نتائج رجيم دشتي

[قمراالجبيل]

هاي بنات شخباركم


قموره فديتج انا موجوده تانكس على السؤال


انا اليوم تغذيت سلطة سيزر من ماك

وبعدها رحت الكورنيش مشيت تقريبا ساعه ونص الحمدالله

وشريتت من السوبرماكت زنجبيل قلت ببدء اشربه يمدحووونه يودي الكرششه

واحين بخليكم

واشوفكم بعدين تشاوووو

عوافي

 

[مملوحة وعسل]

مرحبا بنات شخباركم وحشتوني
انا صار لي يومين مادخلت
والله صار لي الم اسنان فضيع ماتتوقعون شلون وامس رحت الطبيب وخلع الضرس و وانا لحد الحين احس بالم في كل اسناني
كل ماكان فيني شده اسوي شي

بس في هل اليومين الرجيم اخترب
لان في يوم الخلع قالي الدكتور لازم يومين تاكلين كل بارد وتشربين بارد
فطبعا اكلت ايس كريم اهو الوحيد الي كان يخفف عني
ولما حسيت بالجوع اكلت بيتزا كانت في الثلاجة يعني حدها باردة هذا كان اكلي في اليومين
وانا لحين اتألم
بس طبعا من بكرة انشاء الله برجع دشتية
بس الظاهر هل الاسبوع مافي امل اكون من المركز الاول في قروب ساصل الى هدفي لان شكلي نازله بس كيلو واحد

 

[يمامة]

صباااااااح الخير

 

[يمامة]

مملوحه ما تشوفين شر

 

[ماكنتووشه]

صباح الخير دشتيات شلونكم ان شاء الله بخير تدرون شسويت انا قاعده من الصبح وفتحت النت وقلت خليني اشوف بدايت التجمع طبعا الي مسويته يمامه ورحت عند اول صفحه وقريت بعدهااا صفحه ورا صفحه طبعا عسريع كان بدايته بشهر 12 اوله وماشاء الله اغلب البنات انزلو على نضام دشتي واولهم يمامه مشاء الله عليها التزمت التزمت التزام تام تام ورياضه وكان وزنهااا ينزل وفي بعد كذا بنت اوزانهم تنزل ن

تدرون تحسفت على كل يوم مر علي وخبصت فيه بالاكل لانه يوقف عندي عمليت الحرق يومين وانا بديت معاكم من شهر واحد يني لو اني ملتزمه عدل عدل اكون نازله بشهرين الي طافو مو اقل من 12 كيلوووو

جان الحين وزني 70 مالت علي الاكل ماراح يطير ولو الف ولف ما القى مثلكم ومثلج يمامه لان لج دور كبير بستمرارنا وتشجيعنااا
والله الحين اتذكر كلامج لي يوم كنت اخربط بالاكل وكنتي تنصحيني بكلام جدا منطقي ولمصلحتي بس للاسف بلحضة ضعف قدام الاكل
اخرب كل الالتزام الي التزمته بسبوع كامل ولو اكل ملعقه حلو او نشويات بتوقف عندي عمليت الرق علي حسب كلامج والله اني متحسفه
قد شعر راسي لاني مالتزمت هشهرين لاوالله مو شهرين من شهر واحد لي نص ثلاثه ا اووووف والله واجد ياحسسافه والله
وسبحان الله ربي كتب وحملت والله ماتتخيلون شكثر اعاني بالفتره الحاليه احس برغبه شديده بالاكل وشتهي شغلات وبنفس الوقت ودي اكلهاا وبنفس اللحضه قلبي يعورني لاني ادري راح تزيد وزني والله نفسيتي تتعب حيل حيل الشكوى لله مث شهرين ونص وزني ثابت على 80او 79
لاني من حملت وانا تركت دشتي وبديت نضام الحامل بس والله يجوع حييييل تعرفون الحامل تجوووع دايما كنت متعوده علي دشتي وكنت استانس علي اكله ونتو عارفين انه يشبع
والله نفسيتي كلش مو شي مادري شسوي ودي احد اشكي له بس محد في ولا احد فاهمن

البارح كنت طالعه في بيت حمولتي طبعا كنت في البيت وضايق خلقي رحت ولقيت مسوين محاشي وطبعا اكلت منهااا احس ردت لي روحي
استغفر الله صايره اجوووع

والله يابنات فضفضت وقلت وياارب اكون ماثقلت عليكم ومحتاجه دعواتكم لي ونتي يمامه بخاطري اكلمج وفضفض لج كلمه ولو جبر خاطر

بس ادري والله مشغوله بعيالج ومتحاناتهم

بنات انا ماراح اخليكم وبحاول الاقي لي حل هاليومين ان شاء الله وبحاول اراجع عند دكتور ولو ان ماضنتي بس بحاول والله كريم

احبكم كلكم

 

[ماكنتووشه]

صباااااااح الخير

صباح الانوار يمامه

 

[ماكنتووشه]

مملوحه سلامات ماتشوفين شر

 

[crezy-love]

صباح الخير بناااات ... ان شاء الله الكل تماام .. وسلامتج مملوحه عسل ماتشوفين شر ..

انا امس تغديت دجاج بالكريمه والجبن مرره لذيذ ..يمي يمي ..وماتعشيت بس اشرب اكثر من اربع لتر ماي باليوم .. واعشاب ( رجل الاسد - وشمر ) تساعد على حرق الدهون وشد الجسم ..
وحبيت انقل لكم تجربت وحده من البنات انقصت 27 كيلو بشهر ..علشان تتشجعون ..

http://forum.hawaaworld.com/showthread.php?t=2274814



واشوفكم على خير

 

[قمراالجبيل]

يسعد صباحكم

مملوحه سلامات

مكنتوشه زسني نفسيتك عشان الي ببطنك وانتي الحين ارتاحي وابتدي بعد الولاده

كريزي مشكوره

يمامه صبحك الله بالخير

 

[دانوووه-qtr]

صباح الخير


انا اليوم اول ما قمت ترييقت زيتون وجبنه - وبديت اشتغل بالبيت رياااضه

واحين بقوم اجهز غذا بسوي سلطة ملفووف بالماينوينز - وصدر دجاج مشوي


اشوفكم بعدين واقولكم عن اخباري

تشاووو

 

[يمامة]

انا شرفت الدوره اليوم

الله يستر بكره الميزان

 

[دانوووه-qtr]

مساء الخير ببنااااات

اخباركم

لكم وحشه


وين البنات اختفوووو



انا اليوم الحمدالله ماشيه تمام التمام رحت الكورنيشش مشيت ساعه ونص وبعدها رحت ماك خذت لي سيزر سلاد- وبس احين قاعده اشرب شاي اخضر مع نعنع

 

[دانوووه-qtr]

كريزي لوووف شنو هاي رجل الاسد شلون شكله صاير


وطعمه عادي ينشرب والا يلوع

 

[مساء مونترو]

متاخــــرة..
صح!!
بس انا وياكم..
بلشت الرجيم من يوم الحمعة اللي يصادف 9/4..
الاسم : مســـاء مونترو
الوزن الحالي: 72
الهدف الاول:65
الهدف الثاني:54

 

[دانوووه-qtr]

ولكم مساء مونترو

ان ششاء الله تضعفين بصحه وعافيه ييلا شدي حيلج

عاد موتدخلين يوم وعشره لا


دخلي كل يوم ووقولي لنا عن يومياتج

اوووكي

 

[قمراالجبيل]

انا اليوم خربت اشويونه سووووووووووووري

 

[مساء مونترو]

ولكم مساء مونترو

ان ششاء الله تضعفين بصحه وعافيه ييلا شدي حيلج

عاد موتدخلين يوم وعشره لا


دخلي كل يوم ووقولي لنا عن يومياتج

اوووكي

هلا حبيبتي..
يسلمووو عالترحيب..

 

[مساء مونترو]

بنات انا قريت عن شغلة ابي اخذ رايكم فيها..
- ماهو تأثير هذه الحمية على المدى البعيد ؟



معظم الدراسات بينت ان اتباع هذه الحمية على المدى الطويل قد تؤدي الى امراض قلبية وامراض كلوية بسبب تناول نسبة عالية من البروتين ومعظم الدراسات تشير الى وجود علاقة مباشرة بين كثرة تناول الدهنيات وزيادة خطر الاصابة بامراض السرطان خاصة سرطان القولون عند الرجال والنساء وتشير الدراسات ان الدهنيات المشبعة كما يشير العلماء الى ان اتباع نظام غذائي قليل الدهنيات وغني بالالياف يساعد على تخفيف خطرالاصابة بالامراض السرطانية

 

[crezy-love]

كريزي لوووف شنو هاي رجل الاسد شلون شكله صاير


وطعمه عادي ينشرب والا يلوع

هلا والله حبيبتي رجل الاسد هذا يساعد على اذابه الدهون فقط مساعده يعني لحاله مايسوي شي بس اذا في رياضيه وحميه يساعد هذا طال عمرج تلقينه عند العطار وفي منه زهره رجل الاسد او عيدانه والاحسن الزهره تاخذين ملقعه وسط وتنقعينه بماء حار وتاخذينه بعد الوجبه الدسمه اتمنى اني افدتج مره ...:hjy5jewf:





انا امس بنات كنت اشوف برنامج يطلع على ام بي سي فور وسوت اكله مره عجبتني وتناسب الرجيم

وهي نقانق تنشوي شوي بالفرن شوي وبعدين تطلعينه وتقطعينه وتحطينه بالتاوه مع بصل مقطع طوال وزيتون وحبه طمام مع شويه بهار وتشويحنه شوي بعدين تدخلينه بالفرن لما يستوي ,,,, انا سويته امس عشاء وطلع مره لذيذ عاد قلت خليني افيدكم ...


بنات انا صارلي اسبوع باديه ومشيت رياضيه ساعه ثلاث مرات بالاسبوع ولا خبصت بشي ابد كم تتوقعون نزلت ...... مره متحمسه ...:bbbiu:

 

[دانوووه-qtr]

هاي كريزي لوووف - انا ششفت البرنامج امس برنامج ريتشل ري والوجبه اللي سوتها وجبه دشتيه لووول بسويها انشاء الله قريب
وعن زهرة رجل الاسد ماحب اشرب اشياء غريبه خليني على الرياضه والشاي الاخضر احسن


انا اليوم الصبح اول ماقعدت تريقت زيتون وقطعة جبن بارميززان


وطلعت خلصت مشاويري ومن شوي راجعه سويت فيليه سمك هامور مع ربيان وبصل لفيتهم بقصدير وفي الفرن للحين ما استوى الله يستر ما يندرى شلون بيصير

اي وطبق جانبي جرجير مع بصل وكافيار وليمون


والحمدالله على النعمه

انا متشجعه وايد لانه ريلي صار يمشي معاي بالريجيم وقمت انفنن بالغذا لووول عشا ما يزهق

خلاص اشوفكم بعدين بنات


باي