معا نحو جسد منحوووت

[عسل على عسل]

الوزن الحالي 78 ..
الهدف 60
ومعا نصنع المستحيل ..

 

[~أغلى الغاليات~]

انا بعد ابي اكون معاكم ..
تعبانه نفسيا من جسمي ..
وزني الحالي 75 المطلوب 60..
انا حاليا اخفف اكل وامشي نص ساعه على الجهاز ..ومن بكرا ببتدي احط نظامي الغذائي ..بس متى نحط الوزن ..:eh_s(2):

 

[طريق السعاده]

عسل هههههههههه ي حبي لك نورتي هالموضوع ي صقيقتي

حلوو وزنك الي وصلتي له ماشاء الله واستمري


اغلى الغاليات شدي حيلك وسوي المستحيل عشان ترضين ع جسمك وترضينه معك ..


بالتوفيق بنات

 

[سلطانة الاحساس]

هاي اليوم على الريج كل عادة شربت قلاصين ماي ومن بعدين خديت تفاحة خضرة طقطقت فيها طول الطريج وآنا أودي عيال إخوي المدرسة
على الساعة عشر ونص تريقت. شوية كورن فلكس +كوب حليب ألسناك كليت 3 تمرات
الغذا كليت صحن سلطة جرجير
العشا. صمونة جبن + عصير برتقال

 

[om-s3oodi]

برافو بناااااات

آنا اليوم ما رحت النادي برتاح أشووي
مشيت تقريبا ساعة بس بالمول لوول

خربتها و شربت كابتشينو
تريقت خيارة
تغديت دياية مشوية
و مراح أتعشى غير زبادي لأنه شربت الكابتشينو

و السناك طبعا تمر و قهوة عربية

و عقب أسبوعين أن شاء الله أوزن

والله يقدرنا يااااارب

 

[Laidy n3ooma]

بالتوووووووووفيق بناااااات

 

[ايمان الغساني]

حلو تجمعكم الله ينحفنا بصحه وسلامه

 

[ليدي بجد]

يا مرحبا يا مرحبا بااحلا منحوتات جداد

اغلى الغالين:eh_s(17):
عسل على عسل:eh_s(17):
شوشو:eh_s(17):
ليدي نعومه:eh_s(17):
ايمان الغساني:eh_s(17):
موناليزا:eh_s(17):
قمر

هلا فيكم بين خواتكم المنحونات باذن الله وهم

طريق السعاده:eh_s(17):
كتكوتا:eh_s(17):
سلطانه الاحساس:eh_s(17):
ام سعود:eh_s(17):

وباذن واحد احد بنوصل يعني بنوصل
طريق السعاده
مشكوره على الحسبه وفديت الي ترحب المتحمسه للموضوع :eh_s(22):
وراح انزل التمارين لما اتذكر كيف يحطون رابط
ودامك تتعبين من التمارين اجل تماريني بتنفعك
ام سعود
الف مبروووك النزول :eh_s(9):ومن هالوزن لاوطى يارب استغلي النادي ولا يخلص اشتراكك الا وانتي منكان..يارب وفعلا اذا حسيت جسمك ثاني يوم تعبان شوي ريحي ولا تضغطين عليه اذكر المدربات بالنادي نفسهم على لياقتهم كم مره يعتذرون وما يجون ولما نسال يقول حاسين بتعب من الرياضه فما بالك نحن يالي لياقتنا شبه زيرو

عسل على عسل
مدري ارد عليك والا اكلك هههههههه اسمك لذيذ ومو وقته ابدا هالحركات هههه ويسلم عمرك يارب هالموضوع بيفيدنا كلنا لان اغلبنا نسوي التخيف والرياضه بروحنا محد معانا من البيت وهنا نلاقي ناس
تشاركنا اهتمامنا ونشد همتنا لما نشوف عزيمتهم

اغلى الغوالي
انشالله يارب توصلين للوزن الي تبينه يارب ونصيحه اذا انت صار لك فتره تمشين نص ساع يعني فوق الاسبوعين انصح تزيدينهم اقل سي 45 كل اسبوع خمس دقايق اذا لياقتك ضعيفه وتتعبين وبعدين مش الحين كمليها ساعه بس سوي معاها تمارين 10 دقايق بعد ما توصلين 45

والوزن كل اسبوع عادتا الواحد يقيس وزنه مثلا كل جمعه


لي عوده بالتمارين الرياضيه
​

 

[ليدي بجد]

[SI

ZE="5"]

اي يا حلوات نسيت اقول اخباري
اممم انا نظامي تخفيف....ما في شي محدد ابد بس يعني يوميا اشرب عصير برتقال فرش...وتقريبا يوميا ساندوتش (تونه بالماء) بس شوي ما املي الساندوتش واغرقها شطه...ونص سلايز من جبن الشرايح بس ما خذه النوع الخالي من الدسم مش القليل اقطعها بايدي وازوعها بالساندوش وادخلها الما كررويف امممم من طعامتها اكلها وهي ملهلبه نار جربوها

وكل يوم صحن سلطه كبيييير لوحدها

وطلعنا مثل بعض ما نتستغى عن القهوه لازم كل يوم مع كم حبه تمره لانها تغنينا عن الرغبه الملحه بالحلا والشوكلتات

ما استخدم سكر عادي ابدا...استخدم سكر تروبيكانا...وانصحكم فيه ولا تفكرووون تشترون سكر (سويفا) جدا سئ وطعمه كررررررريه مرمي بالمطبخ كل ما خلص تروبيكانا انتظرت لين جبت ولا امد ايدي على هالسويفا يع....بس على فكره انا استخدم بكت تروبيكان الواحد ثلاث او اربع مرات حلاه قوي مشءالله

امشي يوميا على سيري لمده ساعه ابد بثنين كيلو بالساعه وازيده تدريجيا لين اوصل خمس كيلو بالساعه
بعد 20 دقيقه بشوي تقريبا​

اشوفكم بكره يا حلوات:ch12:​

​

[/SIZE]

 

[سلطانة الاحساس]

هااااااااااااااااااااااااااااااااااااااااااااااااا اااااااااااااااي:eh_s(8):

اليوم كان ريوقي نص كرواسون سادة مال ستار باكس +لاتية الحجم الصغير وسكر اسمر
الريوق كان الساعة 7:30 ع الساعة 10 ورا ماخلصت محاضرتي كان عندي بريك 3ساعات رحت النادي من الساعة 10 لي الساعة 2 الغدا صار الساعة 3 كليت سلطة سيزر بدون دياي
العشا ماكنت يوعانة شربت جاي اخضر :ggdw::eh_s(9)::eh_s(9):

 

[~أغلى الغاليات~]

ليديه مشكوره على الترحيب قلبي..
ان شاء الله بزيد المده لان جسمي واااايد يتعبني لين ينزل يعني انزل في اسبوع كم جرام بس..انا رحت لدكتور غده وقالي ان افراز الهرمون في الرينج الطبيعي بس قالي تاكدي ان فيتامين دال عندج مب ناقص وايد لان في حال النقص الجسم ما يحرق وايد وكان فيني كسل في الغده ..وامس خذت النتيجه للاسف انا عندي 5 والمفروض اقل شي 30 ..اليوم باذن الله ببتدي اخذ فيتامين دال وان شاء الله يبتدي جسمي يحرق اكثر ..

 

[شموع الداري]

مساء الخير عزيزاتي
انا بأشترك معاكم
وودي انقص20 كيلووووووو
انا في قمة التحطيم ساعدوووووني بس اقوي ارادتي

 

[طريق السعاده]

اغلى الغاليات سلامتك والله وترا نزول دال هو الي يسمن او مايخلي الوزن ينزل انا وزني نفسك بالقرامات ينزل فالاسبوع عشان هالشيء يب استخدمي محلول دال انا استخدمه لانه نازل عندي وترا نزوله الزايد يكسل الغده الدرقيه

اول تحليل لما حللت قالو كسل فالغده بس طلع السبب منه استخدمت المحلول شهرين ويقولون تعدل لكن باقي ناقص وهذاني استخدمه

مره بالاسبوع تشربين المحلول لانه اسرع من الحبوب مفعوله اذا معطينك حبوب خلاص امشي عليها عادي

 

[ليدي بجد]

هلا بنات ...للحين ما كلت شي...ولا سويت رياضه

ودي انزل الرابط تبع الرياضه الي كنت استخدمها بس ماعرفت بنات شلون انزل روابط؟

 

[ليدي بجد]

عرفت راح انزلهم

 

[ليدي بجد]

وهذي تماريني لعيون طريق السعاده ولعيونكم بنات

هذي تمارين رائعه جدا سهله(كنت شاكه انها تجيب نتيجه) غير متعبه لانها على اجزاء كل كم يوم تضيفين جزء لين تصيرين يوميا تاخذينها كل الخمس اجزاء
انا اشوف انها افضل من الاجهزه لانها تحرك كل عضلات الجسم بنفس الوقت ما عدا البطن اذا خلصتيها سوي عشر دقايق او ربع ساعه تمارين بطن وكم حركه شد للمؤخره وانتي نايمه على بطنك احلا ما في تسوينها باي وقت واي مكان دام لاب توبك معاك وانا جربتها وجابت نتيجه حلوه معاي مدتها 68 دقيقه

الجزء الاول
‫تمارين ال 5 ميل ( 1 )‬‎ - YouTube

الجزء الثاني
‫تمارين ال 5 ميل ( 2 )‬‎ - YouTube

الجزء الثالث
‫تمارين ال 5 ميل ( 3 )‬‎ - YouTube

الجزء الرابع
‫تمارين ال 5 ميل ( 4 )‬‎ - YouTube

الجزء الخامس
‫تمارين ال 5 ميل ( 5 )‬‎ - YouTube​

لي عوده للرد على البنات موفقين

 

[طريق السعاده]

تسلم عيونك ليدي مشكوره حبيت المقاطع وبعد شوي بسويها باذن الله

انا اسوي تقريبا نفس التمارين بس اضغط ع عمري يعني اطول فيها وانا توني باديه عشان كذا اتعب

لكن بجزائها نفسك وكل يوم باخذ جزء لين اكملها كلها

بصراحه كنت اسوي كل الاجزاء مع بعض بوقت واحد :/


ماقصرتي حبوبه

 

[om-s3oodi]

شلونكم بنات ؟؟
آنا اليوم .. أكلت جم لقمة مرقوق عالغدا لوول
و سلطة فواكه المغرب
وسلطة خضار و فاصوليا عالعشا

ومااااي
والله تعبت من المااااي ... حشاكم الحمام مشكلة بهالسالفة

وطبعا قهوة عربية


....

اليوم رحت النادي ,, لعبت ساعة و نص بس
تعبت اليوم .. لأنه مو مآكلة عدل .و هذا أكبر غلط ..

يارب ما يضيع تعب أحد ..

 

[طريق السعاده]

يومي

فطور مافطرت صحيت متاخر
شربت ماي لين جا وقت الغدا
تغديت ربع حبه تفاحه وصحن سلطه وشوي صدر دجاج من غدا البيت يعني خذيت كم قطعه من صدر الدجاجه وخلطته مع السلطه وكليتهم + 4 حبات عنب احمر

العصر بيالتين شاي احمر بالنعناع محليته بالسكر العادي + حبتين بسكويت + ملء يدي فوشار

العشا تعشيت علبه زبادي قليل دسم ..

رياضتي

مشي ع السير 30 ساعه طبعا ابديها ب 2 واطلعه شوي شوي تقريبا بعد 10 دقايق وصلت 4 وبعد العشرين دقيقه ثبتها ع 5 كيلو بالساعه

بعدها سويت تمارين ال5 ميل الي نزلتهم ليدي سويت اول بارت بس وضفت عليه تمارين البطن

رقصت شوي ههههه وبس

 

[ليدي بجد]

سلامات أغلى الغوالي وطريق السعادة ما تشوفه شر بس متأكده ان الشعب الخليجي كله عنده نقص فتامين دال صار لي كم سنه اقول بسويه وللحين. المشكله ان من من أعراض نقصه الأرق وانا ذابحني الأرق أمم اليوم على طول كلت نص صدر دجاجه مشوي مع ملعقتين خضار لوبيا وجزر ونص رغيف وسط لبناني

بعدين شربت شاي اخضر بالزجنبيل طبعا بنفس التي باق ما حطيته


العشا تقهويت مع كم حبه تمر
مشيت على السير
عشايي حبتين تين وحليب خالي الدسم سخنته بالمكرويف وضفت عليه ربع ملعقه عسل اسود
طبعا أكلت صحن السلطة. قبل المشي بشوي
وما فطرت اليوم




شموع الداري يالها ومرحبا فيك تنورين الموضوع وسلامتك ما عاش ولا كان الي الي يحبطك انت قدها وقدود ومعانا بتقطعين شوط حلو بإذن واحد احد


سلطانه وينك ليكون مطيحه بستار بوكس تبلعين للحين. ههههه انتبهي منه هالستار كروسناته شهيه لانها كلها زبده.
ام سعود وكل البنات هذي معلومه مهمه سمعتها من سنه من دكتور أوز. وانصدمت. يقول لا تسوون رياضه وبطنكم فاضي. لأنكم ماراح تحرقون دهون راح تحرقون بهالحاله عضل. !!!!!!!!!تخيلو واحنا بعرض هالعضل يقوي عشان يزيد من حرقنا. انتبهو. وساعتها تذكرت شغله شفتها بستار اكادمي من كم سنه واحد من المشتركين صحى من النوم وعلى طول دخل كلاس الرياضة المدرب طلعه يروح يأكل ويًرجع. !!!واحنا اول كنا نمشي على الريق ولا بايام رمضان نغبط الي عندهم وقت يمشون قبل الفطور !!


أشوفكم بكره تحلى منحوتات