معا نحو جسد منحوووت

[طريق السعاده]

سلطااانه كلللوووووووووووووووووش الف مبرووووووووووووك النزول حلووو نزولك استمري حبوبه :eh_s(9)::eh_s(9)::eh_s(9):

ليدي ترا النظام حلو بس يبيله روقان وانا نظامي عفسه :ch12:وجوعي حار ههههههه ع ماينطبخ البطاط رحت فيها :eh_s(16):

بقلدك فالتمارين لان للحين ماستمريت عليها مستمره ع المشيء بس احوس بالتمارين مره اسوي ومره ابطل

الثقل للحين ماجربت عندي اخف الاثقال الي نمسكه باليد بس حبيت سالفه السواره احس اسهل بحاول انزل ادوره فالمحلات الرياضيه

بنات من بكرا برجع اشيل النشويات من نظامي لان احسها تخليني بطيء النزول

المهم

يوومي

اول ماصحيت كليت حبه بيتزا شغل البيت وبياله شاي ك تصبيره خخخ لين يخلص الغدا تقريبا قبل الغدا بنص ساعه

تغديت صحن ايدام سبانخ وقرع + قطعه خبز بر < امي مسويته بالفرن
سويت غلط كبير بعد الغدا بنص ساعه رجعت نمت :/ طبعا مو بيدي نزول فيتامين دال مخليني كله نايمه بس اول مره انام بعد الاكل كذا ..

ع المغرب شربت قهوه كميه مفتوحه هههههه اعوض حرمان القهوه الي فقدته اليومين الي فاتو
كليت 2 حبات تمر موزع وقتها مع القهوه طبعا و 2 معمول تمر دويرات من لوزين الحبه صغيره ميني

مشيت ع السير 40 دقيقه + سويت تمارين خفيفه بس ماتعتبر تمارين تقريبا 12 عده فقط :/
اممم تعشيت 10 ونص شريحتين توست بر + حبه بيضه مسلوقه + سلطه + مسحه جبن سائل

نظامي من بكرا 30-4-1434 لمده 10 ايام

فطوري رح يكون 3 تمرات وماي او حليب قليل دسم بس انا ماحب الحليب ف رح اخليها ماي
غداي رح يكون سلطه + صدر دجاج او سمك او لحم او تونه
القهوه بحدد لي 3 فناجين فاليوم ومعها حبه تمره
الشاي رح الغيه لانه يخرب علي فيتامين دال بحاول الغيه من نظامي قد ماقدر
العشا رح يكون اخر حد لي الساعه 8 بعد هالوقت ماتعشى واكتفي بالماي
العشا رح يكون سلطه زبادي او زبادي بلحاله او اي شيء بدون نشويات

مشي اقل شيء 30 دقيقه وبحاول قد ماقدر ازيدها التمارين بلتزم فيها يوميا 50 عده ك بدايه التزام انا وصلت ل 30 وبعدها قمت اخبص واقلل العدد ف بلتزم بالخمسين لكل حركه


يارب يسهل امري ياكريم ..


اليوم هذرتي واجد هههههههههههه احس بيكتب لي المنتدى افتحي موضوع جديد الرد اطول من المسموح خخخخخ


المهم مثل ماتعودت اختم كلامي ..

المستقبل اجمل:eh_s(9): ارشق :eh_s(9): احلى :eh_s(9): اشيك :eh_s(9): باذن الله:yaaaaaarb:

 

[ليدي بجد]

الي ممكن توصلين له بشهرين بشهررررررررررررررررررررررين بسسسسسسسس



My P90X 60 day Results - YouTube

p90x 60 day results - YouTube

 

[Pinky -cat]

واي بنات هم انا بديت امتن وهلشي مضايقني ، ابي اسوي رياضة بس ظروفي ما تسمح فا لازم اخفف اكل واتبع
رجيم واحاول اتحرك بس شلون؟

 

[طريق السعاده]

بنكي كات الي يبي الشيء يسعى عشانه

اكتبي وزنك وطولك ولاتضغطين ع نفسك بالدايت خلي نظامك سهل عشان تمشين عليه وماتطفشين وبعد شوفي التمارين الي حاطينها فالصفحات الي قبل فالموضوع اعتقد اسمها تمارين ال5 ميل بارتات بسيطه وماتحتاج جهاز

قوي عزيمتك وحياك معنا

 

[طريق السعاده]

مرحبا

تاخرت بكتابه برنامجي اليوم

فطوري كان 3 تمرات مع كاس ماي
الغدا كان صدر دجاج متبل صلحت صينيه خضار كوسه + قرع + فلفل بارد اخضر+ بصل وبالفرن طبعا + صحن سلطه

المغرب شربت فنجانين قهوه مع حبه تمر

ماتعشيت لان مافضيت الا بعد ماتعدى الوقت عن الساعه 8 وحسيت مو جوعانه ف اكتفيت ب الماي طول الليل

مشيت 40 دقيقه ع السير + تمارين يدين وخصر وبطن اخيرا كملتها 50 عده لكل تمرين يارب يتمم ههههههه

ليدي حبييييت الرابط حق كيف بنكون بعد شهرين ماتتخيلين عطاني صوره ذهنيه ل شكلي ههههههههههه خصوصا اول رابط حسيت كانو انا ي لبيه بس ي زين الرشاقه .. ورح اكون انا قريييييب

ع فكره انا استشرت فالمنتدى هنا مدربه رشاقه بخصوص منطقه الكرش والجوانب الي عندها هالمشكله تقدر تستفيد من نفس نصيحتها لي

قالت بالليل ابطل نشويات وحطت لي قائمه ممنوعات بالليل لمده 20 يوم وهي :
الساندوتشات - الهامبرجر - الحليب ولبن - الاجبان - المكرونه والعيش - المشروبات الغازيه
والمسموحات بالليل :
الفواكه - الخضروات والسلطات - المشاوي لحم/ دجاج / سمك - المسلوقات - الماي طبعا
الرياضه ساعه لازم + تمارين الخصر والبطن

الي تعاني من هالمشكله تصلح نفسي ويارب تنحل هالمشكله المدربه قالت رح تلاحظين فرق 100/100

انا طبعا لاغيه النشويات هالعشر ايام والعشر الي بعدها بكملها والغيها بالليل ويارب تنحل مشكلتي


بكرا يوم اجمل باذن الله ..

 

[رانيا6]

ان شاء الله تنزلون بصحه وعافية

 

[ليدي بجد]

واي بنات هم انا بديت امتن وهلشي مضايقني ، ابي اسوي رياضة بس ظروفي ما تسمح فا لازم اخفف اكل واتبع
رجيم واحاول اتحرك بس شلون؟

افااا بنكي من اي ناحيه ظروفك ما تسمح!!!
كل الي تحتاجينه. غرفه مترين بمرتين وبوووت رياضه جيد واليوتيوب مليان شوفي الي نزلهم بالموضوع واذا بغيتي رياضه خاصه او لجزء معين كتبي شنو وبدور لك والبنات ما يقصرووون.اتركي الكسل

 

[ليدي بجد]

طريييق ثانكس على معلومات الكرشه وبحاااااول أتجنب الي قلتيه مع البن اخر اليلل اذا ضرب الجوووووع ضربته. ينقذ بس يالله الله يقدرناومشاء الله تبارك الله نازله ١١ كيلوو مبرررررروك تو انتبه لتوقيعك والله انك بنت قدععععه الي عنده أراده بتنزيييل وزنه معناه عنده أراده بكل شي ويقدر يحقق اي شي يبيه بالحياه والي يهزمه اكلللل لا تستغربين اذا هزموه الناس وهزمته الحياه بكبرهااا وحطمته
استمررررري يا بطله

 

[شادن33]

هههههههه
حلو اسلوبج
بالنسبه لي ما ادري ليش راضيه على وزني وطولي هههه طولي شكو ما ادري بس راضيه عليه
مع ان وزني الحلو زايد عشره كيلو عن طولي واحس لايق علي لان الطبيعي ان يزيد جم كيلو ع الطول قاريه مقال اجنبي
ان مو مهم ان يكون وزنج مقارب وزنج يعني اذا
الطول 160 يكون الوزن 60 بالضبط لاااااء
عادي يكون اكثر بجم كيلو بس يكون متوزع صح

 

[شادن33]

بالنسبه لطقوسي
عشااا اكل خضرا مشويه مع خبز او شوربه شوفان فقط لاغير

بين الوجبات اي سناك احبه

واسوي تمارين المط يومياااا

والصبح ع الريج لااازم قلاصين ماي

وشكرااا

 

[طريق السعاده]

صح صادقه ليدي الله يسعدك يارب هههههه عطيتيني دفعه قويه وفعلا انا حسيت شخصيتي تغيرت لما لاحظت نزولي
صح من اول واثقه خخخ بس هياط لكن الحين احس فعلاااا ثقه من قلب واحس اني اقدر كل شيء مافي شي بيكون صعب
وباذن الله مافي شيء صعب وكل شيء نبيه بنوصل له ..

شادن صح عادي لو زاد كيلو كيلوين لكن المشكله لو زادت ف مكان غلط هنا لازم تشوفين لها حل
ونظامك بطل لان الخضره روعه للبشره وتنحف كمان وكلها فوايد وبعد سالفه الماي روووووووووعه


يلا بنات يارب نحقق الي ببالنا ونفرح ومايضيع لنا تعب ..

 

[طريق السعاده]

سلام ي حلواات

برنامجي اليوم

فطوري كان متاخر ع 2 الظهر
سلطه بالبيض المسلوق مكوناتها ( خياره مقطعه حلقات + بيضه مقطعه حلقات + ليمون رشه + ملعقه صغيره زيت زيتون + رشه زعتر + رشه سماق )

الغدا كان ع الساعه 6 المغرب وكان صدر دجاجه متبل + بصلتين و 3 فصص ثوم تبلتهم كلهم وبالفرن

اليوم مامشيت ولا سويت رياضه

 

[ليدي بجد]

هلا شادن يا مرحباً ومسهلانظامك رائعع الخضار باليل حلوووه وتحسين كلتي وجبه دسمه اذا حطيني بهارات وبصل. معاها ودخلتيها الفرن تنشوي. اه ه. متى يصير عندي فرن وارجع اسويها بس شكلي بروح اشتري لي شوايه كهرب احسن


وبسالك تمارين المط قصدك تمارين سترتشنق. بس هذي تنحف لحالها!!


وفعلا مثل ما قلتي انا ما اعترف بحكايه طول يناسب وزن اهم شي التناسق وانك تكونين راضيه عن نفسك بمختلف انواع الملابس وضابطه عليك
انا بعد ما اعترف بالميزان. ولا بعدد الكليوات الي انزلها. لان نزولي بطئ ويمر علي اول أسابيع اتمنى انزل نص كيلو. وأقصى شي انزله بالاسبوع كيلو مع ذلك من شهر ونص شهرين يبان فيني النحل وينرسم الجسم ويتقسم فما صرت اهتم للميزان اهم شي المرايه والملابس تحكم والا النزول الشوي كل اسبوع اشيك عليه بس ياكد لي ان ماشيه صح وجسمي قاعد يتضبط


بديت تمارين بطن من امس وبحاول اسويها اليوم مرتين لأني صغيره أسهر ومشي ساعه سريع مره
والا كل مافي شي ثابت أبدااا بس الكميات قليله

 

[طريق السعاده]

مساء الخير

اليوم وامس فيني كسل فضيع مدري شسالفه
المهم
انا واصلت الصبح افطرت زبادي علبه عليها رشه زعتر ورشه سماق
بعد ساعتين نمت لين 2 ونص الظهر
تغديت 3 حبه تفاحه خضراء قطعتها و5 حبات عنب اسود
لان مالقيت شيء جاهز ومالي خلق اسوي شيء
اممم وبس مدري وش بقيت يومي بس بمشي بعد المغرب ان شاء الله

 

[الاموررررره]

السلام عليكم اخباركم ياحلوين اناابي شي يكبر الصدر والمؤجره وينحف الخصر اذاممكن تساعدوني الله يجزاكم خير وانا جديده في المنتدي

 

[ليدي بجد]

مساء النوراليوم المفروض يوم قياس الوزن بس ماراح اقيس لان الدوره نزلت اليوم الفجر. فما راح القى فيه نزول بالوزن بقيس السبت الجاي. وهالايام بكثف شرب قهوه القشر قهوه امي المفضله هههه
تنزل كل الدوره واصلا لي اكثر من شهر عليها بطلت القهوه العاديه لان عندي مشاكل بالنوم وكل فتره امر بارق
مقاديرها


قبضه يد بسيطه مو كبيره لو كثرتي بتطلع حامضه
واربع كاسات ماء
عود قرفه مكسر كل ما كثرتي كان اطعم
ملعقه وسط زنجبيل حلاتها يكون فيها حراره واضحه
تغلي وتخفف النار ربع ساعه وبس
وافكر ازيد رشاد بس مدري كيف بيكون الطعم


اليوم شربت عصير فرش برتقال واكلت شاورمه >>> ادري غلط بس كنت برى وما كليت شي من الصبح
طبعا ماراح اسوي رياضه اليوم بس من بكره برجع
ايه اليوم اول ما صحيت حسيت بآلام الدوره المزعجة أكلت على الريق حبه من زهره الربيع المسائيه مع الزهره النجميه وماني حاسه باي الم او تعب بالجسم حلوووه




الاموره طلبك عند أخصائي شفط ونفخ هههههه
انا الي اعرفه شد المؤخرة والصدره بالرياضه وهذي مجربتها
والخصر تمارين بطن مشكله للجنبين وأعلى واسفل البطن وممكن تستخدمين صحن دوار
+
تخفيف بالاكل




وإنشاء الله البنات يفيدونااا اكثر

 

[طريق السعاده]

مراااحب

تكمله يومي

ع المغرب تقهويت يمكن 5 فناجين قهوه
واصبع كيت كات وحبه معمول تمر ديمه ( ميني )

اممم مشيت 60 دقيقه ع السير
ماسويت تمارين لان ماكان عندي وقت وحسيت نفسي مرهقه

اليوم اكلي مو شيء بس الكسل ومايسوي مالي خلق اطبخ شيء واهلي الله يسعدهم غدا كبسه وعشا مطعم :/
اشوى الي صرت قويه وانحشت لا اضعف قدام الاكل هههههههههههه

 

[reemonda]

حبيبتى انا كمان بدى اسجل معك
اعجبتنى فكرة (جسد منحوت)
بس حببتى انا مشاركة فى موضوع تانى ما بعرف بيصير ولا لأ[
ياريت حبيبتى تردى على لو ينفع أشاركك فى موضوعين فأنا معاكم ان شاء الله/SIZE][/:rerrerek:COLOR]

 

[طريق السعاده]

حياك الله معنا شدعوه يصير اكيد هههههههه

شدي حيلك وفالك الرشاقه

 

[طريق السعاده]

مرحبا
مساء الخير حبوبات

كيفكم وكيف الدايت معكم

برنامجي اليوم ..

فطور مافطرت لان كنت نايمه
صحيت وقت الغدا تغديت سلطه تونه ( خيار + طماط + نص علبه تونه)
قبل المغرب كليت اصبع كيت كات
مشيت 35 دقيقه ع السير
سويت لي قرفه وقاعده اشرب منها لان الدوره بتجيني ومره جسمي يعورني ومو راضيه تنزل من امس ع ذا الحال

احس حتى رجلييني كانها مليانه سوائل وبطني يارب تنزل اليوم وارتاح