ملف أطباق المبتدئات بالطبخ تفضلوا ملف متجدد مقبلات - اطباق رئيسيه - حلويات

[dalal]

ماركيه شلوووونج ؟؟؟؟ مس يوووووووووو

والله يوفقج ويسهل عليج امتحاناتج ...

 

[<< أزيان >>]

هلا دلول حبيبتي انا بخير

وانا ولهانه عليج وعلى البنات

مشكوره عالسؤال والدعاء ماقصرتي حبيبتي

 

[<< أزيان >>]

السلام عليكم

شلونكم ولهت عليكم وايد وايد

بعد انقطاع فتره رديت لكم بحلو قهوه وااااايد سهل وينفع للزنئات على قولتهم مقاديره متوفره تقريبا بكل بيت

خل نبدي بالصوره طبعا هالصوره عندي من زمان وللأسف صورته بعد ماطارت اول طبقه اهئ اهئ اهئ

مقادير الحلو :

2 ظرف كريمة دريم ويب + ا قيمر اي نوع + 3 فناجين شكر + افنجان ماي بارد

1حليب كارنيشن + بسكوت بيتي بور


الطريقه :

نحمر الشكر على النار لما يصير لونه ذهبي نرفعه من النار ونضيف الماي البار ونحرك بسرعه بعدها نضيف القيمر وبعدها

الحليب نرجعه للنار شوي لمل تذوب التكتلات وعقبها نحط الكراميل ونحركه عالنار لما يختلط عدل نصف بصينية بايركس

بسكوت بيتي بور مغمس بحليب دافي ونسكب فوقه الخليط وندخله الثلاجه لما يبرد ونقطعه مكعبات ونزينه بفستق او كنافه

باكستانيه مثل ماانا مسويه

وبالعافيه عليكم


للأمانه منقول بس انا مغيره في شوي

 

[to0oty fro0oty]

خوش فكره سراحه
وانا افتر بلموضوع اعجبتني جم اكله وخذيت مكوناتها

يسلمو راعية الموضوع ويسلمو البنات اللي شاركوا بعد
وانشاءالله عن قريب اشوف اكلات تعجبني واحطها لكم اهني

 

[بيسان الكويت]

مشكورة ماركية على هالموضوع الأكثر من رائع وربي يوفقج
تسلم إيدج يالغالية ....

 

[<< أزيان >>]

خوش فكره سراحه
وانا افتر بلموضوع اعجبتني جم اكله وخذيت مكوناتها

يسلمو راعية الموضوع ويسلمو البنات اللي شاركوا بعد
وانشاءالله عن قريب اشوف اكلات تعجبني واحطها لكم اهني

الله يسلمج ياعمري

وحياج الله ناطرين مشاركتج يالغاليه

مشكورة ماركية على هالموضوع الأكثر من رائع وربي يوفقج
تسلم إيدج يالغالية ....

العفو حبيبتي

الله يوفق الجميع يارب وربي يسلمج حبيبتي

 

[الحراير]

يسلموووووووووووووووو

 

[<< أزيان >>]

الله يسلمج حبيبتي

 

[<< أزيان >>]

شلونكم

يبت لكم نوع من المقبلات للعضوه ام يوسف بالمنتدى

عجبني شكله حلو وسهل

وعلى فكره انا مسويته على حلو ووايد طلع روعه وعجب الكل

هذا رابط الموضوع للي حابه تشوف الصور

http://www.q8yat.net/showthread.php?t=369453

وهذا نص الطبخه

شلونكم طباخات

اليوم يايبتلكم طبق سهل ولذيذ وتقدرين تفنتقين فيه وتحشينه بلي يعجبج وتسوينه حلو او مالح

انا سويتله حشوه مشروم وذره

نبتدي

اول شي المقادير


مشروم
ذره
بيضه واحده
صويا
مكعب ماجي خضار

عجينة جلاش



جبن كرافت مبشور او اي نوع جبن تفضلينه مبشور



تيبين قالب الكب كيك وتحشينه بعجينة الجلاش بهلطريقة



تحمسين شوي بصل مع المشروم والذره ومكعب الماجي والصويا

مايحتاج ملح لان الصويا والماجي مالحين

وعقب ما يبرد شوي.....تكسرين عليه بيضه وتخلطينهم

وهذا شكله مع الحشوه



وتحطين عليه الجبن المبشور

وتكونين مسخنه الفرن وتحطينه تقريبا نص ساعه

وهذا شكله النهائي







اتمنى يعجبكم

 

[<< أزيان >>]

مع ان مافي اي مشاركات ماتشجعون كلش

مادري اشسالفتكم غطيتو

يبت لكم حلو سهل ولذيذ للمبدعه ريم الصبا

هذا رابط الموضوع

http://www.q8yat.net/showthread.php?t=344669

وهذا نص الموضوع


حلى المالتيزر بالصور

المقادير :

1 نستله كبير + 3 باكيت بسكوت الجوزاء + 1 كيس كاكاو مالتيز + صلصة هيرشي

الطريقه :

يطحن البسكوت ناعم

يعجن مع نستله الى ان تصبح لدينا عجينه

تكور ويغرس في الوسط حبة كاكاو مالتيز

تزين بصلصة كاكاو هيرشي



منقوووووووووووووووووووووووووووووووووول لعيونكم

 

[أحلى همبه كويتية]

تسلم ايدج
وصاجة ماكو تشجيع مثل قبل بكل المواضيع
مو بس موضوعك

 

[ام سلومd]

اي و الله صج شنو قصتهم و الله يعينهم اقول احنا انكفي هههههههه و يمكن يكونون البنات مسافرين لو بتشوفين الحين بعضهم عطلوا و الي مسافر و الغايب عندة حجته

 

[<< أزيان >>]

تسلم ايدج
وصاجة ماكو تشجيع مثل قبل بكل المواضيع
مو بس موضوعك

الله يسلمج ياعمري

اي صح ملاحظه انا بعد غطيت ولما رديت انصدمت ماكو شي يديد

اي و الله صج شنو قصتهم و الله يعينهم اقول احنا انكفي هههههههه و يمكن يكونون البنات مسافرين لو بتشوفين الحين بعضهم عطلوا و الي مسافر و الغايب عندة حجته

هلا وغلا اي والله انتو تكفون وتوفون مالي غناة عنكم

وعلى قولتج الغايب عذره معاه

 

[شندوخه]

ماركيه حياتي شلونج شلون امتحاناتج
مانجشع لانج وقفتي ياعسل بس ماقصرتي رجعتي وبجعبتج كميه اطباق حلوه

 

[أحلى همبه كويتية]

ماركية لا تزعلين
بشارك وياج بهالحلو
جربيه وايد لذيد
عمايل ايديه وحياة عينيه

والرابط

http://www.q8yat.net/showthread.php?p=9306021#post9306021



وهذا صحني اخو الصحن اللي عندك :eh_s(21):

 

[ام سلومd]

قوة ياماركية شخبارج ياحلوة عيل شوفي شنو سويت

دياي بالبطل بيبسي​

عندج دياية حسب الوزن الي تبينه انا استعملت 1000 جرام تبلينها قبلها بيوم حوالي 5 قفاش كبيرة زيت زيتون + 2ملعقة اكل صغيرة ملح + 2 ملعقة صغيرة ببريكا + 2 ملعقة صغيرة بهارات مشكلة + ملعقة صغيرة فلفل اسود + ليمون و نص عصيرها و خليها في الثلاجة قبلها بيوم ترى تصير احلى و انطع اذا طولت
الحين عندج بطل الجزاز البيبسي طبعا ترسي البطل ماي لين الربع و حطي الدياية من ورا لين منطقة الظهر و تحطين في الفرن في صينية الفرن و دخليها فرن ليمن تستوي يعني تاخذلها حوالي ساعة الا ربع الى ساعة على حرارة مو عالية هادية و طبعا اول شي شابة من تحت من تحسين السجين تش لين اللحم و العظم شبي من فوق علشان تتحمش و قدميها مع عيش مشخول و مرقة فاصوليا

وردة البيديان​

هذا الله يسلمكم شفت طريقتها في التلفزيون و صج صج وايد حلوة ولذيذة و ادري عنوان غريب

باذنجان حوالي حبتين وسط او حبة كبيرة

و عندج حوالي كيلو نصف لحم مفروم طري انا شريته من الملحمة و تبلية في هذي التتبيلة
قفشة ملح+فلفل+ببريكا+بهرات مشكلة+ دبس رمان حوالي قفشتين كبار عشان الحموضة و بقدونس شدتين مفرومة مو ناعم وايد و طماط وسط حوالي 4 طماطات و مفرومة

نبدي عاد شغلنا
نقصص البيديانة مثل الشرايح بس مو توصلين لين الاخير علشان نت تنقص وايد جذي

ليمن تخلصين تصير جذي

الحين عندج الحشوة نحشي فيها البيدينة يعني قد اصابيعج الخمسة تحشين ليمن تخلصين يعني وحدة وحدة ترى راح تصك اشوي على الاخير حوالي انج توقفين البيدان اشوي علشان تقديرين تحشين الباجي ليمن تطلع جذي

 

[ام سلومd]

و هذي طريقة ثانية عشلان افكم قصي البيديان بالنص و حفري اشوي من البيديان جذي بالقفشة نحفرها يعني انطلع اشوي من بطنها

و نحشي البيديان في الحشوة

و انحط البيديانة في الفرن لمدة ربع ساعة عشان يستوي البديان و لحم على نار هادية راح تطلع جذ وياكم

و هذي قطعة لكم

 

[أحلى همبه كويتية]

تسلم ايدج ام سلوم
عندي وصفة شبيهة باللي سويتيها
بس فيها شي ثاني

تصفين بالصينية حلقات بطاط بينها
يعني مرة بيديان ومرة بطاط وبينهم اللحم
بدور الصور واحطهم لج

 

[<< أزيان >>]

ماركيه حياتي شلونج شلون امتحاناتج
مانجشع لانج وقفتي ياعسل بس ماقصرتي رجعتي وبجعبتج كميه اطباق حلوه

هلا وغلا هلا حياتي

والله احنا اللحين بدت استراحة المحارب عندنا لووووول باجر عندي امتحان سيكلوجبه ادعيلي

بعدها راحه اسبوع ونبلش الفاينل اهئ اهئ اهئ

حياتي انتو عمركم ماقصرتوا ومحد غيركم مشجعني انتي وجم بنت معروفين اهني الله لايحرمني منكم بس بشكل عام ماكو

مشاركات

 

[<< أزيان >>]

همبوش

بعد قلبي الله يجبر بخاطرج

وشكل الحلو يمي يمي لازم اجربه بس افضى

هههههههههههاهه ضحكتيني عالصحن صج نفسه لووووول تدرين هذا صار له فوق العشر سنين ماشاء الله من تزوجت

مشكوره بعد قلبي ماقصرتي



ام سلوم

حياتي انتي اشهالابداع اسم الله عليج

شكل البيديان فنتك والديايه شنها جاهزه تبارك الرحمن

مشكوره حبيبتي