ملف أطباق المبتدئات بالطبخ تفضلوا ملف متجدد مقبلات - اطباق رئيسيه - حلويات

[أحلى همبه كويتية]

هذا رابط صينية التوست بالباذنجان

http://www.q8yat.net/showthread.php?t=369909&highlight=%D5%ED%E4%ED%C9+%C7%E1%CA%E6%D3%CA

 

[<< أزيان >>]

واااااااااااااااااااو همبوش بعد عمري

شكل اطباقج روووووووعه

وصج صج سهله وماتعب

مشكوره حبيبتي

 

[<< أزيان >>]

شلونكم بنات

يبت لكم حلو خفيف وسهل

للعضوه حصوص الله يعطيها الف عافيه

هذا رابط الموضوع

http://www.q8yat.net/showthread.php?p=9445979#post9445979

وهذا النص تفضلوا

السلام عليكم

شلونكم بنات ؟؟
هذي طريقة حلو سهل جدا جدا و لذيذ و يصلح للضيوف .. و هو للأمانه منقول


المقادير
عجينة الباف باستري
صفار بيضة
سكر بودرة
الطريقة
نقطع العجينة شرائط صغيرة ونضع كل شريطين فوق بعض ونبرمهما

نذهنها بالبيضة
وندخلها الفرن المتوسط الحرارة الى ان تتحمر ونخرجها
نتركها تبرد قليلا ونرشها بالسكر البودرة

وقدميها مع كوب كابوتشينو وبالهنا والشفا

 

[dalal]

هذا رابط صينية التوست بالباذنجان

http://www.q8yat.net/showthread.php?t=369909&highlight=%D5%ED%E4%ED%C9+%C7%E1%CA%E6%D3%CA

اللله همبووو توني شفت بعد تطبيق جارونه حق هالصينيه حدها شهتني مشالله وسيفتها على طوول ..
اختيار موفق .. انا من الصوره احس اني ظقتها من كثر ماشكلها لذيذ ...
مشتهيتها الحين بس ما عندي بيديان :lkmnkl:

 

[dalal]

ماركيه كيفووو يا البي..؟؟ وشلون امتحاناتج ؟

تسلمين على الوصفه حدها سهله تووونسسس ..

 

[<< أزيان >>]

هلا دلول والله تعبانه والاسبوع الياي يبدي الفايل

الله كريم

مشكوره حبيبتي بحاول بس افضى اطبق هالحلو شكله وايد سهل ولذيذ

ذكرني بحلو عند الخباز نفسه بالضبط

 

[ام سلومd]

قوة ماركية شخبارج سامحوني مشاركاتي قليلة الصرحة حدي مشغولة هل جم يوم و ان شاء الله من افضي انزل لكم اشياء راح تحبونها و سهله على الاخير

 

[<< أزيان >>]

هلا والله بأم سلوم

معذوره ياحياتي انتي عمرج ماقصرتي

اخذي راحتج ومتى مافضيتي احنا بنتظارج يالغاليه

 

[أحلى همبه كويتية]

اشلونك ماركية وحشتيني
ان شاء الله بس ارتاح شوي عقب الأزمة اللي صارت لي
ارجع لكم بقووووووة وحماس

 

[<< أزيان >>]

هلا همبوش حبيبتي انا بخير وحايسه بالامتحانات ضغط علي احس بموت انطر بس اخلص مشتهيه اشم هوا لوووووووول

انتي بشريني عنج ان شاء الله صرتي احسن اللحين

 

[أحلى همبه كويتية]

انا بخير بفضل من الله
اشكرك على مشاعرك النبيلة

 

[ABEER FLOWER]

ماركية و الهمبة
يعطيكم العافية
عجبوني الطبقين الي حاطينهم
إن شاء الله أطبق

ماركية حبيتي الله يسهل عليج اختباراتج ياااارب و يوفقج و تبشريناااااااا
و تسوين لنا كيكة النجااااااح

 

[<< أزيان >>]

حياتي همبوش عساج دايم بخير

هلا عبير فلور وينج من زمان ماشفتج يالقاطعه لوووول

يارب الله يسمع منج واسويلكم ذيج الكيكه اللي تهبل ههههههه

 

[ريم الصبايا]

مرحبا ماركيه شلونكم من زمان ماشاركت وياكم وحبيت انزل كم طبق يستيفيدون منه البنات

صينيه البطاطس المحمرة

طبق ايطالي ورااااااائع بمعنى الكلمه



المقادير:

حبات بطاطس كبيرة مقطعه حلقات مسلوقه نص سلقه
كوب ونص كريمه خفق
نص كوب جبن بارميزان + نص كوب جبن موزريلا
لحمه مفرومه مسبكه
سمنه فارم او زبده
ومقادير اللحمه :
بصله كبيرة مطحونه خشن
فلفل رومي مقطع مكعبات صغيرة
نص ملعقه ثوم مطحون
نص بكيت معجون صلصه
حبه طماطم مطحونه
ملعقه وسط بهارات مشكله
وملعقه صغيرةملح
وربع ملعقه صغيرة فلفل اسود
ونص ملعقه صغيرة كمون
ملعقه وسط بهارات ايطاليه
الطريقه:
اولا نجهز اللحمه المفرومه
بتحميس البصل والثوم بالزيده
ثم نضع الصلصه والطماطم ثم اللحمه المفرومه
ثم البهارات
ثم البهارات الايطاليه ثم الفلفل الرومي
ونتركها حتى تستوي وتتسبك

نحضر صينيه الفرن
وندهنها بالسمن او الزبده

ثم نرص نص كميه البطاطس

ثم نوزع اللحمه المفرومه
ثم نرش كميه من الجبن

ثم نضع الكميه الثانيه من البطاطس

ونوزع الكريمه المخلوطه بقليل من الملح ولفلفل الاسود
ثم نرش باقي كميه الجبن
وتدخل الفرن بدون غطاء
حتى تجف الكريمه وتستوي

روبياان ( قمبري ) روووعة <<<< على طريقتي الخاصة


قمبري حسب عدد الأفراد
بصل مقطع قطع كبيرة شوي
4 فصوص ثوم مقطعة بالنصف
بهارات مطحونة( كمون- كزبرة- فلفل اسود وابيض- خردل )
عصير ليمونة
2 م ك معجون طماطم
الطريقة : مرررةسهله ومايبيلها مجهود
جهزي القمبري بتنظيفه زييين وغسله بالموية مع الليمون
صفيه وطوااالي في الطاوه حطيه مع البصل والثوم والبهارات والملح
وملعقتين معجون طماطم
شوي موية

قلبيهم مع بعض وعالنااار وغطي الطاوة

وبالعافيه قدميها

منقووووووووووووله

 

[ريم الصبايا]

مشخـــــول التــــــــــونه .. يم يم يم بالصوووووووووووور

اول حاجه تطبخين الرز على جنب مع قرفة ..

وبعدين تجيبي قدر لوحده وتحطي الزيت والبصل مع الماجي
تقريبا حبتين وسط او حبه كبيره

وبعدين تحطي كمون مطحون وقرفه مطحونه طبعا وكركم وبهار وصلصه وملح واخيرا التووووووووووونه

تقريبا نص ملعقه وسط
وعلبتين تونه او ثلاث

وبعد كذا تضعين ثلاث ملاعق طبخ من الارز المستوي وتقلبيه مع بعض

وبعدين تضعين الارز كاملا فوق بعض وتخليه اقل من 5 دقائق انتبهي لا يحترق

وهذه النتيجه

 

[ريوف2]

يعطيكم العافية على الموضوع

 

[<< أزيان >>]

بعد قلبي ريم الصبا ماقصرتي يعطيج الف عافيه

لاخلا ولا عدم وجودكم ومشاركتكم انتي وام سلوم وهمبوش

وكل وحده ضافت طبخه معطي نكهه وطعم للموضوع

الله لايحرمني منكم جد جد احبكم

وسامحوني اذا نسيت اسم احد لاني مارديت للصفحات

 

[<< أزيان >>]

يعطيكم العافية على الموضوع

الله يعافيج ياعمري

ويوفقج بدراستج يارب

 

[الحراير]

يسلمووووووووووووووووووو

 

[<< أزيان >>]

يسلمج ربي

نور الموضع يالحراير