مع خبيره الاعشاب معلومات واساله واستفسارات حياكم

[خبيرة اعشاب]

نزف​

لا حبيبتي عادي تستعملينه مع اي كريم مرطب لاي مكان بالجسم حتى المناطق الحساسة
ما فيه اي ضرر

 

[نزف]

بعد عمري ماقصرتي:eh_s(7):

 

[عاشقة الجنة]

يعطيج العافية اختى خبيرة ..

حبوبة حبيت أعرف الأعشاب اللى تنزل الضغط المرتفع مع طريقة الاستعمال

وسؤال ثانى ... فى أعشاب تستخدم لشد الصدر أو الجسم ؟؟؟

ومشكوووووره :eh_s(17):​

 

[ألولو78]

يعطيج العافيه

 

[خبيرة اعشاب]

عاشقة الجنة​

اختي للضغط المرتفع هناك العديد من الوصفات الطبيعية و ساذكر لك بعضها

** لتعديل الضغط و انتظامه يشرب المريض كوب من عصير التفاح الطازج صباحا على الريق و اخر مساءا قبل النوم ..و يوصى بان يحضر هذا العصير قبيل تناوله لانه سريع التخمر

** قبضة متوسطة من اوراق الزيتون المجففة تغلى 10 دقائق في لتر ماء فوق نار خفيفة ثم يستحلب لمدة 15 دقيقة ..يصفى و يشرب منه 2 الى 3 اكواب في اليوم لمدة 15 يوما ..ينقطع عنه لمدة 10 ايام , ثم يعود ليداوم عليه مرة اخرى لمدة 15 يوم

** يؤخذ فص ثوم نئ متوسط الحجم صباحا على الريق

و نتمنى لك اختي دوام الصحة و العافية

 

[no0o0r3]

خبيرة اعشاب عندي سؤااااال وضروري تجاوبيني انا استخدم لسان البحر مع خل وادهن فية المناطق الكبير في جسمي هل هي مضرة ولا لا

 

[خبيرة اعشاب]

no0o0r3​

عادي حبيبتي الخلطة امنة و مالها اي اضرار جانبية

بس انتي تستعملينها بغرض شد الجسم او التنحيف ؟؟

 

[no0o0r3]

مشكوووووووووووورة وما قصرتي على الرد السريع انا استخدمها للتنحيف

 

[no0o0r3]

خبيرة اعشاب ميخالف ادري بتقولين مصختها بس شسوي ما عندي احد يفهم بالاعشاب حيل انا شريت الزبيب الاسود اليمني يمدحونة لفقر الدم وانا الدكتور قاليلي حيل الدم نازل عندي وعطاني حبوب الحديد بس ما استمريت عليها علشان سببتلي امساك وانتي بكرامة اللي بعرفة شلون طريقة الزبيب يعني كم مرة اخذة

 

[طنطن]

أنا عندي بنتي بتكمل 3 سنوات على شهر 10 شعرها حيل قصير وخفيف وناااااااااااااااااشف استعمل لها السدر يقولون ينعم ويكثف بس ماشفت فايدة وابي أعرف منج الحل

 

[الوهوه]

كلامك حلو ومفيد

 

[babloo]

السلام عليكم
يعطيج العافيه اختي والله يعطيج على قد نيتج يارب
اختي بغيت اسئلج شنو العشبه او الوصفه الي تنظم هرمونات الجسم
ومشكوووووره وايد

 

[Stylist]

حبيبتي تسلمين على الموضوع الحلوووو والمفيد

انا بغيت اسألج عن اللافندر (الخزامى) شنو استخداماته..!؟ واقدر استخدمه بغرض التعطير وشلون طريقته..!؟

وكنت بسألج عن عشبة عباءة السيدة اهيا نفسها رجل الأسد..!؟ وشلون طريقة استخدامها واذا اهيا غير رجل الأسد بليز حطي لنا صورتها ماعليج امر لأن رفيجتي تبيها ضروري

 

[خبيرة اعشاب]

no0o0r3​

مرحبا

حبيبتي بالنسبة للزبيب الاسود طريقته
انج تاخذين حوالي فنجان منه و اتنظفينه من البذور و بعدين تطحنينه بكمية مناسبة من الحليب ..و تشربينه يوميا على الريق

و بالنسبة لفقر الدم في وصفة احسن عندي ..بس ان شاء الله بالليل احطها لج لاني الحين بطلع

و تحياتي

 

[babloo]

وانا بعد الله يخليج ابي شي يضبط هرمونات الجسم !! لا تنسيني

 

[خبيرة اعشاب]

طنطن​

مرحبا

حبيبتي في العمر هذا بالذات العناية الخارجية بالشعر اهميتها لا تتعدى 15% في نموه ..
اهم شي ركزي على تغذية بنتج انها اتكون سليمة و غنية بالفيتامينات

و ممكن تستعملي لها بعض الزيوت الخفيفة كزيت هملايا منعش لفروة الراس و يشجع الشعر على النمو

:eh_s(17):

 

[خبيرة اعشاب]

ستايل ماله مثيل​

الخزامى حبيبتي له استعمالات واجد
و يذخل في عدة تركيبات للكحة و الربو و التهابات الجهاز التنفسي و يستعمل ايضا في بعض حالات الصداع و عدم الشهية للطعام ...و ارتفاع نسبة الزلال في البول ..
هذا بالاضافة الى استعماله لتعطير الملابس و ابعاد العثة ..حيث يوضع قليل من الخزامى المجففة في الخزائن

اما عشبة عباءة السيدة في نفسها رجل الاسد و تلقينها عند الحواجين معررروفة جداا
و يا ليت تقرين موضوعي الي كتبت فيه تحذير هام في قسم التداوي بالاعشاب لاني ذكرت فيه معلومات مهمة عن العشبة هاذي

 

[خبيرة اعشاب]

babloo​

اي هرمونات قصدج حبيبتي ؟؟ هرمونات الدرقية او المبيض او ... يا ليت اتحددين

و ايضا حطي تفاصيل الحالة كااملة لو ما عليج امر

 

[babloo]

اختي ترى انا دزيت لج تفصيل الحاله على الخاص وياريت تردين علي ومشكوووره وايد

 

[ديما فيصل]

اختي انا خاطري احمل وعندي مشاكل طبية واجد بس قريت عن عشبة القشعة شنو رايك فيها