منو تبتدي معاي ريجيم التمر واللبن؟؟ سوف أبدأ اليوووم

[موكا بالكراميل]

آنا وحدة خلاص قررت ابتدي اليوم ريجيم التمر واللبن

ويارب يارب ماتضعف ارادتي واواصل عليه على الاقل ثلاثة اسابيع

لأني قريت عنه وايد ومن تجارب البنات حدي تحمست اني اطبقه

لأن صار لي فترة احاول اسوي ريجيم بس مادري شفيني اسبوع واحد وارد اخربط

بالاكل مع اني مو اكيله فقلت ابتدي بريجيم التمر واللبن وبعدها اسوي ريجيم السعرات



يالله بنات تكفون شجعوني وابدوا معاي وخل نشجع بعض ونكتب يومياتنا

وجم نزلنا :eh_s(9):
​

 

[أسيـ(^_^)ـل]

بشجعك

بدون اشتراك

هههههههههه

بحاول أخفف أكل ورياضة ومو مستعجله ع النتيجة بس المنافسة حلوة

 

[موكا بالكراميل]

اي حلووووو شجعيني والله يكثر من المشجعات والمنافسات ههههههه

 

[لـــمـى]

شنو نظام الرجيم
لو تحطينه عشان الوحده تقرر يكون احسن
وبالتوفيق

 

[CuTe KuwaiTia]

وانا بشجعكم بعد موفقين

اذا شفت النظام يصلح لي بسويه لاني متكممة واخاف ما يناسبني

 

[ساهية بس داهية]

اب اب

 

[موكا بالكراميل]

فديتكم والله اي جذي نبي حماااااااس

اللي تسأل عن النظام ترى حده سهل وهو عبارة عن 21 تمرة توزعينها على 3 وجبات مع كاس لبن

او حليب او زبادي ويكون خالي الدسم عن نفسي بستخدم قليل الدسم يعني كل وجبة (7تمرات وكاس لبن)


يالله اللي بتقرر لاتتأخر اتخذي قرارج وضعفي الوقت يمضي لووووووووووول

 

[موكا بالكراميل]

تريقت الحمدلله وبصراحة يشبع

بس غلطتي اني ماوزنت للحين واكيد وزني زايد بروح بعد شوي اجيك وزني

وبعد اسبوع راح اشوف جم نزلت ياربي اظل متحمسه وصامده جذي للنهاية

 

[موكا بالكراميل]

جيكت وزني :eh_s(16):

زين اللي لحقت على عمري لأن وزني وصل 70.7

من بعد ماكان 59 وكان حده اذا بزيد بداية الستينات بس ادخل عالم السبعينات

لااااااااااااااا الزم حدودك يا آنا يا انت يالميزان :krkrkr:

 

[إستبرق]

موفقين يارب انا اليوم اكمل ان شاءالله اسبوع وباجر بخليه مفتوح ان شاءالله وعقبه بسوي نظام ثاني ويمكن بعدين ارجع له
والحمدالله احس ضعفانه مع اني اشرب لبن كامل الدسم لان ماكنت احصل قليل الدسم الا امس
بس الصراحه كنت ادووخ وايد خاصه بليل قبل كنت اخذ اوميغا ثري ماكو دوخه بس قطعتها لان مايصير مع الروكتان فيتامين أ وبدت الدوخه
جني قرقت وايد 

 

[عز الخويه]

بنااات انا عندي اووف اليووم بس مااكثرت بالاكل

وبااجر ان شااء الله ببدي برجييم التمر واللبن اخر مره وزنت كاان 84 يعني نزلت بالاسبوع اللي طاف كيلو

يااااااارب ينفع رجيم التمر واللبن

 

[شوشو الشقيه]

يسلمو اختي
بس هذا الرجيم صدق
يضعف
من تجربه
ينحف بشكل رهيب
وحلو
ولا تحسين بالجوع

بس مشكلتة بعد الرجيم لازم ما تخربطين

والله اليوم كنت افكر اسويه
في بالي
بس لا اريد ينزل وزني بسرعه عشان لا يرتفع بسرعه
بس بخفف اكل
بس مشكلتي لا اقاوم الكيك
مشكلتي في الشهيه
اذا اكل ما اوقف يدي

 

[موكا بالكراميل]

آنا مو ناويه اعتمد عليه لكن قلت بجربة وببتدي فيه خصوصا وانه ينحف في وقت قصير حسب تجارب البنات

لأني متعودة على ريجيم السعرات بس من كثر ماتعودت عليه صار بالنسبة لي

كأني مجرد اعدل اكلي واخففه لأنه كلش ما يحسس باليوع وينحف بشكل بطىء لكن الزين فيه ان بعدين مايرجع

الوزن بسهولة ..


متشوقه اوزن نهاية الاسبوع يارب اضعف يارب

 

[Q8stylle]

بالتوفيييييييق

 

[لاجل عينه]

انا بديت فيه من امس بس اليوم وزنت وصدمني وزني٦٥.٨٠٠

لاااااازم اضعف

بسنا اكل نبي نلبس ع راحتنا واللي نبيه
انا معاج

 

[تووووووتة الكويت]

بنات انا معاكم
واليوم بديت الرجيم
طولي :156
وزني:81
بناااااااات نبي الهمة
واليوم بمشي ساعة
شدو حيلكم
وياريت كل وحدة تحط طولها ووزنها ..​

 

[miss jo0ory]

وانا بعد ابي ابدأ معاكم

 

[لاجل عينه]

انا اليوم ثالث يوم واحس اني خفيفه صج اشتهي الاكل بس شسوي ابي اضعف


الحين قاعده اتقهوى واكل تمر بعدل مزاجي شوي

 

[موكا بالكراميل]

أحلاكم شخبارج مع الريجيم؟ أنا صامدة حتى تحقيق الهدف اليوم الصبح مـْْْ•???·????•??ـْْْن اللقافة جيكت وزني والحمدلله نزلت نص كيلو سي يحمس ويشجع ان شاءلله أضعف أكثر

 

[موكا بالكراميل]

توته الكويت
مس جوري

حياكم ويالله خبروني عن رايكم بالريجيم وشلونكم معاه ؟؟