يالي تشترون من المنتدى تعالو

[Petite]

انا ما أحب أطلب من المنتدى

مره بس طلبت من حيادر خلطة الرموش وماقصرت

غيرها مستحيل .. ما أحب أشتري شي بدون لا أشوفه

ومثل ماقالو البنات .. اخذي شي أصلي ولاتآخذين تقليد

والله يعوضج خير ان شاءالله

 

[قطوه شيرزيه]

رد : يالي تشترون من المنتدى تعالو

بصراحه بعض التاجرات تحصلج صورت الاصليه وتبيع تقليد ابو طقه وسعرها بالعالي والله حرام ما اثق فيهم كلش كلش وحتى اللي بالمعارض مع احترامي للجميع نصاااااااااااااااااااااااااب واحتيال ورزق الخبول على المهبل

 

[المهفة]

بنات لو سمحتوا لى اسالكم سوال
الناس الحين واعية مو مثل اول مغفلين وعلى وييهم0يعنى الجنطة التقليد تبين واضحة حق اللى يعرفون 0واللى ماتقدر تشترى الماركة الاصلية ليش ترضى بالتقليد0بعض التاجرات اللى يعتمدون على النصب فى تجارتهم لاقين من يقصون علية مدام للحين قية ناس تشترى منهم0بس لو تصكون بابهم وتخلون تجارتهم تطيح بكبدهم جان ماقدروا يقصون عليكم 0ترى من حرتى بنات ولا انا وللة الحمد الجناط الاصلية ماشتريهم من الكويت ومن محلاتهم المعتمدة بعد سالفة ال فى اللى صارت لى والحين اى جنطة من برا وبس

 

[فقـدتـك حيــل !]

رد : يالي تشترون من المنتدى تعالو

قالوا التجارة شطاره .. مو نهيبه !
الله المسعتان !

 

[Stylista_Q8]

Chan Ta'akdti Allah yahdach

w bsara7a 150 Dinar WAAAYD 3la Taqleeeid :/

Ashtri Marka A9leya a7san

3endch DKNY, Carolina Herera w Gucci Klhm b7dod el200

y3ni 3n jad ma yswa etaqleeid etha fog el50 bethat :/

 

[دلوعة البريسم]

رد : يالي تشترون من المنتدى تعالو

حبيباتي اذا تبون تقليد بروحكم دشوا النت وحطوا بغوغل شيرج راح تطلع لكم اشكثر مواقع تبيع تقليد وتقليد طيق الاصل وسعرهم ترى غالي مو هين ويقولج هذي تقليد a+++ يعني تقليد هاي كواليتي ومن ايطاليا

ولا تعورين قلبج

 

[كويتيه مذهله 87]

انا وايد اطلب من المول
فيه تاجرات عسوولين وعلي عيني وراسي
وفيه تاجرات نصب اشوف الي طلبتها غير والي واصلتني غيييييييييييييير

 

[جذابه بنت ذيابه]

رد : رد: يالي تشترون من المنتدى تعالو

؟؟ لاني شكيت ان كل البضايع الي قاعده تنباع بالمعارض وبالمنتدى من هالاماكن



شوفي انا مابيع تقليد ،




بس مارضى على خواتي التاجراات ،


لانه مو ( كلهم ) جذي فا يفضل انج ما تجمعين عساس ماتضلمين احد ،






و مع احترامي الشديد ، بس تره القانون لا يحمي المغفلين ، اذا انتي عادي تلبسين تقليد وجذي ، كان مفروض تدورين وتسالين او حتى تحطين موضوع تشوفين راي البنات قبل لا تدفعين هالمبلغ ؟!



وان شاء الله دفعه بله ،





وعلى فكرة بهالسعر ، ممكن تشترين لج جناااط ( اصلية ) كواليتي وكافي تكون عندج ثقه بنفسج انج شايله اصلي ماتخافين احد يلاخط الفرق ولا السحاب ومادري شنو


مثل كارولينا هريرا - فلنتينو - Paul's boutique هالماركة تشووق من لندن اب 60 - 70 - 100 150 تقريبا

معااااااها بكل كلمه :hjy5jewf:

 

[مطيريه ماركه]

رد : يالي تشترون من المنتدى تعالو



هـ آلتآجرة طلبت منهآ جنطتين بس أصليآت آهي لهآ موقع آذآ نفس آللي آقصدهآ

وقآلت لي عطيني آلمبلغ كآآآآآمل فَ كشّيت منهآآ !

وكنسلت آلطلب

ورحت شريت آلجنآط آللي أبيهم

بس لـ آلآمآنة مو كل آلتآجرآت جذي

تعآملت مع وآجد خلوقآت وآمينآآت

منهم شهد آلعسسل

 

[Tulips]

رد : رد: يالي تشترون من المنتدى تعالو

آنا شريت من وحده قميص نوم اسمها قفت بالانجلش عندها موقع قميصها بعشره والتوصيل جذابه تقول مندوب ياي واهي دازه اخوها مادري ريلها لانه كويتي ومعاه مره والله ما احط بذمتي اذا اهي راكبه معاه بعد او لا يمكن اول مره تبيع ومو مصدقه

قميصها لوعه وخامته ارف والله حتى دينارين وايد عليه بس توبه لو تموت ما اشتري منها ومو حلال عليها فلوسي ان شالله

حبيبتي لا تحطين بذمتج انه اخوها ولا زوجها ولا واحد يصيرلها

شنو يعني كويتي في شكثر طلبه يشتغلون مناديب ويكونون محتاجين وماعندهم مشكله يشتغلون .. اللحين صار الكويتي عيب يشتغل مندوب!!!

بعدين ماتدرين يمكن بدون !

---

صاحبة الموضوع الحمدلله انه فلوسج ارجعت لج بس حابه اوضح لج شغله : لا تعممين

و Dr.Nouf وفت

 

[عاشقة-الكفيل]

رد : يالي تشترون من المنتدى تعالو

مشكورين بنات
والله عندي الوحده تروح تشتري بروحها ولا تطلب من الموقع نفسه ولا تحط وسيط او تشتري من تاجره
اساساً وايد منهم ماعندهم رخصه للبيع ويخالفون القانون .. وينصبون على خلق الله
مايخافون ياكلون هالحرام ببطونهم ؟؟
والله العظيم استغرب ..!!؟؟
لي هالدرجه حب الفلوس عاميكم ..؟؟
تاكلون مال حرام عشان جم ديناااااار ؟؟

 

[عاشقة-الكفيل]

رد : يالي تشترون من المنتدى تعالو

اختي توليب البنت ماتحط بذمتها .. بس في اشياء واضحه ..!!
عيل اشمعنى لما البنت بغت تاخذ العربون مني قالتلي المندوب ياخذ 3 دنانير ولما بغت تردلي فلوسي قالتلي المندوب حسابه 5 دنانير ؟؟
الا اتعرفه ويصيرلها ومتفقين عالنصب ؟؟
وبعدين ترى مو اول مره ..
انا هم اختي مره طلبت جنطه من وحده من التاجرات واهي معانا بالمنتدى ..
وخذت مني عربون ..!!
ودزتلي جنطه ثانيه ..!!
ولما ياني المندوب ياخذ باجي الفلوس ويعطيني الجنطه قبل لا اسمله الفلوس قمت ادق عليها وادزلها مسجات ان الجنطه غير
جان اتدزلي (( منو معاي ))مع العلم انها كانت كليوم اتدزلي مسجات ان الجنطه بالطريج ..!!
قلت حق المندوب ماراح اعطيك باجي الفلوس والجنطه بخليها عندي رهينه ليما تردونلي باجي فلوسي روح قول هالكلام حق التاجره ..!!
اتخيلي اشصار ؟؟
جليلة الاصل ماردت علي وخلت المندوب يدق ويكلم زوجي ويتفاهم معاه ويحاول يقنعه ان الجنطه نفس الي انا طالبته
لما زوجي اثبتله ان الجنطه غير .. جان يقول خلاص برد الفلوس
تكفون اي مندوب هاذا الي يدق على الناس ويتكلم مكان التاجره ؟؟ خبرنا المندوب بس شغله يوصل طلبات وياخذ فلوس التوصيل
لا ومن متى المندوب يتفاوض ويناقش ويقرر من كيفه انه يرد الفلوس ؟
اشكره اخوها ولا ارفيجها لان التاجره معروف انها مو متزوجه ..
وماله داعي اذكر اسمها عشان لا يتصكر موضوعي بس الله لايوفق كل وحده تبوق وتنصب عالناس زقوم ان شاء الله

 

[^noonaa^]

صح ابهالسعر ممكن تشترين اصليه

ويلا هذا درس لج تتعلمين منه

 

[ام عفاف الكويت]

رد: رد : يالي تشترون من المنتدى تعالو

اتخيلي اشصار ؟؟
جليلة الاصل ماردت علي وخلت المندوب يدق ويكلم زوجي ويتفاهم معاه ويحاول يقنعه ان الجنطه نفس الي انا طالبته
لما زوجي اثبتله ان الجنطه غير .. جان يقول خلاص برد الفلوس
تكفون اي مندوب هاذا الي يدق على الناس ويتكلم مكان التاجره ؟؟ خبرنا المندوب بس شغله يوصل طلبات وياخذ فلوس التوصيل
لا ومن متى المندوب يتفاوض ويناقش ويقرر من كيفه انه يرد الفلوس ؟

بعلق على هالنقطه :n2006107:

كلامج صحيح :080402ask_prv:
المندوب مجرد وسيط توصيل فقط لا غير :hjy5jewf:
يعني انا مندوبي غير كويتي وفي مناديب كويتيه
بس مجرد انه يتصل السلام اختي لج طلب عندي من الاخت ام عفاف
وان موجوده امرج ويمرها يستلم ان في نقص بالفلوس يتصل علي او يكلمها فقط
مو مخول يناقش زبايني لا بسعر ولا حتى برد الفلووس
امرها غريب يمكن اخوها صح كلامج :080402ask_prv:

المشكله الكل يعمم انه التاجرات كلهم نصابات يحزني واااااااااايد هالتعميم :eh_s(11):
فديت قلبكم والله والله اصابعكم مو سوااا :hjy5jewf:

 

[حصــgص..~!]

رد : يالي تشترون من المنتدى تعالو

الله يعووضج بآحلى منهاآ =)

 

[kuwaitya_zoGaa]

اممم انا بالمنتدى اللى اشتري منها بس مزيونه وشقرة الخلطه الصابونيه
ومره شريت من ام عفاف شغلها حلو اما الباجي مادرى ماحاولت انى اشتري

 

[مخطط برتقالي]

اي واللة النصب صار اشكثرة .. لاوسالفة المندوب وفلوسة صج اهي اللي تخلييني ماطلب منهم:eh_s(2): وانا اايد الاخت بلقيس .. وبسا ل عن ام خالد الي تقصدها ..االي اهي صاحبة حلو الكوشية انا اشهد بحسن تعاملها وانا واللة العظيم مااعرفها شخصيا:aha:

 

[اطياب طيبه.أم عبدالله]

لا حول ولا قوة الا بالله

الله يعوضج

 

[ام عفاف الكويت]

حلوو الكووووشيه ام خالد مو بالمنتدي بنت الحلال بس لها اعلان بالمنتدى
ذقت منها 5 اصناف عجيبه

واللى تقول مندوب والله العظيم مو بيدنا
ازواجنا مايرضون نوصل او حتى يوصلون شنو نسوي
والمناديب من قبل ماشتغل اسعارهم جذي

 

[ياعيون مغليك]

رد : يالي تشترون من المنتدى تعالو

يووووه نفس الحاله
اذكر شهر 12 دشيت موقع قمصان نوم
اشكال عجيبه غريبه والمشكله على 15 الواحد قلت مدام هالسعر اكيد شي يسوى

شريت تقريبا 6 شخصيات وغيره وغيره

وقسم بالله جوني حتى ملات الهنود اكشخ
القميص ملطخ حمره
والثاني الخامه نايلون يوم تبخرت طلعت ريحته معفنه
والله تفشلت حدي