{ونـــــــــــــــاستنا في رشــــــــــــاقتنا }(تمديد الى 17-7)

[ام فجور 2008]

السلااااااااااااام

 

[مس يو]

وعليكم السلام .. ام فجور... ما تشوف شر فجور وانتي بعد ما تشوفين شر .. شلون بطنج الحين

 

[مس يو]

يومياتي:

الريوق: قلاص لبن لايت + قفشتين سلطه

الغدا: من البوفيه شكلت لي من كل صنف قفشة ونص قوطي سفن.. وكليت قطعتين حلو قهوة..بس ما اغتثيت على الآخر لا .. احس بعد ما خلصت اني خفيفة.... الحمدلله ..

العشا: نص خبزة مع جبن وزيت + 2 شريحة أناناس<< علشان تحرق خرابيط اليوم ...لوووووول

وتوني شربت عصير أناناس مع كيوي...

 

[مس يو]

واليوم ما رحت النادي .. ما عندي وقت بس ان شاء الله اعوض بالعطلة خلاص باجر آخر يوم دوام.. واخيرا..

بس رحت السوق وتمشيت تقريبا ساعة وشي.. ان شاء الله اكون حرقت شوية من السعرات...

والحمدلله .. وأخيرا تحرك الميزان .. بس ما راح اقول الا يوم السبت .. الظاهر اخترع الجسم من الأكل

يمكن كان يبيله كسر الروتين اللي متعود عليه وان شاء الله من الأحد ابدا نظامي القديم .. ويارب ما اخربط

 

[مس يو]

ووووووووووووووووووووووووووووينكم .. قاعده اقرق بروحي ماكووووووووووو وحده ترررررررررد علي...!!!!!!!!!

 

[Bs.ana]

انا هنيييييييييييييي :ggdw:

لوول كنت احوس بالدار :dddds:


مس يو اشلونج ؟؟

بالعافيه عليج :dddds:

ايي ترى عقب التضخم الي كنت فيه لوووووووووووول الله لا يرجعني لذيج الايام
خخخخخخخخخ لانه حدي تعقدت :ggdw:

 

[مس يو]

هلا والله فنكيه .. انا الحمدلله بخير

والله يعافيج حبيبتي... بس صح كلام الدكتور ريحي جسمج شوي من الريجيم ماشاء الله وزنج الحين بيرفكت .. بس خلج على الرياضة

والأكل الصحي مع تخفيف بسيط ... علشان يشد جسمج

 

[Bs.ana]

مس يو


ايي انشاءالله من اسبوع الياي بحاول امشي على نظام تخفيف بس
بس عاد تتوقعين بيشد جسمي ادري مستحيل يرجع مثل ماكنت بطه الجلد مشدود
بس راضيه بالقليل :dddds:
لانه ماتوقعت بيترهل شي بجسمي وانا العب رياضه من نزلت وزني بس مادري شسالفه لول
يقولون الرياضه تشد الجسم ماشدت تهقين بتشد لول

 

[مس يو]

انتي فيج ستريجنج مارك.. إذا فيج تراه يسبب ترهل على كثر حجمه .. ووين تحسين بالترهل يعني بأي منطقة من جسمج

 

[Bs.ana]

انتي فيج ستريجنج مارك.. إذا فيج تراه يسبب ترهل على كثر حجمه .. ووين تحسين بالترهل يعني بأي منطقة من جسمج

ايي فيني بس خفيف

انا شنو مشكلتي سويت شفط حق افخوذي وشفطت 6 لتر ترى مو شويه وقياس الفخذ حالياً من 29 صار 22 يعني حده فرق
ونص نجاح العمليه يبين بعد ثلاث شهور والـ 100% بعد 6 شهور وانا توني شهر ونص لوووووووول
خايفه يختفون بس انا
واهوا مارضى يسويلي شفط + وشد قال نعطي المنطقه راحه بالـ 6 شهور يمكن يرجع الجد مع الرياضه
ترى فعلاً فرق الترهل عن قبل العمليه كان اول فيه تكتل او سلوليت بس الحين الترهل وين صاير بالمنطقه الداخليه
الي بين الفخذين عرفتي قالي لا تستعيلين نطري يمكن مع الرياضه يشد
قالي لو ماشد تحتاجين حق عملية شد بسيطه مو مثل مااول مايتي طبعاً
بس اهيا ماتبين اله لي فصخت يعني باللبس مايبين يبين فخذي صبه وحده

 

[مس يو]

اي فنكيه انتي نفسي انا الترهل بالمنطقة الداخلية بس مو باين على اللبس بس بدون اللبس يبين خفيف والحين العب على جهاز الفخوذ علشان يشدون من داخل واتوقع الركض يفيد.. بس انتي تقولين قياسج 22 بالإنش يعني جم بالسنتيمتر.. ودام الستريجنج مارك خفيفة ترا ما تأثر

 

[Bs.ana]

اي فنكيه انتي نفسي انا الترهل بالمنطقة الداخلية بس مو باين على اللبس بس بدون اللبس يبين خفيف والحين العب على جهاز الفخوذ علشان يشدون من داخل واتوقع الركض يفيد.. بس انتي تقولين قياسج 22 بالإنش يعني جم بالسنتيمتر.. ودام الستريجنج مارك خفيفة ترا ما تأثر

ايي انا الحين قاعده امشي واجري على الجهاز قلت يمكن يفيد وخل انشوف لووول
بالنسبه للسنتيميتر بين 56 او 57
على اي رقم اخذ بالمتر ؟
انا الارقام لكبيره

 

[مس يو]

ما شاء الله تبارك الرحمن ترا حلو قياس الفخذ على طولج انا قياس فخذي 60 لوووووووووول بس المنطقه هذي اللي أقيسها اهي امتن منطقة اللي فيها شوية ترهل بس تحت شوية 59 وانتي 55.8 مو أكثر توني شفت الفرق بالنت على موقع تحويل القياسات..

انا كنت أول اخذ بالإنش بس من قاموا بالنادي ياخذون المتر قمت اسوي نفسهم بس مااعتمد قياسهم كل مدربة تقيس غير،،، خليت الرسبشن تصورلي ورقة الجدول وكل اسبوعين او اكثر اخذ قياساتي لنفسي بالبيت .. والحمدلله اخر مره في فرق مع انه الوزن ما تحرك...

 

[Bs.ana]

ياله عن اذنج الحين بروح انام وراي قعدة لوول حدي راهيه لي الحين سهرانه

اشوفج باجر على خير

باي باي

 

[مس يو]

الله معاج وتصبحين على ألف خير

حتى انا تعبت بروح انام

 

[Bs.ana]

ما شاء الله تبارك الرحمن ترا حلو قياس الفخذ على طولج انا قياس فخذي 60 لوووووووووول بس المنطقه هذي اللي أقيسها اهي امتن منطقة اللي فيها شوية ترهل بس تحت شوية 59 وانتي 55.8 مو أكثر توني شفت الفرق بالنت على موقع تحويل القياسات..

انا كنت أول اخذ بالإنش بس من قاموا بالنادي ياخذون المتر قمت اسوي نفسهم بس مااعتمد قياسهم كل مدربة تقيس غير،،، خليت الرسبشن تصورلي ورقة الجدول وكل اسبوعين او اكثر اخذ قياساتي لنفسي بالبيت .. والحمدلله اخر مره في فرق مع انه الوزن ما تحرك...

ايي نفس المنطقه الي اعاني منها لوووول
زين عيل انا اخذ كله بالإنش

ايي ترى كل شخص ياخذ على كيفه هذا الي لاحظته انا
احسن لج انا قبل مااهتم من هالناحيه بس الحين صج كل مااخذ قمت احس بفرق يعني مو شرط الميزان يتحرك
بس القياسات تنقص واحنى مااندري شسالفه

 

[Bs.ana]

الله معاج وتصبحين على ألف خير

حتى انا تعبت بروح انام

وانتي من اهله

نوم العوافي

والله معاج وحافظج

 

[ضحى الكويت]

السلام عليكم ورحمة الله وبركاته

صبحكم الله بالخير وطاعه والايمان والراحه .....


اتمناكم كلكم بخير وصحه وعافيه والكل نفسيته حلوه واستبشار بيوم حلوو ويديد بدون خربطه ......


الحمد الله رب العالمين بالنسبه لى امس انحشت عن الاكل ونمت وتمه بحمد الله .......


وناويه اتريق اليوم .... بس ليلحين ما قررت شنو راح اكل ..... راح اقولكم بس اقرر


من من يا قلبي ما قلتيلنا شصار عليج رحتى الطيب وله ليلحين قاعده .... وطمنينى عليج


فنكيه حيلج بالرياضه وانتى قدهاااا ان شاء الله كل الترهلات تشد معاج وروحى حق لافنيوز عندج محل قو سبورت فيه اجهزه تينن روحى شوفيلج منهم ......


مس يووو ما راح اخليج وبقولج وزنى الحين 95 وطولي 163 وعمري 32 سنه يالله يا شاطره علشان اعذرج من ذاك اليوم رحتى عنى وانا احاجيج ولا قلتيلى برب وهمج على بطنج على قولتج ...... وانا عارفه شنو بطلع معاااااااااااااج .... سمنه مفرطه لوووول ... وبالعافيه البوفيه .... وابيج تعلمينى اشلون طريقة الجدول اللى صورتيه واشلون تقيسين جسمج بالمتر واى مناطق بالضبط ؟؟؟ ....


ام فجر اشلون بنتج ان شاء الله صارت احسن بشري .....​

 

[oum 5ald]

صبااااااااح النووور

سبقتيني وكتبتي توني بصبح عالناس النايمه لووووووووول

مادري شمقعدني من صباح الله خير مع ان ماكو شغل يعني ...؟؟!

 

[ضحى الكويت]

oum 5ald.... صباحج ورد مميز بعطر هادي ورمنسي ....

وانا مثبج هذى قعدتى من السعه اربع الفجر وعليها ولا عندى شغل ونمت امس تقريبا 11 ونص يعنى شبعت نوم عشتواا تهقين .... وله يمكن مفعول الرجيم حيويه وطاقه ونشاط مثل ما يقولون ....:dddds:​