يالي تشترون من المنتدى تعالو

[نجمه فوشيه]

دايم تصير هالمواقف بس مو كل التاجرات

اختي طالبه جنطه جابت لها جنطه لون غير ليش مادري

وانا اذكر مره طلبت كريم نكهات طلع اوكي وطلبت وياه ستكرات التاتو اللي تنوكل

تدرين شنو جابت لي بداله ستكرات عاديه نفس ملوت المدراس خخخخخخخخخخ

عقبها صرفت نظر

 

[Queen_Angel]

هذي تجربة لج عشان ما تشترين شي من المنتدى بهالسعر مرة ثانية لا وتقليد بعد !!

ترى حرااام هالمبلغ على تقليد تقدرين تزيدين عليه جم دينار وتشترين اصلي..

وانا استغرب من اللي يشترون من المنتدى يعني اكيد وحدة بتربح بتدبل الشغلة دبلات..

 

[3sho0o8a]

رد : يالي تشترون من المنتدى تعالو

موحلو ادورين تقليد من منتدى خصوصا الجناط والساعات لان لازم اول اتشوفيهم ويالله كل قرصه بتعلومه

 

[اسيل الصمت]

رد : يالي تشترون من المنتدى تعالو

الله يعينااااااااااااااا بس

 

[تبارك الرحمن]

رد : يالي تشترون من المنتدى تعالو

الله يعوض عليج يارب وزين ردتلج فلوسج و الله صح بعض التاجرات شغلهم مبااااااااااااالغ فيه بشكل مو طبيعي شوفي الي يبيعون جناط اقنر ب 50 و60 هذيل يكونون ستوكات بامريكا سعرهم مايتعدى ال 20 او 25 دينار بس للامانه في تاجرة اهني يمحون شغلها واااااااااااااايد اسمها احب الكاكاو

الكل يمدح شغلها و الله بس مثل ماقالوا البنات زيدي جم فلس و اشتري اصلي

 

[@الليدي لين@]

الله يعوضج خير


انا صراحة جربت جم تاجره بالمنتدى بس انا ما اطلب اشياء غاليه لا

وفي وحده الصراحه كانت بضاعتها ايييي شششي << حطيت عليها اكس ,, بس مو كل التاجرات مثلها في جذي وجذي

 

[قطووه حلووه]

رد : يالي تشترون من المنتدى تعالو

بعض التاجرااات مثل........تعرف نفسها وانا دزييت لها رساله خااصه


اماا لاانجري المسك روووووووووووعه

 

[..<< ندى الورد >>..]

رد : يالي تشترون من المنتدى تعالو

قرصه وتعلمي منها

 

[جوري الغرام]

رد : يالي تشترون من المنتدى تعالو

الله يعوضج خير

 

[nsoom777]

اللي تبي كوالتي طبق الاصل في محل بالبيرق تحت صوب تك تك وايد حلو شغلة ومايفرق عن الاصل حتى لقيت
دكتورتي بالجامعة عندة وخذت جنطتين وساعة بس جكيتها قبل حسبالي ماركات اصلية

 

[Marymary]

شوفي انا طلبت من وايد تاجرات يعطيهم الف عافيه بالمنتدى يابولي نفس الي ابيه
بس مرة و انا بالمنتدى كنت اتصفح ووياي وحدة بالدوام
انا عندي خو اكاونت بالمنتدى واهيه لا
اهيه تحب سوالف الميك وسوالف الاصباغ
والشغلات الغريبه
وكانت وحدة عارضة ستكرز الي ينحط عالاظافر عرفتوهم ؟؟؟؟؟تحطينه عالظفر وتعرضينه لليت وينشف ويلزق
المهم بدووووووووووووون مبالغه طلبت منها حق ارفيجتي الي يمي تقريبا شهر 1 وكان بويهي لان انا الي كنت اكلمها حقها
قالت اوكي بس راح يطول اسبوعين لان الشحن وجذي قلنا ميخالف
قالت بس باخذ عربون قلنا ميخالف
قالت سعره كذا ويوم يا المندوب حق ارفيجتي طلع اكثر بشوي قلنا ميخالف
وطبعا ارفيجتي عطتها العربون بدون فاتورة على بون انها ثقة
المهممممممممم
تأخرت صار اسبوعين واارفيجتي طالبة وما وصل شي
اندزلها مسجاااااااااات شكثررررررررر تتعذررررررررررررررررررر
والله العظييم لما ارفيجتي كلمتها قالتلها سوري طلبج وصل بس عطيته حق وحدة ثانيه لانها كانت مستعيله عليه ان شاءالله على الشحن الثاني الي بيووصل
لما اخرررررررررر شي انقعطت اخبارهاااا
ومرت 3 شهووووووووووووور والله العظييييييييييم دوون مبالغه او يمكن اكثررررررر
و احنا نسينا السالفه ولهيناا عنها
والله العظيم ارفيجتييييي سألتها قتلها ها شلوون عالاظافر يابتلج اياهم
تقولي لاااااااا انا انصدمت قالتلي من بعد السالفه ادزلها مسجات ما ترد علي كلش و رقمها انمسح لان غيرت تلفوني وبس بعد اهيه ما دقت علي
قتلها ويت يمكن رقمها مخزن بالمسجااااات القديمة و انا نووعيتي ما امسح المسجات كلشش
وسبحان الله لقيت رقمها واشوه اني ما مسحته
المهم قلت حق ارفيجتي خل انا ادزلها مسج واكلمها دزيتلها رساله اني انا طالبه منزمان وما وصلي شي جان تقولي انتي بأي منطقه قتلها بالمنطقة الفلانيه
جان تقولي
اييييييي ام حمووووووووود عرفتج ( طبعا لا انا ولا ارفيجتي ينقالنا ام حمود ":\ مضيعه الاخت )
قتلها انا مو ام حمود انا ام فلان قالت سوري انمسحو الارقام
قلت بنفسي لو حريصة على فلووس النااااااااااس وعاالحلال والحرام جان سجلت الطلبات والارقام


المهم كلمتها وقتلها ما يصير جذي فوق ال3 اشهر ما كوووووو شييييييييييي
نبي العربون وخلاص واتييبينيه قالت اوكي خلاص
ويابته ":\ بس بعد متى ؟

 

[غدووور الكويت]

رد : يالي تشترون من المنتدى تعالو

أنا بصراحه واااايد أطلب من المنتدى وبصراحه أخلاق وتعامل من أحسن ما يكون وشريت منهم ملابس وجناط وقمصان نوم وشغلات منوعه وكل اللي تعاملت معاهم يهبلون وبضاعتهم روعه وكافي اني قاعده في بيتي واللي أبيه اييني عندي بس مره وحده تاجره طلبت منها بطانيه حسيت انها يايبتها مستعمله لأنها ما كانت مجيسه ويابتها بجيس عود مال المحاميد فهذي ما أحب أطلب منها شي أما الباجي والله اشزينهم وبضاعتهم اتهبل والغلط ما يصير أعممه على الكل ويعطيج العااافيه على التنبيه

 

[أم حوور]

حسبي الله على هالنوعيه من الناس اللي شغلها كل بالنصب على الناس

 

[miss mama]

هاهااي اي حبيبتي حدث ولا حررررررررررررررررررج

كلنا مرينا بموااقف نصب من هالتاجرات الله يسامحهم واغلبنا سكتنا ووبلعنا العافيه ما قلناااا شي ..وخلاااااااص توبه ماعاد افكر اشتري من الموول
والله انا بعد شريت شي ( مو جنطه ) من وحده من هالتاجرات وانصدمت البضاعه مستواااه ما ينقال عليه الا شنو هالزباله (كرمكم الله)
انتي من صجج شريتي الشي هذا ؟؟ وين عقلج وين مخج وشحقه !!!! ><<==== هذا تعليقات اهلي حزتها
كل وحده سوت جذي خل تتاكد انه النصب فلوسه حراااااااااام وموو مسامحينها ومو محلله ليوم الدين .. صج انقهرت من الي تذكرته . .ومو هاين علي اكتب شنو البضاعه عشان لا اقطع رزقها ولا اجرح احساسهااا مع انها اذنبت بحقي ..

 

[brettey]

رد : يالي تشترون من المنتدى تعالو

كان المفروض تذكرين اسمها عشان انعرف وهم عشان تبرر موقفها
ونصيحه هالمبلغ اخذي فيه جنطه اصليه كد ومد
وهذا درس لج يا عزيزتي

 

[مزيـانه]

و الله بنات من صجكم تقطون 100 و 150 على بضاعه مو اصلية؟؟؟؟؟؟


و الله ما أقط عليها دينار

أشنري ماركة بسيطة ام 10 دنانير اصلية و لا اخذ بـ 100 تقليد

كافي الفشلة اذا اشروا عليج العالم و قالوا شايلة تقليد .. وااااي .. حد الفشله

الحمدلله يا ربي ما عمري شريت تقليد .. و ربي لا يحدني عليه

 

[xprincessx]

رد : يالي تشترون من المنتدى تعالو

حسبي الله و نعم الوكيل
احنا ليش جذي بالكويت !!!!
عيب و الله عيب
لا احنا قادرين نشتري ماركة و لا تقليد !!!!
نروح نشتري شانيل و ندخل الشانيل بوتيك اللي بفرنسا و نقوله انت ليش اغلى من بوتيك الكويت
يشق الجنطه جدامنا و يقول منو قالج جنطتج اصلية ؟ و تطلع مظروبه !!!!
نشتري من غوتشي يومين و يشمعون المحل يقولون مو اصلي ؟؟؟؟
واااااااااااااي بموت من الحره حرام عليهم
حتى التقليد مو مترقعين فيه
عورتي قلبي و ربي

 

[so_what]

الله يعوض عليج ان شاء الله

 

[غمزه وإبتسامه]

الله يكفينا شر هلي ماايخاافون الله

 

[al.brnsesa]

بنات خلوا الجناط وهالسوالف قلعه بالطقاق

شوفوا الخلطات مادري شحاطين فيها

الي انعمت عيونها والي صار فيها برص

واااي الله يكافينا الشر بفهم هذيل ما يخافون من ربهم عشان جم فلس تلعبون بالاوادم

في بنات اهني يدورون الجمال واي كلمه تنكتب يصدقونها

يعني ع النيه

جد الله يستر