلهم بس انا بحيااتي كلها ما طلبت من التاجرات الي هني

 

[كاندي بينك]

اختي شوفي في تاجرات عالعين والراس بس في تاجرات بعد يعني لج عليهم فانتبهي قبل ماتاخدين الشي وثانيا الشنط متروسة السوق الاتبين

 

[نسرين.]

رد : يالي تشترون من المنتدى تعالو

انا ما عمري شريت من النت نصابات واذا تبون جناط طبق الاصل في بالأفنيوز علي 15و 20 ولا حلوين بعد هالحريم اصلا ما اصدقهم وهذا درس لج و لغيرج قديمة هالموضة اصلا حتي البيجامات يبيعونهم ع 25 و 30 و 40 ع شنو كلها بيجامة حقت البيت ويشترونهم من الافنيوز ع 14 جذابات الله بيحاسبهم و فلوسهم حراااااااام

 

[FeShinGoOo]

رد : يالي تشترون من المنتدى تعالو

اي والله صاجه

 

[ام دودو المزيونه]

بالعيد بعض التاجرات امنزلين نفانين علي ابو انها امريكيه علي 40 و50 دينار وبامازون تلقينهم علي 10 دنانير ومع الشحن ما يوصل 15 دينار شوف عيني كل اطلب حق اعيالي وانصدم من فرق السعر حتي لو تبي تربح تزيد 10 مو 30
عمري ما طلبت من المنتدي اشتري من النت ابروحي ارخص بوايد
خواتي تعلموا تطلبون ابروحكم راح تنصدمون من فرق السعر

 

[sherazia-x]

رد : يالي تشترون من المنتدى تعالو

حسبي الله ونعم الوكييل

 

[ام متلق]

رد : يالي تشترون من المنتدى تعالو

في تاجره اهنيه بالمنتدى مابي اذكر اسمها خوف من الله لاقطع رزقها بس الله حسيبها واهي من تشوف نكي بترف نفسها اصلا لقيتها منزله موضوع شطوله وشعرضه تحلف بالله وتقسم وتكفر ان هالشي يسوي ويخلي 00000000الخ ومنزله ردود البنات الي خذوا هالشغله منها واشياء واشياء وادق عليها الا اللسان الي يقطر عسل ومحاليف لها اول مالها اخر قلت بس ماعتقد بتحلف جذب مو معقوله واتوكل على الله واشتريه والتوصيل على قولتها دينارين يوم جا المندوب قال لا مو دينارين وادق عليها قلت انتي قلتي جان تقول ايه بس انتي بعيده حبيبتي مع انه ماقالت الي بعيده غير والي قريبه غير المهم ماعلينا دفعت فلوس البضاعه والتوصيل واستعملته وبالمختصر المفيد قعدت اعالج نفسي اكثر من 5 شهور من نتايجه لدرجه وصلت للكأبه والهم بس ربي ستر وتحسنت حالتي وبعدها حرمت هذي تجربتي

 

[زيـטּ عَبْس]

والله ياليت تحطين اسم التاجرة

وان شاء الله ماتنحطين بالموقف هذا مر ثانيه


وانا عن نفسي ممكن اجرب اطباق وحلويات

غيره

السوق موجود

والمحلات موجودة

 

[MoonDiamond]

الله يعوض عليج

وانا مستحييييل اشتري من النت

 

[غرشة عطر]

ذكرتيني بوحده تبيع اجناط تقول وتحلف انها من بره وسعرها ب40 و35 وبالاخير رحت المباركيه لقيت اخت الجنطه اللي اخذتها ب8 دنانير استغفرالله مولهدرجه وصدقيني اصابعج موسوا في بعض التاجرات ينحطون عالجرح يبري ويخافون ربهم

 

[الناعمة]

بعرف مايخافون على عيالهم من فلوس الحرام ؟؟

 

[Petite]

up up

 

[amoOoNA Al_mazyoNa]

والله حتى انا جم مرة صارلي موقف باايخ بعدهااا حرمممممممتتتتتت أشتري شي من المنتدى..

 

[كويتيه ~]

رد : يالي تشترون من المنتدى تعالو

واااي ياقلبي ذكرتيني بنفسي
داشه خذيت فلات تقليد شانيل من وحده بـ 10 دنانير
ولما شافت انه عليه طلب سووت تعديل عالموضوع وخلته بـ 15 دينار

رحت الفحيحيل لقيت نفسه بالضبط سألت الفلبينيه جم هالفلات قالت 7 قلت يلا مو مشكله خذت مني جم دينار

اليوم رحت المعرض مشرف ولا القى نفسه بـ 3 دنانير
واذا بكاسر الفلبيني بخليه لي يمكن دينارين

والله قهر كرهت اطلب من المنتديات
والحين لا اللي بالمنتدى كل شوي وتزيد بسعره واخر سعر لها 15 دينار

 

[توتــه]

رد : يالي تشترون من المنتدى تعالو

ياليتهم يخلون التجارة لاهلها وياشين وجيه الفقر اذا افحتلها مشروع يعني بس بربح وبس حلال حرام اجذب اتهيلق بس اصير تاجره

الحمدلله يارب لاتجعل الدنيا اكبر همنا يبا التجارة يبينون اهلها يبينووووووووون وخاصة سالفة المندوب ليش جذي اهم يحبون الفلوس

والله تطرش سايقها وتاخذ منج 3 والا 4 عيب استحي ال3 والا4 شبتسويلج اكسبي الناس وخلي توصيلج مجاني يكفي ناهبتهم بالفلوس

ياحلو ام خالد الكوشيه احلى وحده تعاملت معاها وكويت بيرل تجنن عسل ومس لندن شايفات خير ..

 

[اريج الجوري]

رد : يالي تشترون من المنتدى تعالو

صحيح ان مو الكل نصاب ,,,


لكن البعض يخرب على الكل ,,,


انا مره شريت من وحده جنطة ال في تحلف انها طبق الاصل وب60 دينار ,,,


ويوم وصلتها شفت فرق شكل الجلد وقفل السحاب ,,,


وصارلها سنه طايحه عندي بالكبت ولا مره لبستها ,,,


لأنه جناطي كلها اصليه واشتري الغالي حتى ب400 دينار شريت ,,,


وطلبت التقليد لأنها بالبوتيك ب500 وكنت توني شاريه فندي ب500 ,,,


فقلت حرام جنطتين بنفس الوقت ب900 ومادام ماتفرق خل اخذ تقليد ,,,


بس والله تحسفت من قلب وقطيتها بالكبت لأني ما ابيها تخرب على جناطي الاصليه ,,,


لأني ان لبستها واحد لاحظ انها تقليد راح اظلم جناطي الاصليه وبيقولن تقليد ,,,


وحتى اللي يبيعون الحلو غالي على غير معنى ومبين شغل بيت وتقولج الصينيه راهيه وتبين الويهه وهي تفشل واكثرهم


صواني الحلو على 10 واكثر ,,,


والله اروح اشتري من امبرس او غيره يهبلون والذ ,,,


وغير باجي الاكل احسه محيوس ,,,


والملابس بعد والاكسسوارت ,,,


والله كل شي موجود بالكويت بس انتوا دورا عدل وتلقون ,,,


وهم شغل المعارض بايخ وغااااااااااااااااااااااااالي ,,,


وكله بصوب وسالفة فلوس المندوب ,,,



قسما بالله مره طلبت حلو والتوصيل ب3 دنانير والمندوب سيارتة بي ام وغتره وعقال تحسين ريلها مو مندوب او مرات سايقها


بس عشان ندفع لهم فلوس البانزين ,,,


الله المستعان ...

 

[الزين 85]

اختي والله مافيه مثل رزة الأصلي دام عندج 150 جمعي عليهم واشتري الجنطه اللي بخاطرج

 

[كيكه توفي]

مشكوره ع التنبيه والله انا اطلب شنسوي بعد مالنا خلق فرارة السوقه